رواية عذابات روحي تحكيها جروحي~

**جحيم الانتظار** · منذ /22-08-2011, 01:15 PM

السلام عليكم ورحمة اللهِ وبركاتهـ
بنوتـآت معذرةً على التأخير ،
انتو بتعرفوآ رمضـَآن ومشاغِل كثيرهـ،
فما كانت لي فرصَة بالتكملة ،
وان شاء الله رح ينتظم تنزيل الروايهـ بعد رمضَـآن ~
ورح احدد ايام تنزيلها
اللليلة رح اكون فاضِيهـ ورح اكمل باذن الله
تحياتي

**أنين طفلة** · منذ /23-08-2011, 06:10 AM

مملوكهـ غير
لا اطولي احنى ننتضر

**جحيم الانتظار** · منذ /23-08-2011, 09:29 AM

لمـا عودتْني عليكـَ [ترحل ]
وبكل أسَى قلتهاْ
لاحد يزعلهـآ~
==============
استمر الكل بونَـاسَة طول رمضان بعيد عن المشاكل اللي تحاذفت عليهم بالفتراتِ الأخيرهـْ..
فِي آخِر رمضَـانْ]
بتاريخ 23/9
كان الكل مشغول بتحهيزات عرس تركي ومحمد
فكانو يطلعون العصر وبالليل يقرون قرآن ويصلون
وبهاليوم ْ وهم فِي السوق ْ
فهد : يلا ياشباب ماخلصتو
سعود: وش فييك ؟ محمد مابعد يخلص
محمد بابتسامه لفهد: مو مشكلة ننقسم مجموعات أفضَل
تركِي : يكون أفضَل يلا
======
بعد مارجعوا من السوق
رمت نفسها على الكنبه وقالت :يــــــــآآهـ تعبت مررة
ام فهد: اييهـ والله قوموا ساعدونِي نكمل الفطور
وجدان :يمممه والله تعبت
نزلت سارة بعد ماصعدت الاغراض وهي ترفع شعرها~
وجدان : هاجربتي الفستان ؟
سارة : لسى احس تعبانهـ مرة
ام فهد: الله يعيين
======
على الفطور
ام محمد: يافرحتِي بس عيالي الاثنين عرسهم
هدى احمر وجهها :............
حسام: هههههههههههههههههه تستحيين
بسام : الحمدلله والشكر يعني تسوي روحك مو عارفها هي اذا احد مدحها تستحٍي
هدى :يمه شوفِي عيالك
ام محمد :بسسسكم
ابو محمد : محمد يبهـ خلصت تجهيزاتك
محمد: ايه
ام محمد: محمد وش فيك ليه جسمك نحفت مرة ؟؟
محمد:سلامتك يمه بس من الارهاق
ام محمد: اهتم بنفسك يمه وراك بيت ومرأه وعيال ~
محمد ناظرها لمدة طويلة وابتسم : ان شاء الله يمه ان شاء الله
بسام: محمد انت مو طبيعي فيك شي؟
محمد: مافيني الا العافِية
أنا شبعْت
قام وصعد لغرفتهـ والهدوء يطغى عليهـ
رن جوالهـ~
***: مافيهـ أمل ْ
محمد: الحمدللهِ على كل حال
***: لو ماتأخرت ذآك اليوم ماصَار اللي صار
محمد: الوالد كان تعبان ماقدرت أتركهـ
***: والحل ..؟؟
محمد: انتظر .. والحمدلله على كل حال
***: أنت مهمل مهمل <<قفل الخط
============
في يـَومِ 27
لم اعلم أنَّ هذهِ الليلة أتعسُ ليالي العمر التي تمر علي
لمَ أخفيتَ عنِّي هذا الاَمر لِمَ؟؟
لمَ عذَّبتنَـآ هكذآ لترحَل بهدوءٍ وصمتِ
أرجوكَ أجِب قبلَ أن تغفو عينيْكـَ
سَـأَقِفُ أمامكَ بكل قوتِي لأمنع عيناكَ من أن تُغلقْ
أولَست القلبَ الحنون الذي حوى الجميع بابتسامتهـ ..بهدوئِه ..بطيبةِ قلبهـ ..
جلسَ الكل من الصباح وصلحوا الفطور ببيت أبو تركي ْ
طلعت جوليا حامِل طبعاً ~
في المطبخ ~
منى : يعني ليهـ هدى وريم مايجون معانا
سارة : حبيبتي العرايس لازم يرتاحون وش فيكِ
جوليا: ام محمد اللهْ يخليكِ خذي هالبروستد كمليه مااقدر أطول بالجلسَة }
هدى : هلا والله
لولوة : مبرووووووووووووك بعد قلبي
هدى: اشتقت لك يالدوووبهـ يـآه من زمان عنك اليوم سمعت سارة وملاك يتكلمون عنك
لولوة :ههههههههههههههههههههههههههههههه والله مشغولَه وانتي تعرفي اللي عندي بالموت أفضَى
هدى تذكرت حالها : الله يعيين
لولوة : ها أخبار النفسية ؟؟
هدى : الحمدلله بس مكتومَة
لولوة : لازم حبيبتي شي طبيعي
هدى :ان شاء الله يكون كذا لا تنسِي تعالي
لولوة : رح اشوف مازن
هدى : لا تنسي ؟
لولوة : كيف انسى ياعمري بحاول انسسق مع مرة ابوي
هدى: يلا أخليكِ حبيبتي
لولوة : أوكِ مع السلامه
هدى : في حفظ الله
طالعت بريم
هدى :ريم ريم
ريم كانت سرحانهـ
هدى : ريم
ريم : هلا بغيتي شي
هدى : حبيبتي أعتبريني غريبهـ بس أهم شي بوصيك بشي أماانهـ محمد أخوي حافظي عليهـ قلبي معورنِي عليهـ
دمعت عيونها وصار لها زمان ما كلمتها ولا حكت معها ولا شعوريا قامت لها وضمتها
هدى بقلبها:يــــــــــآه اشتقت لك ياريم
ريم تدمع : لا توصي حبيبتي محمد بعيوني
هدى : محمد ياريم يضغط على نفسه ولا يشوف احد زعلان
ريم : اهدأي حبيبتي ان شاء الله بعيوني
على الفطور في المغرب
جوليا:بموت تعب
ام فهد: وش فيك كـأنها أول مرة تحملين
رنـا : والله يخالتي اعذرها انا افكر اوقف بعد اللي شفتهـ
ام سعود: ها؟
رنا: امزح عمتي رح اخلف لك 50
وجدان :ههههههههههههههههههههههههههههههههه
ام فيصل: ام محمد وش فيكِ؟ليهـ ماتاكلين ؟
ام محمد: قلبي من أمس أنفاسِي مكتومه
ام فيصل: سمي بالله حبيبتي ومايصير الا الخير
عند الشباب
محمد: شباب مشتاق لكم كثيير
حسام : معليش ياعيال الاخ هيمان من يوم زوجناه
بسام : الا على طَاري الزواج ماباقِي الا 3 ايام
حسام : ايه
فهد: والله يوم زواجنا كنا مرتبكين الغريب انكم هادئِين
سعود: يؤ سم بالله لا تحسدهم
تركي بقلبهـ: ليه محمد هادِئ كذا؟
محمد:شباب أنا بروح المسجد بقرأ قرآن شويهـ
فيصل وخالد: معاكْ
سعود : وأنا بعد
فارس وحسام وبسام وفهد وتركي : مشينا
محمد: خل نقول للأهل
دخل الكل بعد ماصعدوا البنات فوق ~
ام محمد : هلا والله وينكم
فارس : يخالتي وهققه مع المعارِيس
ام محمد:هههههههههههههه عقبالك
فارس : ترآ أخترت لي من الحين
ام سعود: عيب ياولد اعقل
الكل:ههههههههههههههههه
محمد: يلا أحنا رايحين المسجد توصون على شي
ام محمد بخوف:يمه محمد
محمد وهو يمشي للباب التفت لها وابتسم بهدوء: هلا يمه
ام محمد : انتبهوا خايفه عليكم
محمد راح لها وباس يدينها وقال:مابيصير الا الخير ، دموعك غاليهـ علي تألمني إذا شفتها
ام محمد : أبوك هناك انتبهـ لهـ
محمد: تآمرين يمه .. وين هدى بكلمها ؟
ام محمد : روح الحديقة واخليها تجيك
محمد: أوكِ يمه دموعك غاليه
ام محمد بابتسامة : وانت اغلى يمه لا تنسى انتبه لأبوك خايفه عليه
محمد :ان شاء الله
طلع الحديقة وقال للشباب يسبقونه المسجد
طلعت ومعاها ريم
هدى : تدري ممنوع تشوفها بس لأنك أصريت على هالشي هربتها لك
محمد: هههههههههه تسلمين
ريم :صرت لعبة عندكم تهربوني
محمد : ليه يعصب الحلو ؟
هدى : احم احم نحن هنا
محمد:ههههههههه مو مشكلة بدل تركي أنا
هدى بحيا : محمد
محمد: هههههههه ياحلوكم منو قدي أحلى اخت واحلى زوجة بالحياة جنبي
وابتسم بهدوء: أنا رايح المسجد تأخرت بس قلت بشوفكم
اشتقت لريم وهدى عندي لك ورقة ماتفتحينها الا بعد شهرين من زواجك
هدى : اخاف قنبلة ~
محمد:هههههههههههههه ايه موقوته المهم ان ريم الشاهد على اني عطيتك الورقة
ريم :ليه هو تركي بيتركها على كيفها ؟
محمد: ريم الله يخليك اتركي المشاكل
ريم : انا مااعتدت عليك الا لاني مجبورة لو أن هدى مااعترضت طريقنا ماصار اللي صار كان بعد 3 ايام زواجي مع تركي منو يصددق
محمد بقلبه: كافِي جروح
ابتسم لها وقال : طيب الحين ماتحبيني
ريم بخجل : شويهـ
محمد ضحك على عفويتها للتو تهاوشه والحين هدأت علمها هالفترة اللي راحت تحبه كسبها بصبره عليها باخلاقه
محمد مسك يدين هدى وحطهم بيدين ريم وقال:يعني خلاص ترجوا اصدقاء
هدى بضحكة خفيفه : اوك
ريم : محمد تأخرت من متى مشو عنك
محمد: اوف صحح صدق ان كيدهن عظيم
ريم وهدى هم ماسكين يدين بعض :هههههههههههههههههههههههه
=============
دخل المسجد وجلس يقرأ قرآن
حس بآلامه تزيد .. جسمه حار .. ضربات قلبه تزيد
ضغط على نفسه وماكانت تهدأه الا آياتِ الله
قام صلى وحس براحَه كبيرة
====
لما جاء الكل بيطلع على البوابه المسجد ~
كانت عيونه على أبوه .. ينفذ اللي قالت له أمه
زاد ألمه حط يده على قلبه
فيصل: محمد فيك شي
محمد:لـ <<تو بيكملها الا طاح على الارض مع كتلة منالدم انطبعت عليها
الكل بصدمة : محمد
الكل اجتمع حوله
ابومحمد رفعه وتلطخت يدينه من دم ولده
ابومحمد: محمد يبه وش فيك؟ تكلم رد علي؟؟
خالد: الاسعااف
وصلت السيارة ~
ابو تركي راح يخبر الكل
هدى وام محمد وريم جنو من البكا لما درو بالسالفه
الكل ينتظر على الباب ~
طلع الدكتور
ام محمد: ولدي ولدي ويينه وين اخذته
؟؟
ابو محمد : اهدي الله يخليك شصار ؟
الدكتور : مافيه أمل مستحيل يعيش ولا تيأسوا من رحمة رب العالمين ؟
ابو محمد: شنو يعني ؟
الدكتور : كان يعاني من هالمرض من مدة طويلة وكان يعالجه بس الظاهر ان ه احتاج عمليه بس ماعملها وتأصل المرض فيه ولا في أمل
ام محمد انهارت على الارض: ليه يايمه ليه ماخبرتني ليه ؟؟ ليه تذبحني ابتسامتك آخر الايام وكأنك تدري يممه محمد هذا كذاب انت عرسك بعد يومين نسيت <<وقامت تهلوس
رفعها ابو محمد بصبر
دخل الكل عليه
المكان بارده ومظلمه
حس بوجودهم .. ابتسم
وقال بصعوبه:يمه أحبك يايمه
قربت منه وحطت يدينها على فمه تبيه يسكت لايجهد نفسه
باس يدينها
وسكت مدة وقال: يبه سامحني
بسام حسام سامحوني
بسام وحسام انكبو عليه يبكون
ايه نعم دموع الرجوله تسيل بهالموقف
لأنه مو انسان عادي
لأنه ابوهم واخوهم وامهم وكل شي بالنسبه لهم
ابو محمد : تفائل يبه ليه تيئس وليه ماخبرتني كنت فديتك بكل جزء من جسمي؟
محمد: تسلم يبه
التفت يدور المكان
ايه يدور عنها
عن التوأم اللي ما كانت تفارقه
يبي ينظر آخر نظره لها
محمد :يمه هدى
كانت واقفه ورا الكل
مو قادرة تشوفه نطق باسمها وزحمت الكل
وانكبت عليه
هدى : انت وعدتني بتظل معي لما نحقق اللي نتمناه تذكره
محمد: مااقدر حبيبتي الاقدار حتمت علي
هدى ظلت تبوس يدينه :محمد مالي أحد غير ربي وغيرك لا تتركني محمد لما بابا وماما يروحون المستشفى لعلاجهم منو يظل معاي
منو يحامي عني محمد بتروح وتتركني
الكل قام يبكي بقوة
جاء تركي يرفعها

محمدبصعوبه: السموحه منكم كلكم
وكمل:

محمد : تركي
التفت له ودموعه على خده
محمد : هدى أمانه بعنقك حافظ عليها
تركي انهار على الارض وقال : سامحني سامحني الله يخليك سامحني
محمد ابتسم بألم : آه << تألم
ناظر له تركي
محمد: تركي أنت -وبألم <<آه-ماسويت شي
ريم تقدمت له : محمد ماتحبني ليه تروح عني؟؟
محمد :ريم -آآ- أحبك
ريم : محمد والله احبك قوم الله يخليك
بدأت نبضات قلب هذا الشاب تختفي ورآء ابتسامته التي لم تفارقه
قال بآخر كلمةٍ منه: أشهد أن لا اله الا الله وأشهد أن محمداً رسول الله
أغمض عينيه الى الأبد .......
فلأترك لكم هذه المساحه هنا للبكاء ...

صمت سادَ على الغرفه اخترق هدؤه صرخات الأحبهـ

~ وهكذآ انتهت حكاية هذا الانسان الطاهر لتبقى عالقةً بالاذهان
ضحى بحياته من اجل انقاذ والده فضل حياة والده على حياته التزم الصمت قاسى الامه لوحده في ظلامِ الليل راكعاً ساجِداً يطلب الغفران والعفو مات في شهرٍ فضيل وقبل أن يزف لعروسِه زُف للمقابِر ليحوي الثرى جسده الطاهِر مات والجميع راضٍ عنه مات بعد أن ارضى والديه بعد ان تسامحَ من الجميع بعد ان صلى وتلى من كتابِ اللهِ فازدان وجهه بتلك الايات واطمأنت روحه الى حيث يرقدُ بِسلام فهلا كنت/ـي مثله يامن تقرأ سطوري ؟؟!! ~
لم تنتَهِ الرواية لازال الكثير ينتظرنا لكن أقف معكم الى هنا ~
سيتغير الكثير من بعدِ رحيل ذلك الشاب~
فماذا سيحصل ؟؟
ملاحظة :
اكره الكتابهـ عن مثل هذه اللحظات لكن هنالك أحداثٌ تستوجِب ذلك فانتظروها على أحر من جمر

**آهآت الآلم...** · منذ /23-08-2011, 05:02 PM

حرااام عليكي ليييه محمد

**ڷـِـِۑڷێ ..||«** · منذ /24-08-2011, 12:03 AM

لآلآلآلآلآلآلآلآلآلآلآلآلآلآلآلآلآلآلآلآلآلآلآلآلآ لآلآلآلآلآلآ ...

ليش محمد يموووووت لآلآلآلآلآ

قولي حلم

ريم + تركي + هدى =

واللـﮧ بغيت أدخل معهم [ أبكي ]

أنتظر البارت الي بعــــــــــــــــــــــــــــــــــدوو

**أنين طفلة** · منذ /24-08-2011, 04:11 AM

ليه مات محمد
كيف بتكون حياة
ريم +هدى من غير محمد
مشكورة على البارت
او ننتضر الجديد

**جحيم الانتظار** · منذ /27-08-2011, 08:18 AM

آهـ من مر البعِادِ،
ليتكـَ أخذتَنِي معكْ ..
كي لاترى عينايَ جسدكـ على الفراش البارد ممدد ،
~~~~
مر شهر على وفاةِ محمد والحـآل نفسها عند الكل
الحزن مسيطر عليهم
في غرفتها
قافلة على نفسها الباب وتتذكر
كيف كان يبتسم لها ؟؟ كيف كان يصبر عليها وعلى كلامها الجارح
تذكرت يوم قال لها سؤال :
محمد ببراءة والتعبير يخونه:ريم لو فاجأك أحد تحبينه كثيير بمفاجأة سيئة بتتقبلينها
ريم: على حسب
حطت يدينها على راسها وصرخت: أنـآ الغبية اللي مافهمتك ، كنت تتقرب مني وبعدتك ، حبيتني وكرهتك ،غبييييييييييييييييييه
وأخذت دموعها اللي تتسابق على وجهها تسييل بقوة وعيونها حمراء
دخلت ام سعود:بسس يابنتي بس مايصير اللي تعمليه بنفسك هذا قدر من ربك ؟
ريم وهي فاقده الوعي: هو السبب اييه هوو لأنهـ يكرهني تركني وياليتهـ تركني بس على الاقل خلاني اشوفه تركني للـأبد لييهـ تكرهني يامحمد ليييهـ أنا أكرهــــــــك مثل ماتكرهني
ضمتها امها وقالت : سمي بالرحمن وغسلي وجهك وارتاحي شويه
ريم :يممه أحبه ليه تركني بعد ماحبيتهـ ليهـ؟؟؟؟؟
رجعتها امها استلقت على الوساده ونامت بسررعه
=========
ببيت ابو محمد
كان حال الثانيهـ أعظم موبس هي البيت كله
صحت ام محمد من النوم وهي تعبانهـ تحس راسها يدور
حست بحركةبغرفة محمد قامت تطالع يمكن لو أمل بسيط يكون محمد راحت للغرفه وبهدوء دخلت شافت هدى جالسه على سرير محمد
التفتت هدى لأمها :يمممه محمد تأخر ماجاء ليهـ؟؟هو قال لي الليلة مابيتأخر
ام محمد هملت دموعها وركضت لبنتها تضمها وهي تبكي بقوة
هدى ببراءة : يمه ليهـ تبكين ؟؟
ام محمد:هدى يمه لاتقطعين قلبي
هدى استلقت على سرير محمد وشمت ريحه وخطرت على بالها صورتهـ
وقالت :يـــــــــــــــآآه اشتقت له
وكأنها عادت لذاكرتها قامت تبكي بقوة
ام محمد أخذتها لغرفتها وقالت :هدى حبيبتي تتوقعين محمد يتونس لما يشوفك تسوين بنفسك كذا ؟
هدى : يمه قولي حلم محمد توه أمس وعدني بياخذني معاه بنطلع وبنروح مدينة الألعاب مثل ماكنا نلعب صغار
ام محمد:هدى بسسسسسس الله يخليك بسس
جاء ابومحمد وربت على كتف ام محمد وقال:لازم تكونين أقوى يالغاليهـ
راح لبنته واحتضنها وهي تبكي وقال:يبهـ هدى محمد رآح من الدنيا بس بقلوبنا باقي وهذا قضاء وقدر مكتوب عمره ياحبيبتي
هدى :يبهـ خايفهـ من كل شي يبه أكرهـ الدنيا أخذت محمد مني
ابومحمد يدري انها مو بوعيها قال: بتلتقين معاه بالجنة ان شاء الله
قام ابومحمد وشغل كاسيت قرآن
وتم مع بنته لما نامت على القرآن
غطاها وراح غرفتهـ يهدئ روع زوجتهـ
شافها على مصلاها تبكي اقترب منها وقال :محمد ماورث منك الا كل خير وبتظلين غاليهـ وانتي ام محمد رغم الكل ام محمد اللي راح بعد ماصلى ونعم التربية ياام محمد
أما ام محمد فهدأت من كلام ابو محمد
قبل راسها وراح يشوف حسام وبسامْ~دخل غرفتهم مالقاهم
نزل تحت يدورهم مالقاهم
استغرب وين راحو قلبه عوره عليهم مايبي يفقدهم هم بعد
رجع غرفته ولبس ثوبه وشماغه
التفتت عليه ام محمد وبانكسار قالت: ويين بتروح؟
ابو محمد: بروح اجيب شغله من المركز اللي جنبنا وراجع ضروري الحين تكون جنبي
ام محمد : لا تتأخر لا تقلقني عليك
ابومحمد ابتسم : ان شاء الله حبيبتي
طلع للمكـآن اللي توقع يكونوا موجودين فيهـ
تفاجأ لما شاف شباب العايلة كلهم هناك
عند قبرهـ ..أيهـ نعم .. في ذآكـ المكان المظلم !!
فيصل : وش فييكم قلت لكم انتم مجانين محمد موهنا محمد بغرفتهـ ينتظرنا كلنا وش فيكم ؟؟
خالد : انا بروح له بروح معاه مع محمد
قام يمشي وصدم بـ
أبومحمد
أبومحمد: تكفون وتكفا تهز الرجال بسس من كل ذآ محمد مات وانتقل لرحمة ربهـ اذا انتو مو قادرين تمسكون نفسكم ششقول ع الحرمات اصبروا وكلنا على هذا الطريق سايرين وبالجنهـ اللقاء ان شاء الله
فهد جاء ياخذ اخوه:كلام عمي صحيح هذا القضاء والقدر وانتم مؤمنين بالله
كأن كلام ابومحمد وفهد صحاهم من اللي كانو فيه
فارس : ونعم بالله
ابومحمد لف يدور بسام وحسام من بين الشباب لقاهم جالسين بانكسار
ابو محمد:قوموا يبهـ لا تعذبوني انتم سندي الحين تبون اموت من ذا الهم لا تحملوني فوق طاقتي
ومن زمان مالمهم أبوهم من هم صغار اخر مره لمهم عمرهم 12 سنه ومادروا الزمان بيرجعلهم هاللمه وبيلمهم بس لموتت أخوهم يسند ظهره بهم
بتسليم قال بسام : لاحول ولا قوة الابالله
وتمم حسام : انالله وانا اليه راجعون
===========
مرت 8 شهور على وفاة محمد
وبدات الأمور تتحسن عند الكل
ورجعوا مثل ماكانو بس محمد بقلوبهم
وبيوم الأحد من جمادى الاول
اتصل ابو تركي على ام محمد اختهـ
ابو تركي : هلا والله بالغاليهـ
ام محمد: هلا فيك
ابو تركي : تعالوا عندنا اليوم ..الأهل بيجتمعون عندنا
ام محمد استغربت من طلب اخوها من مات ولدها كانت ترفض تطلع للجمعات ..
ام محمد: بس
قاطعها ابوتركي :لمتى انتي تعذبين محمد مو تسعدينه هو قال لك يمه دموعك غاليه ابتسمي عشانه وعيشي حياتك عشانه
ام محمد : ان شاء الله ياخوي
=========
ببيت ابو تركي اجتمع الكل
ومن زماان ماكانت هدى معاهم ريم من زمان رجعت لطبيعتها يمكن لانها مااحتكت فيه الا كم شهر اما الاخت تراها غاليه هدى صار لها زمان عن الكل ~
دخلت بيت خالها ابو تركي
ولازال الانكسار باين على ملامحها
أول ماشافوها البنات التمو عليها وبشوق نظراتهم لها
هدى : اشتقت لكم
ريم :احنا اكثر ياااابعد عمري انتي
هدى ابتسمت وبقلبها تقول رجعت لي ريم يامحمد ورحت انت
وجدان : وخرووااخل اسلم عليها هالدوبه
ودخلت بين البنات وحضنتها
هدى :هههههههههه اشتقت لسوالفك وجدان
نزل تركي من غرفته وتحمحم ومااحد انتبه له
رنا شافته وقالت :بنات تركي نزل
تغطوا وبيروحون وهدى معاهم
تركي غمز لرنا وفهمته
رنا: وييين انتي بتظلين ؟
هدى بحيا :رنا
رنا: ياعيونها انتي
جاء تركي جنبهم
تركي: تتغلين حتى المسسن تغليتي عليه
هدى: آسفة
تركي :ليه الاسف ؟ اشتقت لك
هدى توردت خدودها ...
تركي :يلا اجهزي ومعاي يلا
هدى بخوف من تكرار الحادثه اللي صارت بذاك اليوم: ويين
تركي :لاتخافين بنروح المطعم ترآك صرتي قلم رصاص خل اشحنك حبر
هدى :ههههههه ان شاء الله ثواني بس ماقلت للأهل
تركي: كيفي يوه زوجتي بطلع معها وقت مااشتهيت
هدى:هههههه اوك
تركي : انتظرك بالسيارة
هدى : ان شاء الله
تركي : ياويلك لو تتأخرين !!
هدى :اوكِ
دخلت للحريم قالت ام محمد : روحي يمه موافقه
رنا غمزت لها هدى عرفت ان رنا قالت لأمها
طلعت بعد ماتجهزت والبنات ماتركوها من الطنازة ~
=====
في المساء الساعهـ 8
اتصلت ام فهد على ام فيصل
ام فهد: هلا وغلا فيك
ام فيصل: هلا بك
ام فهد: يالغاليه انا بكرة رح اجيك عندي لك طلب حلو ؟
ام فيصل :آوكِ وانا كمان ابكلمك بموضوع
ام فهد : نلتقي بكرة
ام فيصل :اوك
==============
في شقة رنا
رن التلفون ْ~~
رنا :الو
ابو تركي : هلا يبهـ رنا تعالي جوليا بتولد ومب عارف اتصرف هي بالمستشفى
رنا : اووك بأي مستشفى
ابو تركي : بمستشفى الـ ........
رنا :اوك جايهـ
سكرت التلفون وراحت تصحي سعود
رنا : سعوووووووود قوووووم الله يخلييك
سعود :همممممممم رنا الله يخلييك خليني ارتح شويه يكفي عبود امسس
رنا : قوم ابوي دق علي ابروح معاه المستشفى بسرعه
سعود تخرع: خيير وش صااير ؟
رنا بابتسامة : ماينفع معاك الا التخرع مرت ابوي بتولد
سعود: يالله
قام من فراشه واخذ له شور سريع وطلعوآ
وحطوا عبود عند ريم
===============
في الصباح
ام سعود:صدددددددق
رنا: اييه جانا أخو لتركي
ام سعود: مبرووووووووك يممه
رنا : الله يبارك فيك عمتي
ام سعود: يلا بخبر الكل
رنا : اوكٍ اخبار عبودي ماأذى ريم ؟
ام سعود : اصلا ريم موراضيه اخذه بس جالسه معاه فديتها تموت ع الاطفال
رنا: هههههههه عساك تفرحين بها
ام سعود: ان شاء الله <<قالتها وكان جرح قديم بينزف بس قاومته وماتركته على حاله
=============
الى هنـآآ أوققف
اش رايكم بالبارت ~~
انتظروني مع بارتات جديدة

**أنين طفلة** · منذ /28-08-2011, 02:32 AM

روعة البارت او يسعدني
اني اول من رد
ننتضر البارت الجاي

**جحيم الانتظار** · منذ /28-08-2011, 07:36 AM

تعلمت الوفـآ والإخلاص
اشتقت للبسمه من فارقتني
دخيلك حياتي معاك خلها تنسيني
كل الأيام اللي راحتـ
~~~~~~~~~~~
في يوم الثلاثاء الكل كان مجتمع بالمستشفى يطمنون على جوليا ويباركون لها بالمولود في الظهر بعد ماجاء الكل من دوامه
ام محمد وهي تشيل البيبي : بسم الله الرحمن الرحيم ماشاء الله يشبهـ منى
منى: حلو صح ؟؟ لأنهـ عليي
وجدان :وععععع لو طالع علي ولد خالي احسسن له
الكل :ههههههههههههههه
ام فهد: مبروك يتربى بعزك
سارة :بنات وين هدى ؟
هدى من وراهم : أنا هنا
سارة:بسم الله ويينك ؟
ريم : امم اعرفك رايحه عند ميين ؟
هدى بحيا :ريووووووم بيسسس
ريم :هههههههه
ملاك: ابي امسك البيبي
ريم:لا أنا
وجدان: أنا بالأول
منى : أخوي أنا أول
رنـآ برفعه حاجب: الأقربون أولى بالمعروف الأخت الكبرى أولاً
الكل :ههههههههههههههههههههههههههه
سارة : أبتصل بخالد أبي آيس كريم بنات منو يبي؟
ام فهد: لا مايصلح لكـ تو أمس تقولين حلقك
سارة : بلييييييييييز مام
ام فهد بنفس طريقة سارة : نونونو
وجدان :ههههههههههههههههههههههههههههههههه امي تتكلم انجليزي
ام فهد: وجدانووه وجع
وجدان : ههههههههههههههههه بلعتها
أم فهد: مدري متى تعقلون كبرتوا صرتوا حرمات
ام فيصل: ايهـ والله
سارة :يحلاتنا بسسس بنوتات حلوات
ريم : هههههههههههه بنات مو مرغوب فينا خل نطلع
وجدان : السووق
ملاك : ومنو يحظي اللي بيوصلنا؟؟
سارة :خل نقول لبابا
ريم :يلا
طلعوا البنات راحت ريم جنب ابوها وكل وحده مع ابوها
ريم: بابا
ابوسعود:عيون أبوها
ريم:نبي نروح السوق
ابو سعود:يافارس خذوا البنات السوق
فارس : ان شاء الله يبهـ شباب يلا قوموا
تركي :يلا انا باخذ حرمتي وبمشي
ابوتركي :لا اصبر العرس قريب هدى تروح مع فيصل وخالد
=================
في السوق
منى: ياااه اش رايكم حلو مو؟
هدى : اييه حلو كثيير
سارة :طيب اش رايكم بهالفستان ؟
ملاك: يجنن سويير
خارج المحل
فيصل: اوووووف
خالد: تأخروا خل اروح اشوفهم
فيصل: تكفاا بسرعه
دخل خالد
راح جنبها
خالد:يلا سارة تأخرتي
التفت وبحيا: أنا مو سارة
خالد:آسِف ملاك بس الله يهداكم غيروآ الشنط ع الاقل
ملاك وخدودها طماطم:آآسفة
خالد: حصل خير
سارة :ههههههههههههههههههههههههههههههههههههههه
خالد: خير سوير ع الضحك خلصينا يلا
سارة :يلا خلصنا
طلعوا من المحل وتموا لما المغرب
في المغرب وصلوا كل واحد على بيتهـ
دخلت سارة بعد التعب
وجدان بطنازه:اااه تعببت سلحفاه
سارة وهي مستلقيه ع الكنبه: انا ارنب ههع

خالد: سارة بلييز كوب مويهـ
سارة رمت عليهـ كيس المويهـ اللي شروه من السوق :خذ مالي خلق اقوم تعبت
خالد: العن ذا الكسل
وجدان :يمممممممممممممممممه
قامت تدور ورجعت
وجدان :امي وين ؟
خالد:ببيت عمي بوفيصل
وجدان: خير صاير شي ؟
خالد: لا والله بس اخوكم حب يصير معرس
سارة قفزت من الكنبهـ لجنب خالد وقالت:احلفففففففف خالد اموووووووووت فييك يااححلى أخو بالدنيا وأخيرا بتآخذ مليك
خالد: ملييك بعينك انطقي اسمها بالأول عدل
وجدان : وعععووو هذا مابعد تاخذها الله يستر بس ملووكه تجنن مبرووك
خالد: الله يبارك فيك
سارة باست راسه: اطلب اللي تبي بسررعه آآمر ..؟؟
خالد يضحك على خبالها :اخوك جوعان مررة
سارة :تآآمر سفرة كامله لك
خالد بقلبهـ: الله يعيينك يافيصل عليها
==========
في بيت أبوفيصل
ها شقلتي يمه خالتك تنتظر تحت ردك ؟
ملاك: الشور شورك يمه
ام فيصل :خالد مافي منهـ والمهم انهـ صديق اخوك و ولد عمك
ملاك والخجل مغطي على ملامحها : م و ا فقه
ام فيصل: كلووووووووووش
نزلت تحت
ام فهد :ها وافقت
ام فيصل هزت راسها بالايجاب :ايه
ام فيصل بعد شويهـ:والخبر اللي ابيك تسمعينه ماتبينه؟
ام فهد : اكييد ابييه
ام فيصل: فيصل ولدي طالب يد بنتك سارة على سنة الله ورسوله
ام فهد:والنعم به يالغاليه ويشرفنا نسبكم اليوم اكلم البنت وارد عليك
==========
في الليل الساعه 1
ملاك: ساررره بسس عاد
سارة : مبرووووووووووووووك يااحلى عرووس لأحلى عريسس
ملاك : ياربي ياحبيبي توريني بها يوم
دق الباب
سارة : منوو ؟
ام فهد: انا يمه
سارة : مرت اخوي اكلمك بعد شويه ماما تبيني
ملاك: أوك
سكرت ملاك ولا شافت الا دق الباب بغرفتها
فتحت : هلا فيصل
فيصل :مبروووووووووووك يالغاليهـ عقبال الحفيد الألف
ملاك بخجل : فييصل بس عاد اخلص من سوير تجيني انت
فيصل : هههههههه ماقالت لك شي ؟
ملاك: مثل شنو ؟
فيصل : انها موافقه
ملاك: ع وشو ؟ وسكتت شويه وقال: فيصل لا يصير اللي بفكري ؟
هز براسه وهو يضحك : ايه
ملاك نطتت بحماس وباست راس أخوها: مبرووووووووووووووووووووك يالغالي تستاهل الغاليهـ
فيصل: هههههههههه الله يبارك فيك
ملاك: غريبهـ ليه ماخبرتني ؟
فيصل: يمكن خالتي مابعد تقول لها
ملاك: يااافرحتييي أنا بسس
فيصل :ههههههههههههههه قومي يلا جايب لك فلم خطيير
ملاك: صددق
فيصل: ايه
ملاك :ياربييي تمم على خيير أحلى يوم بحياتي
فيصل رافع حاجب : متأكده أن اليوم أحلى يوم ؟؟
ملاك : فيييييصل
فيصل: خلااص طييب يلا بسرعه تعالي
ملاك : أوكِ
===================
ها يمه موافقه ؟
سارة بقلبها:سووها خويلد وفصيل متفقين علينا ..
سارة بخجل : اللي تشوفينه
ام فهد: مبرووووووووووك يممه عقبال عيالك وعيال عيالك
================
في يوم الأربعاء
ابوتركي :ها وش قلت يبهـ؟؟
تركي وهو ماسك اخوه الصغير : اللي تشوفه يبهـ
ابو تركي :اكلم عمتك الزواج اسبوع الجاي
تركي: ايه خلاص
ابو تركي : يلا أنا رايح لها ..
طلع لبيت أختهـ ولما وصل
رن الجرس فتحت هدى
انتبهت انه خالها باست راسه
ابو تركي : كيف اخبارك ؟
هدى بارتباك: الحمدلله
ابو تركي : الوالد والوالده هنا ؟
هدى :ايوه
ابوتركي :ناديهم ابيهم بموضوع
هدى : ان شاء الله
نزل ابو محمد من غرفته وقال :ياهلا والله بالغالي منور البيت
ابو تركي: منور باهله أخبارك واخبار اختي ؟
ابومحمد : الحمدلله تمام
نزلت ام محمد : هلا والله بالغالي
ابو تركي :هلا فيك
ام محمد نادت :هدى بمه صلحي الشاهي
هدى : ان شاء الله يمه
ابوتركي : بدون مقدمات البنت جاهزة وأغراضها جاهزة اش رايكم العرس اسبوع الجاي يوم الخميس
ابو محمد : انا عن نفسي موافق بس خل اشوف ها ياام محمد اش رايك ؟
ام محمد: ايه والله خير البر عاجله بس باقي لها كم شي نشتريهم هالاسبوع
===============
انتشر خبر خطبة ملاك وسارة ~
والكل يغبطهم على خالد وفيصل
لأن الثنتين الاثنين حلال عليهم ْ~~
============
يوم الخميس يوم زواج تركي وهدى
باركو للأحبهـ هالليلة ْ~
لم أتوقع أن أكونَ لكـَ
لكنك ملكتني
وكم أحببتك
فلا تتركني لوحدي
==========
بالمشغل التغاريد والزغاريد
والكل فرحان
كانت أميرهـ والكل حوالينها
العاملة : كيف بدكـ التسريحه ؟
هدى : مم ابي شي ناعم
العاملة : ماشاء الله عليكِ قمر يتهنى بك اللي بياخذك
هدى بخجل : مشكورة
ريم جات ونطت على هدى : مبرووووووووووووووووووووك
هدى لمتها : الله يبارك فيك عقبالك
ريم تخفي المها لأن هى اكثر الم منها لو تذكرها : ان شاء الله
هدى دمعت عينها :لو محمد هنا اشتقت له مررة
ريم : الله يرحمه
وقربت من هدى اكثر ومسحت دمعها : لا يخترب المكياج دموعك غاليهـــ على قلبي
احتضنتها هدى وقالت : الله يخليك لي
ريم : ويخليك لي يااارب
نرجس جات : يـآآآه مااصدق انتي هدى ماشاء الله
رنا وراها : ياحظك ياتركي ظلمت علينا الدنيا سرقت القمر منا
هدى : تسلمون عقبال نفرح بعيالكم
نرجس هنا حز بخاطرها
خلصت ملاك وطلعت : خلصتوآآ
وقفت مذهوله من القمر اللي قدامها
ملاك : قممممممممر والله قمررر
هدى : وانتي شنو عاملة بنفسك اخاف خالد ينتحر
ملاك بخجل : تسلمين
جت سارة وقاالت: اش رايك ملووكه ؟
ملاك : قمررررررررررر وهمست باذنها : ويينك يافيصل؟
ام محمد: ماشاء الله عليكم كل وحده تقول للقمر قوم انا بدالك
===================
بمكان ثاني
الله يخليك خل اروح
نوال :قلت لك لا يعني لا
دخل وقال : الا بتروح غصبن عليك
لولوة راحت وراه : مازن الله يخليك وصلني
مازن : تآمرين يالغاليه
نوال: اوك الظاهر انكم اشتقتوآ للنومه بالحوش
لولوة سكتت وقالت: خلاص مازن
مازن :لا بتروحين وغصبن ع الكل تعالي يلا
===============
الى هنا اوققف البارت اطول بارت عملته لأجلكم
واششكر كل من يتابعني والحمدلله بهاليومين بدأ الوققت يفضى عندي
كل الشكر لـ:
سمر تحت القمر اللي هي ياقمرهم كلهم بمنتدى ثاني
شموخ الفجر
مفحطة بسيكل جدي
DmOoO
Ğ ũ İ ŧ à ř
أنين طفلة
على متابعتهم الرووعهـ ربي يوفقكم

**أنين طفلة** · منذ /28-08-2011, 08:36 AM

انا اليوم مستانسة
اني اول من يقرأ البارتين
او يلا ننتضر البارت الجاي
لا طولين
تحياتي :)

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

رواية عذابات روحي تحكيها جروحي~

الـقـصـص و الـروايـات