يـــــوميـــات غربة (( قصه واقعيه من تاليفي ))

**ஃ S H M O O 5 ஃ** · منذ /20-07-2010, 03:49 AM

مدينة الحب

ماتدرين شكثر يشرفني تواجدج و متابعتج و قرأتج حق قصتي
للحين سهرانة اكتب الجزء الياي
أسعدتيني بردج الطيب
منورة

**Dosh** · منذ /21-07-2010, 12:11 AM

السسلام عليكم ..

التكملــه كانت ولا ارووع انتظر البارت الجاي

توقعاتي ..

امم حمد يممكن يملك على فججر ...

وو سساره وشوق حيرجعوا مثثل اول

نواف مدددري مني قادره اتوقع اشفيييه بس يمكن حب وححده غير العنوود ولا العنوود اعطته وججه وحبته

محمد وششهد اممكن محمد حيبادل شهووده نففس الشعوور

ننتظر التكمله يالغلـاـآ ..

وددي لروحكـ

**LOVECITY** · منذ /21-07-2010, 07:14 PM

المقدمة....الأبطال .....الحلقة الأولى

المقدمة

بدايتك في سرد الرواية وإعطاء أجواء رائعه للدخول الأول للراوية

كان رائع جدا طريقة ملامسة القلوب ببداية عن أن بداخل كل إنسان طفل

وصف رائع

مدخل القصة رائع بكل ما تحملة الكلمة

الأبطال

منسقة ومرتبة سردتي لنا كل ملامح الشخصية من عمر ووصف وأحوال

أي أنكِ أعطيتي لكل شخصيه حقها بالوصف وإيصال فكرة لنا عن كل شخصية

سنبحر بها معكِ في روايتك

الحلقة الأولى

شدني بصدق وصفك الدقيق لأجواء المكان وللتعبيرات الشخصية لكل من سارة وشوق

ووالدتها وأجواء القطار والشخص اللي واجههم

ووصفك الدقيق لكل ما كان حولهم من أشياء

يبدو لي من بداية روايتك أنها حقا رائعه

وسأستمتع عن قرب للبقية

رائعه كعادتك

إنتظريني للتعليق على الحلقات الباقية

ودمتي بحب
مدينة الحب

**ஃ S H M O O 5 ஃ** · منذ /22-07-2010, 01:23 AM

zara

تسلمين والله بعد عمري منورة البارتات كلهم انتي > هع

إي توقعاتج فيها شي من البارت الياي
لا عدمنا هلتواجد يارب

**ஃ S H M O O 5 ஃ** · منذ /22-07-2010, 01:27 AM

LOVECITY

شهادة اعتز فيها والله
و يشرفني ردج & تعليقج
ناطرة التعليق على الباقي ترى>> طماعة
منورة حبيبتي

**ஃ S H M O O 5 ஃ** · منذ /22-07-2010, 01:30 AM

و أترككم مع البارت

الجزء السابع عشر

Its a Girl

---------------------------
　
حمد : عمي ممكن اطلب منك طلب
بو فجر : تفضل يا ولدي امر

حمد: والله يا عمي أنا مزهب حق فجر مفاجأة..إنه يعني نملج إليوم. و العرس يكون كبير بس أهم شي الملجة عائلية و بيننا احنا الموجودين .. و أن وافقت إنت أدق على الشيخ و يجي نملج

بو فجر انصدم ،.. و قعد يدور جواب بعيون اخوانه و خوال شوق : والله مادري شقولك يا حمد

حمد: دام صارت الموافقة ماحب نآجل الملجة

بو فهد مو عارف شنو يقول له .. ولده ين و قعد : حمدو عيل احنا بعد ما ندري عن السالفة ..

فهد : ههههههه ...مستعيل اخوي خلوه شفيكم عليه

فيصل : إي والله حمود مستعيل

بو فجر : عيل عطوني دقايق أخبر أم فجر و فجر و انتو دقو على الشيخ

حمد راح بعيد و دق عليه و قاله يجي و عطاه العنوان

بو فجر : شسوي يا أم فجر هذا الصبي يبي جذي ما أقدر أقول لأ فشله و الكل موافق .

أم فجر : فجر حبيبتي تكلمي شفيج .. تبين الملجه الحين؟

فجر ساكتة : ماما أنا مو مزهبه عمري شكلي مكياجي شعري كل شي

بو فجر : والله تهبلين و نعومة بنتي حبيبتي

أم فجر : إي والله قمر

فجر : خلاص إلي تشوفونه

تمت الملجة

و صار وقت فجر و حمد يقعدون بروحهم

و الكل تركهم و راح إلمستشفى

---------------------
إلمستشفى

عند بيت بو فيصل

بو فيصل قاعد عند أم فيصل

و فرح وجاسم عند الياهل

فرح :امبيه جاسم شوف شوف حلاااتها وآي ماشاءالله تينن قمر قمر

جاسم ماسك ايد البيبي : إي والله فروحة شوف تينن .. أبي أبي أبي

فرح بمكر: شتبي

جاسم مسك ايد فرح .. متغاضي كل العيون إلي حواليهم : فرح أبي بيبي منج .. خلاص أبيج مرتي متى نتزوج حني علي شوي .. شفيج

فرح تهد ايده و تروح عند البنوتة : إن شاء الله عن قريب ..
جاسم: إن شاءالله

حط ايده بإيدها..و تمو جذي يعلقون على البنوتة و حركاتها و ملامحها و تشبه منو و عيونها على منو .....

شوق و سارة يركضون

شوق : طحت علييكم شتسوون... أمبيه وينها وينها

ساره : وآي اختي بيبي وينها

فرح : شوي شوي شفيكم ..انتو بمستشفى

شوق : بيييييه فرح سكتي والي يسلمج مالي خلقج وينها جسوم

سارة : كا كا كاهي ... واي واي واي اختي تشبهني

فرح : سمالله عليها قعدتوها حرام عليكم توه نامت ...

جاسم : إي والله حشى مو بنات .... قولو ماشاءالله شفيكم يه
　
فيصل و موسى يتهاوشون عند الباب

موسى : وخر أبي أدش

فيصل يجره من تي شيرتة .. : وخر يا ..... وخر بشوف بدش

و هني قعدت البيبي ...و بدت تبجي

جاسم : طلعو برا يالله كللكم برا ما أشوفكم هني يالله

فرح :جاسم شوي شوي ... و انتو شفيكم بتشوفونها

الكل متيمع عندنا

فيصل : تشبه جاسم ,,,,جسوم شكو شكو,,, اختي هذي

شوق : إي والله وانا أقول تشبه منو ...

سارة :وآي فديته عمي تشبهك

فرح تبتسم و اهي تطالع ريلها بفخر

فهد : قوه شباب ..أشوف أشوف وخرو ... حياتي ..مرتي..بعد جبدي ... هذي خلاص محجوزة

موسى مصدق حط ايده على خده و يطالع البيبي: بيييييه فهد ..شلون تتزوج ياهل ...

زهور : إي والله شلون هذي بيبي ...

هني الكل قعد يضحك
　
----------------------------

احم احم شرايكم نروح حق العشاق
ولا لا خليها بعدين

ههههههه... زين زين نروح لهم لا تعصبون >> مندمجة
المهم
كانت فجر واقفة عند الدريشة

( واي واي شسوي يا ربي شكلي مو زاهبة...مو حلوة .. شنو هذا ... بيعجبه شعري ؟!؟!؟!... شكلي بدون حجاب بيعجبة؟؟!؟!؟! ... ولا شنو أسوي ؟!؟!؟!؟!؟! خلاص أروح ألبس شيلتي و عبايتي أبرك )

دارت الصوب الثاني بتروح فوق تبدل ... طراخ ... صدمت بحمد وراها
صرخت صرخة هزت الصالة إلي مافيها غير أثاث و ديكورات صغيرة و خفيفة

حمد يحط ايدة على حلجها : اوووووووووووش فضحتينا....شفيج شفيج ...سمالله عليج

فجر تعدل شعرها : إنت من متى هني

حمد يبتسم لها يحط ايده على شعرها و يخربه : من زمان

فجر مرتبكة.. ترد تعدل شعرها : اها أوكي

حمد يرد يخرب شعرها

فجر ترد تعدله ... قرب منها :أحب العب بشعرج ...شكلج مو صج فجور ما كنت اتوقع انج جذي ...مرتي تينن ..

فجر تخلص عمرها من بين ايدينه و تروح تييب له عصير

تفضل

حطته عطتة العصير و راحت .. ما يمديها ... مسك ايدها و باسها

حمد: شنو فجر مو عاجبتج مفاجأتي ... ليش متضايقة ...خلاص أنا أسف بتركج بروحج ...باي
فجر : حمد حمد .. لا مو قصدي أنا .. و سكتت
انتبهت انها تطلعه بعيونه ...أول مرة ... و بدون حجاب ... صارت مرته
نزلت راسها و راحت قعدت
قعد يمها و خلص يومهم بلسوالف
　
　
　
اعجبك من اريد اتغازل وياك
وارش ماي الورد فوق الشفايف
وبحور القمر اغسل محياك
انا شلال من حب وعواطف
مكانك بل قلب وبروحي مئواك
وبين عيوني انت منين خايف
جميل انت ومثير بكل مزايك
حرام الليل يخلص بل سوالف
حبيبي اسمحلي المس طرف وجناك
ولقط منقة مصرية وقطايف
واذا بحجت المزاح اتمادة وياك
من هسة اقولك انا اسف
اعجبك اعجبك من اريد اتغازل وياك
وارش ماي الورد فوق الشفايف
　
　
　
　
　
　
　
كان هذا الجزء السبع عشر
اتمنى إنه يكون مثل ما كنتو تبون و متوقعين
　
شهد و نواف حبيت أنه أخليهم حق الأجزاء الثانية
في جمله قلتها بأجزاء راحت .. اهي انهم ممكن يردون الديرة ؟..ليش كان بو فهد يبي هلشي ؟ و فجأة ؟؟
فيصل ؟؟...لين متى بيتم جذي ،،،!!!
　
و سلامتكم
　
ناطرة ردودكم
و بس خلوني آخذ راحتي بكتابة الجزء الياي هههه

**LOVECITY** · منذ /22-07-2010, 03:17 AM

الجزء الثاني.......الجزء العاشر

غاليتي حاولت ان اقطع طريق كبير من خلال اجزائك

ليسعني الوقت بلحاق بكِ

والتمعن الاكثر بروايتك

هنا باتت تتضح لي شحصيات القصة

اعجبني كثيرا 4 شخصيات

شوق ...سارة..فرح...جاسم

اشخاص تعلوهم ملامح الفرح وخقة الدم

واشخاص تعلوهم جراح الحب والشوق والدمعه

نزلت دمعه من عيناي لموقف فهد وشوق

عندما كانت بالمستشفى

الأجمل والاجمل

المقدمة التي تحمل بعض الكلمات اللتي تملئها الصدق والحب

والتي بالكاد هي شارة لكل جزء

وبابا لها

التفكير... الترقب.. الشوق والحب المنتظر

كل هذه الأشياء لمستها في هذه الأجزاء

وأجمل ما في القصة أنها من الكويت

بلد والدتي رحمها الله ومكان ولادتي ودراستي الإبتدائية والإعدادية

الحوار والتطرق لكل فقرة وجزء كان مرتب ولا يعلوة التخبط والتداخل

والأفكار كانت مترابطة

والحبكة ممتازة جدا

والأجمل وما شدني .....إنجليزيتك ممتازة

همسة بإذنك: أنتِ رائعه وكاتبة قصصة مميزة من وجة نظري

ودمتي بحب
مدينة الحب

**Dosh** · منذ /22-07-2010, 04:08 AM

السسلام عليكم ..

بارت حلووو ماكنت اتوقققع اني شاطره للدرجه ذي في توقع الاحداث !!

صراححه مهما قوولت مرح ابددع زي مدينه الحب باختصصار كلامها اكثثر من رائع وانتي تستحقيين كل كلمه قالتها عن كتابتك المميزه ..

ننتظر التكمله وخذي راحتك بس ارجعيلنا ببارت ططويل مرـآآ هههههه

وددي لكـِ زـآرـآ

**ஃ S H M O O 5 ஃ** · منذ /22-07-2010, 03:09 PM

LOVECITY

بصراحة أخجلتيني .. كلامج كبير
واتمنى اني أكون استحقة

يشرفني انها إعجبتج
و رحم الله والدتك و اسكنها فسيح جناته يارب
نورتي غلاتي

**ஃ S H M O O 5 ஃ** · منذ /22-07-2010, 03:12 PM

Zara

أهلاً أهلاً ... لووول إي شاطرة شفتي شلون
تسلمين والله من ذوقج حبيبتي
خلاص عشانج راح آخذ راحتي بكتابة جزء طويل
منوره يالغلا

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

يـــــوميـــات غربة (( قصه واقعيه من تاليفي ))

الـقـصـص و الـروايـات