فزاااااااااااااااااااااااااااااااااااااااااااااااا اع

[كتبيه وكلي فخر]

هاي بنوتات . اليوم حبيت أشاركم في بعض من قصايد الشيخ حمدان بن محمد بن راشد ( فزاع ) حفظة الله .... واتمنى انكم ما تبخلون عليه بردودكم الحلوه ....







من هو «فزاع»؟
أنا عنواني اشعاري واسمـي فـي معانيهـا
وأوّل بيت أنا قلتـه غـدا تاريـخ ميـلادي
إذا تنشِدْ عن أخبـاري مـن اوّلْهـا لتاليهـا
أنا اشعاري هي اخباري على ما اْريد تنقادي
وانا أمّي إماراتي ولِدْت وعشـت أنـا فيهـا
وابوي أمجاد عرباني وطاري ماضي اجدادي
واخواني أنا المليار مسلـم فـي أراضيهـا
وانا القـرآن والسِنّـه غَـدَوا زادي وزوّادي
أعيش هْمومي وفَرْحي ولا لي نيّـه أخفيهـا
وأكبر همّي المقدس وطفـلٍ جنبـه يْنـادي
يهزّ بْصَرْخته أرضٍ نوى الصهيون يمحيهـا
من التاريخ، والعالم وقَفْ مكتـوف الايـادي
وانا ايّامي هـي اسْتـاذي تعلّمنـي لياليهـا
فلا خيـرٍ بإنسـانٍ يِفـادْ ولا بَعَـدْ فـادي
و(زايد) قِدْوِتي (زايد) و(زايد) من يزهّيهـا
بلاده شانها عالـي باسمـهْ دايـمْ تْشـادي
وروحي (محمّد المغوار) ابن راشـد يغذّيهـا
من أشعاره من أفكاره، بنيت بْمجدهْ امجـادي
مرَبِنّي على الجودْ وعلى المعروف واحميهـا
بلادي حبّي الأول ولا لي غيرهـا بـلادي
خــلاص يــعــنــي
خلاص يعني كل شَيّ انتهى وراح
خلاص يعني مـا بقينـا حبايـب
يعني وعودك كلها كانـت مْـزاح
والاّ انت ما لك في المحبّه رغايب
وين العهود ووين لحظات الافـراح
يعني تلاشت مع هبـوب الهبايـب
القلب بعدك من له اليـوم يرتـاح
من بعد ما هو في محبّتْـك ذايـب
ياما على شانك تحمّلـت الاجـراح
وياما جروحي من صدودك عطايب
سرقتني عن جملة الناس يا صـاح
والفكـر عنـدك ماخذنّـه نهايـب
خِلّك يحبّك يا بَعَـدْ سِيْـد المْـلاحإ
ن رحت عنّه راودنّـه مصايـب
خَلّك معه دام الهوى حيل نضّـاح
والواش رِدّه يا هوى البال خايـب
مـمـنـوع أخـــذ الـثــار



================================




مهداه إلى اللواء ضاحي خلفان تميم



شكواي (بو فارس) على اللي سرَقْني
دامك خبيرٍ فـي أمـور الجريمـه
شَخْصٍ أخَذْ قلبي وْصَـدّ وْهجَرْنـي
من بعـد مـا كِنّـا نديـم ونديمـه
زَور ملفّـات الغـرام وخدَعْـنـيب
عد الأمـور الواضحـات السليمـه
وافي أنـا بْحبّـه ولكـن صدمنـي
والله يا (ضاحي) صَدْمتي به أليمـه
ياما جَـرَحْ نـاسٍ ويامـا طعنّـي
وياما نَهَبْ نـاسٍ وْكـلٍ خصيمـه
لا تقول منّي، لا حَشَا هـوب منّـي
ممنوع أخْذ الثـار ثـاري لزيمـه
بْكَشْف الجريمه أمنكم مـا لَحَقْنـي
مجرم ما بين الناس هـذي عظيمـه
باعطيك من وصفـه ودوّر وعنّـي
واعمل تحرّي فْ.. كل بيتٍ وخيمه
كانـك لقيتـه لـى شبيـه الدمنّـي
أبـو العيـون الناعسـات العديمـه
أهو الذي بْحِسْنه يا (ضاحي) غلبْني
ولا اظن ترضى لي أنـا بالهزيمـه


========================




القضا بالقضا
لا تحاول تعيد بدمعتك ما مضـى
ما تداوي دموعك جرح طول البعاد
إنتهى الحب يا اللى بيننا وانقضـى
ولا بقى لك بقلبي غير ذكرى وداد
كنت أجيك بْخفوقٍ فيه حبّ ورضا
وكنت انته حبيبي غايتي والمـراد
وكنت أشوفك حياتي جوّها والفضا
وكنت يومٍ تغيب آموت هَمّ وْ نكاد
بس خِذْها بْصَراحه القضا بالقضا
ذوق كاسٍ شربته منْك اسمه عنـاد
يرفض القلب مثلك به ودادٍ حظـى
دامه انسان مثلك قطعةٍ من جمـاد
ما تعيش المشاعر في خفوقٍ فضى
كيف تبني ودادٍ له عنـادك عمـاد
يا فقير المشاعر، يا شتات الشظـا
المحبّه بوادي، وانـت والله بـواد

====================

حمدان بن محمد بن راشد آل مكتوم يرسم بالشعر أحداث فوز شقيقه أحمد بن محمد بن راشد آل مكتوم
بالمركز الأول..في أسبانيا والزمان..زمن انهمار الشعر من الأب.. إلى الابن..
زمن المكارم المتوارثة أصالة وكبرياء.. حمدان شاعر وفارس أدرك قيمة النصر فمنحه
زخم إبداع القصيدة وقوة حضورها البهي..

فز الشبل من صكّت الحلقه على الابطـان
يوم الشجاعة تنهـزم وتزلـزل الابطـال
يومٍ تخربط يـا عـرب تتغيّـر الأوزان
رد الشبل في زمجـره متحـدّي الزلـزال
فزّ الشبل (أحمد) بقـوّه ترعـب الميـدان
وذاك الأسد قايد يحـرّك بيـده الأشبـال
وقام التحدّي في جبـالٍ خوّفـت فرسـان
و(احمد) بعزمه إنفرد وابعد شرات الـلال
لا ما يهمّه صعب كل الصعب تحته هـان
والنصر ما جابه صدف جابه بطولة بـال
يخضع له الفوز بفخر من سالف الأزمـان
تاجي وعزّي ومنهجي، يا غيثـي الهمّـال
شيخي وابوي (محمّد) اللي للنصر عنـوان
في عيونه يبان التحدّي والصبـر وآمـال
واحمد تعلّى واعتلى هو فـارس الشبّـان
في عيونه يبان التحدّي والصبـر وآمـال
أنا اشهد انّه عاش ع صهوة فرس وعنان
ولا يْبيّن الرجّال كود ان كان ابن رجّـال
ولا اظن بان السيل يجري دونه الوديـان
وحنّـا إذا قلنـا تـراه أقوالنـا أفـعـال
مازان هو بالفوز والله الفوز باسمـه زان
يختال هو بالفوز.. لا إلفوز بـه يختـال
المجد كل المجد من (أحمد) بنى لـه شـان
والعز كل العز من (أحمد) خصالـه نـال
ما خاب ظنّي فيه يوم الصبح نوره بـان
الصبح يفرح يوم شاف (احمد) بخيله صال
له غنّت حروف القصيده باعذب الألحـان
والنعم باحمد قلتهـا والحـق بـه ينقـال
فارس ابن فارس إذا قالـوا فـلان فـلان
أحمد بن محمد ابن راشـد ياحـيّ الفـال
يومٍ عزيته فزّ قـال انّـي أخـو حمـدان
أنا اشهد ان الفوز باهدي لك على كل حال



========================




(أمّي)

وش خانـة (دبـي) وْبَحَرْهَـا
مادام شمس (دبـي) مـا حَـدّ
تبكـي فيافيهـا وشجَـرْهَـا
والطيـر عيّـا مـا يـغـرّد
و(زعبيل) لى مظلم قصرْهَـا
ما به سوى صوت الصدى يْرِدّ
وِنْجـوم تسـأل عـن بدرهـا
لى ينير داجي الليـل الاسـود
يـا شمعـة الـدار وسفرْهَـا
يا امّـي مـن الشـوق آتوقـد
إن كان شِعْري مـا حصرْهَـا
الاشواق تظهـر فـي التنهـد
تجيب لـي النسمـه عطرهـا
لى يْغَار منّـه فايـح الـورد
القلـب ينبـض بـه ذكرهـا
وِطْيوفهـا فـي العيـن ترقـد
الله يطـولْ فــي عمـرْهَـا
وتبقـى لنـا وبعمرهـا يمِـدّ
وعساه مـا يطـولْ سفرْهَـا
وِلْنـا بخيـر انشـا الله تْـرِد


==================



أنا في الشعر..

أنا في الشعر ابن هذاك إذا إنته تعَـرْف الشعـر
أهيجْ في البحور أمواج، أمشّيهـا علـى كيفـي
واقول لك لا تجاريني ترى أمشي بدربٍ وعـر
واذا تبغي تجاريني ترى لـك صامـدٍ سيفـي
ولا تضمن تحوز النصر وانا بحرٍ وانته نهـر
واذا عارضت تيّاري تبـرّى موجـي وْسِيْفـي
وكم من واحدٍ غيرك تعرّض لي وجـاه الكسـر
ودارت به هبوب رْيَاح في أقـوى عواصيفـي
تهاجم سايل الأقلام وسطرٍ مـا يهـزّه سطـر
وإنته وينها افكـارك عـن بْيوتـي وْتهديفـي
تبا روس العلا وانته تحوّل في طريقـك حـدر
تحاول بس ما تِقْدَرْ بـأن توصـل مشاريفـي
نجوم الليـل ماتنـوِرْ إذا بيّـن شعـاع البـدر
وش اللي يجمع الوسمي على سحب ورْعد صيفي
تشوف الجاذبيّه لي في هالدنيـا تجـرّك جـر
أنا عكسه أفرّك وين مـا أبغـي علـى كيفـي


====================



المنهل العالي
قصيدة مهداة لسمو الشيخ محمد بن راشد بمناسبة حصوله على المركز الأول في سباق ماراثون اسبانيا للقدرة



العظيم الله وانا مُؤمـن بهـا كَلمـة عَظيـم
والحياه بْها رسُل مع أنبيا وْصحب وْكـرام
والكتب لي م السَما الإنجيل والعهـد القديـم
والختم قرآن أنـزل بيـن مَكّـه والحـرام
والرسول المصطفى محمد لنا خيـر وْنعيـم
كان أمّي وراعي اغنام وهدى بْنـوره أنَـام
والزمن دولات حكمه بين سين وبيـن جيـم
لارخت في يوم شَدّت حبلها تبغـي المشـام
عدْت اطالع في البدايـه والنهايـه والنديـم
وابن سينا وابن خلـدون وْموطـأ هَالإمـام
البصيره لي تقـود العقـل للـراي السليـم
ما يعرف النور شخصٍ جاهل بْأمر الظـلام
التجارب معـدن الرجّـال بمْحَـكّ الجسيـم
الجسيم اللي يفكّ عْقودها لـو هـي جِسـام
ذاك حتى لو جلـس الـدرب بيـده يستقيـم
واهَنيِّ الأرض تحتـه كـلّ ماعـزّم وقـام
المحمد .. لي بحزمه عِلـم يتسمّـى حَليـم
حِلمه اللي بْحَدّ وبْحَـدّه يحِـدّ مْـن الحَـرام
المحمد .. الحكيم اللـي بـه الحكمـه تقيـم
لاعجب لو تعجب السبع العجايـب بـه دوام
المحمد .. لو( حدايق بابـل) توازيـه غيـم
له حدايق شعر نرجس ما تغطّيهـا الغمـام
و(المسلاّت) بْعلوّ نجومها رْجـال وْحريـم
ما تعلّت فوق نجمه ساطـعٍ لـو قيـل نـام
وكلّها (اهرامات ) جيزه لي بها السِّر الكتيـم
رامها باخلاق سَمْحَه بَالصـلاه وْبالصيـام
وبرج (بيزا) كان هو يُحْسَبْ عجيبه للفهيـم
وش نسَمّيها بروجٍ ساسها كانـت خيـام؟!
وتاج علمه كالسّحَاب الموشلي مبسمـه ديـم
لو (محل هالتاج) يوقف قال باوقف له نظام
وذاك (سور الصين) شُيّد من زمن قافٍ وميم
عام ميتين وسبعتعشر علـى قيامـه تمـام
سوره الإسلام ممشى والصـراط المستقيـم
كلمته موقف ماهي صوره تعلّـق أو حمـام
و(المناره ) قامها (بطلِيمُوس) بْوصفه زعيم
عام ميتين وْثمانيـن وبقـى منهـا الحـلام
هالمناره لو درت بمحمـد الشهـم الشكيـم
ما اغفلت عن نورها لآخر مواعيد الضـرام
هالعجايب لو هو ثامنهـا باقـول الله عليـم
ما يكنّه من عجايب فـي معانيـه ازدحـام
ودّه وودّه ولـكـن الابجـديّـه كالنسـيـم
ما توفّي و لا تكفّـي لـو بكفّـه هالكـلام
المحمد .. من علوّه ينهـل البحـر الكريـم
ومن سكوته في سكوته تقرا تاريـخ الكـرام
جيت له داعي أنا ما بين زمـزم والحطيـم
ميم حاء وْميـم شـدّه وْدال رمـزٍ للسـلام



=====================



صبري ملّني

لِمِّني فـي مَحْجَـر عْيونـك حبيبـي وخلّنـي
خلّني آشوف نفسـي فـي عيونـك واطمئـن
دامِك إن سَلْهَمْـت بالرمـش الظليـل تْفِلّنـي
(لعنبو) ذا الرمش كيف انّي من اسبابـه أجِـن
حبّك اللِّي تَـلّ قلبـي مـن بَعَـدْ مـا تَلّنـي
صِدْق أنا ميّت بحبّـك كانهـا عيونـك كَفَـن
إجْمَـعْ اللِّـي باقـيٍ منّـي شتـات ودلّـنـي
شوفني ذاك الغريب اللي يـدوّر عـن وطـن
صَدّك اللي هَـدّ حيلـي والجفـا لـي علّنـي
ليـه قلبيـن المحبّـه بالمحبّـه مـا الْتِـقَـن
قلت ابـاصبر والصَبِر من زود صبري ملّني
وقلت ابـانسى واثر طيفك صار له عقلي سجن
ضاعت دْروب المحبّه والحـزن مـا ضلّنـي
يا حسافه ذي الليالي.. ذي الليالي مـا انصفَـنْ
لا تهلّ دْمـوع مـن عينـك أخـاف تْهِلّنـي
خايف أطْلَعْ من عيونك لا مـن فْـيـومٍ بكـن



========================





مستحيل أنساك

مستحيل أنساك هـذا مستحيـل
مستحيـل أنسـاك والله للأَبَـدْ
من يعاشِرْ شخص مثلك ما يميل
لا ولا ينوي على غيـرك أحَـدْ
يا جميلٍ في جميلٍ فـي جميـل
يا فريد اللون فـي جيـدٍ وْخَـد
ترتسِمْ في وجنتك شمس الأصيل
وجمرتينٍ بينهن صَـفّ الَبَـردْ
والعيون الدعج والرمش الظليـل
ونور وجهك منّهن نور اسْتِمَـد
تهت في حبّك مثل تُوْه الضليـل
وزادت جْروح الَحَشا جْروحٍ جِدَدْ
ولا ولا عن حبّك أرضى بالبديل
وْكَنّ باقي الخود تكمالـة عـدَدْ
لي يسير الدرب يوصَلْ لو طويل
أو مِثِلْ ما قِيْل من (جَـدَّ وَجَـدْ)



=====================




عَوّضوك بْغيابي

عَوّضوك ْبغيابي لا تقول انّي َوحَشْتـك
لا تجاملْ دخيلك فـي شعـور يْعَنينـي
بَسّ يكفي كفايـه لا تمـادى عَرَفْتـك
خَاين الحب مَا له في فـوادي حَنينـي
إنت ياللي بعيني حِلْم عمـري رسَمْتـك
وكيف تجرح خفوق يعشقك من سنينـي
أحسبه زاد حبّي في غيابـي وْحسَبْتـك
ما تجاهَـلْ وِدَادٍ كـان بينـك وْبينـي
كَم سَهَرت الليالي وكم ليلـه سَهَرْتـك
وكم ليله خَيَالك نام في وسـط عينـي
وكم قل لي دخيلك كم ليـل اْنتظَرتـك
كم قل لي تِفَضّل، كم صَـدّك يجينـي
كنت تجري بْدَمّـي لا نزَفْتـه نزَفْتـك
كنت ساكن خيالي، داخلـي مِحتوينـي
من كتَبْ الحـروف الأبجديّـه كتبتـك
"لامَه" إن كان تبغي أوَّلْ الحرف "سيني"




=====================



تواق
توّاق لـك أشكـي ولا زلـت فـزّاع
لكـن تبـدلْ حـال وابغيـك تفْـزَعْ
انت الذي لك رمز فـي كـل مطـلاع
يوم الرجـال تْحيـن (تـوّاق) يطلـع
المجد لك يا فخـر الامجـاد ينصـاع
غصبٍ عليه وتحت رجليـك يِخْضَـعْ
والعز بامرك يا سنـا العـز مطـواع
ومن كان مثلك.. كـان للعـز مربـع
غصت فْـبحور الشِّعر لين اغزر أقواع
ومنزلك عالي.. يا نجـم فـوق تلمـع
الحر في المقنـاص معـروف طَـلاعْ
وانت الفريد.. النادر.. الحـر اْلاروع
كلٍ لـه اعجـازٍ.. وكـلٍ لـه ابـداع
لكنّك انتـه بالفعـل صـرت الابْـدَعْ
لو باكْتِبْ مْن اليـوم ويجـف لِيْـراع
ما اظنّي أحصي كل ما فيـك واجْمَـعْ
ظبيٍ سَرَقْني.. ماخِـذْ القلـب بِخْـداع
حلـوٍ وداده.. لكـن القـول يِـخْـدَعْ
كـمٍ تحمّلتـه وكـم جتنـي أوجـاع
وانا ابتسِمْ له.. كيف والجـرح يوجـع
أبغي دخيلك آخِـذْ الصـاع بالصـاع
آخِـذْ قضايـه ليـن لِعْيـون تِـدْمَـعْ
فزّاع يشكي لـك.. ولا زلـت فـزّاع
لكـن تغيّـر حـال وابغيـك تفْـزَعْ




=======================



ثلاث أيّام
ثلاث ايّام مرّن فـي حياتـي غيـر
ثلاث ايّام عشـت الحـبّ واغليتـك
ثلاث ايّام واتهجّـى كـلام الطيـر
كلام أعْذَبْ من اعْذبْ مـن تفدّيتـك
رسالة حبّ شاهدْها غـلا وْتعميـر
على فْوادي تربَّعْ واسْكـنْ فْـبيتـك
أقول إشْ قد انا عطشان وانت البيـر
دَلو فكري نَضَحْ من كلمتـي ليتـك
أقول ال(ما يصير) لْعينك انت يْصير
ولو حتى بْثرّيـا الكـون حطّيتـك
حبيبي والغلا صوره بـلا تصويـر
صوَرْها بكل رَمشة عين أنا ريتـك
حبيبـي والعطـا يحتـاج للتقديـر
إذا صرّحت أنا اللي حّيـك وْمَيْتـك
ثلاث ايّام مرّن فـي حياتـي غيـر
ثلاث اّيام عشْـت الحـب واغليتـك
ثلاث ايّام لكن ما ادري شِ التفسيـر
بس.. ادري من ثلاث ايّـام حبّيتـك



=================




تحلا بعيني

يا مشعل القلب تكفي خفّـف شويّـه
القلب من كثر صدّك ويلـي لْحالـه
دامه يحبّـك ولا لـه غيـرك بْغيّـه
وش له تحطّه بدنيـا الهـمّ وتْنالـه
انته حبيبـي لقلبـي نـوره وْضيّـه
تحلا بعيني وقلبي صِرْت تحـلا لـه
وانته ربيع الخفوق وْشمسـه وْفَيّـه
وان حبّ غيرك خفوقي باقطع وْصاله
ما اريد بك حَدٍّ وْلو هو كان حوريّـه
إنته مهَدّي الغـرام وانـت زلزالـه
للموت انا لك حبيبي صـورةٍ حيّـه
ميّت بحبك وحبّك صِرْت انا اسعى له
يا بو عيـونٍ مثِـل عيـن الدمانيّـه
حورا هَدَبْهـا مظـلّ ودعْـج قتّالـه
كاسِنّك الحِسْـن واوصافـك خياليّـه
ومن راد يوصف جمالك أيتهيّـا لـه




وسلامتكم ... منقول

المصدر: منتديات بنات دوت كوم

---

t.hhhhhhhhhhhhhhhhhhhhhhhhhhhhhhhhhhhhhhhhhhhhhhhh hu

الموضوع الأصلي : فزاااااااااااااااااااااااااااااااااااااااااااااااا اع || القسم : المخالفات || المصدر : منتديات بنات دوت كوم || كاتبة الموضوع : كتبيه وكلي فخر

[كتبيه وكلي فخر]

يله بنات وين ردودكم ؟؟؟؟!!!!!!!!

[صمت الشوق]

صح السان شاعرنا والله ......وتسلم انامله اللي خطت هالكلمات الذوووق والغاويه ...




ومشكوووره غناتي على النقل المميز ...تسلم اناملج العسل ...


ويعطيكم الف عافيه انتي وشاعرنا ...

[كتبيه وكلي فخر]

ااااااااااااااااااااااااااااااااااالعفو

[همس المطر]

شكرا اختي صراحه الشاعر ما شاء الله مره حلو شعره طبعا عشانو امراتي
تقبلي مروري

[كتبيه وكلي فخر]

يسلموووووووووووووووووووووووووووووووووووووو

[عصفورة الأقصى]

الصراحة شعره وااايد حلو..

طبعا لأنه إماراتي...
مشكوورة اختي ع الموضوع الحلو..
تقبلي مروري؟..

[كتبيه وكلي فخر]

مشكووووووووووووووووووووووووورة

[بنت امي]

بصراااااااااااااحة جنااااااااااااااااااان

الشيخ (( حمدان بن محمد بن راشد آل مكتوم ))
الله يحفظه و يطول بعمره

[كتبيه وكلي فخر]

يسلمووووووووووووووووووووووووووووووووووووووووو