مكتبك.. دوما..مرتب.. و أنيق

**Miss cat** · #1 01-01-2011, 05:51 PM

[[ بسم الله الرحمن الرحيم [[

*

المكتب.. منطقة يصعب ابقاؤها مرتبة طوال اليوم..!
من منكم يبدو مكتبه كهذا..؟!

أوراق في كل مكان..
أقلام منثرة..
كتب موضوعة بشكل عشوائي على الطاولة
أدراج مفتوحة دون سبب..!؟!!

و في كل مرة نحاول فيها ترتيب طاولة المكتب.. نجدها بعد فترة "معفوسة فوق تحت" << ليش منزلة الموضوع بالفصحى مادري خخخخ

المهم..
في أفكار تنظم المكتب.. و تساعدكم تخلونه منظم طول الوقت..!!!

مني لكم..
الحلووول الذكية لترتيب المكتب..

أول شي..
المظهر الخالي لطاولة المكتب يعطي شعور بالترتيب و النظافة..

طاول المكتب لازم تكون على طول نظيفة.. و خالية من الأوراق
كل شي فيها منظم

مو معناته أنه ما نحط شي عليها..

لا..
راح نحط عليها أشياء.. تساعدنا عالترتيب..

اترككم مع الصور عشان تفهمون قصدي

حافظات الأوراق..

في هالصورة..
المكتب مرتب و أنيق..
شلون..؟؟!

الأوراق كلها محفوظة بحافظات الأوراق..
اللي على شكل ملفات في رف فوق / تحت طاولة المكتب..
ممكن اذا كانت مساحة الطاولة كبيرة و تكفي ان تحتفظ في حافظات الاوراق على الطاولة

*

حاويات زجاجية

من الأسهل الاحتفاظ بالأشياء في حافظات زجاجية
تسهلي علينا تذكر أماكن الأغراض.. و حتى اذا فتحنا العلبة نقدر نوصل للي نبيه بسرعة

*

الأرفف

ان نستخدم الحائط و نحط الأوراق / الأقلام / الجرايد / الملاحظات عليه..
و مثل ما شفتوا.. أغراض وايد.. بس المكان مرتب

أرفف أكثر = تنظيم أكثر

أضغط هنا لتكبير الصورة , مقاس الصورة الأصلي 800x488 وحجمها 86KB.

*

الصناديق الورقية / السلال

نقدر نحفظ فيها كل شي نبي..!!!
أوراق.. كتب.. نوتات.. دفاتر..!!
ممكن نخلي لكل صندوق شي معين..
صندوق اغراض الجامعة
صندوق أوراق أو فواتير.. و هكذا..

*

الخزاين

الخزاين تستوعب كميات كبيرة من الأغراض / الأوراق / الكتب
و تعطي منظر جمالي للمكان

*

مكان اللابتوب موجوود..!؟!!!

اذا كان المكتب صغير.. و مافي مكان عشان نستخدم اللاب توب + الكتب على طاولة المكتب..
ممكن نستخدم طاولة صغيرة للابتوب..

مثل هذي

"من ايكيا"

*

الجرد الأسبوعي = تنظيم أكثر

من المفترض ان نحتفظ بالأوراق المهمة فقط.. و الجرد الأسبوعي مطلوووب
الأوراق القديمة + المهمة.. ما نحتفظ فيها على المكتب..
تكون في الخزاين أو الأدراج
أما طاولة المكتب.. تحتوب فقط الأوراق و الكتب اللي راح نستخدمها في الوقت الحاضر..
و نحتفظ فيها مثل ماقلت لكم في حافظات الأوراق بحيث يسهل الوصول لها

*

خيالي واسع..!!

لأن خيالي واسع

ممكن نستخدم الأدوات أكثر من استخدام على حسب حاجتنا.. و هذا ما أسميه بالابداع..!!

ممكن يكون المكتب منطقة نمارس فيها هواياتنا أيضاً..
و هني راح يكون الترتيب أصعب.. كون أن لازم نحتفظ بأغراض الدراسة بعيد عن أدوات هواياتنا..

ممكن نستخدم سلة مكونة من 3 طبقات.. نحتفظ فيها بالأدوات..
بهالشكل راح يكون الوصول لها جداً سهل..
و بتعطي منظر حلو للمكتب

***

صواني الكب كيك.. ممكن تكون طريقة حلوة نحفظ فيها الأشياء الصغيرة..
جذي نضمن انها ما تضيع ^^

***

علاق الشاور..
ممكن نستخدمها كـ set نحفظ فيه الأوراق و النوتات على الحائط..
و الشكل النهائي بسيط و جذاب

***

و بعد.. و لأني مبدعة

ممكن نستخدم حاملة فرش الأسنان الأنيقة كحاملة للأقلام..!!

ممكن تستخدمون المعلبات.. و العلب القديمة كنوع من الأرفف أو الـHolders
شرايكم بالشكل..؟؟!

الصينية اللي تكون ستيل.. ممكن تجلدون سطحها و تستخدمونها كلوحة مغناطيسية

*

مكتبي الحبيب..

Personalize your office

بالأخير,,
لا تنسون تظفون لمساتكم الجمالية.. اللي تعكس شخصيتكم في ديكور المكتب..
بجذي المكتب راح يكون مكان جميل يحتضن ابداعكم..
و تشتاقون ترجعون له و تشتغلون فيه..

و هذي بعض ديكورات المكاتب.. لأذواق مختلفة

اتمنى يعجبكم الموضوع
منقوووول للغاليين فقط ما تقصر الاخت ألي تعبت في كتابة الموضوع Tish_Mish

المصدر: منتديات بنات دوت كوم

l;jf;>> ],lh>>lvjf>> , Hkdr

الموضوع الأصلي : مكتبك.. دوما..مرتب.. و أنيق || القسم : المخالفات || المصدر : منتديات بنات دوت كوم || كاتبة الموضوع : Miss cat

*** JUORI *** · منذ /01-01-2011, 07:04 PM

أحيآناً يكون مكتبي كالأول .. و أحياناً تمدحني أمي أمام أخوتي على رتابته ~

كلها مجموعة متميزة و محيرة أيها الأجمل

الترتيب و الألوآن بشكل عآم ،، كلها رآ آ آ ئعـة

الكرسي يظهر أنه مريح .. و فخم ، كذلك الكرسي في الصورة الأسفل من هذه في الموضوع

أفكار جداً رائعة و مفيدة (عملية)

و تطبيقآت منآسبة و جميلة للغاية ،،

الله يجزيكِ الخير على الإفادة أختي الطيبة

كوني بخير