بنات الي رايحين الحج..يدخلو..(حصرياً)

[الشمائل]

كلكم بتسيرون إلا أنا

ما رضى عمي أني أسير هذي السنة

قال عالسنة الياية إن شاء الله وعد منه

[Taghreed's]

المشاركة الأصلية كتبت بواسطة Ms.Kuwait و عليكم السلام و الرحمة بخير ،، دامج بخير .. إن شاء الله أنا بعد بروح الحج هالسنة ، و مس توتا ( مس رزان ) عاد هذا خوووش موضوع خاطري أعرف عن إللي حجو قبل خاصة البنات ،، لأنه الحريم عادي عندهم و متعودين b:7 بصراحة بصراحة مادري بشنو ، حاسه ، أحس مو مستوعبة إللي بيصير !! و بكون مع الخيلة يا شقره .. أدري إني مو ياهل الحين أحس بسوي جهاااد كبيييير و أحس إنه بسوي شي فيه حسنات وااايد ، إن ركن من أركات الاسلام و أحس بسعاده ، و إني بحس بشعور يديد و إنه هناك تحسين بفخر إنج مسلمة و تفتخرين بإنه كلهم مسملين و كلهم نفسج ، و كلهم حاسين فيج و أحس إني لازم أغير أشياء بحياتي لرجعت إن شاء الله و أتجنب أسوي أشياء تخليني آخذ سيئات و أحس بنعمة عظيمة إني لو رجعت بدون و لا سيئة ... أما عن استعداداتي بس خذيت جنطة من الحملة إللي بنروح معاها و لي الحين ما حطيت شي فيها .. إن شاء الله مثلج ،، بروح أشتري بالويك إند خاطري كل شي يديد ، حتى شباصاتي !! مادري أحس هالسفرة لازم تكون غير .. مو قصدي إسراف و جذيي ، لا تقدرين تقولين من كثر الفرحة و الإحترام للحج .... مادري أشتري صيفي و لا شتوي ! و لا ربيعي !! أمي تقول ما عمره كان برد بس أنا كنت أشوفهم بالتلفزيون يطلع من حلجهم دخان أبيض من كثر البرد !! يمكن لأنهم ريايل ، لابسين حرام بس ؟؟ و أحاتي الزحمة ، و نظافة الحمامات .... أخاف أضيع بعد !! :char0070 >> وين قاعديييين أضيع !! بعدين أكيد كبيرة بعرف أتصرف >> غصب أهونها :pleasantr و خايفة من الجمرات بعد !! عفية أحد يقولنا السنة إللي طافت شنو كان برد و لا حر ؟؟ أما عن الرابط ، عن شي فيه زواج ..؟ و لا شسالفة ؟؟ مشكوووووووورة سندي على الموضوع المهممم و الحلللوووو و حده وناسة بنحج أنا وياج بنفس السنة ماتدرين يمكن نشوف بعض هنااك ... :pleasantr سوري على الإطالة ...

 

 

اللهم اتمها من حجة و تقبلها قبول حسن،،

رائع هو احساسك غاليتي ،،

فعلا الحج رحلة روحانية،، بها ننسى الحياة وزينتها ،،

ونتوجه للخالق وحدة سبحانه،،

وندعوه يعفو عنا و يغفر زلاتنا وسقطاتنا،،

وهو غفور رحيم،،

سمعت أنه من اعراض الحج المبرور "التوبة النصوح وترك الذنوب وتحسن الحال بعد العودة من الحج"

اللهم اجعل حجنا مبرورا وخالصا لوجهك الكريم
.
.

اكيد "برد" في الحج خصوصا في المناطق الاخرى غير مكة مثل منى وعرفة،،

انا كمان اشتريت شنطة وناوية احط فيها مايلي (ان شاء الله) :

- ملابس شتوية داخلية مثل البجايم وغيارات

- شال او وشاح يدفيني

- ثوب الاحرام بلبس قميص طويل ولونه غامق ويكون اكمامه طوال لكن مو ثقيل قماشه

- شراريب في حال لو كان برد

- تنور وبودي كغيار يكونو شوي كشخة عشان البسهم بعد التحلل من الاحرام وللعيد

- غطوة للوجه اضافية ..

- جزمة خفيفة اضافية كمان (اعزكم الله)

اما عن الاشياء الاخرى :

- مقص عادي

- مقص اظافير

- شنطة صغيرة فيها مكياج خفيف يعني كحل وروج ولمسات ناعمة (لانه فيه ناس قرايبنا بالحملة)

- مصحف طبعا

- ابغا انقل مقاطع من القران الكريم على ذاكرة موبايلي واخذ السماعات

- كتيبات عن الحج و احكامه وطريقته و كل ماهو مستحب فعله

- كاميرا الفيديو (مو اكيد يمكن ماما ماترضا) بس بصراحة نفسي اصور الرحلة من (أ) الى (ي)

- بطارية جوال اضافيه

- أكياس بلاستيك للحاجة

- شباشب للحمام (اعزكم الله)

بالنسبة للحجاب،،

انا عادة البس عباية على الراس العادية المفتوحة

لكن للحج قررت اشتري ان شالله (كاب) و (خمار)

عشان ماتعب وانا ماستكها و اتشحطط مع الزحمة

والي عارفة وين يبناع الخمار ياليت تقولي

وهو الغطاء الطويل المشابه لخمار الاخوات في مصر وبلاد الشام،،


و بلبس ان شالله سكوتش مريحة والله يسهلها،،
.
.
هذا مانويت ان شالله والله يكتب الي فيه الخير

[Taghreed's]

المشاركة الأصلية كتبت بواسطة دموع الحزن ما شاء الله ودي أروح معاكم الله معاكم يا بنات مس توتا كمان بتروح ما شاء الله شوفوا ما أبغيكم تزاحمون وحطوا بالكم زين اكلوا زين لانه بيله نشاط و حركه لا تلبسون كعب سمعتوني تروحون وترجعون بسلامه ان شاء الله سندي حطي بالج ع نفسك و ع اختك و الماما و بنت عمك مس كويت حطي بالج ع نفسك و ع مس توتا احس قلبي كاني بروح معاكم يارب يسهل عليكم وترجعون سالمين

 

 

الله يسلمك غلاتي ،،

غمرني لطفك:011:

:give_hear

المشاركة الأصلية كتبت بواسطة سيرين وعليكم السلام ورحمة الله وبركاته تروحوا وترجعوا بالسلامه والله يتقبل منكم ان شاء الله ها لا تنسونا من صالح دعائكن ها باسمي ادعولي سندي شو هذا الرابط شكله من كثر الصفحات اللي كنتي فتحتيها ما ركزتي اي رابط تلصقيه >>>> تتفلسف الله يوفقكم ويطهركم ان شاء الله عقبالنا يا رب

 

 

الله يسلمك سيرين

بجد نورتي متصفحي

وهذا الموقع و لايهمك

http://dalil-alhaj.com/tawaf_elwadaa_mt.htm

[Taghreed's]

بنات نسيت أسالكم

عن "حبوب تأخير الدورة الشهرية"

هل هي آمنة؟

فيه وحدة استخدمتها قبل؟

لانه مسببة لي قلق والله

.
.
لي باك وبكمل الردود الله يسعدكم

[الشمائل]

سنود اسمعي واحكمي

جوابي ما بكون الشافي

أمي كانت تستخدمهم يوم سرنا العمرة

مرة قلت حق أم من البنات اللي كانوا معانا في حملة الصيف هذا

ليش ما تخلين بنتج تاخذ الحبوب

قالت : لو شو ما يكون ما راح أخليها مب زينة هالحبوب هذي

استغربت من كلامها لأن الحبوب هذي مؤقتة يعني البنت ما راح تتعاطاهم للأبد

لكن انتبهي سندي الإكثار منها يسبب العقم في المستقبل

ما أقصد أخوفج بس هالسؤال اسأليه لدكتورة أحسن

[بسمة وردية]

سندي امي كلتها العام في الحج 14 يوم ...

والحمد لله آمنة ... وكانت سئلت دكتورة قبل ...

وانا بعد اخذتها في العمرة بس مدة "قصيرة " ثلاث ايام ....

بس انتي اذا المدة طويلة افضل اسألي دكتورة قبل ...

والله يسهل لك .....






.

[Ms.KuwaiT]

المشاركة الأصلية كتبت بواسطة cinderella اللهم اتمها من حجة و تقبلها قبول حسن،، رائع هو احساسك غاليتي ،، فعلا الحج رحلة روحانية،، بها ننسى الحياة وزينتها ،، ونتوجه للخالق وحدة سبحانه،، وندعوه يعفو عنا و يغفر زلاتنا وسقطاتنا،، وهو غفور رحيم،، سمعت أنه من اعراض الحج المبرور "التوبة النصوح وترك الذنوب وتحسن الحال بعد العودة من الحج" اللهم اجعل حجنا مبرورا وخالصا لوجهك الكريم . . اكيد "برد" في الحج خصوصا في المناطق الاخرى غير مكة مثل منى وعرفة،، انا كمان اشتريت شنطة وناوية احط فيها مايلي (ان شاء الله) : - ملابس شتوية داخلية مثل البجايم وغيارات - شال او وشاح يدفيني - ثوب الاحرام بلبس قميص طويل ولونه غامق ويكون اكمامه طوال لكن مو ثقيل قماشه - شراريب في حال لو كان برد - تنور وبودي كغيار يكونو شوي كشخة عشان البسهم بعد التحلل من الاحرام وللعيد - غطوة للوجه اضافية .. - جزمة خفيفة اضافية كمان (اعزكم الله) اما عن الاشياء الاخرى : - مقص عادي - مقص اظافير - شنطة صغيرة فيها مكياج خفيف يعني كحل وروج ولمسات ناعمة (لانه فيه ناس قرايبنا بالحملة) - مصحف طبعا - ابغا انقل مقاطع من القران الكريم على ذاكرة موبايلي واخذ السماعات - كتيبات عن الحج و احكامه وطريقته و كل ماهو مستحب فعله - كاميرا الفيديو (مو اكيد يمكن ماما ماترضا) بس بصراحة نفسي اصور الرحلة من (أ) الى (ي) - بطارية جوال اضافيه - أكياس بلاستيك للحاجة - شباشب للحمام (اعزكم الله) بالنسبة للحجاب،، انا عادة البس عباية على الراس العادية المفتوحة لكن للحج قررت اشتري ان شالله (كاب) و (خمار) عشان ماتعب وانا ماستكها و اتشحطط مع الزحمة والي عارفة وين يبناع الخمار ياليت تقولي وهو الغطاء الطويل المشابه لخمار الاخوات في مصر وبلاد الشام،، و بلبس ان شالله سكوتش مريحة والله يسهلها،، . . هذا مانويت ان شالله والله يكتب الي فيه الخير

 

 

لوووووووووووووووووول ما شاء الله

شكلي بنسخ أغراضج و بسوي برنت و أقلدج

أمس خذيت إبره تطعيم ضد السحايا و الأنفلونزا

ما تعور بس الثانية حسيت فيها ،،

و رحنا السوق شريت لي بجامتين جم طويل بس مو ثقال

وحده قالت لي بأول يوم العيد يكشخون و أييب بدلة العيد

إففف انا ما صدقت إفتكيت من حوسة العيد و كشخته

عاد هذي حملة يدي لازم أكشخ وايد أهلنا هناك أولهم توته :msn_tongu

أما عن العباية بلبس عباية إسلامية على الجتف وسيعة مفصلتها بمكة

و بلبس ملفع عريض

و جوتي رياضة ، و ساعة عادي عندي إنها تضيع

و أهم شي بعد نعال الحمام و انتي بكرامة

أما موبايلي أخاف يضيع مني ولا يطيح و اموت قهر

بس مادري شسوي لو ضعت b:7

شكلي باخذ واحد قديم

.
.


إن شاء الله أنا و توته نوينا نختم أو نحاول نختم

هالأيام قاعدة أخلص بقايا ديني بالصيام

مابي أروح الحج مديونه لووووول

سندي اشلون بتلبسين الخمار تحته تنورة و لا عباية عادية مالت الكتف

شنو سكوتش ؟؟؟

.
.

مشكوورين بنات على دعواتكم

مشكوورة على حروف بلا نقط خوش كلاام و مشكوورة على النصايح ، إن شاء الله أدعيلج

غيووومه الله ونااسه إنتي بعد

ثانكس ناطره وحده تقولي عن الجوو

خلاص بحط مخلط أو صيفي و جاكيتات و شالات

.
.

سندي

أنا الحين قاعدة آخذ الحبوب

أمي كانت دايمًا تجنبني آخذهم حتى لو عمره

بس هالمرة هي ودتني للدكتور قالت الحبوب أهون من الإبره

و فشلة طلع مافي إلا دكتور

و عطاني حبوب

3 حباات باليوم لمدة 17 يوم تخيلي !

شكلها بتقطعها عني بالمرررة :msn_tongu

أنا موعدها بالحج فقالي إخذي قبلها بوقت و بالحج و لين ترجعين الكويت

أول ما توقفينها راح تنزل ! >>> حده فشلة ريال يقولج جذي أشوه مو كويتي

و لازم ما أنسى و لا حبة

فمادري يا سندي

حسب وضعج ، يمكن مع التعب و المشي تنزل ....!

أنا خذيتها من اليوم ، و لأني مضطره و للحج إن شاء الله ما يصير شي

و إن شاء الله ما أحتاجها بعدين ، و ما تأثر فيني


.
.


أنا إن شاء الله بسافر يوم الثلاثا ...

كان عندي إمتحان مهم قبل الطيارة بساعتين

و الحمدلله تكنسل

و واحد ثاني صعب كان بيكون الخميس و أنا مسافرة

بس أشوه جدموه للأحد

الحمدلله كل شي تيسر لأني بحج مافي شي راح علي

ياااي حده قرررررب الوقت



:)

[*..جرووووح..*]

مشكوووووره غنااااتي على موضوعكـ..

وانا ان شاء الله راح احج هالسنه
أنا و,,,رحل ابي..بنحج مع بعض..

من ناحية أستعداداتي ..
طلعنا للسوق انا واختي و ورحل ابي..
واشترينا حاجات كثيره للحج..

بس لين الحين مارتبتهمـ بالشنطه..
أن شاء الله بكرا ارتبهمـ..

وإذا على استعداداتي النفسيه..
أحس بفررررررحه مو واسعه الدنيا..
وبنفس الوقت احس بحززززن لأني بسافر واترك خواتي ..

*~..~*~..~*~..~*

خواتي حجوا من قبل ويقولون بررررد..
يعني خوذوا احتياطاتكمـ..
أخذي معكـ ملابس شتويه وربيعيه..

*~...~*~...~*~...~*


وحج مبرور وسعي مشكور للي راح يحجون..

والله يرزق الباقين بحجه السنه الجايه..


*~..~*~...~*~...~*


لكمـ مني اروع تحيه..

أختكمـ جرووووووح

[Ms.ToTa]

السلام عليكم ورحمه الله وبركاته

أدري فجـــــــــــــــــــــــــــأة !! بس موضوع حلو ليش ما أشارك ( الله يعافي مس كويت )

المهم أنا إن شاء الله بروح الحج هالسنه مع مس كويت حدي حدي حدي مستانسه ... أولاً لأني بصير حجيه لوول ... ثانيــاً لأنها حجه يمعه ( مايندرى اشاعات أو صج ) ... ثالثـــاً يكفي الصحبه !!

أما عن الإستعدادات فماشي حالها

والصراحه خايفه من لما أحتاج أروح أقضي حاجتي كرمكم الله وخايفــا إنا أحد يرجم راسي :P ...

يلا مهما سهلوها لنا إخوانا السعوديين فمازالت الصعوبه حلاة



أخيــراً أحب أشكر الحكومه السعوديه على الجهود المبذوله


وســـلامتكم

[فوق الوصف]

السلام عليكم ورحمة الله وبركاته ..

أما عني فانا راح اروح السنه إلى الحج ان شاء الله ..
وشعوووري فرخ ممزوج بخووووووف شديييييييييييييييييييييد جداً ..
الله يسهل ويتقبل منا ان شاء الله ..

وأنا صراااحه الخبره عندي ميـــــــــــــــح ..
بس الحمد لله ابوي هو بيجي معنا فعلشان كذه بسألهم في كل حكم ..

وراااجعه لكم ببعض المواقف اللي صارت لأقاربي ..

دمتم بحب