][§¤°~^™ مـتـنـفـس جـآآمـعـيـآآت ™^~°¤§][

[عابرتـ سبيلـ ,]

اي موضوغ بحث أو تقديم.. على طوول يجي في بالي اليابان XD وهـ احبهم 3>

 

 

سمعت كلمة اليابان وجت عسريع >>>>> :013:

سلمي اول يابنت >>> احم احم

السلام عليكم ورحمة الله وبركاته ..

تصدقين يا نسمات انج مثلي تمام اصلا الحين انا بلبل بالياباني

من كثر ما اشوف مسلسلاتهم و رسوماتهم ..

:::::::::::::::::::::::::::::::::::::::::::::::

من خلال قراءاتي للتعليم بشكل خاص والتربية بشكل عام أدهشت بما تتمتع به اليابان من تعليم نظامي إلزامي ، وكل أملي أن تطبق دولتنا مثل هذا النظام العظيم ، فالتعليم في اليابان لا يكتفي بحضور الطالب كل يوم من الصباح للعصر ، بل ان خلال فترة الدوام المدرسي يتعلم على النظافة وأساليب التواصل الصحيحة والاعتماد على النفس ، كما تستغل المدرسة مواهب الطلاب وتساعدهم على تنميتها وتطويرها ، ناهيكم عن الأنشطة والمهرجانات الثقافية والرياضية والترفيهية ، وحتى طريقة الواجبات تعتمد على الناحية العملية والتعاون الجماعي في حلها ، وليس مجرد امساك الورقة والقلم في البيت ثم تصحيحها بقلم الاستاذ الاحمر .

 

 

اي والله كلامج صحيح 100% يا شمايل..

ياليت احنا نكون مثل نظامهم ....

:::::::::::::::::::::::::::::::::::
انا صراحه قطعتني هالجامعه ماقمت ادخل المنتدى بالمره منها

ودكاترتي يجيبون الموت ما يعجبهم العجب ....

[الشمائل]

^

اي صدقج .. في دكاترة ما يعجبهم شيء

حتى لو قطعتي نفسج قطع علشان تراضينهم



اذكر دكتور من الدكااترة اللي درسوني

كان يبا بحث عن مجلة او شيء ميداني


فانا وربيعتي سوينا عن المكياج بين بنات الجامعة >> اعتقد جذي
او يمكن عن مجات الموضة وتأثيرها على البنات


الهم سوينا الاستيبان ووزعناه وكتبنا مقدمة وشوية معلومات مني ومناك


وقلنا له قبل ما نسلمه انه مب كامل ، بس يطالعه ويعلمنا اخطاءنا


ففي الكلاس اللي وراه ، حط اكس كبير وقال انصحكم تتنازلون عنه وتسوون عن مجلة !!!!


والله عناد فيه ما سويت له بحث ثاني >>> مع انه كان ثاني بحث اسلمه اياه

[درب المحبة]

بسم الله الرحمن الرحيم

الحمد لله بالأمس بدأت الدراسة في كلية الشريعة و أتمنى من الله العلي القدير أن يكرمني
بالتفوق وأن يجعلني قرة عين لوالدي ,, سعيدة جداً جداً بذلك !!

* وفقكن الله جميعاً أخواتي " الجامعيات " وحقق جميع احلامكن

[بسمة وردية]

^^

ماشاء الله تخصص حلو

الله يوفقكـ ويرزقكـ العلم النافع والعمل الصالح ..

وبدايه حلوة إن شاء الله ~






.

[درب المحبة]

الله يرضى عنك أختي بسمة وردية

أسعدتيني جدا

[شهد فهد]

هههههههههههههههااااااي

كلنا كنا جذي

يلين هذا اليوم نفكر كيف ننادي الشخص اللي ما عنده شهادة دكتوراه

استاذ وابلة أو دكتور ودكتورة ؟؟

اول أمس كنت منتبهة حدي للدرس ..

دكتور التاريخ سأل سؤال . وانا من الحماس قلت : انا انا بجاااااوب >>> نست نفسها

قام الكل طالعين ،، فقلت بصوت خفيف : بجاوب عالسؤال >> وكسفت ايدي تحت الطاولة

[/quote]

ههههههههههههههههه

ياعيني على برائتك كسرتي خاطري

عاد البنات يسووون روحهم فاهمين

ويجلسون يعلقون على هذه الحركه

الله يوفقك ويسعدك يااختي

[عروب ksa]

^
لول شهد ضحكني موقفك ،،
ذكرتيني بموقف مره بمحاضرة
الفيزياء الدكتوره تشرح وفيه
مصطلحات إنجليزيه كثير
يوم خلصت وجت تسأل
جت اللي قدامي تنادي قالت :
TeacherTeacher


،

مآ أدري ليـه ،،

لكن يراودني شعور أن زمالات الكليه
تكون من أقوى العلاقات حتى بعد التخرج ~*

وحده من الزميلات درست معي الفصل
الأول فقط وانسحبت هذا الفصل ،
اشتقت لهآ كثير ، يومياٌ أحس إن
مكانهـا خالي ...!



أول مره أهتم لأحد كذا ../: !

[حروف بلا نقط]

هالجامعة الله يعين عليها بخير
لو تكلمنا عنها من اليوم ليوم الدين مابنخلص
اففف منها بس

[بسمة وردية]

عروبـــ,,

أنا أحس العكس
لين الحين ما تأقلمت مع صديقات الجامعه ><
يااااازين الثانوي وصداقات الثانوي أحس أنها أحلى مرحله وأحلى صديقات ^^


حروفـــ,,

أي تخصص أنتي؟
الله يوفقك يارب ^_^










.

[شهد فهد]

عروب انا ضدك احس انو صديقات الثانويه احسن وفينا ترابط اكثر ذلحين الاقسام تختلف والمحاظرات اوقاتها ساعات مختلفه

-----------------------------------------------------------

بنااااااااااااااااااااااااااااااااااات تكفون خبروني عن أرائكم بالنظام الجديد اللي حطته لنا رئيسة القسم

وضعت نظام بأنو كل طالبه تجلس في القاعه على الترتيب الابجدي لحرف اسمها

يعني مثال أروى احمد ماتجلس جنب ساره خالد

اروى تجلس جنب طالبه بحرف الالف نفسها أجيال خالد جنب اروى احمد

اتمنى انكم فهمتو القرار اللي منزلته رئيسة القسم زين

والله طفش والملل انا في جهة وزميلاتي في جهة وخاصة انو حروفنا متباعده عن بعض والله قهر

ماادري ايش الفايده من هذا النظام طبقوه اليوم ومليت ماادري اذا طبقوه كل سنوات دراستي ايش بسوي

اه اه اه يابنااااااااااااااااااااااااااات ياخواتي عطوني رايكم بالنظام