سهام رمضــــــــــان السنه دي غيـــــــــــــر

**Dr.LoOoge** · #1 14-08-2009, 04:42 AM

السلام عليكم ورحمه الله

انا ماني شاطره في المقدمات بس حسيت انو في كلام ابا اوصلكم هوا واباكم تسمعو وابا يدخل قلبكم زي ما خرج من قلبي

اول شي عشان لا تقولو دي متعقده ولا متدينه انا زي زيكم بنت 3 ثنوي احب اخرج واحب الطلعات والفله والبحر واسمع اغاني وكل شي زيكم
ما اختلف عنكم ولا في حاجه
بس انا فكرت في الشهر الفضيل الي جاينا دحين والي في كتير انحرمو من انهم يحضرو معانا اسال الله انو يبلغنا هوا ويرحم الي ما بلغو الشهر
انا حابه انو رمضان دا يكون غير عن كل رمضان
يكون محور تغير ونكون في متميزين بين خلق الله
ما نبا شهر رمضان يروح ونرجع زي ما احنا ولا كنو صار شي وكل الخشوع وكل شي نقلو بي باي
نبا نتغير
وشعارنا رمضان السنه دي غيييييييير
اول شي ما يسير ولا شي بدون خطه فوضعنا خطه لرمضان السنه دي :
اول شي نبا نتسابق ونشوف مين تختم المصحف اول
تاني شي نبا نروح نصلي التراويح سوا وكل وحده تشجع التانيه
تالت شي والي هوا الاكيد انو حنعمل للاغاني والميوزك ديليت دا الشهر
رابع شي مانبا نضيع وقتنا في مسلسلات ما اقول لا تتفرجو ب ترا كلو حينعاد بعد رمضان واذا على باب الحاره سجلو ولمن ترجعو من الصلاه شوفوها او شوفو الاعاده محد راح يموت
خلونا نسامح ونصفي قلوبنا ولو كنا شايلين على احد او زعلانين نعفو نسامح ونقول اللهم اني عفوت عن عبادك فاجعل لي مخرجا ان يعفو عبادك عني واعفو عني ياكريم يمكن بتصفيه الدنيا دي ندخل الجنه
هادي هيا الخطه الي حطيناها لرمضان وياريت ننضم كلنا لدا الشي ونحقق شي في الشهر الفضيل دا ما ندري يمكن يكون اخر رمضان يمر علينا
وانا اول وحده اشارك ويالله يا بنات خلونا ننشع بعض
واسفه اذا طولت عليكم اختكم :لجين
كل وحده تكتب تحب يكون رمضان غير تكتب اسمها وانا اولكم
* loOoge

المصدر: منتديات بنات دوت كوم

sihl vlqJJJJJJJJJJhk hgski ]d ydJJJJJJJJJJJJJv

الموضوع الأصلي : سهام رمضــــــــــان السنه دي غيـــــــــــــر || القسم : رمضان بنات كوم " للأعوام الماضية " || المصدر : منتديات بنات دوت كوم || كاتبة الموضوع : Dr.LoOoge

**Black Mask** · منذ /14-08-2009, 05:22 AM

باذن الله

(( اصلا كل رمضان دي الخطة اما الاغاني فممنوعة منعا بااااااااااااتا في رمضان
ولا في غيره مع بابا و ماما هههههههههه ))

وشكرا اختي على الموضوع

**gadody** · منذ /14-08-2009, 06:38 AM

.. من جد صادقه كلامك صح ..

.. وجعله في ميزان حسناتك ..

.. مشكورره جزاك الله خير ..

**Dr.LoOoge** · منذ /14-08-2009, 05:18 PM

جزيتم خيرا اخواتي الرائعات على مروركم الذي عطر صفحتي
المتواضعه
اسال المولى ان يجمعني بكم في اعالي الفردوس
دمتم بود

**خليجية وبس** · منذ /14-08-2009, 07:36 PM

ان شاء الله لول راح نبذل جهدنا في رمضان ........
وان شاء الله نختم المصحف كلة زي كل مرة.........
شكرا على الموضوع ..........

**purey sky** · منذ /14-08-2009, 08:51 PM

كلامكــ درر

خيتو....

يسلمو بتلقينه بميزان حسناتكـ ان شاء الله

.......^_^.....

**احساس هادئ** · منذ /15-08-2009, 12:44 AM

يسلموو ع موضوعكـ
ان شاء رمضاان هالسنه حيكوون غير
وبإذن الله بختم القران ثلاااث مو مثل السنه اللي راحت ختمتين
واما بالنسبه للأغاني انا ولله الحمد ماأسمعهـــا
جزاكـ الله خيــر...

**أخت أختي وأخوي** · منذ /15-08-2009, 12:52 AM

جهد تشكرييييييييين علييييييييييييهــ

الخجولة:cat40:

**Dr.LoOoge** · منذ /15-08-2009, 01:21 AM

امين يا رب
الله يبغلنا صيامو وقيامو ونكون من المقبولين فيه

**loda** · منذ /15-08-2009, 05:55 PM

يلا أنا معكم بس راح أحاول

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق