رواية "خفقات قلب"....من تأليفى...

**آيوته الكتكوته** · #1 06-06-2008, 01:34 PM

السلام عليكم و رحمة الله و بركاته

احبائى اليوم حبيت اكتب لكم قصه من تأليفى

الخاص و اتمنى أن تنال اعجابكم و ياريت لو تقولوا لى

رايكم بصراحه و الى عنده اى ملاحظه يخبرنى بيها ^-^

البدايه

عندما بدأت الشمس تغيب ، و الشفق الاحمر يسدل ستائره على الكون ، توجهت الى الشرفه ، و وقفت صامته فكم كان
يروقها منظر الشمس و هى آفله الى الغروب لانها كانت دائما
تتذكر حبيبها فى هذه اللحظه حبيبها"مراد" الذى لم يغيب عن بالها و لو لثانيه ..... و بعدها تتوجه الى مكتب ابيها ...

شذى:مساء الخير على اجمل بابا فى الدنيا
الاب:مساء الخير يا حبيبتى
شذى:انا مش هعطلك انا بس جيه اقول لك انى نزله راحه لوحده صديقتى
الاب:طيب يا شذى و انا كمان خارج رايح الشركه اوقع شوية اوراق
شذى:طيب يلاا انا ماشيه

و بعدها ذهبت شذى لمقابله حبيبها "مراد" الذى كان من طبقه متوسطه اقل منها فهى من عائله كبيره و لكن شذى كان لا يهمها كل هذا كل ما يهمها هو انها وجدت الذى يحبها ويخاف عليها...

مراد:كنت الا تأتى..
شذى:ازاى بقى و انا اقدر اتأخر عنك
مراد:وحشتينى اوى
شذى:وانت كمان
مراد:فاتحتى بباكى فى الموضوع الى قلت لك عليه؟
شذى:ان شاء الله هفتحه النهارده...سكت ليه؟
مراد:مش عارف يا شذى بس انا خائف لبباكى يرفضنى
شذى:يرفضك!! لا طبعا أنت مهندس محترم و أد الدنيا و فوق ده كله انا بحبك و مش هتجوز غيرك
مراد:و انا كمان بحبك
شذى:ياخبر..! ده الوقت اتأخر قوى انا لازم امشى
مراد:طيب و هنتظر منك تليفون

ترجع شذى الى المنزل و هى سعيده و طائره من الفرح و تدخل على ابيها المكتب...
شذى:بابا حبيبى ممكن اعد معاك عشان نتكلم فى موضوع مهم
الاب:طيب خدى نفسك بس الاول .. خير ايه الموضوع؟
شذى:بابا انا كان .. فى واحد عاوز ييجى يطلب ايدى من حضرتك و كان يعنى عاوز حضرتك تحددله ميعاد
الاب:والله و كبرتى يا شذى اوكى يا حبيبتى خليه ييجى بكره
الساعه 09:00 باليل
شذى:بجد!!!ميرسى يا اجمل اب فى الدنيا

و بعدها يأتى مراد الى لطلب يدها ... يدخل مراد المنزل و هو منبهر بالآثاث الراقى و التحف الغاليه ثم يجلس و ياتى الاب لمقابلته ..

ألأب:اهلا وسهلا اتفضل اعد
مراد:أهلا بحضرتك
مراد:ألحقيقه أنا كنت جى النهارده عشان اطلب ايد الآنسه شذى للجواز..و كنت طمعان فى موافقه حضرتك
الاب:قبل ما اوافق او ارفض لازم الاول تكلمنى عن نفسك و عن امكانياتك الماديه
مراد:انا حضرتك متخرج من كلية هندسه و بشتغل و عندى شقه كده صغيره و بقبض فى الشهر 400 جنيه
الاب:هههههههههههه بتقبض كام؟ 400 جنيه!
انت اكيد بتهزر
مراد:لا يا فندم انا مش بهزر
الاب:عايزنى انا مصطفى بيه الششتاوى اجوز بنتى لواحد زيك انا بنتى لازم الى هيتجوزها يعيشها فى نفس مستواها
لاننا ناس هاى كلاس و ما نقبلش بأى حد ... الزياره انتهت بعد ازنك
مراد:ناس كتير معاهم فلوس و مش حسين بطعم السعاده يا ... يا باشا ، بعد ازنك..."ثم ينصرف"
شذى:ايه الكلام الى حضرتك قلته لمراد ده؟!!!
الاب:اخرصى خالص انتى اتجننتى؟عاوزانى اجوزك للصعلوق ده.. انتى اكيد جرى فى مخك حاجه!
شذى:يا بابا افهمنى مراد شاب كويس و ...
الاب:فعلا شاب كويس الى بيأخذ فى الشهر 400 جنيه
ده مش الstyle بتاعنا خالص ، و بعد ازنك بقى عشان ورايا شغل...و اياكى اعرف انك كلمتيه
شذى:ده حراام بقى "و بعدها ذهبت تبكى"و بعد مرور شهر ذهبت لمراد دون علم ابيها...شذى تدق الباب و مراد يفتح

شذى:ايزيك؟ممكن ادخل؟
مراد:اتفضلى
شذى:انا كنت عوزه اعتذر لك على الى بابا قاله و ..
مراد:مافيش داعى انك تعتذرى بباكى كان عنده حق احنا مش لبعض
شذى:معقوله يا مراد من اول جوله بتستسلم!
مراد:فيها ايه لما استسلم للواقع و الحقيقه؟
شذى:حقيقة ايه ديه الى خلتك انسان ضعيف و مهذوم!؟
مراد:حقيقة ان العين ما تعلاش عن الحاجب انك بباكى باشا و امك اقصد ممتك سيدة اعمال لكن انا ابويا ايه؟ بقال و امى..ب
شذى:تضع يدها على فمه برفق و تقول
ما تكملش انا لا يهمنى كل هذا انا عوزاك انت انا بحبك
اضطر ان يكذب عليها و يقول
مراد:للاسف فات الآوان
شذى:تقصد ايه؟
مراد:اقصد انك لما غبتى عنى انا ...
شذى:انت ايه؟
مراد:خطبت بنت معايا فى المكتب من نفس طبقتى الاجتماعيه
شذى:انت بتقول ايه؟!!!
مراد:زى ما سمعتى كده و دلوقتى اتفضلى اطلعى بره
شذى:انت بتطردنى يا مرااد؟؟!!
مراد: ينظر اليها و هو فى قمة الجرح
شذى:تخرج شذى و هى تنظر له نظرات حب و ضعف و كره
ترجع الى منزلها و هى مكسوره لا تصدق ما جرى و تدخل المنزل و تصعد الى غرفتها و عندما كلمتها والدتها تجاهلتها
و اخذت تبكى فى غرفتها و يأتى اليوم التالى و تدخل امها عليها
الام:شذى صباح الخير يا حبيبتى
شذى:صباح النور
الام:مالك يا شذى؟
شذى:ابدااا ما فيش
الام:انا بقى جيبالك خبر هيخليكى طايره من الفرح
شذى:ايوه
الام:عارفه مين الى طلب ايدك؟شااادى آبن طنط شهيره
رايك ايه؟ موافقه؟

هل ستوافق "شذى"على جوازها من شادى ام سترفض و ستظل تنتظر "مراد" الذى تركها ؟؟؟ سنعرف فى الجزىء القادم بعد ما اشوف تفاعلكم و ردودك ^-^

المصدر: منتديات بنات دوت كوم

v,hdm "otrhj rgf">>>>lk jHgdtn>>>

الموضوع الأصلي : رواية "خفقات قلب"....من تأليفى... || القسم : الـقـصـص و الـروايـات || المصدر : منتديات بنات دوت كوم || كاتبة الموضوع : آيوته الكتكوته

**Nootah** · منذ /07-06-2008, 03:11 PM

مشكووووووووووووورة أختي على القصة الروووووعة

وأهديكِ هذه الوردة عشان تكملي القصة

وننتظر التكملة

**آيوته الكتكوته** · منذ /07-06-2008, 04:03 PM

الجزء الثانى
و كانت شذى فى هذه اللحظه لا تعرف ماذا تقول و بدون تفكير قلت نعم اوافق و فعلا تزوجت شذى من شادى و كانت تفكر مع نفسها و احست انها اخطئت و لكن كان حب شادى لها ينسيها كل هذا فهو كان يحبها و لكن الكشكله التى كانت تواجهها شذى ايضا فى حياتها هى امه "شهيره"فهى أمرأة تتدخل فى حياة ابنها شادى بأسلوب لا يطاق و هو ايضا يخاف على زعلها و يمر شهرين على زواج شذى و شادى
و يسافروا الى شرم الشيخ و اثناء جلوسهم فى الكافيتريا يشربون العصير يقول شادى.....
شادى:مبسوطه معايا يا شذى؟
شذى:طبعا يا حبيبى
رات شذى شادى و هو يسلم على فتاه كان يعرفها من النادى فتقول
شذى:احنا هنبتدى كده و لا ايه؟
شادى:لا والله ديه دينا كانت معانا فى النادى...و بعدين ايه ده انتى بتغيرى عليا و لا ايه؟
شذى:يا سلام!!طبعا اكيد بغير عليك و هى ديه عوزه كلام J
بس بقى انت لازم تقطع علاقاتك القديمه ديه..
شادى:انا خلاص اعتبرينى قطعتها المهم انتى..يعنى مراد و ..
شذى:شادى لو سمحت تسكت.. بعد ازنك انا طالعه ..
شادى:خلاص خلاص انا آسف

و يوم عن يوم يزيد حب شذى لشادى لكنها لم تستطع ابدا ان تنسى مراد الذى لم يفارقها ليل و نهار و بعد قضاء اسبوع هناك يرجعوا الى القاهره فى بيتهم فتأتى "شهيره"لزيارتهم فيعرض شادى عليها البقاء معهم لمده اسبوع و ستوافق و لكن هذا الكلام لم يعجب شذى و قالت لها اهلا وسهلا بحضرتك و دخلت غرفتها فيذهب شادى ورائها
شادى:شذى مالك دخلتى ليه و سبتى ماما لوحدها؟
شذى:ابدا عوزه أنام
شادى:انتى متضايقه ان ماما هتقضى كام يوم عندنا؟
شذى:لا ابدا ... ولا يهمك يا شادى

و لكن شهيره لم تكتفى بذلك فقط بل ارسلت الخادمه لكى تتجسس على شذى و فى يوم كانت شذى تكلم صديقتها الصدوقه و تشتكى لها من شهيره فأحست شذى ان هنالك احدا يقف خلف الباب ففتحت الباب وجدت الخادمه تقف خلف الباب و هذه لم تكن المره الاولى فقالت لها شذى...
شذى: انتى بتعملى ايه هناا؟
الخادمه:ستى!!! ابدا ابداا ده انا كنت بنظف
شذى:تنضفى ايه يا كذابه أنتى؟
الخادمه:والله يا ستى انا م...
شذى:و كمان بتحلفى امشى اطلعى بره ...

تأتى شهيره على الصوت العالى و تقول

شهيره: فى ايه؟ صوتكوا عالى كده ليه؟
شذى:تعالى يا طنط شوفى الكذابه الى بتتسنط عليا ديه
الخادمه:ابدااا والله
شذى:بتحلفى تانى؟!!! طيب اتفضلى يلا اطلعى بره بيتى
شهيره:غاده مش هتخرج من هناا<<<الخادمه
شذى:انتى بتقولى ايه يا طنط؟
شهيره:غاده بقالها كتير بتشتغل هنااا و مش هتطرد
شادى:فيه ايه يا ماما مالكوا؟
شذى:تعالى يا شادى شوف ممتك
شهيره:انا خلاص قلت الى عندى روحى يا غاده على المطبخ
شذى:استنى عندك لو البنت ديه خطت خطوه واحده كمان انا الى همشى و هسيبلكوا البيت..<<بعصبيه
شذى:مافيش حد رد يعنى؟ اوكى انا فى بيت ماما لما تعزنى هتلاقينى هناااك
شادى:استنى بس يا شذى
شهيره:على راحتك يا حبيبتى
تنصرف شذى و هى منزعجه و تذهب الى بيت امها
و بعدها بساعتين ذهب ورائها شادى لكى يأخذها الى المنزل
فتستضيفه امها...و تقول له.:

الام:اتفضل استريح يا شادى
شادى:شكرا يا طنط .. يرضيكى يا طنط الى شذى عملته ده؟!
الام:والله...ديه مراتك و انت اتفاهم معاها انا هطلع آناديهالك
شذى:نعم..جى ليه؟
شادى:عشان ارجعك بيتك بعد الى عملتيه
شذى:الى انا عملته ولا الى ممتك عملته ده انت سبتنى اخرج من البيت عادى و سبت ممتك تغلط فيا و كمان جى تقول لى ارجع البيت ده تانى؟!!!
شادى:يعنى ايه؟

<FONT color=#99cc00><FONT face="Times New Roman"><FONT size=5>شذى:يعنى انا لما ارجع عوزه ارجع بيتى و نبقى لوحدن%u

**وردة الحنين** · منذ /11-06-2008, 06:23 PM

قصة جميلة والله ومشكورة عليها جدا

**ino** · منذ /15-06-2008, 10:31 PM

القصة حلوة..و ننتظر الباجي

**يسرا** · منذ /15-06-2008, 11:29 PM

رووعة القصة

كتير حبيتها

و بنتظر الجزء القادم
تقبلي مروري

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)