(( روحــــي فــــداك )) قصة حب كويتية..من تأليفي...

[هدباء]

يسلمووو amaralzaman على ردج الحلو و توقعاتج

نورتي صفحتي بس هل تتوقعي أن ريم تتزوج من واحد ثاني غير جاسم

يمكن ليش لا لكن مع الأحداث رح تعرفين كل شي

و بصراحة عجبني تفاعلج مع القصة و توقعاتج الحلوة

الله يعطيج العافية أن شاء الله

[~¤§¦ اماراتيه وافتخر ¦§¤~]

هدباء انتي مبدعة بمعنى الكلمة و نننظر البارت الياي باحر من الجمر
و القصة كم جزء ؟
بليز كملينها بسرعة

[حبر وردي]

هدباااااااء تكفيييين لا تتأخرين
في نتظار البارت الجديد عزيزتي
سلااااام

[مصرقعة ضايعة]

هدبـــــــــــــــــــــــــــــــــــــــــــــــ ــــــــ ننتظر ع أحر من الجمر ــــــــــــــــــــــــــــــــــــــــــــــــــ ــــــــــــاء
لا طولين علينا ما نقدر ننتظر اكثر بس ع راحتج لا تستعجلي بس بعد لا تتاخري

[هدباء]

أن شاء الله من عيوني أكمل لكم الجزء السادس في أقرب وقت

و يسلمووووو على تفاعلكم الحلو و الله يعطيكم العافية يارب

أنتظروني بأطلاة و معي احمل لكم الجزء السادس :013:

[همسه ضلام]

مشكوررررررره على الأجزاء الى تجننن
ننتظرك على احر من الجمر

[هدباء]

يسلمو همسه ضلام على مرورج الحلو نور وجودج صفحاتي

بس رح أخبركم أني رح أتأخر في الجزء السادس أشوي لأنة عندي

ظوف صعبة اشوي عذروني لو تأخرت عليكم

بس أن شاء الله ما أتأخر عليكم وااايد و أنزله في أقرب وقت

و مشكورين على تفاعلكم الحلوووووووو

[حبر وردي]

هدباء بليييز لا تتاخري علي
تعبت و انا انتظر
سلااااااااااااااااااااااام

[هدباء]

الصبر زين يقولون خلكم صابرين بس ما رح أعطلكم الزين سمحة لي ظروفي

أقدر أنزل لكم الجزء السادس بس ها السابع رح أتأخر فيه لأني للحين ما

كملته و حالياً في أول أسطري في الجزء السابع

بس يلا أتركم مع الجزء السادس من (( روحـــــي فــــــــداك ))...

تــــــــــــــــــــــــــابـــــــــــــــــــــ ـع

[هدباء]

_"_ الجــــــــزء الســـادس _"_

ما هو غريبة الدينا تقسى و لا هو غريبة الحبايب تفارقنا كل من يعز روح بهدنيا عذابه يسري بدم شرايينه الحب ما هو كلمة و تنقال و ماهو حجي ببلسان الحب فعل بقلب و بأحساس ينبض من جوارح تذوق طعم الحرمان

ناصر بعد الغدى صعد داره أول ما دخل تلفونه رن و راح و افتحه و قعد على الكرسي إلي حذال الدريشة إلي تطل على حديقة بيت أبو طلال...

ناصر وهو يمطي رجوله ويتكلم:_ ألو.

المتصل:_ السلام عليكم.

ناصر عرف الصوت وبتهليله:_ و عليكم السلام هلااا اخوي ابو وليد شلونك عساك طيب.

ابو وليد:_ الحمدالله ابخير انت اشلونك يا اخوي.

ناصر:_ ابخير بسماع صوتك.

ابو وليد:_ تسلم يالغالي إلة اقول شخبار الموضوع إلي طلبتك فيه.

ناصر:_ بصراحة يا خوي عندي لك كلام وااايد.

ابو وليد:_ تدري اشلون مرني العصر على الساعة 4 المكتب و هم انا ابيك في شي.

ناصر:_ من عيوني بس يمكن أتأخر لأني واعد ريم بوصلها عند رفيجتها.

أبو وليد:_ لالا عادي خذ راحتك روح مشوارك و بعدين مرني انا مب مستعجل.

ناصر:_ عيل ابشر على خير أن شاء الله يا اخوي.

ابو وليد:_ عيل يلا ما نعطلك سلم على بيت أبو طلال و تحمل بحالك.

ناصر:_ الله يسلمك ويخليك توصي على شي.

ابو وليد:_ ذكر الله.

ناصر:_ لا الاه الة الله.

ابو وليد:_ يلا مع سلامة.

ناصر:_ في حفظ الرحمن.

.................................................. ..................................

في بيت أبو مشعل على الساعة 3:00 كان ابو مشعل بداره يقرى في الجريدة ويشرب له كاس شاهي أم مشعل دخلت الغرفة وقعدة على الكرسي الي حذال ابو مشعل...

ام مشعل:_ اقول يا ابو مشعل.

ابو مشعل يرفع راسه ويناظر ام مشعل:_ سمي يا ام مشعل.

ام مشعل:_ سم الله عدوك بس حبيت افاتحك بموضوع.

ابو مشعل:_ تفضلي.

ام مشعل:_ بصراحة امبارح ام فايز فاتحتني بموضوع خطبة فايز لمروة بنتنا و انا قلت لها بفاتح ابو مشعل بسالفة و اخذ شوره.

ابو مشعل:_ مب كأن مروة اصغيرة على الزواج.

ام مشعل:_ هو بلاك يا ابو مشعل البنت كبرة وصارة حرمة و يا الوقت إلي افرح فيها و اجوفها عروس.

ابو مشعل:_ و الله انج صاجة بكلامج يا ام مشعل البنت كبرة وصارة حرمة بس انتي كلمتيها بالموضوع.

ام مشعل:_ قلت اخذ شورك بلأول.

ابو مشعل:_ لا يا ام مشعل الشور شور البنت بالأول و الأخير.

ام مشعل:_ أخاف انها ترفض.

ابو مشعل:_ فايز ولد خالتها و ما يحوشه عيب و اذا رفضة في الف واحد تمناها ليش ما توقفة إلة على فايز ولد خالتها.

ام مشعل كان رأيها مخالف رأي ابو مشعل تماماً لأنها تبي فايز لمروة و غير فايز ما بتزوج بنتها....

.................................................. ...................................

في بيت ابو وليد جاسم كان يزهب جنطت السفر و فجأة ينطق الباب يخبي الجنطة بحركة سريعة و قلبه يدق بقوة:_ منو.

نوف تطل براسها:_ هلااا جاسم.

جاسم برتباك:_ هلا بيج نويف...

ويلف ويهه و يلهي حاله بأي شي و يخبي ارتباكه.

نوف:_ بلاك جاسم شلي رابكك.

جاسم:_ شنهو انا مرتبك من شنو.

نوف:_ أنت أدرى.

جاسم:_ ما بلاني شي.

نوف:_ اهااا حسبالي بعد اقول جاسم.

جاسم:_ هلا.

نوف:_ شتسوي العصر.

جاسم:_ و لا شي.

نوف:_ و الله زهقانة عشاني طلعني او خلنا نروح المزرعة من زمااان ما رحت.

جاسم برتباك:_ المزرعة بالعصر تلاقين عيال عمي اهناك شنو تروحين تسوين.

نوف:_ ياربي هذولة كل ملزقين اهناك يمه ما يعطون واحد مجال يروح.

جاسم:_ زين قولي لحمود يطلعج تراه مب مخلي مكان بالكويت إلة عارفه.

نوف:_ جاسم شمنه تتهرب شلي صاير من دخلت عليك و أنت مب طبيعي.

جاسم:_ اشفيج نوف ما بني شي كل شوي وتقولين اني مرتبك و مب طبيعي شلي فيني مبين لج هشي.

نوف إلي لمحة الجنطة بس اسكتت:_ هذي الجنطة امبينة لي شنو بتهجرنا مرة ثانية.

جاسم برتباك وهو يناظر وين ما اشرة نوف بصبوعها:_ ها لالا شنو اهجركم بس كنت فاتحها اطلع منها اشياء.

نوف:_ بس انا اشوف العكس مملية اهدوم.

جاسم:_ هذي الجنطة الثانية إلي ما فجيتها.

نوف:_ جاسم شسالفة من اشوي بتطلع شي و بعدين الجنطة الثانية الي ما فجيتها شقاعد تخربط.

جاسم يزيد ارتباكه:_ لا اخربط و لا شي انتي بأسألتج تلخبطين السالفة هذي الجنطة الي ما فجيتها احين فجيتها و اطلع منها اهدومي و اشياء تخصني تبع شهادات موثقة للجامعة.

نوف من دون استيعاب لكلام جاسم:_ اهاااا صج اني خبلة و ما عرف اتكلم زين اقول عن اذنك.

جاسم:_ اذنج معاج.

طلعت نوف و جاسم رمة بحاله على فراش السرير وهو يزفر بقوة:_ افففففف شلي بيصير لو عرفة نويف ياربي ليش جذي و الله ما ابي اتزورج و لا ابي بنت عمي.

_ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _ _

نوف اطلعت من غرفة جاسم و راحت دارها و دقة على ناصر عمها...

ناصر رفع التلفون:_ ألوو.

نوف:_ هلا عمي.

ناصر:_ هلا نويف.

نوف:_ راقد؟؟.

نوف:_ لالا بس مسترخي اريح اشوي.

نوف:_ هههه شنهو يني ريلاكس اخر زمن.

ناصر:_ ههههههه الله ياخذ بليسج يا نويف شعندج داقة.

نوف:_ اقول عمي جاسم فيه شي.

ناصر بستغراب:_ جاسم ؟ شلي فيه؟

نوف:_ ما ادري رحت لح غرفته لقيته مرتبك بالكلام لحمة جنتط سفره مفجوجة و مليانة هدوم سألته قال كان يطلع اهدومه و الله اني حاسة بسالفة شي.

ناصر إلي فج عينه معقولة يسويها جاسم هذا مينون...

نوف:_ عمي عمي وينك احين ادق عليك تحقرني.

ناصر:_ هلا هلا معاج اقول نويف من صجج هلكلام إلي تقولينه.

نوف:_ أيييه هذا الي شافته عيوني عمي شسالفة شصاير لا قتلو لي جاسم بعد سفرته الطويلة في الدراسة و غربته إلي عاشها بيعودها.

ناصر:_ لالالا الله يهداج شنو يسافر ويعود قطعاته علينا اذبحه انا ما عليج منه و لا تشغلين بالج فيه تلقينه فاج جنطته يرتب اهدومه.

نوف من دون تصديق و اقتناع تام لكلام عمها:_ عمي من صجك هلكلام.

ناصر:_ ايه ليش شفيه كلامي لا تشغلين بالج جاسم اذا في شي ما رح اسكت اكيد بخبرج.

نوف:_ زين على راحتك اسفه لأزعاجك اقول كمل ريلاكسك.

ناصر:_ ههههههه تبين تجربين.

نوف:_ اذا مضمون 100% مثل عملية انجاب الأطفال اوكيه.

ناصر:_ ههههههههههههههه الله ياخذ بليسج.

نوف:_ ههههه يلا عمي اخليك احين اشوفك على خير.

ناصر:_ على خير ان شاء الله.

نوف:_ في أمان الله.

ناصر:_ في حفظه و رعايته.

سكرة نوف و الحيرة شاغلة بالها شسالفة ياربي شهلبيت و هلأهل كل طم ما يتكلمون الحمدالله و الشكر...

ناصر من صوب تفاجأ معقولة يسويها جاسم ويسافر متهرب من الزواج صج انه مينون بس وين بيروح غير فرنسا خلني ادق المطار و اشوف موعد الطيران

.................................................. ..............................

بين حبيبين و حب يحاوطهم بحنان و عاطفة ملت هلكون كله عليهم ببذرة حبهم المشرقة..وين ما كان وليد واقف حذال بدرو و هم يستمتعون بهواء البارد في البلكون....

وليد يناظر بعيون بدور:_ عمري.

بدور و أهي لامة نفسها بشال من الريش الأبيض:_ همممم.

وليد وهو يتقرب لبدور حذال اذنها ويهمس لها:_ أحبج.

بدور إلي حواها الصمت و ارتعشت من جمود و برودة الجو تخللها الخجل بأحلى مميزاته...

وليد:_ يلاهم أستحو.

بدور إلي ابتسمت وبنات ملامحها الحيوية المطعمة بالاشراق الحلو وبرقة عينها السود:_ يقولون ناس متحرشين فيهم.

وليد بمزح:_ صج و الله منو ما تعرفنا عليهم.

بدور إلى غرقة في الضحك على اسلوب وليد الغشمرجي..

وليد:_ أواااااااااه فديتهم إلي يضحكون.

بدور تناظر وليد:_ أقوووول.

وليد:_ هلا قولي أمري تدللي.

بدور:_ ههههه بسألك أنت شكيت بيوم أني أكرهك.

وليد كان عارف قصد بدور بالغشمرة فخذاها على نفس الطريج بالأسلوب...

وليد:_ أاااااااااه شكيت وايد أنج تكرهيني لأني بلحظات أضيق من عيشتي معاج تهقين حب و قرابة و بحيات ارتباط 3 اسنين تجي من بعده كره بقوة ما تتصورين اشلون يا بدور.

بدور بضحكة أشوي اثارة العصبية بوليد و لكن من باب الغشمرة مب من باب الجدية:_ لا و الله اشوفج تضحكين توج تدرين انج بايخة و ما تنحبين أواااااه اشلون تزوجتج صج انج غلطة عمر.

بدور:_ بس يقولون غلطة عمر اذا تزوجة بحمار مب ببدور بنت عبد العزيز بن فارس.

وليد يضم بدور لصدره بقوة:_ أوااااااااااه بتذبحيني انتي من الي يقول يكرهج هذا مينون مينووووووووووون.

بدور تتنحى عن وليد و تحط يدها على ثمه:_ أووووووووووش فضحتنا.

وليد:_ أبفضحج و بقول كل الي في قلبي اهني في قلبي كلام وااااااايد بلحيل احبج بدور بلحييييييييييييييييييل.

(( ويزيح يدها إلي على فمه عشان تسكته و يبوسها ))

بدور أسحبت يدها بحياء من حؤكات وليد الرومنسية و تمت تناظر وليد وهو يصرخ بجنون و تبتسم على حركاته وحبهم إلي مملي دنيتهم و رنيم إلي أحلى شي بالهكون عندم و خالد إلي بطريج إلي يمكن يعيشهم بالجنة بوجوده و بفخر وليد كونه صار عنده ولد يرفع راسه اذا كبر.

.................................................. ............................

ناظر الساعة وقام من على الكرسي عشان يزهب حاله و إلة بطقت الباب...

ناصر:_ منو.

ريم:_ أنا ريم.

ناصر يروح يفج الباب:_ هلا ريمان.

ريم ببتسامة و أهي زاهبة ولابسة:_ شنو انتظرك تحت.

ناصر ببتسامة يبادلها ريم:_ يكون أسحن ببدل و نازل لج.

ريم:_ اوكيه انتظرك تحت مب تصيف.

ناصر بضحكة:_ انا اشوف برد عندنا مب صيف هههههههه اوكي من عيوني ما اطول.

ريم الي ضحكة بويه عمها و نزلت تحت الطابق الأرضي تنتظر عمها ليما يزهب...

ما طول ناصر و نزل و طلعت معاه ريم لوين ما كانت سيارة ناصر مركونة حذال بيت ابو طلال صعد ناصر و من صوب ثاني صعدة ريم...

ريم أول ما دخلت و ظبطت قعدتها و مشى عمها أرفعت التلفون ودقة على هناء تعطيها اخبر انها بالطريج...

ناصر يلتفت لريم:_ على منو تدقين.