 |
|
|||||||
الـقـصـص و الـروايـات 
[ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ] |
يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد
 |
|
|
أدوات الموضوع |
|
|
|||||||
| الـقـصـص و الـروايـات
[ ﺂحداث ، شخصيات ، مغامراتَ ، ۊ غيرهِآ | بَ قلمکِ ﺂنتِ ♥ ] |
يمنع منعا باتا رفع المواضيع القديمة .. و يمكن معرفة المواضيع القديمه من خلال ظهور التنبيه اسفل صندوق الرد
|
|
|
أدوات الموضوع |
منذ /28-11-2011, 02:56 PM
|
#301 | ||||||||||||||||||||||
|
[ مسؤولۃ التمبلرَ ]
ملكة التنسيق  
|
اليوم الاثنين . . ولا نزّل شيء
|
||||||||||||||||||||||
|
| #ADS | |
|
:: إعلانات ::
Circuit advertisement
 تاريخ التسجيل: Always
الدولة: Advertising world
العمر: 2010
المشاركات: Many
|
|
|
|
|
منذ /28-11-2011, 03:15 PM
|
#302 | |||||||||||||||||||||||
|
ملكة التنسيق
roveta سـابقـآآ =)
|
ويين البارت
 
|
|||||||||||||||||||||||
|
|
|
منذ /03-12-2011, 12:21 PM
|
#303 | ||||||||||||||||||||||
|
[ مسؤولۃ التمبلرَ ]
ملكة التنسيق
|
و مّرت الجمعه . . و اليوم السبت
|
||||||||||||||||||||||
|
|
|
منذ /03-12-2011, 03:53 PM
|
#304 | ||||||||||||||||||
|
بنوتة مبتدئة
|
سوري ياحبايبي امس كتبت البارت وخلصته
|
||||||||||||||||||
|
|
|
منذ /03-12-2011, 04:03 PM
|
#305 | ||||||||||||||||||
|
بنوتة مبتدئة
|
( الجزء الثاني والثلاثون والاخير )
وين اللـي يوصفلي الصـبر ويطيـع في صبــره واللـي انكسر بسهـم الغـدر ما ينجـبر كسـره منك يجي أكثـــر يا حظـــي العــاثـر مل الصبـر منـي ومليت أنا نــاطـر مكتـوب في دربي الشقـى وصوابـي ماهـو صـواب أكسـرني يعنـي وش بقـى دام الجـروح كتـــاب نزلت راسها بقهر وهي تسمع هند تبلغه بالموافقه تحس انها عاجزه وخايفه بنفس الوقت خايفه من اللي ينتظرها صحيح انها تعودت تاخذ قراراتها بنفسها بس تحس هالمره غير هالمره تحس فيه شخص غريب بيشاركها قراراتها فيه شخص بيصير يتحكم بحياتها شخص غريب بيدخل حياتها بيقلبها فوق تحت بس مو قادره ترفض هند ماخلت لها وقت وبعدين على كثر ماهي متردده الا ان عندها احساس ان هالشخص راح يغير حياتها ان كان بيغيرها للافضل فشي حلو بس ماتتوقع انه راح يخلي حياتها اسوء من اللي عاشته من قبل عشان كذا تحس انها مرتاحه ولو شي بسيط عطتها هند الجوال : جود خذي ردي جود باستغراب : مين هند : هذا ناصر طلب يكلمك اول ماجا في بالها انه اكيد تراجع عن طلبه نست كل اللي فكرت فيه وسحبت الجوال وهي بتطير من الفرحه ضبطت صوتها وردت ببرود : نعم ناصر بابتسامه : الله ينعم عليك جود : بغيت شي ؟؟ ناصر : لا بس حبيت اسأل انتي من جدك ولا تستهبلين جود باستغراب : هااه ؟؟ ناصر بفرحه : موافقه ؟؟ جود : .......... ناصر : ردي علي ابي اسمع الموافقه منك انتي جود بأمل : اذا كنت تراجعت عن قرارك ترى عادي ماعندي مشكله لاني انا بعد ...... قاطعها بسرعه : من قال اني تراجعت جود بخيبه : طيب ليش تبي تكلمني ناصر : بس حبيت اسمع الموافقه منك انتي جود : بس عندي شروط ناصر بابتسامه : شروط مو شرط اوك وشهي شروطك جود : ابي اول شي اسويه ارجع للسعوديه ناصر باستغراب : طيب ودراستك جود : بأجلها مو باقي غير ترم وبأجله ناصر : طيب ليش وش مستعجله عليه جود : كذا ابي ارجع للسعوديه ناصر : طيب موافق جود : وابي مهما كان صعب عليك ماتسلم ليان لفهد ناصر : اكيد انا ما اخذتك عشان ابعد ليان عنك جود : ابي اسكن بالشرقيه مابي الرياض ناصر : وش معنى الشرقيه جود : كذا اكره الرياض ناصر : طيب وغيره جود : اذا تذكرت شي ثاني بلغتك ناصر بابتسامه : اوك انتظر شروطك الباقيه جود : مع السلامه سكرت الجوال ورمته بقهر نورا باستغراب : جود وش فيك جود : توقعت انه تراجع هند : جود خلاص انسي عنادك انتي الحين حرم الاستاذ ناصر جود مبوزه : ............. نورا : جود والله مو حلوه حركتك كان واضح انك تبين تستعجزينه وتبينه يتراجع جود : يعني اللي يسمعك يقول انه مو عارف بالاصل اني مابيه نورا : بس حتى ولو والله مايستحق اللي قاعده تسوينه فيه وبعدين وش تبين بالسعوديه ولا مالقيتي شروط وقلتي أي شي ببالك هند : ماعليه مادام موافق خليها تتدلل كم جود عندنا جود : طيب وش اقوله بعد هند : وشلون يعني جود : يعني وش ازيد بشروطي نورا : من جدك انتي خلاص والله حرام هو يسوي كل هذا عشان مصلحتك ترى الطمع ضيع ماجمع جود : نورا خليك معي مو ضدي هند : طيب وش تبين السعوديه وبترجعين لها وليان وبتكون معاك وبتسكنين بالشرقيه غير كذا وش تبين جود : مدري هند : جودي حياتي خلاص لاتصعبين السالفه ولا انتي اللي بتتعبين مو هو لانه هو من الواضح انه مصر مهما سويتي فليش تبدين حياتك بعناد وانتي اكثر وحده عارفه وش عاقبة العناد جود : ................. نورا : جود خلينا هالمره نساعدك وانسي العناد جربي هالمره وشوفي ماراح تخسرين شي جود : مو انا خليتكم تقررون هند : ندمانه الى هالدرجه اذا كنتي ندمانه تراك مو ملزومه عادي ارفضي اهم شي راحتك انتي اللي بالنهايه بتتزوجينه وبتعيشين معاه نورا : لا ماراح تتراجع ان شاءالله صحيح حنا اللي قررنا بس خلاص خلينا ننفذ قرارنا للنهايه بلييييييز جود : اوك خلاص انتم في مكان امي وابوي سووا كل شي وانا تحت يديكم هند وهي تضمها : فدييييييييييييت عروستنا نورا بفرحه : الله يوفقك ياقلبي عند ناصر سكر الجوال وهو حاس انه بيطير من الفرحه راح لـ احمد حصله نايم قعد يصحيه ناصر : احمد احمد حمود قوم احمد : هممممم ناصر : قوم عندي لك خبر احمد : همممممم ناصر : قووووم يالله عاد احمد بنوم : بعدين بعدين ناصر : احمدوووه احمد بعصبيه : هاااااااااااه ناصر : خلاص خلاص نام منت بوجه اخبار زينه طلع وراح لامه حصلها جالسه بالصاله تسمع قرآن راح وباس راسها وجلس عندها سكرت امه القرآن والتفتت عليه : وش فيك مانمت ناصر : كنت بنام بس عندي موضوع صغير ابي آخذ رايك فيه امه : قوله يمك اسمعك ناصر : بصراحه يمه نويت اني اتزوج امه بفرحه : الله يفرحك مثل مافرحتني يمك كنت اتمنى من زمان تبشرني بهالخبر خلاص لاتحاتي البنت عندي ناصر : فديت راسك يالغاليه البنت اخترتها وانتي تعرفينها وان شاءالله انها تعجبك امه : منهي ناصر : ام ليان امه بصدمه : من جدك تزوج مرة صديقك ناصر : من قال يمه انها مرة صديقي امه : ماهيب كانت مرة فهد _ يالله هذا اللي ماحسب حسابه _ : يمه فديتك هي طليقته وبعدين انا بتزوجها عشان ليان وبعدين الحرمه ماشاءالله اخلاق وماتنعاف وغير كذا ليان كبرت ومحتاجه امها فليش اخليها عشان صديقي مطلقها امه بضيقه : بس انا ابي لك الزين من زمان اتمنى اني ازوجك خلها يوم تحققت الامنيه اختارها بنفسي وافرح لك ناصر : بس يايمه جود وش فيها مافيها شي عشانها مطلقه بس طيب انا بعد ارمل اذا كان عندك اعتراض على جود شخصيا من عيوني مانيب ماخذها بس البنت ماشاءالله اخلاق وحافضه نفسها وبصراحه ارتحت لها امه : خلاص يمك على راحتك بس ترى اللي بينك وبين فهد ماهوب بسيط اذا كان زواجك منها بيفرقكم مانتب ملزوم بهالزواج ناصر : لا ماعليه لاتحاتين اهم شي انتي وافقي وكل شي بيتيسر امه : الله يوفقك يمك انا اللي يهمني في هالدنيا هو راحتك ناصر وهو يبوس راسها : الله لايحرمني منك يالغاليه طلع لغرفته وهو مرتاح في السعوديه جالس بغرفة بنته كل يوم لازم يمر عالغرفه هذي ويفكر وش يسوي وشلون يعوضها عن كل شي وعن بعدها عنه كل يوم لازم يضيف شي بهالغرفه لدرجة ان الغرفه خلاص بتغص من كثر الالعاب والملابس انسدح عالسرير واتصل على فهد دقايق ورد : هلا فهد : السلام عليكم ناصر : وعليكم السلام هلا والله فهد : ياهلا فيك وش اخبارك واخبار الاهل ناصر : الحمدلله كل شي زين انتم وش اخباركم فهد : الحمدلله على كل حال وش اخبار ليونه ناصر : ماعليها طيبه فهد : هي عندك الحين ناصر : لا والله ليش ؟؟ فهد : ابي اكلمها اشتقت لها وانت ماطراك تجيبها لي ناصر : خلاص هانت شهر وراجعين للسعوديه ان شاءالله فهد : صدق خلصت شغلك ناصر : يعني تقدر تقول خلصت المهم والباقي لاحق عليه فهد : زين اجل ارجعوا باقرب وقت لاني خلاص طفشت ناصر : افا وش فيك طفشت فهد : ياخي انت تعرف انك الوحيد اللي ارتاح معه وخليتني ورحت ولا كأن عندك صديق وليان ماعاد اقدر اراقبها من بعيد بالمختصر ملل اللهم اني اشغل نفسي بالبحث عن جود عاد ان شاءالله اجتمع فيهم الثنتين وارتاح ناصر :................ فهد : الو..؟ ناصر : أحم هلا معك فهد : لايكون تبي تنام مو معي بالمره ناصر بهدوء : ههه تقدر تقول فهد : اجل ماطول عليك نام نوم العوافي وبوس لي ليونه ناصر : الله يعافيك اوك فهد : مع السلامه ناصر : مع السلامه سكر منه وهو يفكر وش ممكن تكون ردة فعله اذا درى معقوله يعترض او يسبب مشاكل معقوله بيكرهني بصراحه على اني مرتاح انه تحقق اللي ببالي الا اني خايف ومتردد من اللحضه اللي بقابله فيها مدري وشلون بحط عيوني بعينه سامحني يافهد بس انت اللي علقتني بها انت اللي خليتني احبها حتى قبل ماشوفها انت اللي بكلامك ووصفك لها وسواليفها خليتني افكر دايم فيها خليتها هاجس دايم على بالي سامحني ياخوي ربي كتب اننا نتقاسم كل شي بهالحياه حتى بحبنا حبينا نفس الشخص صحيح اني أخطيت بس السبب الاكبر في هالخطأ هو أنت بس تصدق اول ماشفت عيون جود عرفت ليش دايم تعشق نظرة ليان صحيح انك قلتها من قبل ان ليان لها نفس نظرة امها ونفس عيونها بس ماكنت اتوقع ان بنت في الـ 28 من عمرها ممكن انها تملك عيون بالهبراءه على كثر ماتخيلت شكلها وعلى كثر ماكنت اتأمل عيون ليان الا اني ماتوقعت ان الشبه ممكن يكون لهالدرجه طلع من غرفته وهو حاس بضيقه هو يحب جود من زمان من دون حتى مايشوفها من كلام فهد حبها وصار يتخيلها كان يفرح اذا تكلم فهد عنها بس بنفس اللحضه مايبي يخسر فهد طول حياتهم كانوا مع بعض درسوا مع بعض وتوظفوا مع بعض اسسوا شركه خاصه بهم كل واحد كان سند للثاني بس اللي ماتوقعوه انهم بيحبون نفس البنت صحيح ان فهد هو اولى فيها بس هي مستحيل ترجع له عشان كذا ماراح يضيعها هو راح لغرفة ليان حصلها قاعده تلعب بلايستيشن ناصر : ليونه ليش ماتنامين ليان : مافيني ناصر : طيب نروح نشوف ماما ليان بفرحه وهي تنقز : يــــــــــس ناصر بابتسامه : بس ماما مو بالشقه ليان : عادي باتصل عليها واسألها وينها ناصر : ليان انتي تحبين ماما ؟ ليان : ايوه احبها ليش ناصر : طيب تحبيني انا ولا احمد ليان : كلكم ناصر : لا من اكثر ليان : انت عشانك بابا ناصر : طيب لو احمد بابا كان بتحبينه اكثر ليان وهي ترجع تلعب : ايوه اكيد بحب بابا اكثر بعدين صديقي ناصر بنفسه – هذا اللي انا خايف منه – : طيب وش رايك اتزوج امك ليان : تتزوج امي ناصر : ايه ونعيش مع بعض ليان بفرحه وهي تنقز وتضمه : ايوه بابا بليييييييز ناصر بابتسامه : اوك خلاص بتزوجها ونرجع مع بعض للسعوديه ليان : طيب متى ؟ ناصر : ان شاءالله قريب انتي الحين نامي قبل العصر لاننا بنطلع ان شاءالله ليان : اوك طلع من غرفتها وراح لغرفته خذا جواله وكتب رساله لجود ارسلها وراح ينام عند جود كانو للحين في مكانهم وجالسين هند ونورا يخططون وش يسوون في زواج جود وجود مستمعه جاتها رساله على جوالها فتحتها ( السلام عليكم أدري انه صعب عليك بس الله يقدرني أسعدك واريحك اتمنى ان حنا مانبدا بعناد بالنسبه لموعد الزواج خير البر عاجله وش رايك بكره نروح للسفاره السعوديه ونعقد هناك بكره ان شاءالله بروح وبأجل لك الترم هذا بعد ماتصيرين زوجتي على سنة الله ورسوله على فكره ليان بتطير من الفرحه لما عرفت بالخبر ) رمت الجوال وانسدحت على العشب وهي سرحانه في اللي بيصير بكره وكيف بتكون مقيده بشي اسمه زوج خلاص انتهى زمن الحريه باليوم الثاني هند وجود ونورا متوجهين للسفاره وبنفس الوقت ناصر وامه واحمد وليان ينتظرونهم في السفاره أحمد : ناصر متأكد من قرارك ناصر وهو يناظر متى يدخلون مع الباب: أكيد أحمد : بس وشلون قدرت تقنعها ناصر : بطريقتي الخاصه أحمد : طيب وش بتسوي لو عرفت انك تكذب عليها ناصر : أنا اعرف واحد هنا وخبرته بالسالفه كلها ووعدني انه يساعدني أحمد : طيب وسالفة الهويه وشلون بتحلها البنت اسمها جواد وباوراقها الرسميه ولد ناصر : قلتلك انا اعرف واحد هنا خبرته بالسالفه كلها وساعدني طلع لها جواز على انها فاقده جوازها الاساسي احمد : زين الله يوفقكم تصدق عاد على كثر ماكنت معها الا اني ماتوقت ولابيوم انها بنت صحيح ان بعض حركاتها شبهه بس ماجا ببالي ابد ناصر بابتسامه : اسكت تكفى تراها ماتدري انك عرفت انها جواد بهاللحضه دخلوا ركضت ليان وضمت امها وهي فرحانه ليان : ماما صدق بتقعدين معانا جود بابتسامه وهي تبوسها : ايوه حياتي دخلو داخل يعقدون وجود تقدم رجل وتأخر الثانيه تقريبا نصف ساعه وانتهى كل شي وصار اسم جود مرتبط بناصر ولكل واحد من الموجودين شعوره الخاص ناصر كان حاس بالرهبه من اللي سواه وبنفس الوقت فرحان جود كانت خايفه ومرتبكه من الحياه الجديده اللي تنتظرها ليان ماكان احد بحياتها وهي اخيرا بتصير نفس خلق الله وبتعيش بين امها وابوها احمد كان يناظر موب مصدق ان هذي البنت نفسها اللي عاشت لحالها واعتمدت على نفسها 12 سنه ام ناصر كانت متضايقه بس بنفس الوقت فرحانه لولدها وراحمه جود وليان اما هند وجود جمعهم الشعور بالراحه والاطمئنان على حياة صديقتهم اللي جمعتهم بها سنه وحده بس توثقت صداقتهم وكأنهم مع بعض من زمان ناصر : جود رتبت كل شي عاللي طلبتيه سفرتنا اليوم العصر هزت جود راسها بصمت رجعوا كل واحد بسيارته مثل ماجوا وكل واحد راح يجهز نفسه للرجعه وماضاع بالعجه الا احمد وهند ونورا عند جود جهزت اغراضها كلها وهي حاسه برهبه ونورا وهند عندها مره يحسسونها انها في ظل ناصر وانها ان شاءالله بامان ومره يهاوشونها لانها بتتركهم اما عند ناصر جهز اغراضه من امس قاعد يرتب كلام يقوله لفهد اذا قابله وهو خايف من المواجهه الساعه 4 العصر كانو كلهم موجودين بالمطار قاعدين يودعون بعضهم مع النداء الاخير لطيارتهم . . . . . . تابع .....
|
||||||||||||||||||
|
|
|
منذ /03-12-2011, 04:07 PM
|
#306 | ||||||||||||||||||
|
بنوتة مبتدئة
|
يتبع .......... . . . (بعد 7 سنوات) الاربعاء الساعه 2 الظهر صرخت بعصبيه : جواااااااد خلاص راسي بينفجر جواد : ماما مالي دخل هذي لعبتي والله ماياخذها جود : جواد ياحبيبي هذا اخوك الصغير عطه اللعبه واشتريلك غيرها جواد : ماما مابي هذي لعبتي ليش كله ياخذ العابي والعابه مايبيها جود : خلاص ياحبيبي والله اشتريلك غيرها بس عطه هذي في هالوقت دخل ناصر راح جواد يركض له : بااااابا ناصر وهو يضمه : هلا هلا بالبطل جواد بزعل : بابا شوف فهيد يبي ياخذ لعبتي ناصر : افا ليش ولعبته جواد : مايبيها دلوع ضحك ناصر وراح لجود : وش فيه جوادي من مزعله جود بضيقه : وده يزعل ناصر : طيب ليش انتي بعد زعلانه جود : ناصر واللي يرحم والديك والله واصله فيني خله يعطيه اللعبه وبشتريله غيرها بس يفكوني من الصراخ ناصر بهدوء : جود ماتلاحظين انك خربتي ولدك بالدلع جود : ناصر تكفى لاتبدا تراه صغير وطبيعي اني اهتم به ناصر : اوك طيب لاتنسين جواد من اهتمامك جود : خلنا منهم الحين ترى حنا اليوم معزومين عند جهاد بمزرعته ناصر : ايه كلمني جود : خلاص أجل بروح اسوي القهوه واسوي حلا عشان يمديني البس جواد وفهد ناصر : طيب خلي الشغاله تساعدك جود : لا تعرفني ماحبها تطبخ او تسوي الاكل ناصر بابتسامه : اجل خلي حرصك يساعدك جود : انا ماعلي بخلص شغلي بسرعه بس انت ساعدني واربط هالشياطين لايجوني في المطبخ بيجننوني ناصر : اوك خلاص روحي انا باجلس عندهم راحت جود للمطبخ اما هو جلس على الارض وجلس فهد بحضنه وجواد بجمبه وشغل على افلام كرتون عشان يهدون جواد عمره 5 سنوات وفهد عمره 2 سنتين يعشق هالاثنين لحد الجنون يحس بالفرحه اذا شافهم يلعبون حوله صحيح انه يغار احيانا من ولده فهد اذا شاف جود تهتم فيه بزياده يحس احيانا انها تحبه بزياده عشان الشخص اللي مسمى عليه للحين يذكر اللحضه اللي قرر فيها يجيب منافسه للبيت للحين يذكر اللحضه اللي صارع فيها بين غيرته من فهد وحبه لليان .......... قبل سنتين ........ في المستشفى كانت للحين جود منومه امس جابت ولدها الثاني كان جالس عندها اندق الباب ودخلت ليان فز بفرحه : هلا والله بليونه ليان : السلام عليكم باست راس ناصر وراحت وباست امها ليان : كيفك يمه جود بابتسامه : بخير حياتي كيفك انتي ليان : انا تمام مبروك ويتربى بعزكم ان شاءالله جود وهي تضمها : الله يبارك فيك حبيبتي ليان : طيب وش بتسمونه ناصر : للحين ماسميناه ليش عندك اسم حلو ليان بفرحه : ايه عندي احلى اسم وعمركم ماراح تلقون احلى منه جود : والله اجل وش هو خلينا نسمي اخوك ليان : متأكدين انكم تبون تخلون اسمه لي ناصر : ليش ماتبين تسمينه ليان : بصراحه اتمنى اني اسميه بنفسي بس اخاف ترفضون جود : يابعد عمري اعتبري اسمه لك خلاص انتي سميه وحنا موافقين من الحين التفتت ليان لناصر : متأكدين ابتسم ناصر : ايه قولي بس هاه موب تسمينه اسم شين واتورط ليان : لاتخافون هالاسم هو احلى اسم عندي ناصر : طيب وشهو ليان : ابي اخوي يكون اسمه فهد تغير وجه ناصر وجود انصدمت ولا واحد منهم رد عليها ليان : هاه لايكون الاسم ماعجبكم جود : لاحبيبتي بالعكس حلو ليان : يعني موافقين جود : اكيد موافقين ياعمري قلنالك من قبل انك انتي اللي بتسمينه التفتت ليان على ناصر : وانت ياعمي شكلك مو راضي قام ناصر وطلع ووجهه متغير بقوه لحقته ليان : عمي وين رايح انت اللي عطيتني موافقتك ناصر : ليان روحي عند امك انا عندي شغله ليان وهي تمسك يده : لا قولي الحين بتسميه فهد صح ناصر : .................. ليان : يعني ماراح تسميه ناصر : ................ ليان : اوك على راحتك ولدك وانت احق فيه مسكها ناصر وهو متضايق : ليان اختاري أي اسم ثاني ليان : عادي ترى مو لازم تاخذ رايي انت حر في ولدك ناصر : لا ليونه ابيك انتي اللي تسمينه يالله ليان : انا مافي عيني الا اسم واحد وهو فهد اذا بتعطيني اسم ولدك فهذا هو اسمه اذا لا فهذا قرارك وانت حر ناصر وهو متضايق : خلاص كم ليان عندي تدرين عمري مارفضت لك طلب ماوقفت على هذا ليان بابتسامه : مشكور بلغ امي سلامي انا رايحه السواق ينتظرني ................................................. سماه فهد وصار يغار منه وكأنه فهد صديقه ماكأنه ولده اذا كان مع ولده فهد بروحهم يلعب معه ويستانس اذا شافه مستانس بس اذا كانت جود موجوده وشاف اهتمامها فيه بدا يغار منه لدرجة انه بعض الاحيان يحاول يحرض جود عليه ويوقف في صف جواد عليه صحى من سرحانه على جود لما دخلت عليهم خذت جود عيالها وراحت تلبسهم لانهم بيمشون لمزرعة جهاد راح هو بعد يبدل ملابسه وعلى الساعه 3 العصر مشوا للمزرعه مزرعة جهاد في القصيم بيقعدون فيها اليوم والخميس والجمعه وصلو هناك الساعه 3 ونص تقريبا ماكان هناك الا جهاد وعياله وامه جلسوا مع بعض وكل شوي جايه عايله خالد وعياله وفيصل وعياله وعمانها وبنات عمانها وعيالهم واحمد وزوجته وام احمد والعنود وسلطان كلهم اجتمعوا بالاستراحه الرجال جلسوا برا والبنات راحوا يتمشون والحريم جلسوا داخل بالفيلا ماكان ناقصها الا بنتها ليان بس ماتتوقع ان فهد بيجي وناصر موجود ناظرت ساره كانت جالسه تسولف وتضحك ولاكأن عندها هموم معقوله من جدها ماتحب فهد معقوله من اول مشكله تخلت عنه وعن عيالها قطع سرحانها في بنتها كلام ساره : وانتي ياجود وش اخبارك جود : الحمدلله من احسن لاحسن ساره باستهزاء : ايه واضح من سرحانك في حبيب القلب جود تبي تقهرها : ايه الله لايحرمني منه ساره بقهر : الا وش اخبار بنتك وش اسمها .. ايه ليان جود : والله ياعمري ليان مايقصر معها ابوها ومتى مابغتني بيتي مفتوح لها عاد ناصر الود وده لو تعيش معنا بس عاد تعرفين ابوها اولى فيها ساره : لاحرام خليهاعند ابوها تعرفين هو مايقدر عالمسؤوليه وعنده طارق ورغد خليها تنتبه لهم جود : عاد ياحبيبتي هي موب مكلوفه فيهم واذا بتجلس فهو عشان ابوها ساره : عالعموم وش لنا بهم حنا جايين نستانس مو جايين ننغث خلينا بس منهم حست جود انها شوي وبتنفجر من القهر قامت وطلعت برا الفيلا شافت سيارة فهد تدخل المزرعه وقفت بصدمه معقوله فهد بيجي وهو عارف ان ناصر هنا دخلت بسرعه للمجلس وفتحت الشباك وقعدت تناظرهم نزلوا نوف وطارق وليان من المرتبه الخلفيه راح طارق يركض وفتح الباب الامامي وجا السواق معاه نزلو الكرسي المتحرك وساعدو فهد لين جلس عليه ركب السواق السياره وراح اما ليان دنقت على فهد وتكلمت معاه شوي ثم ضمته وباسته واشرتله باي دف طارق الكرسي متوجه لمجالس الرجال وليان واقفه تراقبهم لين دخلو ثم مسكت يدين نوف وتوجهت للفيلا كل هذا وجود واقفه تراقبهم ودموعها تنزل وهي تكتم شهقاتها مسحت دموعها ودخلت بسرعه للمطبخ قبل ماتجي ليان وتشوفها غسلت وجهها وشربت كاس مويه وطلعت تستقبل بنتها راحت للصاله تقابلت مع ليان عند المدخل ليان بابتسامه وهي تبوس راس جود : اهلين كيفك يمه جود وهي تبوسها : الحمدلله تمام انتي كيفك حبيبتي ليان : انا تمام جود : وين رايحه ليان : بروح مع البنات جود : لاحقه عالبنات تعالي ابي اسولف معك شوي ليان : اوك راحو وجلسو بالغرفه المخصصه لجود بالفيلا جود : ها ليونه قوليلي انتي كيفك وكيف ابوك واخوانك ليان : والله الحمدلله كلنا تمام جود : طيب اخوانك يتعبونك ليان : لا فديتهم عاقلين جود : طيب للحين ماتبين سلطان ليان : يوه يمه تكفين سكري السالفه مابي اتكلم بهالموضوع جود : طيب عطيني سبب مقنع الولد هذي ثالث مره يخطبك فيها ليش رافضه توافقين عليه ليان : يمه بليز مابيه خلاص السالفه غصب جود : طيب ليش العناد فيه سبب مقنع انك ترفضينه ليان بنرفزه : كذا أي شخص مرتبط بالماضي مابي اتذكره بالمختصر ابي انسى الماضي جود باستغراب : تنسينه ليش وش فيه الماضي ليان : يمه تكفين هالسالفه بس بتسبب مشكله بينا عشان كذا خليها منا جود بعصبيه : لا ابي افهم ليش تبين تنسين الماضي ليان بقهر : كذا مابي أي احد له صله بناصر جود مصدومه : ناصر ؟؟؟ ليان :........ جود : ليه وش سوى لك ناصر قوليلي هذا اللي يستحقه منك رباك وكبرك صرف عليك دم قلبه وفي النهايه هذا ردك عليه ليان بقهر : هه رباني لاتخافين حصل مكافأه على احسانه فيني هذا انتي وافقتي عليه وخذيتيه لانك ماتبين تردين واحد احسن في بنتك ..... سكتها كف قوي من امها جود بصراخ : صحيح انه مو انا اللي ربيتك بس ماتوقع ان تربية ناصر لك كذا مسكت ليان خدها ودموعها تتسابق : ايوه كويس انك عارفه ان مو انتي اللي ربيتيني يعني وش تنتظرين من وحده ماتربت عند امها جود وهي ترجف : بس ولا كلمه ليان وهي تبكي بانهيار : ليش اسكت ليش ماتكلم ولا انا حرام اقول اللي بخاطري قوليلي وش سوالي هالناصر كل اللي سواه انه ذبح ابوي وطعنه بظهره خدعني وابعدني عن ابوي جود وهي ترجف : هالناصر ضمك لما رماك ابوك هالناصر دفاك لما نساك ابوك هالناصر اكلك بيديه لما رفضك ابوك تبيني ازيد ولا يكفيك هذا ضمت ليان نفسها وهي منهاره : طيب انتي وين كنتي لما رماني ابوي انتي وين كنتي لما كنت اجوع محد درى عني وين كنتي لما كنت ابرد الليل وماعندي من يدفيني _بصراخ_ وين كنتي لما كنت اصارع الموت لوحدي وين كنتي لما كنت وحيده محد يواسيني وين كنتي لما كنت اشوف كل الاطفال مع امهاتهم وانا وحيده وينك لما اتفوق بالمدرسه وينك لما يكون عندنا حفل امهات وينك جاوبيني ابوي كان عالاقل معي لو من بعيد لبعيد بس انتي وين كنتي جلست جود عالارض وهي تبكي : مو بيدي والله ماكان بيدي ماكنت اعرف وينك دورت عليك بس مالقيتك وش تبيني اسوي ليان بقهر وهي تضرب عالارض : ماكان بيدك بعد لما دمرتي ابوي جود بصراخ : بااااس انا وش دخلني ليان وهي تبكي بقهر : تدرين ليش ابوي مقعد تدرين ليش ابوي كذا يائس تدرين ليش ابوي متحطم اكيد ماتدرين مو انتي تزوجتي وخلاص عايشه بسعاده ومرتاحه جود بتعب وهي تمسح دموعها : ليان ابوك كان مكتوب يصيرله هالحادث حنا وش دخلنا ليان بصراخ : طيب ليش خنتوه كلكم ليش يمه قوليلي وشلون خلاك قلبك تخونينه مع اقرب واحد له ليش ما اخترتي الا اقرب واحد له قلو الرجال الا صديق عمره ليش يمه سويتي كذا بكت جود بقهر : ماكان قدامي أي حل الا هذا كنت ابي احصل عليك باي وسيله ليان : ليتك مافكرتي فيني ليتك ماقابلتيني بس ماتتسببين في معاناة ابوي جود : ليان ليان بصراخ : ليتك يايمه ماعرفتيني ليتني عشت بدار ايتام ولا عشت مع هالناصر ليتني مت ولاشفت ابوي بهالحاله آآآه يمه قلبي يحترق قلبي يمه ذابحني يمه الا ابوي مابيه يموت تكفين يمه ارجعيله سوي أي شي بس ابوي مابيه يموت يمه ابوي يحبك ابوي ولد عمك تكفين يمه لاتحرميني من ابوي جود بانهيار : ليان حبيبتيي ابوك بخير ومافيه شي ليش تقولين كذا ليان بصراخ وهي تضغط على راسها : لا والله مو بخير ابوي يمه مو بخير ابوي يموت بالبطيء ابوي تعبااااااان يايمه والله تعبان جود وهي تضمها : ليان لاتقولين كذا ان شاءالله انه بخير دفتها ليان : وشلون بخير وهو كل اسبوع يصارع الموت وشلون بخير والمرض يجري بدمه وشلون بخير وفيه الخبيث قوليلي يمه وشلون شهقت جود بصدمه ليان وهي تضحك وتبكي بنفس الوقت : ايه يمه اكتشفت قبل يومين ان فيه الخبيث اكتشفت انه كل اسبوع ياخذ الكيماوي اكتشفته بس هو مايدري اني عارفه عشان كذا كتمت كل شي وسويت اني طبيعيه مابيه يفقد المقاومه اذا درى اني عارفه قاومت عبرتي وانا اشوفه يضمني ويضم اخواني وهو يحس انه بيودعنا في أي لحضه جمدت مشاعري وانا اعامله مثل قبل قسيت عليه عشان مايحس بالضعف ايه يمه ابوي مريض بس مقدر اقوله شي مقدر اوضح له شي جود منهاره ضغطت على اذنيها ماتبي تسمع اكثر ليان : عرفتي ليش اكره هالناصر ومااطيقه ولا اطيق أي شي يتعلق فيه ولا في ماضيي قامت وراحت للحمام غسلت وجهها وطلعت برا راحت وجلست عالمراجيح طلعت جوالها واتصلت على ابوها ثواني ورد فهد : هلا ليان : ياهلا بالغلا كيفك يالغالي فهد بضحكه : مامدانا افترقنا عن بعض ليان بعبره : وش اسوي مقدر على فراقك تغير صوت فهد : ليان وش فيك ليان وهي تشهق : وربي احبك يابوي مابيك تخليني الله يخليك فهد بصدمه : ليان انتي وينك ليان : اوعدني ماتخليني فهد : ليان ليان : اوعدني يبه فهد : اذا ربي كاتب ان حنا نفترق ماباليد حيله حست على نفسها : احم طيب احلف اني الوحيده بحياتك فهد باستغراب : ايش ليان : هههههههه واي فديتك يالغالي مشت عليك التمثيليه بالله ما استاهل الاوسكار على تمثيلي فهد بحزن : فديتك الله لايحرمني منك ليان بتنهيده : ولا منك يالغالي فهد : افا وشله هالتنهيده ليان بتصريفه : يبه فديتك انا قررت فهد : قررتي ايش ليان بصوت هادي : انا موافقه على خالد ولد خالي جهاد فهد : والله الله يوفقك ياحبيبتي ليان : بس بشرط ابي اعيش معك بنفس البيت فهد : من جدك انتي ليان : هذا شرطي قبل فيه ولا غيري مليون وحده اول شي انا مقدر على فراقك فديتك ثاني شي اخواني مستحيل اخليهم وهم صغار بقعد معهم لين يتزوجون فهد بحزن : الله لايحرمهم منك ليان : ولا منك يالله يالغالي اخليك تبلغ خالي الموافقه فهد : خلاص حبيبتي انتبهي على نفسك وعلى اختك ليان : لاتشيل هم فديتك سكرت من ابوها ودموعها مو راضيه توقف للحين تذكر ذاك اليوم اللي مسكتها امها وعلمتها بكل شي عمرها ماراح تنسى ذاك اليوم اللي حطموا فيها برائتها وحملوها هموم كبر الجبال بعد مارجعوا من بريطانيا باسبوع كانت جالسه تلعب بغرفتها دخلت عليها امها جلست بجمبها جود : ليان حبيبتي انتي الحين كبيره صح ليان : ايه صح بس ليش جود : يعني لازم تعرفين بابا صح ليان : بابا جود : ايوه بس مو بابا ناصر لا بابا فهد ليان : مين بابا فهد جود : شوفي حبيبتي هذا مو بابا ابوك الحقيقي اسمه فهد ليان : ماما جود وهي تبكي : ليان بابا تعبان تعبان كثير وفي المستشفى ليان : بس انا ابوي اسمه ناصر مو فهد جود : لا هذا صديق بابا ابوك تعبان في المستشفى كانت مو فاهمه او مو راضيه تصدق ناضرت امها بفهاوه موراضيه تستوعب كلامها بذاك اليوم كانت منفصله عن عالمها وكل اللي في بالها كلام امها اللي مافهمت منه شي غير هالكلمات خذتها امها بذاك اليوم هي وناصر وودوها للمستشفى وهناك شافت شخص كان جالس على كرسي متحرك ومنزل راسه كان جسمه مكسر ووجهه مغطى بشاش دخلوها ورفضوا يدخلون ماكانت فاهمه وش السالفه دخلت لما شافها الشايب اللي كان جالس مع هاللي يقولون انه ابوها نبه ابوها لها لما شافها ابوها اشرلها بايده قربت منه سحبها لحضنه وضمها وقعد يبكي وهو يقول كلام مو مفهوم اللهم كلمه وحده وهي (سامحيني) وكان يرددها صار كل يوم يودونها ناصر وامها له حبته بس ماكانت فاهمه ليش هذا ابوها طيب وناصر وش يكون لما طلع فهد من المستشفى علمتها امها بكل شي كيف انها كانت زوجته السابقه وان ليان بنته وانه تطلقت منه وهربت لانه كان يبي يرجعها وعشان كذا خبا ليان عنها وخلاها عند ناصر صديقه اللي رباها خذوها له وعاشت عنده ومن يوم دخلت بيته وهي تحس انها جزء منه صارت تحس انها جزء من معاناة هالشخص اللي كل من حوله خانه وابعد عنه مثل ماكتشفت ان عمتها واللي هي زوجة ابوها بعد امها جاته بالمستشفى ورمت عيالها عليه وقالت انا مو ناقصه اعيش مع واحد مقعد ومشوه ابغى الطلاق واكتشفت ان الحادث صارله لما عرف ان جود رجعت وتزوجت ناصر طلع من البيت معصب وصار له الحادث بنفس اليوم اللي رجعوا فيه عشان كذا صارت تكره ناصر وكل شي يتعلق فيه ولولا امها كان قاطعتهم من زمان صحيح انها زعلانه على امها بس مهما كان هذي امها حست بضيقه تخنقها تخيلت شكل ابوها وهو جالس بنفس المجلس مع ناصر ابد ماتقدر تتخيل كيف ان ابوها يتألم بصمت ارجعت تتصل فيه فهد : هلا حبيبتي ليان : يبه حبيبي بلغت خالي فهد : ايه بلغته مبروك يبه ليان : الله يبارك فيك يالغالي فهد : ها عروستنا أي اوامر ثانيه ليان : فديت عيونك بتحقق لي طلبي لو طلبت فهد : اكيد كم ليان عندي ليان : ابي ارجع للبيت مو مرتاحه هنا فهد : افا وانا ابوك من اللي مزعلك ليان : ابد يالغلا بس كذا ما اعجبني الجو الا اذا كانه عاجبك فهد : لا مادامه ماعجبك اكيد ماعجبني ليان : الله لايحرمني منك خلاص اجل بروح اقول لنوفه فهد : خلاص حبيبتي انا انتظرك بالسياره ليان : اوك سكرت الجوال صحيح ان الجو عاجبها بس مستحيل تخلي ابوها يجلس مع ناصر بنفس الجو مستحيل تخليه يشوف عيال ناصر فيه اللي كافيه دخلت الفيلا راحت وحصلت نوف جالسه مع ساره ليان : نوفه حياتي يالله نوف : نروح للبيت ليان : ايوه ساره : وش هالتعقيد تونا لاتعقدون البنت اووف راحت ليان وميلت على ساره بهمس : هدي اعصابك ترى انتي توضحين انك معقده ريلاكس ياقلبي عشان ماتبين النفسيه اوك سحبت نوف : نوفه حياتي بنروح نتمشى يالله ياقلبي طلعوا عند الباب سمعت ليان صوت امها جود : ليان استني التفتت ليان : هلا يمه كانت جود مغيره مكياجها ومكثفه مخفي العيوب تحت عيونها بس مع هذا واضح انها كانت تبكي : ليونه وين حبيبتي ليان : بنروح نتمشى جود : طيب ليش ماخذه اغراضك ليان : بنطلع انا وابوي واخواني جو المزرعه ماعجبنا عشان كذا بنروح نزلت جود راسها راحت ليان وباست راس امها ولبست عبايتها وطلعت وخلت امها وراها بحسرتها ركبوا السياره ورجعوا للرياض والجسمي يوصف احساس فهد بذاك الوقت شي غريب , شي غريب شي غريب , سي غريب لما تظن انك حبيب وانك من الفرحة قريب لكن يجيك سهم ويصيب سهم ويصيب قلبك وتحيا به غريب لما تظن انك حبيب وانك من الفرحة قريب لكن يجيك سهم ويصيب سهم ويصيب قلبك وتحيا به غريب الدنيا كلها برد وعواصف من قلبه خالي ومن قلبه ناشف هاذي الحياة حظ ونصيب حظ ونصيب مرة تصيب ومرة تخيب في كل مكان وفكل زمان بين الهدوء تلقى الرياح بعض الصدور فيها الحنان وبعض الصدور فيها الجراح في كل مكان وفكل زمان بين الهدوء تلقى الرياح بعض الصدور فيها الحنان وبعض الصدور فيها الجراح مهما شتكيت ولا بكيت ما يستوي ليل صباح مهما شتكيت ولا بكيت ما يستوي ليل صباح شي غريب شي غريب ان كان هواك ضيع خطاه ولا نشف فيك الشعور حول هموم قلبك شموع وارجع وطير ويا الطيور ان كان هواك ضيع خطاه ولا نشف فيك الشعور حول هموم قلبك شموع وارجع وطير ويا الطيور طبع الحياه حزن وفرح وطبع الورود شوك وزهور طبع الحياه حزن وفرح وطبع الورود شوك وزهور شي غريب شي غريب شي غريب شي غريب ....................................... طبعا الكبار في عايلة الخالد اتفقوا على ان سر ليان ماينكشف ابد وتعيش على انها بنت فهد من طليقته جود بالنسبه لابطالنا الباقين مانسيتهم العنود مخطوبه لولد عمها سعد سلطان للحين على امل ان ليان توافق اسامه طلق زوجته لانه ماقدر يثق فيها وارسلها لامريكا خطب نورا بس رفضته هند تزوجت صديق اخوها دكتور اسامه توظف في مستشفى كبير بس للحين ما تزوج محمد صار ملتزم وهو الحين امام لمسجد هو اللي بناه من فلوسه وقف لامه النهــــــــــــــــــــــــــــــــــــــايه تمت الروايه بتاريخ (8-1-1433) ( 2:43 ص ) في الختام احب اشكر كل اللي ساعدوني وكانوا معي خطوه بخطوه لا تقيسوا محبتكم بحجم حروفي .. فما يحمله قلبي يعجز عن نثره قلمي .. وما يسكبه مداد حبري .. قليل من كثير في دمي يجري .. فعلا اشكركم من كل قلبي بصراحه كنتم معاي متابعين على الرغم من اني اخلفت كثير بموعد تنزيل البارتات حصلت كثير اخطاء عندي اكيد اتمنى تسامحوني عليها هذي اول تجربه لي في عالم الروايات واتمنى اني ما اخفقت فيها غير طبعا (مواعيد عرقوب ) على قولة اختي بس بصراحه وربي انه عمري ما اخلفت عن الموعد متعمده والله مااخلفت الموعد الا وعندي ضرف اجبرني اتمنى ماتنسوني من تقييمكم وتقولون لي بكل صراحه وش رايكم بالروايه لان رايكم يهمني ابيكم تقولون كل شي بخاطركم بكل امانه وفي النهايه على ضفاف آحلامي ودعتُ أيامي فغدوت خائفة من ان ياخذني بحرها الى ما اجهله وانا لا اعرف السباحة فيه كانت قدماي تغوص في اليابسة رافضة ان تغادرها او خائفة من الرحيل للمجهول ولكن كلما هاج موج البحر وجدت نفسي بين مد و جزر يبعدني عنها وعيناي عالقة على آثار أقدامي الباقيه على رمالها وعلىرسالة الذكريات التي تركتها لكم هنا على هذه الارض كان للفرح وللحزن مكان في عالمي ورغم تنافرهم الا انهم قد تجاذبوا و تصاحبوا حتى بتُ آحن للبقاء في آحضانارض كانوا يسكنوها معي هُنا رسمت الآف اللوحات او حتى لا أزخرف الحروف وانسبها لي سأكون أكثر صدقا واقول إنها هي منرسمتني كانت تظللصورتي حينا فلا احد يجيد قراءة ما ورائها وحينا آخر تجعلني شفافه لأكون قريبة لمن ابحر بين الواني لــ نرسم الآمل لبعضنا ... يا عالمي الصغير يا صندوق آحلامي المخبئه يا لوحة سمحت لي بالكتابة على سطورها يا اروآحا قد سكنتني واعطتني من دفئها وصدقها الكثير يا من أنصتوا الى خيالاتي وخربشاتي البسيطة تشتاق كلماتي للحديث عنكم و لكم .. ولكن ... انا اعلم أني اسكن في زاويا ذاكرتكم ان لم يكن في قلوبكم لذا سأسقي أيامي القادمة بعبيرحروف لكم حملتُها معي للمجهول لأتنفسها كلما ساقني الحنين لأبطال قصة لم تنتهي ولن تنتهي وأن طال الغياب للامانه الخاتمه موب لي بس اعجبتني وحسيت انه فعلا
تعبر عن حالي الحين عاد لاتنسون التقييم وادعولي بكره علي اختبارين الله يعيني اشكركــــــــــــــــــــــــــــــــــم على المتابعه في امان الله
التعديل الأخير تم بواسطة 화이트 엔젤 ; 03-12-2011 الساعة 04:17 PM |
||||||||||||||||||
|
|
|
منذ /03-12-2011, 06:32 PM
|
#307 | ||||||||||||||||||||||
|
[ مسؤولۃ التمبلرَ ]
ملكة التنسيق
|
كييييف أبدأ ؟
التعديل الأخير تم بواسطة B S O M A ; 03-12-2011 الساعة 06:46 PM |
||||||||||||||||||||||
|
|
|
منذ /03-12-2011, 08:24 PM
|
#308 | |||||||||||||||||||||||
|
ملكة التنسيق
roveta سـابقـآآ =)
|
|
|||||||||||||||||||||||
|
|
|
منذ /03-12-2011, 08:25 PM
|
#309 | ||||||||||||||||||||
|
بنوتة محلقة
|
 : ewqqq::e wqqq::ew qqq::ewq qq::ewqq q:والله والله والله أعجججز عن وصف الرواية ولا وصف ابداعك ما شاء الله ما شاء الله الله يحمييييك يا قلبي  متاابعه من البدايه حتى لو ما رديت كثير (( صح اني ماحب النهايات الحزينه بس بجججد ابداااااااع ما ششاء الله )) خاصه انها اول روايه لك الله يوفقك ويعيينك ويسعدك ياقلبي 
|
||||||||||||||||||||
|
|
|
منذ /08-12-2011, 03:48 PM
|
#310 | ||||||||||||||||||||||
ملكة التنسيق مبدعة الردود
شُو بدك ؟
|
|
||||||||||||||||||||||
|
|
|
| الكلمات الدلالية (Tags) |
| لليً, الامل, الاولى, ذكرى, بثار, دموعنا, ياخفوقي, روايتي, على, عهد, والمهانه |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
،
!
!
!!
