كشكول كل مسلم... بداية عهد جديد مع الله

[moon_eyes]

السلام عليكم ورحمه الله وبركاته

ازيكم يا احلا بنات يارب تكونو بخير ان شاء الله

عندى يا جماعه فكره اعتقد انها مفيدة اتمنى تعجبكم

أخدت الفكره دى من ان الإنسان نفسه احسن واحد ممكن يقيم نفسه مش حد تانى

انتي عارفة نفسك كويس وعارفة عيوبك وعارفة مميزاتك وعارفة انتي عملتي ايه

وكان فى فكره كتير من شيوخنا بيقولوا هاتي كشكول و اكتبي فيه وحاسبي نفسك كل يوم بليل قبل ما تنامي

فالفكره في رأسي من اول يوم فى السنه الهجرية اللى هوه 1/1/1429

انى اجيب كشكول واكتب فيه انا عملت ايه طول اليوم من عبادات وازاى اتقرب من ربنا مع بدايه السنه

ولما جيت نفذت الموضوع ده حسيت بمتعه شديده جدا وانا بكتب انا عملت ايه طول اليوم من عبادات لربنا وتقرب منه

حسيت بمتعه وانا بفضح نفسى كمان قدام نفسى وانا بكتب تحت خالص فى اخر الصفحه بعد ما كتبت إنجازات اليوم :))

لما بقول وكمان النهارده كان فى بعض السلبيات كذا وكذا وكذا
......
ولاقيت نفسى تانى يوم بقلل من سلبياتى دى........وبقى فى منافسه بينى وبين نفسى كل يوم بحب انى اعمل حاجه زياده عن اليوم اللى قبليه

ولاقيتها انها فكره ناجحه جدا ما شاء الله ونفسى كل الدنيا تعملها لانها بجد مربحه جدا من الثواب وبتحس بمتعه غريبه

جربوها وبجد مش هتندموا.........ويوم لما تحسي انك وقعتي تانى روحي على طول على كشكولك واقرئي اللى عمليته الفتره اللى فاتت ويكون الكشكول ده صديقك مدى الحياه كل لما تحسي انك هتقعي (لا سمح الله),,,روحي على طول دوري على الكشكول واقرئي انتي عملتي ايه وحاولي انك تتنافسي مع نفسك انك هتعملي احسن من زمان

وكمان ممكن نخلى الموضوع يوسع كل فتره......انك تعملي مثلا تقرير كل شهر عن الإنجازات اللى عمليتها خلال الشهر.....قريتي كام جزء مثلا,صليتي كام مره فى جماعة,اتفرجتي على كام برنامج دينى,صليتي كام مره على سيدنا محمد عليه الصلاه والسلام,صليتي كام ركعه قيام خلال الشهر,حفظتي كام آيه من القرآن,زرتي أقاربك وكلميتهم كام مره,عملتي ايه مع والدك ووالدتك خلال الشهر وتعملي كده تقييم لنفسك فى كل خير عمليته

وتشوفي سلبياتك اللى عملتيها برده خلال الشهر وتكتبيها وتعملي تقرير بيها وتشوفي كام سلبيه عملتيها وعلى أد السلبيات استغفري ربنا عليها....وربنا ان شاء الله هيغفرها لاننا كلنا شباب ومعرضين للخطأ....وطبعا كلنا عارفين الحديث فيما معناه ان من أهل الجنه شاب نشأ فى عباده الله وساب كووووووووول الشهوات والأخطاء والذنوب علشان يعمل حاجه ترضى ربنا

وفى آخر كل سنه جمع الشهور واعملي إحصائيه لنفسك وشوفي هل المنحنى والكيرف بيعلى ولا بيقل

بجد يا جماعه حاجه ممتعه جدا انك تكتبي انتي بتعملي ايه وعلاقتك مع ربنا وتبقى حاجه كده خاصه بيكي لوحدك بجد هتساعدكو على الراحة النفسية

وانا جربتها ونفعت معايا جدا,وكل لما احس انى هرجع تانى اروح جرى على الكشكول اشوف انا عملت ايه خلال الفتره اللى فاتت
واحنا اهه يا جماعه لسه فى اول السنه فات حوالى اسبوع......ركزي بقى وافتكري عملتي ايه من اول السنه كده خير وكويس وقربك من ربنا والحقي اكتبيه قبل ما يتراكم عليكي

ولو حاسة انك مش فاكرة مش مشكله ابدئي على طول من دلوقتى بعد صلاه الفجر النهارده شوف النظام اللى تحبي تمشى عليه ازاى فى الكشكول وابدئي بيه

واتمنى منكم بنات اذا حازت الفكرة على اعجابكم ياريت تبلغو بيها اللي حواليكو للفائدة

السلام عليكم ورحمه الله وبركاته

المصدر: منتديات بنات دوت كوم

---

;a;,g ;g lsgl>>> f]hdm ui] []d] lu hggi

الموضوع الأصلي : كشكول كل مسلم... بداية عهد جديد مع الله || القسم : "الأرشيف" مغلق || المصدر : منتديات بنات دوت كوم || كاتبة الموضوع : moon_eyes

[سهام]

وعليكم السلام ورحمة الله وبركاته

الحمد لله بخير أختي وأحسن حال

موضوعك جميل ومبارك وفيه فوائد كثيره مثل ماذكرتي

أقلها نحاسب أنفسنا ونعرف كيف تمضي أوقاتنا وأجلانا

جزاك الله خير على هذا الطرح وقد عدلته لكن للسنة الهجرية

وذلك لأنها خير وتميزنا عن غيرنا

والله يسدد خطاك

سهام

[moon_eyes]

المشاركة الأصلية كتبت بواسطة سهام وعليكم السلام ورحمة الله وبركاته الحمد لله بخير أختي وأحسن حال موضوعك جميل ومبارك وفيه فوائد كثيره مثل ماذكرتي أقلها نحاسب أنفسنا ونعرف كيف تمضي أوقاتنا وأجلانا جزاك الله خير على هذا الطرح وقد عدلته لكن للسنة الهجرية وذلك لأنها خير وتميزنا عن غيرنا والله يسدد خطاك سهام

 

 

اشكرك اختي على تعليقك المشجع وجزانا واياكي حسن الثواب والجنة وحقا انرتي الصفحة بتعليقك الطيب

[الوفاء طبعي]

جزيتي خيرا ولاحرمتي الأجر

[moon_eyes]

المشاركة الأصلية كتبت بواسطة الوفاء طبعي جزيتي خيرا ولاحرمتي الأجر

 

 

جزانا واياكي حسن الثواب والجنة
اشكر لكي مرورك الطيب

[عاشقة الإمارات]

جزاك الله خيرا

[الوفاء طبعي]

لاشكر على واجب

[moon_eyes]

المشاركة الأصلية كتبت بواسطة عاشقة الإمارات جزاك الله خيرا

 

 

جزانا واياكي حسن الثواب والجنة وجعله في ميزان حسناتك اشكر لكي مرورك العطر

[Mony]

ماشاء الله ,
طريقة جميلة " حاسبوا أنفسكم قبل أن تحاسبوا " ..

وصلت معاني الفكرة ,,
أشكركِ من عميق قلبي /

وعفواً ينقل للقسم المناسب :)

[moon_eyes]

المشاركة الأصلية كتبت بواسطة Mony ماشاء الله , طريقة جميلة " حاسبوا أنفسكم قبل أن تحاسبوا " .. وصلت معاني الفكرة ,, أشكركِ من عميق قلبي / وعفواً ينقل للقسم المناسب :)

 

 

انرتي الصفحة بمرورك الطيب وتعليقك الجميل
واشكر لكي غاليتي نقل الموضوع للمكان المناسب
الله لا يحرمنا منك