كلمات مسروقه من دفتر طفل..ودهشة السؤال ؟؟!صور من المجتمع .

**ندى الأيام** · #1 15-10-2007, 07:12 PM

هذه كلمات مسروقه من دفتر طفل كتبها بعامية اللغه..ودهشة السؤال؟؟.!

السبت:

فتحت عيوني..أدور عن نور..أمروني<غمض>..و...غمضت..بعدها ما شفت لا ابيض ولا اسود !

الأحد:

كنت أسمعهم يقولون:<ألعن أبوك!>,<يا حمار>,<يا حيوان>, <يا ثور>,<يا بقرة>,<يا لوح>,<يا جدار>...فتوقعت اني في حديقة حيوانات..فتحت عيوني ابغى اشوف هـ(الحيوانات)..قالوا لي:"ما يصلح تشوف قلة أدب"..سألتهم:طيب..في عصفور؟؟

صرخوا في وجهي:<انطم وغمض>..!!

الاثنين:

سمحوا لي اشوف التلفزيون..كنت لحالي منسجم مع أفلام كرتون..دخلت امي..وكان ابو عائلة ادمز(يبوس) أمهم..ركضت امي ..غيرت القناة..وصرخت بأعلى صوتها.."عيب عليك..قاعد تشوف قلة أدب..!!"ناظرتها بكل براءه وانا متعجب من اللي صار:"طيب وش صار؟؟أبوهم يبوس أمهم!.."قالت لي وهي معصبه مرررررره(التبويس..قلة حياء!!)

بعدها بأسبوع..شفت امي تسلم على ام الجيران و(تبوووووسها)..قلت لها وانا كلي أسى"يا ماما..التبويس قلة حياء!!.."

الثلاثاء:

كانوا بنات خالتي عندنا..وكنت الولد الوحيد اللي يلعب معهم..وأبوي بس يبحلق عيونه فيني وين ما رحت ووين ما جيت..بعد ما راحوا..ناداني أبوي وقال:"عيب الواحد يجلس مع بنات..قلة أدب..!"

بعدها بكم يوم..كان أبوي جالس مع عماتي..ناظرته بطرف عين(وتبون الصدق حقدت عليه)..وقلت له:"اللي يجلس مع بنات..قليل أدب!!"

الأربعاء:

كنت اسمعهم يقولون(صدام قوي)..وأعجبني...بعد الأزمه..قالوا(حرامي ومجرم)..سألتهم:كيف؟؟!!..قالوا:"حرامي ومجرم..وبس..واسكت..!"

وكنت أسمعهم بعد يقولون (جيم كاري..فاسد)..فكرهته على طول..وكانوا يشوفون أفلامه..ويضحكووون..كنت أسألهم"ليه تضحكون؟!..ما تقولون انه فاسد"...قالوا..ورا ما تنطم بس.!؟؟

الخميس:

أبوي يقول<االتدخين>حرام.. واللي يدخن يدخل النار..وفي يوم شفت ابوي جالس مع صديقه أبو حمد..وأبو حمد ماسك السيجاره بيده..وقفت وسألت ابوي""طيب اللي يجلس مع اللي يدخنون..يدخل النار بعد؟!!!"

الجمعة:

أسمعهم يقولون..ان اللي يطول في مكالمته يغازل..واللي يروح للسوق يغازل..واللي يعرف انترنت يغازل...وامي تطول على التلفون,,وتروح للسوق,,وتطقطق على الكمبيوتر..رحت لأبوي وانا مصدووووم::"أبوووووي الحق..

أمي تغازل!!!!

للاسف هذي صور من المجتمع ..

>> للأمانهـ منقولـ <<

ينهون عن فعل ويأتوا بمثله ..

ولي سؤال .....

وش رايكم في ذا المجتمع عندما يربي مثل هذي التربيه ..؟؟ ننهاهم عن فعل نحن نقوم بيه ..؟؟

ندى الايام

المصدر: منتديات بنات دوت كوم

;glhj lsv,ri lk ]tjv 'tg>>,]iam hgschg ??!w,v lk hgl[jlu >

الموضوع الأصلي : كلمات مسروقه من دفتر طفل..ودهشة السؤال ؟؟!صور من المجتمع . || القسم : أسـرتـي هـي أولـويـتـي || المصدر : منتديات بنات دوت كوم || كاتبة الموضوع : ندى الأيام

**الشمائل** · منذ /15-10-2007, 07:25 PM

في كلشي معا الحق إلا اللي صار بيوم الأحد والأثنين

>> وجهة نظر <<

الأم تقصد أن اللي يصير بين الرجل والمرأة عيب وحرام على قولتها هي

لكنها هي [ باست ] جارتها وليس جارها !!!!

.
.

القعدة مع بنات الخال أو بنات العم وأنا الولد الوحيد بينهم هذي حرام مب عيب

لكن أني اقعد مع خواتي وأنا الولد الوحيد بينهم ما فيها شيء !!!!!!!

.
.
.

الولد فاهم غلط >> نظرة طفولة لا غير <<

**ندى الأيام** · منذ /15-10-2007, 07:29 PM

مشكورة شمايل معك حق بس لازم يفهموا الطفل ليش عيب وحرام

**hidayamina** · منذ /15-10-2007, 07:35 PM

مشكووووووووووووووووورة
اختي
حقا
موضوع مهم

**ندى الأيام** · منذ /15-10-2007, 07:42 PM

مشكورة على الرد والمرور واكيد هو موضوع مهم

**rasha** · منذ /15-10-2007, 08:29 PM

السلام عليكم والله هذي مشكلة مجتمعنا ينهون عن فعل ويأتون بمثله
ولو احد قللهم انه هذا ميصير كان قالوله اسكت انت ماتفهم شي

**عدوة المدرسة** · منذ /16-10-2007, 01:09 AM

مشكووووووووووووووووووووره اختي على الموضوع الرائع ........
وننتظر المزيد من ابداعاتك المتواصلة

**ندى الأيام** · منذ /16-10-2007, 08:57 AM

مشكورة رشا وعدوة المدرسة على ردودكم

**ازقرتيه** · منذ /16-10-2007, 09:37 AM

مشكووووووره على الموضوع
بصراحه بعض الشغلات الي علموها الولد لازم يوضحون
له علشان ما يضيع بالطوشه و يجوف كل شي بعينه انه اهو قلة ادب

**amandaa** · منذ /16-10-2007, 11:37 AM

نــ ع ـــم ،،هذه صور من مجتمعنا الفااسد ...حيث يمنعو الناس عن الحلاال .. ويقربوهم للحرآم ..مشكورة حبيبتي ندى الأيام حسيت موضوعكــ رهييب مررةآم ــــآندآ

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)