 |
|
|||||||
الـقـصـص و الـروايـات 
[ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ] |
يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد
 |
|
|
أدوات الموضوع |
|
|
|||||||
| الـقـصـص و الـروايـات
[ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ] |
يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد
|
|
|
أدوات الموضوع |
منذ /12-04-2011, 03:24 AM
|
#101 | ||||||||||||||||||||||
 ملكة التنسيق مبدعة الردود
شُو بدك ؟
|
|
||||||||||||||||||||||
|
| #ADS | |
|
:: إعلانات ::
Circuit advertisement
 تاريخ التسجيل: Always
الدولة: Advertising world
العمر: 2010
المشاركات: Many
|
|
|
|
|
منذ /13-04-2011, 10:11 PM
|
#102 | ||||||||||||||||||||||
|
بنوتة محلقة
ڪارولينآ בِـّ
|
البَآرّت يهُهُهُهُهُهُهُهُهُهُههُبَل تُسَلِّم يَدِيْنُك
|
||||||||||||||||||||||
|
|
|
منذ /13-04-2011, 10:11 PM
|
#103 | ||||||||||||||||||||
|
بنوتة محلقة
|
 روعة ييسلموا حبيبتي بنتضار البارت الجديد اوهذا البارت ررررروووعة
|
||||||||||||||||||||
|
|
|
منذ /14-04-2011, 02:27 PM
|
#104 | |||||||||||||||||||||
|
بنوتة مبتدئة
White Angel
|
شعاع الاكوان
|
|||||||||||||||||||||
|
|
|
منذ /14-04-2011, 02:48 PM
|
#105 | |||||||||||||||||||||
|
بنوتة مبتدئة
White Angel
|
الحين راح انزل الجزء الثالث عشر اتمنى لكم متابعه ممتعه
التعديل الأخير تم بواسطة فارسة القلوب ; 14-04-2011 الساعة 02:55 PM |
|||||||||||||||||||||
|
|
|
منذ /14-04-2011, 02:51 PM
|
#106 | |||||||||||||||||||||
|
بنوتة مبتدئة
White Angel
|
(الجزء الثالث عشر )
ما بين صدري والمقابر علاقات بالأسم والمعنى ودفن الضحيه """...""" الفرق بيننا المقبره تدفن آمووات وأنا دفنت أشياء بآلصدر حيه في الرياض ببيت ابو طارق كان فهد جالس بغرفته ومقفلها عليه ويتذكر شكل ليان نزلت دموعه وهو يحس بحرقه على بنته بس هو اخفاها عن جواد عشان يحرق قلبه لانه يضن انه هو اللي مهرب جود عشان كذا ماعترف فيها لانه مايبي جواد يدل مكانها ولا هو كل يوم يروح ويناظرها لما تطلع من المدرسه وترجع مع السواق يتمنى انه يقدر يقولها انه ابوها ويقدر يضمها ويشوف عيونها اللي يعشقها وماينام الليل الا اذا شاف صورتها بجواله راح وطلع الرساله اللي مخبيها من 12 سنه تذكر وشلون وصلته (كان جالس بغرفته وهو يناظر بنته ودموعه تنزل للمره الثانيه يفقد الامل في جود بس الحين الظاهر انه للابد بيفقدها سمع ضرب على باب الغرفه فهد : ادخل دخلت الشغاله وبيدها ضرف قالت ان زينب مربية جود تقول وصلوه لفهد انصدم يعني جود اتركت له رساله خذا الضرف منها بلهفه فتحه وقعد يقراه ودموعه تنزل ) فتحها وقراها ( بسم الله الرحمن الرحيم الى ولد عمي فهد ابي اكتب لك هذي الاسطر وياليت تفهمها زين مادري وشلون اعبر بس اللي ابي اقوله على كثر ماكنت اصدك واحب اقهرك الا اني ماتوقعت انك بيوم راح تسوي اللي سويته فهد انا فقدت احترام الكل من امي وجهاد وعماني وقبل هذا فقدت احترامي لنفسي انا عشت بمعاناه وفي الم عمرك ماراح تتخيله ولا راح تحس فيه ادري بتكون فرحان الحين لانك عرفت اني عايشه بهم لكن انا ماعاد يهمني شي حزنت ولا فرحت لاني قررت ارحل للابد يمكن تتسائل ليش ارسلتلك انا يافهد على الرغم من حقدي عليك وكرهي لك الا اني مانكر انك كنت السبب في وجود اغلى شخص بحياتي وهو ليان فهد انا ابيك تهتم في ليان وتعوضها عني تراها بنتك اتمنى ماتكرها من كرهي ابعدها عن جهاد لانه يكرهها بس جواد ترى يحبها ويعشقها فهد اذا كبرت ليان قولها اني مت لاني مابيها تعيش على امل انها تشوفني وانا مستحيل ارجع بس طلبتك يافهد ابيك تعيشها بعز ابيك تربيها وتحافظ عليها ابيك تدرسها باحسن المدارس وتدخلها الطب ترى حلمي انها تدخل الطب فهد انا باختفي من حياتكم وانا مرتاحه لانكم كلكم تكرهوني انا مو شاغل بالي الا ليان ياليت تهتم فيها ترى هذي وصيتي لك وهي عندك امانه و ياليت تقول لاخواني لايبحثون عني انا في مكان مستحيل يعرفون عنه بلغهم اني بضل روحي كله ارحل من مكان لمكان فلا يتبعوني الا اذا كانو يبون يصيرون رحاله على اخر عمرهم واخيرا أمشيبدرب(ن) به التردّي تردّي والوقت ما يمدي على ماأريده عزّاه من وقت(ن) مضابي ابتحدي أفنيت دربي فيظروف(ن) عنيده وقت(ن) أناسه دمعهم فوق خدّي والخدمايحمل دموع(ن) جديده ناس(ن) أشيل همومهم فوق وجدي لكنّ همّي منهو الّي يبيده هدّيت جرحي بس عيّا يهدّي كل ما لجمته قطّع احبال قيده بيدي طعون(ن)من أثر رمح يدّي يدّ(ن) تخون الّي وهبها وريده لو كان جرحي من عدوّيوندّي آنا لها لو كانت اهيا عديده لكنّ جرحي من قريبومودّي مثل الصدا يفني بجسمي حديده قادر أزيل الّيبحولي مصدّي وابري جروحي حتى لوهي مديده بس المصيبهطيب قلبي وعهدي ما بيع دمّي لو نزفني شديده أهون عليّهاندفن جنب جدّي أحضن ترابه بس ما انقص رصيده محد(ن) من الزلاّت محصن بسدّي لكن أخاف الّييحاسب عبيده خل الأماني تمسك اليوم يدّي وابدا معالأيام رحله جديده لو قلت ودّي ولاّ خطيت ودّي الموجعالي والمواني بعيده ضدّي بحور وعاصف الريح ضدّي والناس تحسبني فرحلهسعيده! على الرغم من اللي جاني منكم انا مسامحتكم بس اللي بالقلب خلوه فيه بس تكفى تكفى تكفى يافهد ليان لاتدري انها بنت مو شرعيه وهذي هي وصيتي لك بنت عمك \ جودي ) نزلت دموعه وهو يضم الرساله ويغني بصوت حزين الله اللي رادوالعقده قضاها اللي iiعقدها لا على الدنيا سلام .. ولا لباقي العمر iiزينه الفضا ما كنّه الا خيمةٍ طاحت عمدها والفرح ما كنّه الا شيخٍانقصّت يدينه والعمر قطعة زجاج انكسرت ولا طال امدها والعرب في العيدبدموع اليتامى مستهينه والشوارع لفّها ثوب الظلام اللي هجدها والبيوتاطلال من عقب المحبّه والسكينه والشتا والليل والبرد وسما يصرخرعدها والعيون اللي ورى الشّباك مذعوره حزينه طوّلوا بالكهف الاصحاب وبقتروحي وحدها كنّها في كوكبٍ ثاني خلا من ساكنينه الوداع اللي بعلم العينيعبر من رمدها والوداع اللي بلا علم لقفص صدري غبينه والوداع اللي بلارجعه علي أمرّ iiوادهى والله انّه غرغرة سم وسكاكينٍ سنينه والعنود الليجفيت الناس والدنيا بعدها مدّت الفرقى لغاليها وهي تعطي الثمينه وينهاكيف اتركتني ليه ما جت في وعدها والقمر لاطل خابرها تجي بيني وبينه رحتانادي واتلمّس في مهب الريح يدها كنّي احصانٍ بلا صاحب طوى البيداحنينه رحت اصيح الصبح وينه والعرب مارد احدها ما سمعت الا صدى صوتي يقولالصبح وينه كنّهم من يوم ذيك الشمس غابت من بلدها طلّعوني في النّفودوصكّوا ابواب المدينه كنّهم من يوم ذيك الذاهبه محدن وجدها كل رجّالٍ منالشّرهه قلع في الدرب عينه أثرها ماتت ...... سكت ماكمل الاغنيه وهو يبكي : مستحيل تكون ماتت بس ليش مارجعت لها الحين 12 سنه معقوله عايشه للحين بس وين فيه ادفع عمري كله بس اعرف وينها فيه تنهد : الله يجمعني فيك ياجود وربي لابيع الدنيا كلها لعيونك اما في قصر اخر بالرياض اول مره ندخله من بعد 12 سنه الساعه 10 الليل جهاد : يمه الله يهداك الى متى وانتي بهالحزن ترانا ماخلينا مكان الا وبحثنا فيه عنها ماحصلناها امه بحزن : ياجهاد والله حلمت فيها تخيل كانت تناديني ولما جيت بضمها سمعت صوت طفله وبعدين زعلت وراحت قلبي ماكلني عليها تكفى ياجهاد دور عليها ياولدي لاتيأس جهاد بتعب : تعبت يمه تعبت وتأنيب الضمير مو مخليني في حالي امه : طيب اسأل جواد يمكن يعرف عنها شي جهاد : يمه الله يهديك ترى جواد كان معنا بذيك الليله يوم درينا وشفتيه كيف انصدم وبعدين انتي عارفه كل ماسألناه عنها ثار علينا وقال انكم انتو السبب وش تبون فيها بعد امه : طيب ياجهاد انا فقدت جود مابي افقد جواد اقنعه ياولدي انه يرجع يعيش هنا جهاد : يمه جواد مايكلمني الا للضروره والسلام بس اما غيره كني غريب عنده يتعامل برسميه وهذا حاله من اختفت جود وبعدين اذا انتي ماقنعتيه وشلون انا اقنعه امه ودموعها تنزل : ربي يعوضني في عيالك ياجهاد وجود وجواد ربي بيردهم لي مثل مارد يوسف واخوه لابوهم بهاللحضه دخل خالد ولد جهاد واللي صار عمره 16 سنه خالد : السلام عليكم ابوه وجدته : وعليكم السلام ابوه : وين كنت فيه الى هالوقت خالد : ابد كنت بالنادي جدته : ياولدي وش لك بالكوره وبلاويها خالد : جدتي ياعلني فدى راسك تبين عمي جواد يشتهر وانا لا جدته بحزن : ياليت جواد قلبه يحن ولا نبي هالشهره جهاد : يمه طلبتك ابي اجلس معك مره ولا تتكدرين بذكراهم امه : ليه تبيني انساهم جهاد : لا الله يحفضك بس خليها على ربي ومتى ماكتب ربي انا نجتمع بهالبيت مره ثانيه اجتمعنا امه وهي تبكي : الله يبلغني هاليوم ناظر جهاد لولده خالد بضيقه : زين كذا تذكرها ماقلت على الله انها تسلى خالد بندم : والله يايبه اني ناسي جهاد : يمه فديتك خلاص لا تضايقين ولا والله ان اطلع الحين واسحب جواد غصب عنه ولا عاد يطلع من هالبيت امه : لا خلاص يامك بس لاتجبره على شي مايبيه خالد : يالله يالغاليه ابتسمي وامسحي هالدموع ترى من كثر مانتي محزنه صرت استغرب لاضحكتي جدته وهي تمسح دموعها : خلك مني و قلي وانا جدتك واش اخبارك مع هالكوره خالد : الحمد لله حنا مشاركين ببطوله بتكون في المانيا وللحين حنا نتدرب وانشاء الله ربي بيوفقنا جدته : الله يوفقك ياوليدي مع اني كارهه شغلتك هذي بس بتتعبك ولا انت مستفيد منها خالد : ربي بيعيني الا وين يوسفوه ابوه : راح مع امك لخوالك خالد بقهر : لاتقول ان جودي راحت معهم ابوه : اجل وش رايك خالد وهو يقوم : اجل انا رايح لهم مع السلامه جدته : خالد لاتبطي جبها تراني اشتقت لها جهاد : ما امداك تشتاقين لها يمه توها رايحه المغرب امه : ياولدي ماصبر عنها وترى هي اللي مسليتني عن ذكرى عمتها جهاد : الله يعين ( جهاد جا عليه بعد يوسف جنى 8 سنوات وبعدها جودي 5 سنوات جدتها اللي مسميتها طبعا قال جهاد اني بسميها جود بس امه رفضت وقالت سمها جودي لان جود تحب هالاسم كل العايله يموتون فيها ولا يقدرون يخلونها تبعد عنهم كثير وبعض الاحيان تصير حروب عليها خوالها يببونها وجدتها تبيها حتى جواد اللي ساكن بالشرقيه ومايجيهم الا كل جمعه عشان يسلم على امه ويتعامل معهم كلهم برسميه يموت فيها ومايشتاق للبيت الا عشانها طبعا جودي فيها شبه كبير من عمتها لدرجة ان جواد لاشافها تتدلع عند ابوها يحس ان الوقت يرجع وكأنه يشوف جود وابوه ) في الشرقيه كان قاعد يوجه الممثلين ويعلمهم باخطائهم مسك الممثل سعد : انت بتكون واقف ويكون صوتك حزين مره – التفت على الممثل احمد – وانت بتكون قاسي في تعاملك معه وكأنك تحمله اللي صار يالله الحين ابدوا راح وجلس على الكرسي يتابعهم فارس وهو يجلس بجمبه : جواد وسن يقولون اهلها انها تبي تنسحب عن دورها بهالمسرحيه جواد وهو يوقف بعصبيه : مستحيييييل فارس : يقولون ما اعجبهم الدور جواد بقهر : ليييييييش فارس : مدري يقولون مانبيها تمثله تعرف عاد الناس متشددين من هالناحيه جواد بضيقه : طيب وش السواه فارس : عادي مافات الا الشر باقي على العرض وقت كافي انك تجيب بنت ثانيه تاخذ هالدور جواد بعناد : بس انا مابي يمثل هالدور الا هي فارس باستغراب : وش معنى جواد بحزن : مدري بس كذا اتخيل ليان تشبهلها فارس : جواد استهد بالله واهل البنت رفضوا وش تبيني اسوي اغصبهم جواد : طيب قل بنزود لها الاجر فارس : جواد ترى السالفه ماهوب سالفة فلوس بس قصة ليان شوي حساسه جواد باسى : مافيه امل فارس : لاتخاف بدور لك على وحده ثانيه جواد بتعب : لا لاتدور خلاص مالي الا جنى بنت جهاد بس عساه يرضى فارس : لا ان شاء الله بيرضى جواد وهو مرهق : تكفى فارس تابعهم وشوف كيف التدريب انا بروح اكلم جهاد فارس : ان شاءالله انت كلم جهاد وقوله وبعدها رح وراك للبيت نم تراك ارهقت نفسك بزياده جواد : ابيه يوصلها يافارس باسرع وقت فارس : واذا يعني ارهقت نفسك بيتغير موعد العرض هد الوضع تراك صاير هاليومين عصبي بزياده وتتنرفز على ادنى شي من التعب اللي هاد حيلك تنهد جواد : خلاص باكلم جهاد بعدين بروح اريح يالله مع السلامه فارس : مع السلامه عند جهاد كان قاعد مع امه بعد ماجاب خالد جودي وقاعدين يسولفون ويضحكون وهذا بفضل الله ثم جودي اللي أي مكان تحضره يعمه الفرح دق جواله وشاف رقم جواد خاف لايكون فيه شي لانها موب عادته يتصل عليهم كلهم بهالوقت فما بالك اذا كان الاتصال له رد وهو خايف جهاد : هلا جواد : السلام عليكم جهاد : وعليكم السلام جواد : كيف الحال وامي كيفها جهاد : كلنا الحمد لله انت وش اخبارك جواد برسميه : الحمد لله الا ممكن اطلب منك طلب جهاد بفرحه : اكيد انت تامر جواد بهدوء : مايامر عليك عدو ابي جنى تشارك معي في وحده من مسرحياتي جهاد : ابشر بس مدري بتعرف تمثل ولا لا جواد : عادي بندربها جهاد : خلاص ابشر انا ماعندي مانع جواد : خلاص بس ترى التدريب بيكون هنا بالشرقيه جهاد بتردد : كم يعني وقت التدريب جواد : المسرحيه بتكون بعد شهر بس اذا خلصنا تدريب جنى قبل هالوقت بترجع عندك لين وقت المسرحيه جهاد : خلاص اجل توكل على الله جواد : اجل بكره بيجيكم فارس صديقي وخلوها تجي معه جهاد : وليش ماتجي انت جواد : انا عندي اشغال كثيره وما اقدر اجي جهاد : خلاص اجل بخليها تتجهز جواد : يالله توصي على شي جهاد : لا ابد سلامتك بعد يومين في بريطانيا كانت هند في المطار عشان تستقبل نورا واهلها اما جود رفضت انها تجي الا اذا عرفو اهل نورا بسالفتها اعلن المطار عن وصول الرحله وقفت هند بلهفه تنتظرهم طلعو من بين المسافرين هند بصراخ : نوراااااااااااااااا شافتها نورا واشرت لاهلها عليها راحو لها وسلمو عليها وتعرفت هند عليهم هند : يالله حياكم تفضلو معاي نورا : لا امي وخواتي حاجزين اوتيل هند بصدمه : ليش ام نورا : مانبي نثقل عليج يابنتي هند بعتب : وش هالكلام ياخاله وبعدين ترى لنورا في الشقه مثل مالي ام نورا : ماعليه يابنتي خلاص حنا حجزنا وخلصنا هند : طيب تعالو السياره من هنا راحو واركبو السياره وتوجهو للاوتيل لما وصلو استقبلتهم خادمه وشالت الشنط ووصلتها للاوتيل نورا : عيل يمه انا بروح مع هنود وانتو ارتاحو بعد السفر بكره نييكم ونطلع نتمشى امها : ليش انتي ماتبين ترتاحين هند : لا انا نمت وارتحت بالطياره ابي اروح مع هند امها : خلاص حبيبتي توكلي على الله نورا : يالله مع السلامه اول ما اركبو في السياره قالت نورا بقهر : ممكن تفهميني السالفه هند : والله اني داريه انك ماجيتي معي حب فيني بس الفضول ذبحك والعياذ بالله نورا : هننننننننننند هند بفجعه من صرختها : طيب بعلمك بس خلينا نوصل الشقه شالت جوالها واتصلت على جود جود : هلا هنود هند : هلا حبي جود وهي تضحك : الله يقطع بليسك لاتكرهين البنت فيني تراها كارهتني خلقه هند : فديت قلبك والله لاتخاف تأخرت لاني وصلت نورا واهلها للاوتيل حقهم جود : هند خلاص حرام عليك هند وهي ماسكه ضحكتها : فديت الرومانسي والله حتى انا اعشقك واموت فيك جود : اوف اوف خربتيها ياخوفي لاترميك الحين من السياره هند : يووووووووووه جواد ترى عاد استحي كان وجهها احمر لانها ماسكه ضحكتها بس نورا اللي كان متابعه المكالمه وهي ماسكه نفسها لاتسوي جريمه في هند توقعته محمر من زود الخجل جود وهي ميته ضحك : والله ان السحى منك شرق وانتي غرب هند : خلاص حبي نتفاهم بعدين انا الحين رايحه للشقه جود : اها يعني تنبيه هذا هند : خلاص قلبي لما اكون بروحي الحين انا عندي ناس واستحي جود : هههههههههههههههههههههههههههههههههههه نورا بصراخ : هننننننننننننننننننننند هند بروعه : اسم الله الرحمن الرحيم وش فيك انتي مع السلامه جواد نورا بعصبيه : لا ماتدرين وش فيني ياهانم وهالقرف شنو تسمينه هند : ياختي اعصابك وكل واحد حر بحياته نورا وهي تفتح الباب من القهر : وقفي وقفي هند بصدمه : وش تسوين يالمجنونه نورا بصراخ : اقولك وقفي انا الغلطانه اللي جيت معك من اليوم ورايح ماعرفك ولا تعرفيني وخليك حره بحياتك هند بهدوء : ياختي هدي اعصابك وتفهمين كل شي بالشقه نورا بقهر عمرها ماحست فيه : اقولك نزليني مابي اعرف عنك شي انتي وهالواطي هند : نورا بلا مبزره زايده قلتلك في الشقه تفهمين كل شي سكرت نورا الباب وهي مقهوره لما وصلوا لشقه وافتحو الباب دخلت هند ونورا تصارخ عليها : يالله ياهانم فهميني وش السالفه جود من وراهم وهي مثل ملابسها اول يعني كأنها ولد : بسم الله الرحمن الرحيم وش هالصراخ التفتت على نورا بعبوس : وانتي ليش تصارخين على هنودتي نورا بصدمه : انت وش جابك هنا راحت جود وضمت هند وباستها مع خدها : والله ياقلبي انا عايش هنا مع هنود من يوم مافكيتينا ورحتي للكويت وبعدين لاتقولين اطلع لاني ما أصبر عن حبيبتي هند : ولا انا حتى اصبر عن حبيبي بس لاتخافين بيبقى معي بغرفتي وماراح تشوفينه لاننا اذا طلعنا من الغرفه بنكون طالعين براا نورا وهي تناظرهم ومفتحه عيونها من الصدمه : .............. جود وهي تمثل انها متضايقه : نورا وش فيك ترى عادي مافيها شي لاتكونين متخلفه وتقولين عيب ومدري ايش نورا وهي تتقدم من جود وبشكل مفاجئ عطتها كف طلع كل حرتها هند بصدمه : يامجنوووووووونه وش سويتي التفتت جود على هند واغمزت لها ثم راحت لنورا وهي تمثل انها معصبه سحبتها بقوه ودفتها في المجلس وسكرت الباب من وراها ناظرتها بقهر تمثيل : ممكن اعرف وش تبين مني نورا بعصبيه وهي تبعد منها : ليه تبيني اخليك تلعب بعقلها جود باستهزاء تمثيلي : والله هي غبيه وش تبيني اسوي على طول صدقتني اني احبها نورا بغضب فضيع : وربي اذا ماطلعت الحين وابعدت عن هنود لايكون موتك على يدي جود وهي تقرب منها وتسحب حجابها : متأكده نورا بخوف : ابعد عنا وش تبي فينا جود بنذاله : تصدقين انتي احلى وش ابي بالغبيه ذيك هنا نورا بكت وجلست على الارض وهي ضامه نفسها بخوف جود : هننننننننننننننننننند هند تطل عليهم : نعم حبيبي جود : امحق حبيب تعالي شوفي نوير خافت مني مالت عليك هند وهي تشوف شكل نورا كيف جالسه وترتجف : هههههههههههههه نورا بخوف : هـ ــنـ ـد راحت هند لها واحضنتها : هههههه لاتخافين هنود نحري دون نحرك جود باستهبال : لا لا مايصير انتي تضمينها وانا لا هند بنذاله : افا عليك تعال حبيبي ماطلبت كثير نورا بصراخ : وربي لاتقرب لانحرك ياحقيير جود وهند : هههههههههههههههههههههههههههههههه جود : حسبي عليك يانوير ذبحتيني بالضحك اقول هنود انا طالع اجيب العشاء وعلميها بالسالفه لاجي والقاها متجهزه تبي تذبحني هند بابتسامة خبث : ابشر جواد جود وهي طالعه : حبيبتي لاتصدقين اني احبك هند وهي ترفع صوتها عشان تسمعها جود : بس انا احبببببببببببك نورا بعدم استيعاب : وش السالفه انتي عارفه انه يلعب عليك وراضيه هند : ههههههههههههههههههه اقول تعالي ودي اسوي فيها نذاله نورا : منهي هند : جود نورا : من جود هند وهي تضرب راسها : يووووه نسيت انك ماتعرفين السالفه اهم شي ان جواد بنت مو ولد نورا فاتحه فمها بعدم استيعاب : وشلون وجواد ذاك هند وهي تسحبها لغرفتها بسرعه : وشلون مو وقته اهم شي انها بنت وخلي مني فهاوتك راحت هند وخذت بنطلونين وجاكيتين سوداء من بناطيل جود وقالت لنورا يلبسونها والبسو غتر وتلثمو بها وسحبت نورا تبي تطلع بها نورا : وين بتروحين يالهبله هند : مالهبله الا انتي وبعدين فيه عصابه يطاردونا من ثلاث ايام وابي اخوف جود نورا بقهر : ياعالم فهموني أي عصابه وهالجواد وشلون تحول بنت لايكون تمثلون فلم امريكي وانا مدري هند : اقول امشي قدامي وانتي ساكته طلعو وتخبو ورى الزباله قريب من الشقه لما رجعت جود طلعو عليها وكتفوها من ورى هند تضخم صوتها : واخيرا طحت عليك جود ترجف : آآآآآ زعيم آآنا اسـ ـفـ ـه هند : يعني كنتي تكذبين علينا وربي لاوريك نجوم الضحى جود تبكي : تـ ـكـ ـفـ ـى اتــ ـركـ ـنـ ـي هند بنذاله : تدرين بخليك عبده عندي وببيعك على الرجال هنا جود ماتحملت جلست على الارض تبكي وهي ترجف نورا : واخيرا طحت عليج جود وهي تبكي بس استغربت لما قال الرجال الثاني عليج التفتت عليه بشك وهي ترجف : انتو وش تبون فيني هند وهي تقرص نورا عشان ماتخرب عليها لانها ماتعرف السالفه : اقول قومي معي صرخت نورا لانها ماتوقعت ان هند بتقرصها : آآآآآآآي ياحماره ركضت هند ومسكت فم نورا بس جود سمعت وعرفتهم قعدت تبكي وهي ترتجف : يالنذلااات كذا تخوفوني نورا : لا من اللي خوف الثاني جود : اهئ اهئ مالكم داعي والله خفت هند وهي تضحك : طيب ادخلي داخل ترى شكلنا كذا بوسط الشارع مسخره جود : اهئ اهئ والله انكم مجرمات نورا : الحين نسيتي اللي سويتيه فيني جود : وربي اني اقول لهند لاتسوين كذا بس هي اللي جابت الفكره نورا : وانا بعد ماكنت ادري ان فيه عصابه ولا شي كانت فكرتها كانت جود جالسه بوسط الشارع واكياس العشاء بجمبها ونورا جالسه على ركبها قدامها التفتو على هند اللي ميته من الضحك على اشكالهم وهم مقهورين منها ركضو يلحقونها وهي من الخوف انحاشت صوب الشارع ماراحت للشقه جود بصراخ وهي تركض : نوير روحي من قدامها من هناك نورا تركض وراها : هنننننننند لاتروحين بعيد ترى العصابه بيمسكونك هند بصراخ : بنااااااااااااات والله العضيم انا اسفه خلاااااص تووووبه جود وهي قربت تمسكها : طيب وقفففففففي هند تصارخ بخوف وهي تركض بالشارع ونورا وجود وراها وكان الدنيا ليل وضلام جود بصراخ ونفسها منقطع من الركض بس واصلت ورى هند : نورا بالله مايذكرك حالنا الحين بزمان اول نورا وهي تركض معها : الا والله مثل لعبنا لما كنا يهال هند بخوف وهي تركض : بنات واللي يرحم والديكن خلوني بحالي واقعدو تذكرو زمان اول والطفوله تراها احسن من ملاحقي جود : لا والله اني وراك لين امسكك وانتي يانورا كملي وش كنتو تسوون قبل هند وهي تطيح على الارض وهي تلهث من التعب : خلا ص توبه تكفوووون وصلوها جود ونورا وضربوها لين بردو قلوبهم نورا : قاعده تخططين تبين تقهريني هاه جود : تبين تخوفيني هاه هند : باااااااااااااااااااااس ضربوها لين سمحو ثم سحبوها للشقه وهم هلكانين من التعب هند وهي داخله الشقه تخبط : وين العشى جود : حسبي عليكم خليت عشانا برا هند : لاااااااااا اهئ اهئ جوعااااانه نورا : وانا تعباااااااانه جود : وانا نعسااااااااااااانه هند : اقول تراكم ضربتوني عقاب لكن وحده تطلع تجيب العشى جود وهي تحط رجل على رجل : انا والله تعبانه اسفه نورا تسوي مثلها : وانا بعد تعبانه اسفه قامت هند وهي معصبه : الله ياخذكن فيه احد يحصل عشى بعد هالتعب ويخليه برا طلعت لما جاته لقت كلب ياكله هند بصراخ : لااااااا ياكلب ياحمار هذا حقي انا مو حقك وشلون تاكل شي مو لك يالحرامي جود يوم سمعت صراخها طلعت تركض : هند وش فيك هند : عشاااااااي كلاه الكلب جود : ههههههههههههههههههههههههههه هند : وربي جوعانه بليز جود روحي جيبي لنا عشى جود : اقول لا ماتسكتين الحين خليت الكلب ياكلك ورى عشاك ضربت هند الارض برجولها وبصوت طفولي : مابي ابي عشى سحبتها جود ودخلتها لين المطبخ : هذا هو المطبخ تدلينه سوي لك عشى هند : لا تعبانه ابي عشى جاهز جود :اجل روحي استعطفي نوير يمكن تسويلك راحت هند لنورا حصلتها بسابع نومه رجعت لجود : جود بليز والله نوير نامت جود بغرور : لا والله ياعمري انتي اللي مفروض تطبخين لي والا من متى صارو الرجاجيل يطبخون للحريم هند : جوووووووووود جود وهي تتثاوب : عن اذنك بروح انام هند : لاااااااااااااااا راحت جود واسفهتها اما هند شربت لها عصير وراحت تنام وهي حاقده على البنات وناويه عليهم بنيه شينه في الرياض بمستشفى ........ نايمه على السرير بحزن : وش اخبار بنت صديقك ناصر بخوف : من علمك امه : انا دريت بنفسي ناصر بتعب : ادعيلها يمه امه بخوف : ليه وش فيها ناصر بارتباك : انتي مو تقولين انك عارفه امه بشك : عارفه انها مو بنتك نزل ناصر راسه : اها امه : وش فيها ترى انا لما جيتها قبل ماجيكم كان فيها حراره ناصر : لا الحمد لله طيبه امه : ناصر كم مره اقولك انا مو بزر تلعب علي ناصر : ليه يمه وانا وش قلت امه بعصبيه : بتعلمني وش فيها ليان ولا طلعت الحين اشوفها بنفسي ناصر : لا يمه الله يهداك ارتاحي انتي وليان منومه هنا حمى بسيطه وربي بيشفيها ان شاء الله امه بلا مبالاه : الله يشفيها سكت ناصر بضيقه امه : خلاص انا عرفت انها ماهيب بنتك من بكره مابيها في بيتي ناصر بصدمه : ليش امه : رجع البنت لابوها كفايه سكتني بها كل السنين اللي راحت عشان مازوجك بس تطمن ماراح اغصبك اخاف تجيني بولد بعد بكره وتقول هذا ولدي واكتشف مره ثانيه انه للاستيجار ناصر وهو مازال بصدمته : يمه وش هالكلام امه بنرفزه : اللي سمعته ناصر : يمه انتي سمعتي السالفه كلها امه : ايه يكفي انها ماهيب بنتك بنت صديقك من زوجته اللي ماتبيه هذا مايخليني ازعل انك مخفي هالشي عني 12 سنه ارتاح ناصر لانها مادرت بالقصه كلها : يمه الله يهداك قلتيها زوجته ماتبيه ولاتبي بنتها وهو عشان يحرق قلبها قال بارميها في دار الايتام قلتله لا انا بربيها وخذيتها منه امه بقهر : ليه تبي تساعده عشان تحرقون قلب امها عليها ناصر : يمه لو اني ماخذيتها كان يمديها ضايعه الحين على الاقل يمكن ربي يهديه ويهدي زوجته وترجع المياه لمجاريها امه : طيب ليش ماعلمتها انك مانتب ابوها ولا تبي تصدمها في النهايه ناصر : خليني يمه لين اقنع ابوها ويلين قلبه عليها ثم يصير خير امه : من اللي منوم معها الحين ناصر : محد منوم معها امه : من جدك انت مخليها لحالها ناصر بحزن – خليها تصحى وارابط عندها ليل نهار – : ماعليه بخلي العنود تجي عندها امه بحزم : لاتعني بنت الناس قم ساعدني اروح عندها ناصر بارتباك : لا يمه مايحتاج وبعدين انتي الله يهديك تعبانه ارتاحي امه بذكاء : كنت حاسه ناصر : بأيش يمه امه : هذي ثاني مره تكذب علي فيها ياناصر والله يستر من الباقي ناصر باستغراب : يمه وش تقصدين امه : ليان وش فيها عرف ناصر انها كشفته : ........... امه : قم ودني لها ناصر : يمه ليان بالعنايه امه ودموعها بعيونها : ليش وش صار لها تنهد ناصر : تعبت ولا احد عندها امه : قم طلعني من المستشفى وابي ازور بنتي على دربي ناصر : بس يمه امه تقاطعه : قم ولا تقعد تبسبس علي ناصر بقل حيله : ابشري يالغاليه بروح اكتب لك خروج واخلص اوراقك في بيت ابو احمد الساعه 5 العصر نايم بغرفته ويتذكر شكل ليان وهي في العنايه وهو محزن تذكر لما شافها في عزيمة احمد اول ماجا من بريطانيا كان فيها جمال غريب جمال غصب يجذبك تذكر لما كانت تبكي تبي امها كل مره يشوفها فيها كانت اجمل من اللي قبل كان جمالها كل يوم يزيد تنهد وهو يقوم : الله يشفيها يارب نزل تحت لقا العنود تلعب بلايستيشن في الصاله قال يالله هذي فرصتي افش خلقي فيها راح ووقف بينها وبين الشاشه وهي متحمسه لدرجة انها ماتكلمت وقفت ودفته ولزقت بالشاشه سلطان : عنوده ابي العب معك العنود متحمسه مع اللعبه :.............. سلطان : العنوووووووووووووود العنود بنرفزه : وجععععععععع سلطان : ابي العب قومي العنود : لحضه اسدد هدف وبعطيك ياه سلطان : لا انا بسجل الهدف العنود بصراخ : خلااااااص انطم سلطان : طمك بحر قولي امين انا اللي انطم ياللي ماتستحين على وجهك العنود :............. حاقرته راح سلطان بنذاله وفصل الاسلاك عليها العنود بقهر : لاااااااااا ليش سلطان ببرائه : يوووه نسيت انك ماسجلتي الهدف للحين راحت العنود بعصبيه وشبكت الاسلاك وشغلته مره ثانيه العنود : والله ياسليطين لاتفصلها مره ثانيه ان اذبحك قام سلطان وراح عند مكتبة التلفزيون : اقول عنود انا حطيت امس كتاب هنا وين راح العنود : مدري سلطان وهو يعني اني ادور بس يحاول يفصل التوصيله اللي مشبك فيها اسلاك التلفزيون والبلايستيشن من دون ماتدري العنود العنود : سليطييييييين والله لاينفصل مره ثانيه ذبحتك تراني حذرتك سلطان باستهبال : حتى لو انفصل من نفسه العنود : لا لايكون ناوي تفصله وتتهمه انه هو اللي فاصل نفسه سلطان : ايه ابي اتهمه لايكون انتي محامي الدفاع العنود بقهر : سلطعون كف عني شرك تراني مانيب رايقه سلطان : مانتيب رايقه اعرف اروقك وانا اخوك راح وسحب السلك وركض برا اما العنود اللي ماتت من القهر راحت وراه وهي ناويه عليه كانت لابسه برمودا واسعه زيتيه وتيشيرت تركواز وفوقه قميص مقلم تركواز مع زيتي وفاتحته من قدام ورافعه اكمامه وشعرها الاسود مدرج لين فوق كتفها ولابسه نعال سلطان كان شكلها عربجي بالمره راحو يتلاحقون في الحوش وقف سلطان : وش بتسوين ها وقفت العنود وخذت النعال : وش بسوي ها سلطان : هيييه وش بتسوين يالهبله العنود : لا بس ابيك تجرب النعال على وجهك سلطان : ترى والله بذبحك تبين تاخذين حقك تعالي قريب مو ترمين النعال من بعيد رمت العنود عليه النعال بس ماوقعت فيه سلطان : هههاي حولا صفه جديده اكتشفها فيك انقهرت العنود وسحبت الهوز وشغلت الماء وسبحته به سلطان بصراخ : يالحمااااااااره جوالي بتخربينه العنود : احسن عشان ماتقعد تغازل بنات خلق الله سلطان : عنيد والله لاذبحك ابعدي الماء عني العنود : لا وش بتسوي يعني كل ما ابعد سلطان عنها اتبعته والماء بيدها لين غرقته والعبت في ملابسه ركض سلطان صوبها وهي من الخوف جات تبي تنحاش ماحست بنفسها الا على الارض سلطان : هههههههههههههههههههههههههههه العنود ماتكلمت لانها ماستوعبت شي كانت طايحه على الارض وسلطان واقف عند راسها وميت ضحك سلطان : هههههههههه يالهبله كل هذا خوف هههههههههههه العنود بعد ماستوعبت قعدت تبكي سلطان : ههههههههه ليش تصيحين الحين ترى انتي اللي طحتي ماحد طيحك العنود وهي تبكي : هئ هئ هئ والله ان اعلم احمد سلطان : ههههههههههههههههههه عصبت العنود وخذت النعال الباقيه برجلهاورمته بها بس هالمره صابته لانه قريب وقعت براسه سلطان وهو يمسك راسه : الله ياخذك يالحماره العنود وهي تبكي وتضحك بنفس الوقت : احسن عشان تعرف تضحك علي جلس سلطان بجمبها : خلاص خذيتي حقك العنود : لا سلطان : وش باقي بعد كفايه طيرتي المخيخ عندي العنود : غريبه ماراح تاخذ بثارك سلطان وهو ينسدح على البلاط وهو مليان مويه : حاس بضيقه يالعنود العنود باستغراب : من ايش سلطان بتنهيده : مدري انسدحت العنود بجمبه : سلامتك من الضيقه حط ايديه تحت راسه وهو منسدح وقعد يغني : ألا ليت الزمن يرجعورى وإلا الليالي تدور ... ويرجع وقتنا الأول وننعم فيبساطتنا زمان أول أحس انه زمان فيه صدق شعور .. نحب ونخلص النيهوتجمعنا محبتنا زمن مافيه لاغيبه ولاحتى كلام زور .. ياليته بس لويرجع ونسترجع طفولتنا صغار وقلوبنا بيضا تعيش بعالمٍ محصور .. ولانعرف أبد أغراب ماغير عيال حارتنا صحيح صغار بالتفكير لكن ماعلينا قصور .. نخطط نكسر اللعبه وتسعدنا شقاوتنا نروح المدرسه بدري ونضحك داخلالطابور .. نحاول نزعج العالم بروحتنا وجيتنا وعشان نأخر الحصه نخبيعلبة الطبشور .. نشاغب بس في الآخر تميزنا براءتنا نحب الضحكوالبهجه نحب ننط فوق السور .. نفرفش ليه ما نفرفش ؟ مادام الضحكعادتنا ولكن دارت الأيام وبان الخافي والمستور .. وصار الهم متعلقعلى قمة سعادتنا كبرنا وصارت الدنيا تصف أحزاننا بالدور !! وتهديناالألم والهم غصب عن عين رغبتنا تعبنا من بلاوينا أحد ضايق وأحد مقهور !! وكلآ غارق بهمه و بالآخر تشتتنا وأنا ماأقول غير إنه ألا ليتالزمان يدور .. ويرجع للورى فترة نعدل وضععيشتنا احمد من وراهم : الله وش هالجو الرومانسي العنود بعربجه : انطح فالك قرب تبطح بجمبنا احمد : وش هالهبال تبون تمرضون سلطان : ياشيخ شايفنا مبزره احمد : والله على هالحركه تاكدت انكم مبزره صدق التفت سلطان على العنود : عنوده اليوم وش رايك نروح نتمشى نطت العنود : ينصر دينك ياشيخ والله مت من الطفش احمد : اقول قومو ادخلو داخل مو ناقصين تمرضون علينا العنود : طيب انت ادخل الحين ترى سمعت خوله تنادي عليك سلطان : ايه حتى انا احمد : تصرفوني يالمهبل الشرهه ماهوب عليكم الشرهه على اللي خايف عليكم سلطان والعنود : ماقصرت احمد : اقول انا داخل مع السلامه سلطان : مع السلامه وانتي ياعنود انقزي نقزة الذيب وجيبي عبايتك بنروح مشوار قريب وراجعين العنود : ابشر طال عمرك راحت العنود تركض وجابت عبايتها وركبت مع سلطان اللي كان ينتظرها بالسياره العنود : وين الوجهه سلطان : بنروح صوب الحلال لنا ايام ماشفناه العنود تعطيه على قد جوه : ايه يعين ربي ياوخيي اربها مير متباركه وبخير سلطان : والله يا وخيتي نحمد الله مير اهنا شي صاحي وشي طاحي العنود : ايه العين ياوخيي ماخلت احدا الا وطالته مير الشكوى لله سلطان : ابيتس الحين توسعين صدرتس وانا خيتس وتدفنين رجيلاتتس في هالرمل كود هالوجع يكف عنتس العنود : ليه شايفني عجوز سلطان : ياليل الشقى ليش خربتي علينا الجو العنود : وش رايك يعني مايحلى لك الجو الا اذا صرت عجوز سلطان : اوهوووووووو لا خلاص انتي احلى البنات العنود : ايه خلك كذا الا وين بنروح صدق سلطان : بتشوفين بعيونك ليش مستعجله العنود : يالله عاد قول وين بنروح سلطان : عنيد بالله انتو يالبنات كذا ماتسكتون دايم شغالين العنود : هيييييييه وش شايفنا وبعدين قول ماشاء الله لاتصكنا بعين سلطان : اذا كنت بصككن بعين وبتسكتن عز الله ان هذا عز الطلب وان يشكرني كل واحد عنده بلوه مثلك العنود : سليط ترى من ركبت في سيارتك وانت تسب فيني وانا ساكته سلطان : من ركبتي وانا اسبك اول شي ماقلت الا انك عجوز قصدي احلى البنات وقلت انكم دايم شغالين ثاني شي ترى بديت اكره اسمي كل شوي جايبه له دلع من نوع اخر العنود : احمد ربك انت محضوض ان عندك اخت كتكوته مثلي سلطان : الا قولي دجاجه يرحم حال الكتاكيت العنود : احسب هذي السبه الثالثه سلطان : اقول انزلي وصلنا لايتبع هالثلاث مليون سبه العنود بشهقه : وش تبي هنا سلطان : ابد بس ابي ارقص شوي العنود : سليطين ليش جايبني هنا لايكون فيك الايدز وانا مدري ترى وراي زواج لاتدمر مستقبلي سلطان : رجعنا للابداعات في اسمي وبعدين ايدز في عينك و تراك مصدقه نفسك من اللي عايف نفسه ويتزوجك العنود : سلطعووووووووووووون سلطان وهو ينزل : ياليل الابداعات والله اقول تفضلي انستي انا مانيب فاضي لك العنود : ماكملت جميلك وقلت تفضلي انستي انرتي المكان راح سلطان وفتح بابها وسحبها : الشمس ماغابت للحين مانحتاج انارتك وفريها لليل وقفت تعدل عبايتها والتفتت على سلطان وعطته نظره وراحت تمشي بغرور : للمره الرابعه افوتها لك بمزاجي سلطان : اقول وقفي وين رايحه العنود : مدري انت وين رايح سلطان بنذاله : انا جايبك هنا بناء على اوامر والدي العزيز العنود باستغراب : ليش سلطان وهو ضابط الدور : بصراحه عنوده مدري وش اقولك بس العنود بخوف : بس ايش ترى خوفتني ابوي فيه شي سلطان : لا انتي العنود بصدمه : انا.....وش فيني سلطان بنذاله : ابوي يقول رح وخلهم يسوون لها فحص شامل العنود : ليش سلطان : هو شاك ان فيك .... ولا اقول خلينا نفحص اذا تأكدنا قلت لك العنود بخوف : لا مابي بروح للسياره ابي ارجع للبيت سلطان : عنوده يالله ترى ابوي بيزعل العنود : لا مابي ابي امي ابي ارجع للبيت سلطان : طيب وفحص الايدز نفوته العنود بصدمه : فحص لمين سلطان : لك انتي العنود هي خلاص بتبكي : والله مافيني شي مو لازم تفحصون قسم بالله اني صادقه سلطان وهو مستمتع بخوفها : طيب وابوي وش اقوله بكت العنود : ليش ابوي يقول كذا والله مافيني شي سلطان : طيب ليش تصيحين العنود : مالك دخل سلطان : اجل بقول لابوي ان النتيجه مثل ماتوقعت العنود : ليه وش يتوقع ابوي سلطان : انك مصابه به العنود بصراخ : كذااااااااب سلطان : ههههههههههههههههههه راحت العنود للسياره : ابي ارجع للبيت سحبها وهو يضحك : والتحليل العنود بقهر : مو محتاجه له انت اللي تحتاجه سلطان : طيب ابي ازور ليان العنود : يعني تكذب علي سلطان : بالله لو كان ابوي شاك بهالشي كان انتي حيه للحين العنود بعصبيه : طيب سلطعون مردوده والله ما انساها لك يالخفس سلطان : حرااااام عليك انا خفس سلطعون ومشيناها بس خفس مره وحده هذي اللي ما ارضاها مشت العنود للمستشفى وسفهته سلطان وهو يمشي وراها : اقول تراني انا الرجال ماهوب انتي العنود بلا مبالاه : ماضنتي سلطان : وشهووووووو تشكين في رجولتي العنود باستهزاء: لا ابد متاكده سلطان : تحديني اسحب أي رجال الحين يواجهني واملكه عليك بالمحكمه العنود : تسويها ماقلت لك متاكده من رجولتك اقول اخلص علي ابي اشوف ليان دخلو بالمستشفى وراحو للعنايه وهناك العنود وهي تمسح دموعها : ياقلبي عليها والله تحزن سلطان يناظرها كأنها ميته مايدل على انها حيه الا جهاز تخطيط القلب :......... العنود : سلطان متى بتصحى سلطان بحزن : مدري العنود : طيب ابوها يشوفها كذا والله قلبه بيتقطع زين ان امها ماتدري عنها سلطان : ........ العنود : طيب سلطان اسأل الدكتور عنها سلطان : يقول مافيه أي شي جديد العنود : سلطان تكفى ابي اطلع سلطان : ليش العنود تبكي : مو مصدقه ياسلطان ان هذي ليان الدلوعه مو مصدقه ان هذي ليان اللي مجننه الخدم وما احد يقدر يقولها شي مو مصدقه ان هذي اللي كأنها ميته ليان اللي كان اتمنى ان جمالي مثل جمالها سلطان بضيقه : العنود روحي للسياره دقايق وبلحقك العنود وهي مازالت تبكي : يمكن اضيع سلطان : لا مانتي مضيعه واذا ضعتي اتصلي علي خخذي هذا مفتاح السياره العنود : طيب انت وين بتروح سلطان : بروح اسلم على صديقي رائد العنود : طيب بس لاتتاخر راحت العنود للسياره اما سلطان على طول راح لصديقه رائد سلطان : السلام عليكم رائد يصافحه : وعليكم السلام هلا والله سلطان : كيف الحال رائد : والله الحمد لله الا انت كيفك سلطان : الحمد لله اقول رائد عندك شغل الحين رائد : ايه ليش سلطان : ابد بس ابيك تدخلني بنت صديقي هنا منومه في العنايه ومو راضين يدخلوني عليها بس من ورى الزجاج رائد : سلامات وش فيها سلطان بضيقه : في غيبوبه رائد : افا ليش سلطان : تشنجت وماكان عندها احد رائد : الله يشفيها بس ياسلطان هذا لمصلحتها يمنعونك سلطان : انا تهمني مصلحتها اكثر منهم بس تعال دخلني رائد : كم عمرها البنت سلطان : 12 سنه رائد : الله يشفيها تعال معي راح سلطان مع رائد ودخله بغرفة ليان وطلع راح سلطان وجلس بجمبها هزها يبي يشوف بتتحرك ولا لا للحين مو مصدق انها بعالم غير للحين مو مصدق انها غارقه بظلام في ظلام هزها بس ماتحركت رفع يدها وفكها طاحت رفع راسه بخوف لجهاز القلب بس الحمد لله لقا قلبها يشتغل حس بضيقه فضيعه وطلع على طول وهو يدعي لها بالشفاء .................. النهايه ...............................
|
|||||||||||||||||||||
|
|
|
منذ /14-04-2011, 07:44 PM
|
#107 | ||||||||||||||||||||||||
|
تألّقت وسطكن
|
أعذريني لا تعليق خوفا من أقلل من حجم روايتك أو أن لا افي بحق مديحي لروايتك وفقك المولى
كلمات بالصميم أعجبتني كثيرا
ودمتي بحب مدينة الحب
|
||||||||||||||||||||||||
|
|
|
منذ /14-04-2011, 08:01 PM
|
#108 | |||||||||||||||||||||
|
بنوتة محلقة
ُآٍننثٍى أسُستٍثنائيٍةِ
|
ممرآ البببآرت روووووووووووعةةة
|
|||||||||||||||||||||
|
|
|
منذ /14-04-2011, 08:50 PM
|
#109 | ||||||||||||||||||||||
|
ملكة التنسيق مبدعة الردود
شُو بدك ؟
|
|
||||||||||||||||||||||
|
|
|
منذ /16-04-2011, 10:19 PM
|
#110 | |||||||||||||||||||||
|
بنوتة مبتدئة
White Angel
|
مدينة الحب
|
|||||||||||||||||||||
|
|
|
| الكلمات الدلالية (Tags) |
| لليً, الامل, الاولى, ذكرى, بثار, دموعنا, ياخفوقي, روايتي, على, عهد, والمهانه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
Back for you 
