رفيعة المقام:أنا في وررطة^^

**كتلة إبداع^^** · #1 06-06-2010, 05:04 PM

متوهقه

يا بنات أرجوكم ساعدونيييييييييييي؟؟
أبغي نصايحكم.......
مشكلتي باختصار..

http://www.banaat.com/vb/misc.php?do=getsmilies&editorid=vB_Editor_001

تعرفت علي وحده (استغلاليه

)صارت تقلدني في كل شيء(مثلا إذا قلت:أبا أفصل فستان،بعد دقايق تقول:أنا قررت إني أفصل فستان..حتى إني صرت ما أقول شيء قدامها) وتراقبني وأبعدتني عن كل صديقاتي وحتى عن أهلي(اتصالاتها ومسجاتها 24ساعة وإذا مارديت تزعل) وكانت تكذب علي وأنا مادري (تقولي أنا وإنت مثل بعض..كذبت علي..أنا غيييير عنها)دمرت شخصيتي كنت مرحة وفرفوشه وفي قمة التفاؤل والنشاط كانت تقولي لاتطبخين لا تذاكرين لاخوانج ولا تعزمين صديقاتك..كانت تحقد علي وأنا مادري..

..نحن تزاعلنا مرااااااات وآخر شيء صارت مرت أخوي..اتخيلوا!!وتفارقنا
المهم..ألحين تحاول ترجع صداقتناوترسل لي هدايا
وتتصل(تسألني ألحين شو جديدك همها أخباري؟؟وإذا سألتها عن شيء قالت:سر؟؟حتى لوسألتها عن لونها المفضل!!)بس أنا ما أرد عليها..تتظاهر إنها تغيرت للأفضل..(شوتبغي مني بعد؟؟!! أخوي وتزوجته

)
شو تنصحوني أسوي؟؟كيف أتعامل وياها؟ وكيف أسترجع شخصيتي المرحه

أفتقدك يا شخصيتي

(لاحظت إنها كلما تقربت مني صارت أسعد في حياتها وأنا أصير أتعس)
أنتظر ردودكم
ولاتنسوني من دعائكم

المصدر: منتديات بنات دوت كوم

vtdum hglrhl:Hkh td ,vv'm^^

الموضوع الأصلي : رفيعة المقام:أنا في وررطة^^ || القسم : تـنـمـيـة الـمـواهـب و تـطـويـر الذوات || المصدر : منتديات بنات دوت كوم || كاتبة الموضوع : كتلة إبداع^^

**سُندسْ** · منذ /06-06-2010, 07:02 PM

^

مرحبـآ عزيزتي..

من ڪلَامـڪ أفهمُ أن علاقتڪمـآ مُنذ البدآيـﮧ لم تڪن جيده!

والان وبعد أن تزوجتْ شقيقـڪ صـآرت بينڪمـآ قرآبـﮧ يُعتبـر

لڪن لدي سُؤآل
عندمـآ ڪـآنت تُقلدڪ وتُسببُ لڪ المشـآڪل ڪم ڪـآن عُمرڪمـآ؟

إن ڪـآن عُمرڪمـآ صغيرآ فهُنـآڪ إحتمـآل وآرد بأنهـآ تغيرتْ
ورُبمـآ أثـر شقيقُڪ عليهـآ فغير منهـآ وجعلهـآ أفضـل!

وفي هذه الحـآل حتي تتأڪدي
أقترحُ عليڪ التحدث معهـآ قليلا وليس ڪثير
أي لا تنفتحي عليهـآ
ولا تصديهـآ تمـآمـآ
تحدثي معهـآ نوعـآ مـآ..
فإن رأيتِ منهـآ تحسنـآ فتعـآملي معهـآ ببسـآطـﮧ ولا تتخذيها صديقـﮧ بمعني الصدآقـﮧ

وإن ڪآنتْ تُمثلُ عليڪ وتحـآول التقرب إليڪ لاستغلالڪ فقطْ
فأنصحڪ بقطع العلاقـﮧ تمـآمـآ
وليڪن بينڪمـآ فقط "السلامُ عليڪم" "وعليڪم السلام"!

أمـآ إن لم تتحسنْ ڪمـآ أظُنْ
فأقترحُ أن تتجنبي رؤيتهـآ والاحتڪـآڪ بهـآ
وأنسيهـآ تمـآمـآ وأشطبيهـآ من ذآڪرتڪ
وأملئي وقتڪ بأي شئٍ يُفيدڪ ولا تُفڪري بهـآ أو بمـآ فعلتـﮧ..

وحتمـآ إذآ تنـآسيتِ وجودهـآ حولـڪ
فستعودينْ ڪمـآ ڪنت بل أڪثر

وأسـألُ اللـﮧ لـڪ التوفيق

**Louuna** · منذ /06-06-2010, 10:16 PM

مرحبا كتلة إبداع
أنا من رأيي أنك تكلميها عادي بحكم أنها صارت مرت أخوك و بنفس الوقت ما تتقربي منها كثير
يعني إذا سألت عنها كلميها عادي و إذا ما سألت أحسن
و حاولي ترجعي لصديقاتك و تسترجعي شخصيتك
أختك Louuna

**pnadoola** · منذ /06-06-2010, 10:27 PM

الله يعييييييييييينج من قلب عليها !!
لان صارت مرت اخوج هع << غصب عنج تبلعينها وتحاولين تتقبلينها
بس صج اكره شي هاي النوع من الصداقه هاي مو صداقة هاي لزقة ع الجبد !!
بس انتي لتحطمين نفسج ودمرين حياتج علشانها واهيا مستانسة في حياتها
خلاص انتي عيشي حياتج طبيعية
وخليج وياها عادي علاقة عادية حاله من حال اي شخص
لانه صارت تربطكم علاقة فلازم عشان اخووج تتقبلينها
بس لتعطينها مجال انها تتجرب منج مرة ثانية لانه من كلامج اتضح لي انها مالت مصلحة !!

**كتلة إبداع^^** · منذ /07-06-2010, 07:30 AM

أهلا KATLINE
كان عمري 23وعمرهاتقريبا 28
أنا كل ما أبتعدد عنها ترجع تغير شخصيتها وتسولف وتضحك
ولما تشوفني أتقرب منها تتحول إلى استغلالية
ومازالت إلى الآن على هذه الحركات
لدرجة إنها اتصلت من فترة وسألتني 10 أسئلة متتالية بسرعة البرق(متى صحيتي شو سوسيتي اليوم شوجديدج؟؟)فضولية بدرجة كبيييييييره جدا
أمس اتصلت وأنا مارديت عليها
...................
LOUUNA لونا حبيبتي كيف أسترجع شخصيتي؟؟
........................
PANADOOLA
هلا وغلا ببنت بلادي
صدقج الله يعيني!!
لزقة من الخاطر
المشكلة إن لو ما أرد عليها
تتصل حق أمي وتاخذ أخباري عنها(وحليلها أمي)
أو من أختها عن طريق أخوي الثاني(أختها تستوي مرت أخوي بس هاذيج غيييييييير عسل^^)
وإذا مرت علي الحجرة اتم عيونها تلف في حجرتي حتى لو كنت أرمسها مادري شو تدور (عيني عينك)
وألحين طرشتلي هديه مادري شو تبا بعد؟؟
مشكورين ما بنساكم من دعائي
_______________________
وعندها أخت مب متزوجة صادقتها فترة وبعدين انقطعنا غصب عنا لأن أختها الفضولية قامت تغار من أختها علي (اتخيلو) وأختها وحليلها طيبة وودها تصادقني وأنا بعد أحبها بس المشكلة إذا صادقتها أختها الفضولية تاخذ أخباري منها..
وألحين أنا ماأتواصل وياها بس هي وحليلها تشك إني مزعلتنها ماعرف أصادقها وإلا أبتعد(بس البنت ماشاء الله عليها)

**صدفة** · منذ /07-06-2010, 12:01 PM

يااهلا وغلا
ياحبيبتي الله يعينك بس!!
شوفي ياغلا من هذي البنات في منهم انواع كثير
وهذا كلها اسباب نفسية!!
واسمعي هذي البنت يمكن شخصيتها
ضعيفة وماعندها الي تملكينا
في بيت يقول
(فأذا اتتك مذمة من ناقصٍ فأعلم بذلك أنك كاملُ )
مذمه:اي عمل او قول قبيح
المقصود انها لما تشوفك
تحس بالنقص الي فيها اللي كانت غافلة عنه
بعدم وجودك!!!
الغريب انك استسلمتي لها وخليتيها تحطم شخصيتك!!!
خليتها تجني ثمارها!
وحسستيها بالانتصاار
هذه المسأله ياختي يحتاج لها صراحة
يعني انتي بحاجة تصارحيها
تقولي لها كل الي بقلبك بطريقة عفوية!!
لاتخليها تكون عدوتك عشان اخوكٍ اولاً
وعشان لاتسببلك المشاكل
خليكي بعيدها عنها
بس ضلي حبوبه معاها
عشان لاتنزعج منك!!!
ترى احب انبهك انا ممكن تكون خطر!! كبير في حياتك
اما شخصيتك الحلووة
فأنتي تقدري تناديها
لان شخصيتك هربت الى قراره
نفسك اندهيها ارجعي لها
هي كانت معاك(شخصيتك) وانتي رفضتيها!!!
الحين خليها تحس بأهميتها
حاولي تحطين دفتر ملاحضات صغير
واكتبي وش كانت شخيصتك قبل بنقاط
وتأثيرها عليك!
واكتبِ مضار شخصيتك الجديدة بنقاط
وتأثيرها عليك!!
وابدأي التحدي
الحين صار عندك صفحتين شخصية تبيها وشخصيه ماتبيها
يعني نقدر نقول شخصية 1 وشخصية 2
كل تصرف تعمليه من شخصية 1
حطي علامه صح
وكل تصرف تعمليه من شخصية 2
حطي علامة خطأ
وفي نهاية الاسبوع اجمعيهم
واكتبي النتائج في صفحة مع وجود التاريخ
وكملي ورح تشوفي التحسن
دعواتي لكِ
اتمنى تبشريني وانتِ بأحسن حــاله

فــي أمان الله

**كتلة إبداع^^** · منذ /07-06-2010, 01:43 PM

شكرا على نصائحج الحلوة يا صدفة^^
بطبقها إن شاء الله:)
ـــــــــ
هاي البنت شخصيتها ضعيييييييييفة
وتحس بنقص مثل ما قلتي
صارحتها 100 مره
بس طبعها تحب إن الناس يتعاطفون معاها ويلبولها كل طلباتها ومن خلال هاي الطريقة تستغل الناس استغلال
فعلا هي حاسة بالانتصار
بس أنا ما أسميه انتصار لأنها ما زالت تعيسة في حياتها
أنا حاولت أكون معاها رسمية بس هي تحاول تتقرب أكثر وأكثر
ما أدري شو تبغي؟؟

**الشمائل** · منذ /07-06-2010, 03:19 PM

الله يكوون في عونج
حاسة فيج

زوجة خالي مثلهااا =/

أحسن شيء تسوينه انج تكونين حازمة وياها وشديدة

.
.

ولو تستشيرين ذوي الخبرة أحسن

كلمي الدكتورة سحر مشرفة قسم الاستشارات

شوفي شو بتقول لج .. اكيد عندها الحل المناسب

وحياج الله

**كتلة إبداع^^** · منذ /07-06-2010, 07:56 PM

مشكوره يا الشمائل^^
حاليا أنا حازمة وياها بس هي تحن وتحن
أقصد تتصل وتتصل وتأذيني ماعرف شو أسوي وياها؟؟
وهي حساسه جدا
وإذغ صارحتها قالت إنت تغيرتي إنت كله تعطيني في الويه:)

**Boshasha** · منذ /12-06-2010, 03:52 PM

الباب اللي يجيك منه ريح .. سده واستريح ..!!

اذا كانت عندك بالمسن سويلها حذف ..!
وفيه خدمه تختارين رقم .. واذا دق عليك يسوي كأنك مشغولة

واذا جتكم .. سلمي عليها ورحبي .. بس لا جت تسألك اسأله حشرية ناظريها وابتسمي ولا تردين عليها .. كنك ما سمعتي شي

حتى لو قالتلك انتي تطنشيني .. كملي ابتسامة واشتغلي بشي ثاني ..!!

هي لحالها بتمل .. متعاملة مع ناس زي كذا ودي الفعهم بعض المرات ..!

بالنسبة لشخصيتك .. خليك أقوى من كذا ..
اقعدي جلسة مع نفسك .. وشوفي وشلون كنتي وش اللي يعجبك وش اللي كنتي تكرهينه .. نظمي خياراتك ..!!
ولا تركزين على هالبنت كثير ..

بالمفتشي انسي انها موجودة ..!!!!!!!

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)