مدرسة الأنمي

[أميرة بنضرتي]

راح اتكلم امراتي والقصةامراتيه عشان تكون أحلى




السلام عليكم ورحمة الله وبركاته

شحالكم ان شاء الله بخير

ومباارك عليكم الشهر >>> متأخرة





والسبب تأليفي للقصة هو اني اشتقت للمدرسة >>> بروح للغثى الله يعين

وحبيت اتذكر الاشياء الي كنا نسويها وسوالفنا ،لكن من خلال شخصيات الأنمي

مابطول عليكم وراي دراسة خخ

بسم الله بدأنـــــــا




شخصيات هل القصة كثيرة في كل حلقة بذكر بعضها وبعضها مفاجأة

وانتقيتهم من باقة الانمي الي احبهم ...

بالنسبة للشخصيات حطيتهم في صف واحد مع ان في اختلاف في السن

لكن ادارة المدرسة تمشي بالواسطة فالشخصيات الصغار رفعوهم للصفوف المتقدمة

تعريف بسيط بالشخصيات

اولاً الطلاب



ايتشيقو : مع انه طالب مشاغب لكنه وقت الامتحانات يطلع العاشر ع الصف !



إدورد : ملقب بالقزم في الصف ( مع العلم ان في ناس اقصر منه ) طيب وحبوب لكنه

يعصب لما احد يسميه قزم ><



حسان : أغبى واحد بالصف حطم الرقم القياسي في الرسوب

وفوق هذا يسمي روحه عبقري !



ساسكي : رزه ع الفاضي ومغرور ومشهور في الصف مع انه كسلان بس عنده واسطه في الادارة ...



كيريهارا : يصنف في المرتبة الثانيه في المشاغبه على الصف هوايته ابتكار اساليب مطورة لتعذيب المدرسين



شيكامارو : طالب خامل وكسول درجة اولى
طول الوقت راقد مايقوم الا لما يطق جرس الفسحةلكنه ذكي و يخترع اساليب غش حق الامتحانات !



ناروتو : يغار من ساسكي لان كل المدرسين يخافون من واسطته وناروتو يحاول يلزق روحه بالمدرسين بس محد ماعطنه ويه



لايت : ملقب بأبو ويهين لانه مع المدرسين
هو طالب عبقري والاول ع الصف و محترم و ورى ظهورهم يحب يشوش بين
الطلاب والمدرسين ويسوي ضرابات بينهم !



ريوزاكي : وحليله طالب مؤدب ومحترم ماقط سوى مشكله بس يغشش الطلاب في الامتحانات لانهم يكسرون خاطره



آكتسو : هذا هو المصنف رقم واحد في المشاغبة
و اثاره المشاكل كل المدرسين يخافون منهومحد يقدر يقرب صوبه
ولا بيكون مصيره مأساوي يقولون انه يهرب اسلحه داخل المدرسة ولقوا في شنطته مسدس محشو


الطالبات :



روكيا : دوم تتضارب ويا إدورد على امنو فيهم الأطول ! وهي الي سمته " قزم "



وينري : تهرب مكياج داخل المدرسة وتبيعه ع البنات و الادارة تسعى للقبض عليها متلبسه !!



تاتسكي : اقوى بنت في المدرسة عندها حزام اسود في الكاراتيه وتحب تتضارب ويا الاولاد



ساكورا : من الاوائل ع الصف ( مو باين لوول ) الكل يبا يغش منها بس هي ما تغشش الا ساسكي !

يتبع ...

المصدر: منتديات بنات دوت كوم

---

l]vsm hgHkld

الموضوع الأصلي : مدرسة الأنمي || القسم : "الأرشيف" مغلق || المصدر : منتديات بنات دوت كوم || كاتبة الموضوع : أميرة بنضرتي