............: يماااااا
ام جاسم استغربت : هاااا يماا
جاسم : يما باخطب عبير
عبير سمعت اسكتت
ام جاسم اتطالعه
عبير و هي تصيح > نست انه سبيكر : اسمااء اسماااء قول ــيله لاا لا يخرب حيآته عششاني قوليله لآآ يششفق عللي تكففي ـــين
جاسم : عبير انا مب ماخذج عشان جي عبير انا احببج اييه اححببج والله اححبببج ايه كل لحظظة ويآج انا اتذكرها مليون مرة > وهنا بدأت الرومانسية 
عبير سااكته (معقوولة ياجاسم ابي اعرف بس شحبيت فيني ابي اعررف )
لحظة صمت
ام جاسم , جاسم , اسماء , عبير
ام جاسم : انا موافقة ياولدي والله عبير خوش بنت روح اخطبها مع ابوك
> يالبيه ياام جاسم
اسماء : عبير
عبير : ههللاا
اسماء : ترا حتى لين رفضتي جاسم ماببتغير علاقتنا
اسماء : الخيار خيارج فكري زين
عبيير : ا ا وو و وكي
عبير ساكتته ماتعرف شتقوول ماتعرف شتعبر ( جاسم انت صج تحبني انا عمري كله تخيلتك اخوو اييه اخوو ماقد تخيلتك زووج انت مثل اخوي ياجاسم , اكييد هو مايحبني اكيد قال بس جي )
مر اليوم على عبير كلله تفككير و طبعا عبير قالت لعنوود كلل ششي
جا اليوم الثاني
يوم السبت
كشخ و راح بيت ابو راشد مع ابوه استقبلوه راشد و ابو راشد
ابو جاسم : احنا جايين نبي يد عبير ل جاسم
راشد : والله واحنانتشرف فيكم ياعمي بس راي البنت اول
جاسم قايل حق ابوه شي و ابوه قال
ابو جاسم : شوف ياراشد ياولدي ابي اسمع راي البنت لانه احنا
مستعجلين صراحه > هاي جاسم قال لابوه
راشد : شلون ياعمي
ابو جاسم : ام جاسم كانت تبي جاسم لـ عبير من اسبوع في المزرعة
و اسماء قالت لنا انها قالت لعبير انه جاسم بيخطبها قريب
راشد ماقدر يقول شي و ليش عبوور ماتقوله
ابو جاسم : ف ياولدي نبي نسمع راي البنت بصوتها
ابو راشد مطنققر : ان شاء الله على امرك راشد ناد عبير
راشد راح فوق شاف عبير
راشد : عبير
عبير : هلا
راشد : جاسم جا خطبج و الحين هو تحت
عبير ساكته
راشد : قالوا انه يبون يسمعون رايج بصوتج و قالوا انج تدرين عن الخبر لان ام جاسم خطبتج ف المزرعة
عبير في نفسها ( اه ادري فكرت بس انا الحين باقرر حياتي اه ساااعدني ياررب )
راحت تحت
من ورى الباب
راشد قال : عمي عبير ورى الباب
جاسم قلببه يدددق
ابو جاسم : حيا الله بنتي عبير
عبير من ورى الباب : الله يحييك عمي
ابو جاسم : ها بنتي شقلتي الراي رايج و الشور شورج احنا ما بيكون بيننا شي حتى لو رفضتي جاسم
ابو راشد مححتتتر بس مايقدر يسوي شي
عبير بصوت متقطع
: عـ ـ ـ ممي اانااا مـ ووااافقه
و ركضت فووووق
بغى ينط من الفرحة و من الوناسة
ابوو رااشد خاطره يثور على عبير
راشد : والله و يسعدنا ياعمي نناسبكم
راشد : مبرووووووك يالنسسييب
جاسم متشقق : الله يبارك فيك
ابو جاسم : دام البنت وافقت نبي ياابو راشد الملكة عقب اسبوعين لانه الولد بيسافر عقب شهر و بنسوي فحص وكل شي > طلب جاسم اللي مخطط مع ابوه كل شي طبعآ جاسم كان يبي تكون الملكة اقرب بس ابوه و امه مارضوا اقل من اسبوعين
عبير راحت فوق تصيح ( خلاص ياعبير اللحين انتي من نصيب جاسم و جاسم لج آآه عليج ياعبير حتى خطبتج غريبة كل شي بسرعة و كل شي سريع آآه بس)
اتصلت فـ عنود و كلمتها
عنود : عيل استانسي افتكيتي من الشيبه ياعبوور و صرتي من نصيب جاسم
عبير : آه عنود مب متخيلته زووج عنود.... و تصيح : عنود انا متأكدة مايبيني و لا يحبني خطبني شفقة بس
عنود حزنت لامر عبير
و تمت تضيع السالفة
جاها راشد ركيض : عبووور الملكة عقب اسبوعين
عبير ماقدرت تستحمل تمسك الصيحة كل شي سريع و بعدين هي صغيرة ف نظرها
عنود سمعت : عبييير تأكدت الحين انه يحبج
عبير بصياح يقطع القلب : لـ ـ ـ يشش
عنود : قال الملكة بعد اسبوعين بس عشاان يحميج من عصبية ابوج و بعدين مواقفج معاه تثبت انه يحبج
عبير سكتت
عنود : هدي حبيبتي هددي و فكري زيين قبل أي شي باخليج الحين حبيبتي
عبير : اوكي
عنود : باي
عبير : باي
عبير طلعت برا راشد جا و حضنها : و ليش الصياح والله عبور جسوم زين > ماقالها ليش وافقتي لانه متأكد انها وافقت عشان تبعد بو 45 سنة عن طريقها
عبير : مادري ياراشد مادري
عبير بعدته و رجعت حق غرفتها
نروح فاصل قصير لجاسم و ابوه >حوار بسيط
طبعا بعد ماباركله وصاه ابو جاسم : عاد ياولدي ماوصيك عليها باين من البنت مكسورة و هي يتيمة ام
جاسم : يبا و يتيمة ابو لاتنسى هاي ابو كان بيزوجها غصب
ابو جاسم : والله و انت الصاج ياولدي الاسلام حرم يغصبون المرة على شي الزواج مب لعبة حرام والله بنات بشبابها ينزوجون غصب شياب اكبر من ابهاتهم
جاسم ( اخ مب بس شباب جمال بعد ) : اي والله
:::::::::::::::::::::::
باك تو عبير
حاولت ترقد تفكيرها كان طول الوقت عن مستقبلها ( و بعدين ياعبير انتي بتترزوجين واحد معناته لازم تكونين تهتمين ف شكلج و تطولين شعرج ياااربي نسيت انه شعرري قصيير
و شلون في ملكتي باكون جي لازم اجرب زيوت تطول الشعر ع الاقل يطول شوي مب لين اذني آآآهـ خلني ارقد انا قبل ياربي وبعدين انا دفششة و كاني ولد .. لازم اتعلم احط مكياج و لازم اصير بنت اهه )
رقدت على حيرتها
قامت اليوم الثاني
للمدرسة
حطت كحل سشورت شعرها بطرقة حلوة و نزلت قذلة ورفعت نصها بالتاج
: ( خلني اسوي جي ليين مااشتري اغراض )
ماشمرت مع انه كل مرة تشمر
راحت المدرسة
جا وقت البريك
عبير شافت عنود حضنوا بعض
عنود : الله حلوو شكلج كيووت بنوتي ههه
عبير : ثانكس
عنود غمزت لها : عيل جاسم ها
عبير ابتسمت : آنا قلت لازم استوي احافظ على شكلي و اشتري اغراض بنوتات
عنود : ايه احسن جي ههه روحي اليوم اشتري
عبير : أي ان شاء الله
تموا يسولفون
عبير رجعت البيت و قالت لابراهيم انها بتطلع
طلعت مع اخوها راشد
مرت monsoon
شرت ورود و فساتين حلوين
مرت مكياجي و سيفورا
خذت لها مسكرة و روج و كحل و بلشر و ايلينر و ظل
مرت لها كم محل خذت قمصان و تنانير
مرت كليرز
خذت اكسسوار
ومرت و خذت جواتي
كعابة مع فلاتات
رجعت البيت وهي مستانسة
عندها اغراض حلوة
اول مرة تحس انها انثى بجد
حطت زيت ف شعرها و خلته > هههههه تبيه يطول بأي طريقة
و بدلت لبست
تنورة زرقاء فاتحة تحت الركبة و قميص ازرق فاتح
كتبت في قوقل طريقة وضع و جربت تحط مكياج
حطت بلشر و روج و كحل ومسكرة
طلع شكلها كيوووت
جمعت شعرها ف صوب و حطت وردة زرقا
طلعت كيوت
و فلات ابيض
طلعت من غرفتها و العيون عليها
راشد : الله ياهلا بالعروس
عبير ضحكت
مريم كل نظرات الحقد عليها :وععع محق ذوووق
خلوها تولي
عبير راحت تحت
و يطلع ف ويهها خالد
خالد تم متصنم : ..................
عبير حست انه مالها حاجة تقعد و بعدين تذكرت كلام العنود انه لازم تتغطى عنه
راشد نزل
خالد : آآ آآآ ععبوور لابسة ازرق و حاطة مكياااج ! (طالعة قممر)
راشد : اييه
خالد : شصاير شسالفة و بعدين ليش راحت فوق
راشد : هي قالت انه لازم تتغطى عنك رفيجتها قالت لها
خالد ( اقول مالت بس )
,,,,,
مر اليوم بسلام
عبير كانت ناوية تفاجأ البنات في المدرسة
حطت مسكرة و كحل وبلاشر و حطت وردة و لبست شغاب فضي
وراحت
الكل قام يطالعها و كلهم مستغربين عبيير اللي كانها ولد هاي هي !!
العنود مستانسة انه عبير غيرت لوكها
عبير يوم رجعت من البيت
طلعت مع اسوم تشتري فستان للملكة
اشترت فستان بيج سكري
كان كت عبير في البداية مارضت بس من حنة اسوم شرته خخخخ
و شرت له كعب
و بعد الفحص طلعوا مناسبين
و بعد باسبوعين الملكة
اليوم المنتظر
يوم الملكة
انتهى البارت
اهم سؤال
شراح يصير في الملكـة ؟
و هل بتتأقلم عبير على جـاسم اللي تعتبره اخوها ؟
جاسم برايكم صج كان يبي عبير ؟
كلـه في البارت السابع
يالله اشوف آراءكم عشان انزل البارت اليوم اذا تبون 