روايتي الاولى ( عهد على ذكرى الالم والمهانه لآخذ بثار دموعنا ياخفوقي)

[فارسة القلوب]

شعاع الأكوان

أهم شي ان البارت عجبكم

يسعدني حبيبتي متابعتك لي

[فارسة القلوب]

فستان السماء

يسلمو حبيبتي على متابعتك الدائمه

لك حبي وتقديري

[" وردة العشاق "]

الله يعطيك العافيه على هذا الابداع ..
القصه روووووووووووووعه ..
قريت قصص كثير بس قصتك أبدااااااااااااااااااااااااع ..
وفي أنتظار التكمله للقصه ..

وتم التقيييييييم

[البــارونه سارونه]

السسلآم عليكم ..

اهلن اختي فارسة القلووب..

اتمنى لكــ مزيد من التفوق..

ننتظركـ في البارت الي بعـــــده ..

روايـــــــــــــــة ..

متابـــــــــــــــــــعه...

[shoush95]

وااااااااااو رووعة البارت
حراام ليان
نبيييييييييييي باارت

[فارسة القلوب]

وردة العشاق

البارونه ىسارونه

shoush 95



يسلمو حبايبي على الرد

[فارسة القلوب]

(الجزء الرابع عشر )

مدرسة الوهم والضياع
أسست لتستقبل كل مجروح
لتهنئه بتعاسته
لتعلق على صدره وسام الدموع
وتقلده شارة الأحزان
ولكن حين جرحت
أبت استقبالي !!
لماذا وكيف ذا ؟
لا أدري
فرغم اجتيازي لشروط قبولها
إلا أنها رفضتني
جلست بمفردي طويلا
أبحث عن سبب يقنعني
يمحو عبراتي
اتذكر ما طلب عند التقديم
كررتها مراراً وتكرارا
ولكن دون جدوى



عدت بشريط حياتي خلفا
أرى ما جرى
أقلب الذكريات الأليمة
افتح الجراح المميتة



كثرت علي أحزاني
فما عدت أعلم عدواً لي من صديق



توقف الشريط عن اكمال نفسه
عند نقطة ذرفت فيها عيناي كل دموعها
ذبل الزهر والورد من هولها
أمعقول أن يكون الجرح عنيفاً لهذا الحد ؟!



عدت الى شروط القبول
وقرأت كل واحد على حده
استوقفني !
سبب رفضي هنا
في هذا
نعم انه هنا في هذا السطر والذي كتب فيه

لا نقبل جريحاً عاد من جرح ليسقط في جرح ويعود منه ليسقط من جديد

استبيحكم عذراً أحبتي
فدمعتي الآن قد سالت
وسأكمل لكم عندما تنتهي

اسمحوا لي
------------------------------------------------

لا نقبل جريحاً عاد من جرح ليسقط في جرح ويعود منه ليسقط من جديد
نعم هذه الاجابة التي كنت أبحث عنها
نعم هي ظالتي التي كتبتها عنوان شقائي
فأنا من جرح لجرح لجرح اخر
هكذا حياتي اصبحت
عنوانها جروح وموضوعها آلام
تشكي حالها لنفسها وتداوي حزنها ببكيها
تساعد نفسها على الثبات
هكذا حياتي اصبحت بعد الجروح



في بريطانيا
جالس على البحر وشلته قاعدين وراه نادوه يبونه يجلس معهم بس
رفض وهو كارهم بقوه
سامي وهو يجلس بجمبه : محمد وش فيك مهموم
محمد : مافيني شي
سامي : محمد انت متغير علينا وش السالفه
محمد : ياخي قلت لك مافيني شي
سامي : لافيك خصوصا من بعد ذيك الليله اللي تقابلنا فيها مع الولد
والبنت اذا لهالدرجه يهمونك نقدر نطلعهم لو من تحت الارض بس ياخي
وين حمودي اللي دايم فالها وماتزين الجلسه الا به
محمد : من قال انه عشانهم وبعدين لو كنت ابيهم اعرف شقتهم بس
مابيهم
سامي باستغراب : بس هم طلعو من الشقه ومن ذاك اليوم ماعاد شفناهم
محمد : وشلون الحين هم مو في الشقه
سامي : لا هم هربوا منها من اليوم الثاني دورنا عليهم بس مالقيناهم
ابتسم محمد – الحمد لك يارب آآآه ياجود ماخيبتي رجاي فيك الله يحفضك –
التفت على سامي بعصبيه : انا ماقلت مالك شغل فيهم
سامي باستغراب : ياخي انت غريب اول مره تخخلي صيده بكل سهوله
وهي سهله لا وفرحان يوم اختفو ورافض انا ندور عليهم وش وراك انت
محمد : ساااااام وربي لو ادري انك مدور عليهم بعد لاكون ذابحك
سامي : تصدق عاد انك صرت ممل اوووف انا رايح للشباب
محمد : يكون احسن بعد
راح سامي اما محمد نزل راسه بحزن وهو يتذكر
متعب : وانت يابو الشباب مصدق نفسك
محمد : ليه حتى الحلم محرم علي ياخي احلم احلم
متعب : لابس بغيت انبهك لاتنجرف ورى احلامك تراهم كباريه وواصلين
محمد بقهر : واذا صار
متعب : ابد بس بطقة اصبع يطيرونك
محمد : مدري ياخي بس تصدق من اشوفها احس اني بعالم ثاني
متعب وهو يضحك : لهالدرجه وصلت مرحلة العشق
محمد بحزن : احبها احبها يامتعب
.
.
.
.
مسح وجهه بقهر : ايه احبك احبك ياجود بس للحين وانتي حلم .. قريبه
مني بس بنفس الوقت بعيده انا وش اللي خلاني امشي بهالاعمال لو اني
طول عمري ماشي صح كان يمكن استاهلك بس الحين انا حتى ارفض
نفسي انك تكونين من نصيبي لانك تستاهلين اللي احسن مني صدق من
قال ان الدنييا صغيره ولا من كان يتوقع اني بالقاك هنا ولا بوضع اكون
انا ياهالمنتف المسيطر عليك يابنت خالد الـ.....

رفع راسه بحزن : حتى البحر عشقته ياجود من عشقي لك
قام وهو ملان من كل شي حوله راح للشله
محمد بدون نفس : سام انا بروح للبيت اذا سمحت انت وهالمهبل ارجعو
لاتسوون مشاكل تراني مانيب رايق اليوم
سامي بقهر : شايفنا مبزره عندك
محمد : افهمها مثل ماتبي المهم مو تهيتون وتنكبوني
سامي : اقول توكل على الله لارتكب فيك جريمه الحين
محمد: عموما انا رايح سلام
سامي بقهر : الله لايسلمك
سفهه محمد وراح وهو من جد طفشان ومو عارف وش يسوي

( محمد نايف الـ...... عايش في بريطانيا من 15 سنه جاء لبعثه
وبسبب الانفتاح اللي شافه في العالم الغربي تغيرت حياته 180 درجه
وصار كل همه الفلوس فشل في دراسته الين تركها
واندمج مع المجتمع لدرجة أنه
مازار السعوديه ولامره وحتى أهله مايدري عنهم حيين ولا ميتين
أسس له عالم خاص فيه وهو العصابه اللي يترأسها هو وصديقه
سامي اللي أصلا ماله أهل ( لقيط ) طلع من الملجأ
كانت نسبته مرتفعه أهلته للطب دخل الطب
وتخصصه جراحة مخ وأعصاب أنسان ناجح بكل ماللكلمه من معنى
حاز على أعجاب الكل بسبب مهاراته وقدراته لاكن نقطة التحول في
حياته لما دروا أن ماله أهل لقيط صار الكل يبتعد عنه ويتخوف منه
كأنه وباء أو مرض معدي صاروا يحتقرونه والكل يتجاهله ضاقت
عليه الدنيا فقد كل شي حلو في الحياه الين جاء اليوم اللي جاء
له دوره في بريطانيا استانس ووافق على طول يبي يطلع من هالعالم
اللي كرهه وأحتقره لمجرد أن أمه وأبوه مجهولين
هم اللي غلطوا وهو اللي يتحمل النتيجه
كانت الدوره مدتها 6 شهور كان مجتهد ومنسجم يحس هالعالم
مناسب له أكثر هالمجتمع اللي مارفضه بشي ماله يد فيه
هالمجتمع اللي قيمه وأعرافه اتفقت مع ضروفه اللي يعيشها
لما خلصت الدوره رفض أنه يرجع للسعوديه تعرف على
محمد وتعرف على عصابته ترك وضيفته وترك تخخصصه
اللي الكل يحسده عليه ودخل لعالم الجريمه من أوسع أبوابه
دخل لعالم المخدرات والاختطاف والسرقه يبي ينتقم من كل
اللي سخروا منه يبي ينتقم من المجتمع اللي رفضه واحتقره
محمد وسامي الوحيدين العرب وباقي العصابه أوربيين
وأفارقه )


في الشقه
جود بحزن : نورا حبيبتي أنا مستحيل أروح معكم وش بيقولون
عني أهلك مسترجله ولا بويه وصدقيني ماراح يتقبلوني
نورا وهي متأثره من قصة جود ومن يوم قالت لها هند وهي
دموعها ماوقفت ومصره أن جود تروح معها لامها وخواتها
عشان تتعرف عليهم ووعدت جود هي وهند أنهم يساعدونها
ومايتخلون عنها مهما صار
هند بتفكير : عندي فكره بس أسمعوني زين
جود ونورا : يالله قولي
هند : أنتي يانورا روحي لاهلك وتطمني عليهم تراك من البارح
تاركتهم في الفندق وهم مايعرفون شي وأنا وجود راح نجيكم العصر
ونطلع مع بعض
جود وهي تقاطعها : قلتلكم مستحيييييل وبصراحه مافيني على الانتقادات
هند وهي منقهره وبصراخ : جووووووووووود ووجع خليني أكمل
نورا : طيب طيب أسكتي ياجود وانتي ياهنوده اتحفينا بافكارج
هند : شوفي ياجود راح تلبسين من ملابسي وراح تلبسين حجاب
وراح أخليك أحلللللللللى بنوته
ولاداري ولا من درى ترى محد عارفك
نورا وهي متحمسه : فديتج ياهنود والله أنج يبتيها
جود وهي متردده : مادري أحس أن
نورا وهند وهم يسحبونها وكل وحده مع يد هند : اسكتي اسكتي
بس خلينا نبدى شغلنا وتروح وتطلع لها فستان وردي قصير يجنن
ونورا طلعت لها نعال ورديه واكسسوارات ورديه
جود وهي مبققه عيونها منصدمه من الخبلتين اللي قدامها
وبصراخ : هييييييييي وين شايفينا فيه لعنبو ابليسكم فستان
مرره وحده ترانا بنروح زياره مو رايحين لحفله
نورا باحباط : لااااااااااا حرام عليج ابي أشوف هالفستان عليج
هند بترجي : تكفين ياجودي لاترديني
جود بحزم : لا يعني لا اقول هنوده انتي ونورا اذا تبوني اروح معاكم
عطوني شي يلبس مو فستان
هند : اوكي خلاص وش رايك في هالبس
نورا : الله تجنن
هند : أنا قلت جود مو نورا
نورا وهي تضرب هند على راسها بالنعال اللي معها : تستاهلين
عشان ثاني مره ماتفشليني
هند وهي ترميها بالنعال الثانيه وتصيح : يالحماره فلعتيني الله ياخذ
بليسك
واشتدت الحرب بينهم لدرجة أنهم قلبوا الغرفه قلب
أما جود في هالوقت لبست وخلصت
ودخخلت عليهم في الغرفه وبصوت عالي لما شافت الحرب العالميه
الثالثه : بناااااااااااااااات
نورا وهند التفتوا وفي نفس اللحضه انصدموا من اللي يشوفونه
وبصوت واحد : واااااااااااااو
جود كانت لابسه تنوره ميد لونها رمادي وقميص وردي
وجزمات ورديه وشراب رماديه
هند : واااااااااو تجنين ياجودي والله شكلك أحلى عن أول بمليون
مره وبصراحه أنتي اللي محليه اللبس ولا كان عادي علي بس
عليك يجننننن
جود وهي خجلانه من المدح : مشكوره ياعمري
نورا وهي للحين ساكته بعد فتره : هنوووود عطيني كف
ابي استوعب اللي قدامي وبمزح ياسعدج ياجودي اذا صرتي رجال
تجننين وبنت تاخذيييييييين العقل تف تف تف ماشالله
هند : أي والله انك صادقه شوفي الانوثه والجمال الله يخلف علينا بس
جود وهي خجلانه من مدحهم لها وبنبره لاتخلو من الحزن : اما أنوثه
كثري منها 10 سنوات او اكثر وانا بشكل رجال وتقولين انوثه
هند : امممممم بسالك ياجودي سؤال بس امانه لا تزعلين
جود : اسألي ماراح ازعل
هند : مافكرتي في يوم من الايام انك تكونين ملعونه طول هالسنين
لان الرسول صلى الله عليه وسلم قال في مامعنى الحديث ( لعن الله
المتشبهين من النساء بالرجال ومن الرجال بالنساء ) والطرد هو
الابعاد عن رحمة الله وانتي تعرفين أنا ماندخل الجنه باعمالنا
ندخلها برحمة ربي

جود وهي مصدومه وتحس أنها كانت في غيبوبه وصحت اليوم تحس أن
الحديث هذا أول مره تسمعه يعني معقوووووووول
هالسنين كلها مطروده من رحمة ربي يعني فوق انها متعذبه في الدنيا
وشافت اللي محد شافه مطروده من رحمة ربي انا وين كان عقلي
لما قلدت الرجال وتخليت عن فطرتي اللي فطرني ربي عليها
وين عقلي لما سويت اللي سويته وين عقلي لما رميت حجابي
وتمردت على كل شي على ديني وعاداتي وتقاليدي وفوق هذا
وذاك على فطرة ربي اللي فطرني عليها
نورا وهي منهبله من جود لها ساعه وهي تناديها وهي ساكته بس
تناضرها ودموعها تنزل التفت على هند : يالسخيفه شوفي شسويتي
فيها بالله أنتي ماتعرفين تحجين بالتدريج
ياختي كل شي كاش في الويه
هند وهي تبكي ومتندمه على الكلام اللي قالته راحت لجود وضمتها
وقعدت تبكي وتترجاها : جودي الله يخليك ردي علي والله مو قصدي
جعل لساني ينقص تكفين ياجودي ردي علي وبصراخ جوووووووودي
جود استوعبت اللي حولها بس الصدمه كانت اقوى من أنها ترد
او تقول شي وخرت هند منها وقالت بهمس : اتركوني بنام وراحت
وتركتهم
هند قعدت تبكي وتلوم نفسها ونورا شوي تهديها ولا انقهرت منها
لامتها على اللي سوته في جود
نورا : هنوده حبيبتي مسحي دموعج ماراح تنفعج واجلسي مع جود
تراها محتاجتنا اللحين وانا بروح لاهلي تاخرت عليهم وكل مافضيت
طليت عليكم
طلعت نورا وهند راحت تطل على جود طقت الباب على خفيف
ماحد رد عليها قالت أكيد نايمه بدخل أتطمن عليها وأبطلع
فتحت الباب بهدؤ ودخلت الغرفه استغربت لما شافت جودي
مطفيه الانوار كلها ماعدا الابجوره وجالسه على السرير
ولامه رجولها لصدرها ودموعها تنزل شغلت الانوار وقربت
لسريرها ولاحضت الصوره اللي بيدها نادتها بهدؤ : جوودي
جود سرحانه ولاهي يمها : ...........
هند وهي خلاص بتبكي وبندم : آسفه ياجود أنتي قلتي ماراح ازعل
منك ليش اللحين زعلانه والله موقصدي بس انا استغربت انه ماجاء
في بالك هالشيء
جود وهي تتنهد بصوت واضح : ياحبيبتي ياهند انا مو زعلانه منك
انا زعلانه من نفسي تصدقين ياهنوده انتي فتحتي عيوني على اشياء
كنت ناسيتها او بلاصح متجاهلتها انا ياهنوده خيبت امل ابوي فيني
تتوقعين لو أنه حي بيفتخر فيني بيقول هذي دلوعتي اللي ربيتها
هذي جودي اللي ضحيت بأشياء كثيره عشان أشوف البسمه على وجهها
وقعدت تبكي بصوت عالي
هند تضامنت معها وقعدت تبكي وشوي تهديها
جود وهي تبكي : آآآآآه الله يرحمك يايبه دنياي بعدك ظلام

آآآآآآآآآآآآآآآآآآآآآآآآهـ

يبه شلونك...ملل هالــكــون من دونك ..

يبه شلونك ؟؟وتمضي رحلة الدنيا..

بليا طلة عيونك..؟؟!!

يبه شلونك ؟؟؟

تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

يبه حنا صرنا كبار..

يبه ماعاد فيه صغار..يموج بهالزمن كل شي..

وحنا ماتموجنا..على ذاك العهد نسري..

نبيع العمر والدنيا..ولا تخلف بنا ظنونك

يبه شلونك ؟؟تبي تدري عن اخباري ؟؟

عن افكاري وتذكاري ؟؟

اشيلك داخلي جمره ..وبعيون الحزن عبره..تغرقني .. وتحرقني..

اشوفك نجمة تجبر..مراعيها .. يراعيها..

واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى

يبه تذكر زمان مر؟؟

يبه تذكر مجالسنا ؟

مقلطنا ومجلسنا ؟

وحارتنا ومسجدنا ؟

يبه تذكر سوالفنا ؟

لاجل هذا ..

وكل هذا ..

قالوا ما يدوم الزين !! ... و انا عندي امل للحين ..

و لكني اعرفك وين !!

يبه وينك ؟؟

عسى الداعي يبه بس خير ؟!!

عساك بخير .... مداين تكرم لعينك ...

بس ارجوك علمني ...

علمني .. يبه وينك ؟؟

بس تكفى علمني ....

متى رجوعك ؟؟ .... يبه بس تكفى علمني .

وش احلى من طلوع اثنين ؟؟

طلوع الشمس .... و طلوعك

يبه وينك ؟؟

سألتهم ...... غيابك طال ؟؟

ولا كنّي اعرفك وين !!

و قالو.. حسافه ...

ما يدوم الزين ... مع كل هذا صدقني .. انا عندي امل للحين !!

سؤالي عنك يالوالد .. صار كما الموال

و اشوفه طال ... والله طال ..

حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه ..

ما عاد بي من حيل .. وين الحيل ؟؟

و انا اشوفك نهار و ليل .. مع اني ادري ما ترجع !!

غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا ..

ارد و اسأل !!

يبه .... وينك ؟؟

و لا كني اعرفك وين !! شبكت العشر في غيابك ... على راس ٍ كساه الشيب .. و من

وداك ... ما جابك

..

و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !!

يبه.. كل جرح في الدنيا .. مصيره بالدوا يلتم ... و لكن البلا من جرح ..

نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي

غريب الطور !!!

ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما

تـلتم ..

.. ذكراك تفرحني ....

في نفس الوقت تجرحني !! ... لا من جبت في طاريك ... دموعي غصب تفضحني ....

يبه .. تذكر ليالي الصيف ؟؟

كرم قلبك معَ هـالناس .. كل ٍ كان في بيتك ضيف ..

الا يا حيف .... الا يا حيف ..

زمن قاسي .. زمن قاسي ...

اخذ مني بلا رحمه ... اخذ مني اعز ناسي !!

و خلاّ لي سهر هالليل .. في عيني ضيف .. الا يا حيف !!

.. صحيح الدنيا ما ترحم ..

تجرعنا التعب انواع ... و لكن الأمل ما ضاع ..

يبه تذكر شطانـتـنا ؟؟

نلعب في زوايا البيت .. يبه ... والله انا حنيت ..

لذاك الوقت في وجودك ... الا يا ريت ... الا يا ريت ...

ترجع .. يا يبه حنيت ..

حسافه الدنيا ما ترحم ...

خذت منا سعادتنا ... خذتك بعيد .. و خلتنا !!!

امي تذّكرنا ... بأيامك قبل ما تروح ... تناديها.. يا روح الروح ..

في ذاك الوقت .. كنا صغار ...

معَ هذا ... كنا نغار ..

1عليها .. او بعد منها ... كنا نغار

نحبك يا يبه ... ارجع .. مثل شمس الفجر .. اطلع

حزينه الشمس في غيابك .. و نفس الحزن في احبابك .. واخاف الشمس من حزني ..

تغيب و ما بعد تطلع !! .. يبه ارجع !! ... اذا لي خاطر فـ قلبك ..

تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك

دوم ..

لكن قلّت الحيله ... و يمكن مـ البطا ضاعت ..

و قلنا يوم !!

... قبل ينشف حبر الأقلام ..كلامي بعده ما خلّص سامحني بترخّص ..

اشوفك والوعد باكر

!!

باست صورة أبوها بقوه وبألم قالت : يبه أوعدك أني أكفر عن كل
غلطاتي يبه سامحني الدنيا والضروف وقفت ضدي يبه أنا أنطعنت
من اقرب الناس لي يبه انا تعبت من هالدنيا تعبت من كل شي آآآآه
ليتهم يوم مت قبلك في الثرى دفنوني
هند وهي مقطعه نفسها من البكاء : تكفين ياجودي خلاص
والله قطعتي قلبي الله يجازي من كان السبب
جود وهي تبكي : شوفي ياهند أنا راح أغير من حياتي من اليوم
أنا عقب اللي سمعته مستحيل أتم على كيذا أول شي راح أروح للسوق
واشتري لي ملابس وحجاب والله يغفر اللي مضى
هند وهي طايره من الوناسه وتبوس جود : ياحبيلك ياجودي اتركي
هالمهمه لي وراح تشوفين اللي يعجبك ومن اليوم وداعا لجوااد
جود : اوكي كلمي نورا تروح معانا
هند : من عيوني ياقمرررررر وراحت تجيب جوالها من الصاله


في بيت ناصر بعد صلاة الظهر
امه بحزن : ها ياناصر وش قالو لك متى بتصحى
ناصر بضيقه : والله مدري يايمه علمها عند ربها وهو ارحم بها بس
ادعيليها يايمه والله اني حتى شغلي اهملته ماعاد قدرت اركز فيه
امه : ابي افهم الحين ليش دخلت بغيبوبه الحمى تجي اللي اصغر منها
ماصار لهم اللي صار لها
ناصر : يايمه هذا اللي ربي كاتبه بعدين هي يايمه ارتفعت عندها الحراره وتشنجت واغمى عليها
ومن نقص الاكسجين دخلت في غيبوبه
امه بحزن : فقدتها ياناصر والله فقدتها
ناصر : الله يشفيها ويحفضها لنا من غيرها حياتنا ممله وكئيبه
امه : ياولدي جب شيخ يقرا عليها وتصدق عنها ترى الرسول عليه
الصلاة والسلام يقول داوو مرضاكم بالصدقه
ناصر : اللهم صلي وسلم عليه ان شاء الله يمه انا ناوي اليوم اوزع
صدقات على الحارات الفقيره والله ينفع بها
امه : ان شاءالله ربي بيشفيها وجب شيخ بعد يقرا عليها دواها الرقيه
والقران شفاء لكل شي
ناصر : خلاص باخذ معي اليوم العصر شيخ وبروح لها
امه : ابي اروح اشوفها
ناصر : يمه فديتك باخذ الرجال معي وبعدين انتي ارتاحي لاتتعبين نفسك
تراك توك تعبانه
امه : انا مانيب تعبانه مير لاصار الرجال بيروح معك خلاص مره ثانيه
بس ابوها درى عنها
ناصر بقهر : ايه درى
امه : وش قال عسى ماهوب يلومك
ناصر بضحكة سخريه : ليه هو اهتم اصلا عشان يلومني
امه باستغراب : يشوف بنته بذيك الحاله ولا يهتم
ناصر : هذا اللي صار للاسف
امه : اعوذ بالله من هالرجال الله يهديه ويعين هالبنيه اللي جت بين
نارين
ناصر : اللهم امين يالله فديتك بروح انام لي شوي قبل العصر
امه : رح وانا امك ارتاح الله يريح قلبك
ناصر : اللهم امين هذا اللي نحتاجه منك يالغاليه


اما في بيت خالد الـ.........
دانه زوجة جهاد : جهاد متى جنى بترجع من الشرقيه
جهاد : اذا خلصت من التدريب ان شاء الله
دانه : واحشتني فديتها اول مره تسافر من دوني
جهاد : ايه تراها فرحانه لانها بتطلع بالتلفزيون
دانه : ههههههههههه تبي تشتهر
جهاد : ايه العالم كلها تبي تشتهر هي وخالد ويوسف وجودي يمكن بكره
تسوي مثلهم
دانه : ليه ماتبيهم ينادونك يا ابو الاعب الكبير خالد ولا ابو الممثله جنى
ولا ابو رجل الاعمال يوسف
جهاد بابتسامه : وجودي وش بتكون مهنتها
دانه بضحكه : جودي بتكون محاميه ولا دكتوره
جهاد : اجل ابيهم ينادوني ابو الدكتوره جودي
دانه : حرام عليك والكبار تبريت منهم
جهاد : لا ماتبريت بس جودي غير
دانه : الله يحفضهم كلهم الا خالتي ترى عندها اليوم موعد
جهاد : ايه بوديها العصر
دانه : اجل انا بروح اجهز الغدا
جهاد : خلاص اجل انا بروح اشوف خالد واصحيه للحين وهو ماصحى
دانه : ايه سهران امس يطالع مباراه
جهاد : ياهالكوره اللي ذبحني فيها
دانه : ماعليه لاتصارخ عليه تراه يحبها وحلمه يكون اكبر لاعب
جهاد : ايه الله يعين خلاص انتي جهزي الغدا على ما اصحي خالد وامي
دانه : خلاص رح لخالد خالتي صاحيه بس قاعده بغرفتها تقرا قرآن
بروحلها انا اناديها
راح جهاد يصحي خالد اول مادخل غرفته لقاها مثلجه وحوسه للاخر
اكياس الشيبسات بكل مكان والملابس مرميه على الارض وحالة الغرفه
مزريه بكل معنى
كان لون الغرفه ازرق مع ابيض وعلى الجدار اللي يقابل الباب كان شعار
الهلال كبير مره وصور الاعبين العربيين والغربيين
ماليه جدران الغرفه ومعلق ميدالياته اللي حصل عليها على التسريحه
طبعا هو في نادي الهلال
طفى المكيف وفتح الستاير وراح يصحيه : خالد خاالد قوم اصحى
خالد : همممم
سحب ابوه اللحاف : خالد قم صل الظهر وانزل تغدى
خالد يرجع اللحاف : صليت خلاص بنام
ابوه : قوم طيب تغدى معنا
خالد والنوم في عيونه : يبه الله يخليك تغدو بالعافيه مابي انا ابي انام
ابوه : ايه قومك السهر اللي ذابحك عشان هالمباريات بس ماعليه انا
اعرف اتصرف معك عشان تحرم السهر مره ثانيه
خالد : يبه الله يخليك لاتطير النوم مني اجل محاضرتك شوي لين اصحى
ابوه : يعني احلم اجل تروح للنادي مره ثانيه
فز خالد من نومه : يبه الله يهداك وش هالكلام
ابوه وهو يكتم ابتسامته : عشان تطيعني لاقلتلك شي
قام خالد وباس راس ابوه : وانا متى عصيتك الله يحفضك
ابوه : ومن اللي من شوي يبي يطردني من الغرفه عشان ينام ومن اللي
امس سهران وانا محذره
خالد : اسف يبه بس كنت متحمس مع المباراه
ابوه : قم الله يهديك وانزل تغدا حتى الصلاه ماصليتها بالمسجد
خالد : ان شاءالله انزل انت وانا بلحقك
ابوه : ليه عشان تعود تنام
خالد : لا بغير ملابسي وبنزل اساسا طار النوم مني
ابوه : يالله اجل بسرعه حنا ننتظرك
خالد : ان شاءالله
نزل جهاد وحصل دانه وامه ويوسف والاهم جودي على الغدا جالسين
ينتظرونهم راح وجلس معهم
جهاد : هايمه فديتك كيفك اليوم
امه : ماعليه يمك انا طيبه
جهاد : اليوم موعدك عند الدكتور
امه : ان شاءالله
التفت جهاد على يوسف : ها يوسف كيفك اليوم
يوسف : الحمد لله
ابوه : ليش ماقمت من الصبح تروح معي الشركه ولا خلاص مليت
يوسف : لايبه مامليت بس قاعد افكر امس كيف افتح لي شركه بروحي
ومانمت الا متأخر
ابوه وهو يضحك : تفتح شركه مره وحده ليه تبي تتخلى عني
يوسف : لا ماراح اتخلى عنك متى ماحتجتني بكون جمبك بس ابي اعتمد
على نفسي
جدته : بعدي والله هذا هو الرجال
امه : طيب لقيت لك حل كيف تفتح شركه
يوسف وهو مستانس انه محور الجلسه : عندي فكره بس للحين
مادرستها زين
ابتسم جهاد وهو يناظر لولده بفخر واعجاب وهو يشوفه كيف يقلده
ويقلد كلام رجال الاعمال اللي دايم في كل اجتماعاته معهم كان يوسف
يصر على انه يحضرها رغم صغر سنه حس ان له مستقبل مشرق مع
رجال الاعمال
دعا له بالتوفيق وهو مستمتع بذكاءه الحاد وثقته بنفسه
في هاللحضه نزل خالد : عسى ماكليتو الغدا عني
امه : لاماكليناه بس مره ثانيه بناكله ولا راح نفكر نحتريك
جهاد : بعد فيها مره ثانيه مابي سهر مره ثانيه سامع
خالد : سامع


في لندن
كلمت هند نورا وقالتلها ان جود تبي السوق قالت نورا خلاص اجل نلتقي
هناك وترى امي وخواتي بيجون معي طبعا نورا فهمت امها وخواتها
قصة جود بتحفظ واختصار شديد يعني كل اللي عرفوه ان حركاتها
الصبيانيه عشان تخفي هويتها لانها ماتبي احد يعرفها عشانها هربت من
اهلها لان عندها معهم مشاكل
لبست جود بنطلون اسود وبالطو ابيض وخذت من هند حجاب اسود
طالع شكلها يجنن
طلعو للسوق وهناك تقابلو مع نورا واهلها
سلمت عليهم جود وهم انهبلو على نعومتها وجمالها
نورا : واااااو جودي شكلج روعه
جود بحيا : يوه احرجتوني من لبسته ترا وهند تمدح فيني
هند : تلوميني لعنبو شكلك وانتي ولد تخققين وانتي بنت عذاب
نورا : خلاص عاد بسج مغازل تراها مو جواد
جود : ههههههههههههههه
هند : سخيييييييييفه
فاتن : والله تبين الصج ياجود شكلج يهبل
الجوهره : أي والله صج يهبل ماشاءالله
جود بابتسامه : انتو اللي تهبلون والله وترى اخجلتوني ماعرف ارد على
أي احد يمدحني
سارا : عادي قولي عيونكم الحلوين وبس
جود وهي منهبله على التوأم : والله عيونكم انتم الحلوات
سارا : انا اللي قلتلج جذي يارا شكو
جود : واي على هالغيوره طيب انتي حلوه ويارا حلوه
يارا بغرور : لاتهمج بس ترى هي وايد غيوره
جود : ياحبيلكم ثنيناتكم
ام نورا : اصبري بس ويطلعون هبالهم تقولين ليتني مامدحتهم
سارا ويارا بصوت واحد : يمااااااااااه
جود : هههههه عسل على قلبي ياخالتي
شرت جود ملابس لها واغراض بعدين راحو يتمشون وماخلو مكان الا
وراحو له
تعشو في مطعم
وهم جالسين في المطعم على العشاء دق جوال جود لما شافت الرقم
ارتبكت وماردت عليه
هند : جود ردي على جوالك تقطع قلبه
جود وهي تحطه عالصامت : لا هذا رقم غريب اكيد واحد غلطان
نورا : طيب شوفي يمكن احد يبيج بس مغير رقمه
جود باحراج : لا ماراح ارد وبعدين من اللي يعرفني غيركم
ام نورا : خلاص خلو البنت على راحتها ماتبي ترد على جوالها انتو
شكو
جود : اللقافه ياخاله الله لايبلانا
نورا بنظره : لاتخليني اقلب عليج
جود راح فكرها بعيد : لا خلاص كلش ولا زعلك
هند بهمس : من اللي متصل
جود : احمد
هند : اها وانا اقول ورى وجه البنت حمر
جود : اقول انطمي انتي اللي احرجتيني
هند : لو كنت بمكانك برد عليه عادي
جود : احلفي ارد عليه قدام خالتي
هند بضحكه : ترى ماعندها اولاد يعني اخذي راحتك
جود : ياحمااااااره تفكيرك وسخ
هند : ياي على الرقه ترى من خمس ساعات ونص صرتي بنت ما امداك
تصيرين رقيقه
جود : على تبن ياحماره
هند باستفزاز : ايه صيري جلفه ولو شوي مو لايق عليك النعومه
جود بصوت مرتفع شوي : هنووووووود
نورا : بسم الله الرحمن الرحيم شفيج يالهبله
جود : مالهبله الا انتي
هند : هههههههه منقهره عشاني اقول ان النعومه ماهيب لايقه عليك
ام نورا : لا والله الا مدري وشلون تنكرت اكيد بيبين انها بنت مع
هالنعومه
نورا : افرحي من قدج الوالده صارت بصفج
جود : فديتها خالتي هي اللي تعرف الذوق ولا بعض الناس الحمدلله
والشكر
هند : وش تقصدين
جود : ابد ما اقصد احد
هند : ايه زين
مالت جود على هند وبهمس : ماعجزتي لاتذوبين فيني يوم كنت ولد
ضربتها هند على كتفها : هييي تراك صدقتي نفسك وبعدين انا الحين
احب جواد الاصلي مو اللي كان مزيف
جود تبي تقهرها : ماحصلك المزيف ولا راح يحصلك الاصلي
هند : على تبن يالحمااااره من زينكم عاد
كملو سهرتهم ورجعو خوات نورا وامها للاوتيل لان امها تعبت من
الفرفره و قالت لنورا تجلس مع البنات لانهم بيرجعون بعد اسبوع
وبترجع نورا معهم
اما نورا وهند وجود قعدو بالمطعم يسولفون ويعلقون وماخلو احد بحاله
الا وحشو فيه
في مكان ثاني من المطعم كان جالس هو وصديقه ويناظرهم من يوم
دخلو ويتابع جود اذا ضحكت ضحك واذا عصبت عقد حواجبه وكل شي
تسويه تلقائيا يسوي نفسها وكأنه جالس معها ومن اندماجه معها نسى
صديقه
سامي وهو يأشر قدام وجهه : هيييي يابو الشباب
محمد : هااا
التفت سامي يبي يشوف محمد من يناظر بس المطعم مليان ومالفت نظره
احد يعرفه
( طبعا سامي ماعرف جود لانها لابسه لبس بنات ومتحجبه وهند معطيته
ضهرها اما محمد عرف جود على طول )
لما شاف محمد ام نورا قامت وطلعت ومعها بناتها قال لسامي : سام
سامي : نعم
محمد : ابيك تروح الحين لفرانك وتروحون تجيبون السياره اللي طلبتها
من عند صديقه ميشيل
سامي باستغراب : الحين وبهالوقت
محمد : ايه
سامي : بس مثل مانت عارف ميشيل بعيد وشوله نروح بهالليل
محمد : ابيها بكره من الفجر
سامي : بروح الله يعيني بس عسى فرانك يوافق
محمد : قوله هذا امر من محمد ويوافق غصب عنه
سامي : طيب اوصلك للبيت ترانا جايين بسياره وحده
محمد : لا اذا مليت رجعت مع تاكسي انا بروح الحين اتمشى
سامي : اوكـ باي
محمد : باي
طلع محمد معه يوم تأكد انه راح رجع للمطعم وراح لطاولة البنات
حط يده على الطاوله : السلام عليكم
هند بشهقه : انت
جود وهي ترجف : وش تبي انت
محمد بابتسامه : ابد جاي اسلم
هند : مابينا سلام
محمد بنظره : وين اللي كان تتخبى في ظهر جواد اشوف طلع لك لسان
هند بعصبيه : مالك دخل ابعد عنا ولا والله الحين اصارخ والم عليك
العالم
نورا باستغراب : اسم الله الرحمن الرحيم شفيكم انتم
محمد : هلا والله انتي صديقتهم
نورا : انت منو هنود جود شنو السالفه
هند باستهزاء : هذا زعيم العصابه
نورا وعيونها طالعه من الصدمه : شنووووووو
محمد وهو ماسك ضحكته : اقول انا ماجيت لكم اناجاي عشان جود وبس
جود بخوف : وش تبي مني
محمد : ماعرفتيني
جود : لا ماعرفتك ولا ابي اعرفك
محمد : بس انا اعرفك مو انتي جود بنت خالد الـ ...


.................. النهايه ............................

[فارسة القلوب]

اعذروني حبايبي على التنسيق بس مو راضي يتعدل معي

[" وردة العشاق "]

عااادي حبيبتي ..
يسلمو يا الغاليه على الأبداع ..
وبصراحه متشوقه لتكمله ..
ليان تحـــزن
وجوووووووود وش بيصير معها ..!!!!
ومحمد وش بيسوي لها ..؟؟
في أنتظااااارك حياتي

[فارسة القلوب]

هلا حياتي وردة العشاق

الله يسلمك

يسعدني متابعتك المستمره لروايتي

لك حبي وتقديري