عيشي 1/رمضان/1430هـ ، مع ملقوفـه [تقرير بالصّور]

[M A H O O Y]

بسم الله الرحمن الرحيم
مبارك عليكم الشّهر ، جعلكم الله من صوآمه وقوّآمه ،
بعصر يوم 29 شعبان كانت النّاس متحمسة إن بكرة رمضان وبدوا يستعدون والثلاجات امتلت (أهم شيء ) وجداول الطاعات تخططت ،
وبعد صلاة المغرب اكتشفوا إن شعبان بيكمل 30 يوم ، وأوّل يوم برمضان هو يوم السبت ، الي راح تعيشونه مع مهّـوي لحظة بلحظة ،
يلآ استعدوا لبدء التقرير ، اربطوا الأحزمة ، فايف ، فور ، ثري ، تو ، ون ، فوووووووووووووووم (حسيتني بصاروخ ) ..

"وقت السّحور"

أول خشة شفتها في يومي هذا هو خشة أمي العزيزة ، الواحد يركّد الجوال والساعات عشان تقومه وكلش كلش
وبالأخير تأخذ الأم المركز الأول في إيقاظ النائم ، الله يخليلنا أمهاتنا بس ، وجنب خشة أمي العزيزة صوت منبّه الجوال المخيس ،
والله العظيم إنه يجيب لي العصبية (من قال لك تركدينه أصلاً) ، طلعت أمي من الغرفة ، وقمت بشوشتي المنفوشة أجوب أركان المنزل
وأطلع وأنزل وألف يميناً يساراً حتى وصلت إلى الصالة (ترا الصالة موب جنب غرفتي أبد) ، المهم إني سألت أمي وش آكل وقعدت
أحك راسي كعادتي عندما أكون محتارة (لا يفوتكم بس) ، وعطتني كم خيار وأنا أقول مابي ، يوم جابت طاري منقوشة الزعتر
استغربَت إني ما قلت مابي! يوم التفت على مكاني لقت غباري يسلم عليها ويعلمها إني تحت بالمطبخ ، قومنا باقي العائلة ،
وكعادة جميع القارئات والقراء الآن ، وأبصم بالعشرة إنكم قد جربتوا كيف يكون السحور السريع خوفاً من إن المؤذن يأذن
وأنتم ما خلصتوا أكل يا عمري ، سريع لدرجة الواحد يقطع اللقمة ويبلع على طول ، (مـن الصحـن إلى المعدة) هذا شعارنا وقت
السحور برمضان ، أنا بما إني قايمة قبلهم ولله الحمد إني خلصت وقاعدة أتفرج عليهم وهم يتسابقون ، وكل شوي أطالع ساعتي
أقول: باقي 5 دقايق باقي 10 ، (لعبت بأعصابهم هع) والحين أوّل صورة بالتقرير لمنقوشتي العزيزة ، مصيرها في بطني الآن ،

المهم إني نزلت تحت وجبت لهم كم قارورة مويه ، بعدين لزوم المحافظة على (الضروس) ناصعة البياض لازم تفرشين بعد كل وجبة ،

أهم شيء اسم المعجون ، بس والله إنه جميل جداً لازم تجربونه (الي يسمعني يقول مسوّقة بضائع ) ، توضيت ورحت طيران
للابتوبي العزيز ، كتبت لكم بداية التقرير بعدين قمت أصلي (منيب فضيحة أبد) ، ورجعت للابتوب مرة ثانية قعدت أحوس بالفوتوشوب ،

لحد يسوي نفسه ذكي ويناظر الصورة وتوقيعي الحين ، تراني مسويتها اليوم الصبح (وش يسوون لك) المهم ما علينا ،
صراحة كنت قاعدة أتصارع مع النّعاس لكن تغلب علي في النّهاية ، ونمت ..
...

"نهاري"

قمت على صوت المؤذن لصلاة الظهر ، حاولت أرجع أكمّل نوم لكن ما قدرت (ما تلاحظون حياتي كلها نوم اللهم لك الحمد) ،
توضيت وصليت ، وفكرت أكمّل ترتيب غرفتي الي بديته أمس ، كانت تنظر إلي مكشرة عن أنيابها من زود الحوسة الي فيها ،
طبعاً أوّل شيء لازم أسوّيه إذا قمت من النّوم إنّي أفتح الشباك عشان تتهوّى الغرفة ، لما جيت أفتحه شفت إن فيه مخلوق أسود وراه ،
أوّل ما فتحت الشّباك لقيت حمامة قاعدة عليه وهي ميتة من الخوف وتطالعني ، ما أدري وش تخيلت وجهي ذيك اللحظة ،
طبعاً ما خلت لي فرصة أفتح الشّباك كامل إلا وهي هاجّة طايرة الله يصلحها ، قبل ما أرجع لفت نظري شيء تركته على الشّباك!

عشّها ، يا حليله فيه بيضتين وشكلهم طازجات (أهم شيء المصطلح) ، لو إن هذا الموقف كان من كم شهر كان غيري انحاش
وصك الشباك خوفاً من انفلونزا الطيور ، بس طلع ما هو أعظم الحين ، طبعاً انا ما انتظرتها ترجع على طول صورت عشّها الجميل ،
لكن ما لمسته لأن قد سمعت إن الحمامة إذا أحد لمس عشها خلاص تتبرى من البيض حقها (تحسون نذالة) ،
بس أتوقع من شافت وجهي تابت إنّها تجيب بيض من الأساس ، قعدت أرتب غرفتي إلى الساعة 2 وشوي ، تخيلوا ساعتين وشوي ،
لا وباقي دولاب الملابس (عاد هذا مصيبة) ، المهم إني طفشت من الترتيب ورحت آخذ دش ،

وكالعادة بما إن حظّي مخيس انقطعت المويه وأنا أتروش فجأة! انا أحب وزارة المياه جداً جداً :@ ، واضطريت آخذ الدش المنحوس
بجالون مويه (لحد يضحك بعدين ربّي يبلاه وينكسر البانيو وهو يتحمم) ،

بعد ما لبست ملابسي حسيت إني نعسانة جداً (ما قلت لكم إني أحب النّوم) ، فصليت وقريت كم وجه من القرآن ، بعدين ريّحت شوي ،

،

هذا الجدول أنا سويته عشان نسوي زي المسابقة بينا من الي يختم أوّل ، كل واحد له عامود وكل ما خلّص جزء يأشر عنده
إلى ما يخلص ، وبالأخير كلنا نجيب له شيء بالعيد غير الهدية (ادعوا إنّي أكون أوّل وحدة بس ) ، لما جت الساعة 5 نزلت تحت
أساعد أمي بالمطبخ ، الحين الي يقرا يقول ما شاء الله سنعة وما درى إني بس صفيت الأشياء على الطّبلية ،

حنا عادتنا أوّل يوم برمضان نروح نفطر عند جدتي ، كلنا نجتمع إحنا وعماني ، لكن ربي كتب إن جدتي تكون تعبانة ولا نقدر نروح لها =( ،
ادعوا لها ترجع لنا بالسّلامة =( ، أوّل يوم ما له طعم بدون جمعتنا معها ، بعدين قعدت أحاول أكمّل النصاب حقي لمن يأذّن ،
وقبل ما يأذن بشوي نادتنا أمّي وقرت علينا من هذا الكتاب ،

وقرت علينا فيه عن سلمان الفارسي ،

الكاتب أسلوبه مرة روعة ويشد ويخلي الواحد يتحمس يكمله إلى النهاية ، لا يفوتكم ،
...

"فطوري + ما بعدَ التراويح"

قال الرسول صلى الله عليه وسلم(بما معناه): "للصائم فرحتان ، فرحة عند فطره ، وفرحة عند لقاء ربّه" ،
"اللهم لك صمت وعلى رزقك أفطرت" ، "ذهب الظمأ وابتلت العروق وثبت الأجر إن شاء الله" ،
أذّن المغرب ، وتحلقنا حول المائدة (لا يفوتكم التّعبير) ، والحمد لله أكلنا وشبعنا وكلش ،

راحوا ابوي والعيال للمسجد ، طلعت لغرفتي وتوضيت وصلّيت ، وفرشت أسناني هع ، بعد ما رجعوا من المسجد قعدنا كلنا
بالصالة نتفرج على (غبار الهجير) ،

وشربنا شاهي وأكلنا سمسم ،

،

طبعاً أنا مسويه قطايف بس الله يصلح الحال حتى ما شفتها ما أمداني إلا وهم مخلصينها ، المهم واحنا قاعدين نتفرج
فيه مخلوق الله يهديه هبّل فيني وجنني :@ ،

حتى بالفطور ما خلانا على حالنا ، طول الوقت يطامر لوول ، دايم آخر العنقود يكون أهبل واحد ، لما خلّص المسلسل
طرت لغرفتي صليت العشاء ووترت ، قعدت أحوس شوي بالبيت ، ونزلت عند امّي لقيتها تسوّي العشاء كان صينية خضار ،

قعدت أتفرج عليها كالعادة كلما دخلت المطبخ ، بعدين من الفضاوة رحت أسقّي الزرع الي بالحوش ،

ما تلاحظون إني مطرطشة برا الحوض ،

طبعاً كنت لابسة زبيرية (نعال) أخوي ، أتوقع إنه قلب لونها من المويه والله أعلم ، وبما إنّي ما أحب صينية الخضار
قررت أسوي لي عشاء بطريقتي الخاصّة ،

أهمّ شيء خبز هرفي ،

،

،

وبالعافية علي أنا وأخواني ، طبعاً ما انتظرت لحظة وحدة صاروخ على اللابتوب وعلى طول على منتداي العزيز ،
وأهنيكم على الستايل الكشخة يونّس جداً ، أهم شيء بآخر الصفحة على اليمين فيه زر مكتوب عليه (اطفاء النّور) ،
لا يفوتكم اضغطوه ، يا إني ضحكت عليه (عليمية لا تلومونها) ،
وأخيراً اتمنّى إنكم انبسطتوا معاي و(جاز) لكم يومي ، تحياتي ..

همسة للعضوات فقط: تسعدني ردودكم ، وفضلاً لا أمراً قيمي الموضوع باللي تشوفينه مناسب

المصدر: منتديات بنات دوت كوم

---

udad 1LvlqhkL1430iJ K lu lgr,tJi Fjrvdv fhgw~,vD

الموضوع الأصلي : عيشي 1/رمضان/1430هـ ، مع ملقوفـه [تقرير بالصّور] || القسم : رمضان بنات كوم " للأعوام الماضية " || المصدر : منتديات بنات دوت كوم || كاتبة الموضوع : M A H O O Y

[هَمْسُ الآإمَلِ ~]

وآآآآآآآآآآآآآآآآآآآآآآآآآآو
:
يوميآآآت خطييرة
بسس الصور اللي بعد صورة الفطور ما طلعت :(
يعطيك ربي الف عآآآفية أسلوب رآئع شدني من الآعمآق
بنتظآر القآدم
لكِ أرق المنى
:

[FaiTh & Destiny]

لك ليش ما اخذتي البيض و سلقتيه و اكلتيه عند الفطار >>> شو هالذكاااء

وكالعادة بما إن حظّي مخيس انقطعت المويه وأنا أتروش فجأة! انا أحب وزارة المياه جداً جداً :@ ، واضطريت آخذ الدش المنحوس بجالون مويه (لحد يضحك بعدين ربّي يبلاه وينكسر البانيو وهو يتحمم) ،

 

 

ههههههههههه
احمدي ربك انك لقيتي جالون الموية
تخيلي لو انقطع قبل كذا >>> براااااااا



بيجامتك تجنن حلو اللون الاورنج
انا كمان لابسه بيجامة اورنج شو هالصدفة الحلوة
بس ابي اسئلك شو الشي اللي جنب جونسون ؟؟


فطارك كتييييير بيشهي خصوصا البيتزااااااااااااا يمي
بالصحة و الراحة



يومياتك لليوم الاول حلوة كتيييير
تمنيت انه كل يوم تحطي يومية >>>> شو هالطمع

منظرة يوميات باقي العضوات
و لا تنسي تشوفي يومياتي يوم اليمعة انشاء الله

[» وهج الأمل «]

مهووووووووي



يومية حُـلووووووة ، جميييييييييلـة ، رووووووووعة

آستمتعت و أنـآ أقرأ و أشوف صُورك الحُلوة . .

صقيقتي أنت رآئعـٍة

و اللـه و آضحِ إنك تعبـآنـآ على اليومية

تعليقـآتك جداً حبيتهإ

،

يـآرب تفوزيّن عليهُـٍم في الختـِم ،



ماشاء الله سريرك منعش ( أهم شيء منعش ) !

ألوآنه فرآحية ،

- نوم سعيد فيه -



أول ما شفت الصُورة قعدت أقول : [ هذي وشلون تختم من تحت ! ! ]

أحسب آنها الصور القصيرة ، بعدين ركزت إنهآ قران بس تصميمه كذآ



صياماً مقبولاً ، و إفطـآراً شهياً

أبغى بيتزآ بس < تبي تتسحر



اللـه يخلي لكم آمكم

صرآحة فكرة مرة حلوة تقعدون تقرون شيء مع بعض قبل الأذان

الله لا يفرق بينكم و يخليكم لبعض . .



لوووووووووووووول ، يعني مو أنا لحالي أكل تمرة وحدة :sg.5:



لقطة حُــلوووووووة مررررره حبيتهإ



بالعآفيــٍة :sg.7:

،

حبيت أقول لك إني جداً آستمتعت باليومية ، و عشت معآك جَــو ،

و تستحقين التقييم

تصبحين على خيرٍ

[M A H O O Y]

المشاركة الأصلية كتبت بواسطة همس الامل وآآآآآآآآآآآآآآآآآآآآآآآآآآو : يوميآآآت خطييرة بسس الصور اللي بعد صورة الفطور ما طلعت :( يعطيك ربي الف عآآآفية أسلوب رآئع شدني من الآعمآق بنتظآر القآدم لكِ أرق المنى :

 

 

همــــــــــــــوس ..
أسعدني مرورك يآ عزيزتي ، شكراً لك ،

[M A H O O Y]

المشاركة الأصلية كتبت بواسطة Selena Gomez لك ليش ما اخذتي البيض و سلقتيه و اكلتيه عند الفطار >>> شو هالذكاااء

 

 

تخييييييييييييلي ههههههههههههههههه ، إلآ كآنك قد جربتي بيض الحمام علميني وش طعمه ،

المشاركة الأصلية كتبت بواسطة Selena Gomez ههههههههههه احمدي ربك انك لقيتي جالون الموية تخيلي لو انقطع قبل كذا >>> براااااااا

 

 

لوووووووووووول ، أصلاً أمي الي جابته لي ،

المشاركة الأصلية كتبت بواسطة Selena Gomez بيجامتك تجنن حلو اللون الاورنج انا كمان لابسه بيجامة اورنج شو هالصدفة الحلوة بس ابي اسئلك شو الشي اللي جنب جونسون ؟؟

 

 

شفتي كيف القلوب عند بعضها ، الي جنبه الموف (عطر للجسم) من ذي بودي شوب أتوقع بالمسك الأبيض خطيــر ،

المشاركة الأصلية كتبت بواسطة Selena Gomez فطارك كتييييير بيشهي خصوصا البيتزااااااااااااا يمي بالصحة و الراحة يومياتك لليوم الاول حلوة كتيييير تمنيت انه كل يوم تحطي يومية >>>> شو هالطمع منظرة يوميات باقي العضوات و لا تنسي تشوفي يومياتي يوم اليمعة انشاء الله

 

 

شكـــــرا جزيلا ، أسعدني مرورك سيلينا ، وأكيد راح أتابع يوميات كل البنات ، بالتوفيق !

[M A H O O Y]

المشاركة الأصلية كتبت بواسطة » وهج الأمل « مهووووووووي يومية حُـلووووووة ، جميييييييييلـة ، رووووووووعة آستمتعت و أنـآ أقرأ و أشوف صُورك الحُلوة . . صقيقتي أنت رآئعـٍة و اللـه و آضحِ إنك تعبـآنـآ على اليومية تعليقـآتك جداً حبيتهإ ، يـآرب تفوزيّن عليهُـٍم في الختـِم ،

 

 

وه وه بس ، جــــــــــــــــــــــــــــــــــــــــودي ، تو مآ نوّر الموضوع ، يى هلآ والله ومرآحب ,
هع أنتِ عايشتني الهبل الي سواه فيني موقع التحميل ، يا حلوك مرا فرحتك بطلّتك ،

المشاركة الأصلية كتبت بواسطة » وهج الأمل « ماشاء الله سريرك منعش ( أهم شيء منعش ) ! ألوآنه فرآحية ، - نوم سعيد فيه -

 

 

منعش منعش ، شــــــــــــــوكرن جزيلن ، مآ ودك تجين تنومين عندي بكرة ،

المشاركة الأصلية كتبت بواسطة » وهج الأمل « أول ما شفت الصُورة قعدت أقول : [ هذي وشلون تختم من تحت ! ! ] أحسب آنها الصور القصيرة ، بعدين ركزت إنهآ قران بس تصميمه كذآ

 

 

عآدي عآدي ترآ أنآ أختم من الجهتين ، مع مهـوي لا شيء يستغرب ،

المشاركة الأصلية كتبت بواسطة » وهج الأمل « صياماً مقبولاً ، و إفطـآراً شهياً أبغى بيتزآ بس < تبي تتسحر

 

 

تعـآلي حيآك الله ، تعآلي نومي بالسرير الفرايحي وافطري على بيتزآ بعد ،

المشاركة الأصلية كتبت بواسطة » وهج الأمل « اللـه يخلي لكم آمكم صرآحة فكرة مرة حلوة تقعدون تقرون شيء مع بعض قبل الأذان الله لا يفرق بينكم و يخليكم لبعض . .

 

 

آميـــــــن يآ ربّ ، يآ حبيلك والله ،

المشاركة الأصلية كتبت بواسطة » وهج الأمل « لوووووووووووووول ، يعني مو أنا لحالي أكل تمرة وحدة :sg.5:

 

 

ههههههههههههههههههههههههههههههههه ، يآ ربّيه يآ إنّك موّتيني من الضحك ،

المشاركة الأصلية كتبت بواسطة » وهج الأمل « لقطة حُــلوووووووة مررررره حبيتهإ

 

 

كله من ذوقك ،

المشاركة الأصلية كتبت بواسطة » وهج الأمل « بالعآفيــٍة :sg.7:

 

 

الله يعافيـــــــك ،

المشاركة الأصلية كتبت بواسطة » وهج الأمل « ، حبيت أقول لك إني جداً آستمتعت باليومية ، و عشت معآك جَــو ، و تستحقين التقييم تصبحين على خيرٍ

 

 

يا حبيلك والله ، أسعدني مرورك ، وشكراً جزيلاً /
وانتِ من أهله يآ قلبي ، سلآم ..

[Ϩєιғ Eƨтeeм]

الله الله الله .. شو هاليوم الحــلو ؟

مررة حلو نظـآآمك مـآ شـآآء الله

واهم شي الـ لآآب حقك والمليون شي المفتوحة ( فيس يغمز )

مشكوووورة ملقوفه على الموضوع الخطيير

Self Esteem

[M A H O O Y]

المشاركة الأصلية كتبت بواسطة SelF Esteem الله الله الله .. شو هاليوم الحــلو ؟ مررة حلو نظـآآمك مـآ شـآآء الله واهم شي الـ لآآب حقك والمليون شي المفتوحة ( فيس يغمز ) مشكوووورة ملقوفه على الموضوع الخطيير Self Esteem

 

 

ههههههههههههه شفتي كيف ، يآ مآ يعلّق بسبب هالاشياء المفتوحة ،
مشكورة ..

[L м σ σ ѕ н]

آآآآآآه سريرك احسه مرييييح مرـآ
المخدـآت ولون السرير شييي
شرـآيك نبدل أعطيكِ سريري وتعطيني سريرك
...

مممم يشهي
مع اني ما احب البيتزـآ بس شكلها مرا يشهي
...

لووول هذي حلوه
اذكر مره رحنا فندق كان فيه بيضتين وعش عند الشبـآك مثل كذـآ
طبعن اختي العزيزه ما فوتتهـآ وصورت
...
يوميـآتك مرـآ حلوه
وتصويرك كمان حلو ووـآضح
بس الصوره الـأولىآ حسيت مشوشة شوي
بس حلوه
إلىآ الـأمـآم سِر !
* اعذريني عـ التنسيق الغبي