يـــــوميـــات غربة (( قصه واقعيه من تاليفي ))

**سكرية وردية** · منذ /18-04-2009, 06:06 PM

مشكوووووووورة بس انا عندي سؤال: من هالبنت اللي كانت ترقص و عيونها عيون بط و لا مادري شو؟و ننتظر الجزء الجاي على احر من الجمر..

**ஃ S H M O O 5 ஃ** · منذ /09-07-2010, 09:24 PM

آنا اسفه التأخير
لي باك

**عضوة ،** · منذ /09-07-2010, 10:17 PM

^
ايي والله نبي التكملة
وبعد ما اتخلص الرواية

مرة ثانية بقراهاا من أول
وبكمل

لان نسيييت واايد اشيااء
اشيااء بسييطة الي اتذكرهاا

ننتظرج

**Dosh** · منذ /14-07-2010, 07:26 AM

اول ششئ السسلـآم عليييكم

انــا ان شاء الله حكوون متابعه جدييده لروايتكـ الخطيييره

احداث مششوقه وغيير متوقععه ..

حبيت ابطال القصصصـه ..

وانتظركـ ياعسسسل بشششوق للبارت الجديد

لكـ وددي وتقييمي

زـآرـآ ..

**ஃ S H M O O 5 ஃ** · منذ /15-07-2010, 05:36 PM

إحم دقايق و أخلص الجزء و أنزله
تسلمون ع المرور و على المتابعه

**Dosh** · منذ /15-07-2010, 06:24 PM

^

هههههههههههههههههه

لمـــآ شششوفت رددكـ وربي طططرت من الفرررح

متحمسسسه للروايه بزياده هع هع

**ஃ S H M O O 5 ஃ** · منذ /15-07-2010, 11:07 PM

الجزء الخامس عشر
-----
~.. ســقـى ـآللـه .. يـوم أنـآ طـفـلـ ..
أنـآم ولآ أحـدٍ قـدي .. ولـآ أحـآكـي هـمـوم الـيـوم ..
ولـآ أنطـر أمـل بـكـرهـ ..~
----------
قعدت الصبح على صوت المنبة
شوق : آااخ .... .. شنو هذا ااي يا رقبتي .. آخ يمه ...
فرح : شوق قعدتي ؟
شوق : إي قعدت ..
فرح : صباح الخير ..
شوق : صباح النور
فرح: قومي يالله أنا روح تبين أوصلج ؟
شوق : إي يالله دقايق بس
طلعت فرح و قامت شوق ..
راحت أخذت شور .. طلعت سمعت صوت الفون ..
شوق : آلو .. هلا شهودة
شهد : هلا شوق ..سمعي سيارتي مادري شفيها و القطار طافني مروني اوكي يالله باي

طوط طوط طوط...
شوق : هاو ..شفيها هذي
دشت زهور: صباح الخير .. تعالي يالله الكل ينطرج علريوق
شوق : دقايق يه.
دق فونها شوق: شهدو شتبين ترى لجيتينا
نواف : احم .. سوري أزعجناكم
شوق تطل بلفون ( وي وي وي ..هذا نواف ): هههههههه... هلا هلا نواف سوري سوري والله شهد كل شووي تدق بطت جبدي ..
نواف : زين بس بغيت أقولج ييبيلي وياج البروجكت إلي سويتيه من إسبوعين بغيته ..
شوق : اوكي من عنوني
نواف : اوكي تسلم عيونج .. يالله باي
شوق : يسلمك... بايو
شوق : أمبيه شلون اشوفه هذا عقب إلي صار وه وه وه ...الله يستر هع
راحت لبسي و نزلت لهم
----------------
فهد قعد الصبح
أخذ شوور بدل و راح الشركة
قاعد بلمكتب و يشغل
يحاول يشغل نفسه بأي شي
المهم ينسى ... ينسى و بس
فهد يكلم السكرتيره
لو سمحتي .. ييبي لي برنامج مواعيد إليوم
يت و قالت له إنه في وحده تنطره برا
فهد: خليها تدخل
----------------------------------
حمد : فجوره وينج يالله قومي أهلي بيمرونكم إليوم
فجر نايمة : انزين يالله باي
حمد: فجر و ويع قومي أمي يمي تقولي متى عندكم وقت عشان يجون
فجر تتثاوب : قول لها حياكم أي وقت
حمد بقلبه ،،، بعد عمري إلي تتثاوب ..: يالله عيل إليوم الساعه ٥ العصر باي ..
فجر : باي
فجر : ماما .. أمي.. يماا ... يماا ( تصارخ )يمممماااااا
أم فجر : هلا ها ها شفيج شتبين ..
فجر: إليوم بيجون بيت حمودي بيخطبوني الساعه ٥ العصر يالله روحي بنام ..
أم فجر : لا والله ؟؟ حلفي بس .. قومي يالله قومي
أم فجر : فجرو قومي لا أذبحج ماكو وقت ..
و قعدو يزهبون عمارهم
----------------------
شوق : صباح الخير
باسة راس ابوها و امها و قعدت
حمد : تو الناس
زهور : من الفير قعدتها
شوق : انتو شتبون مني يه
أم فهد : يالله شواقه فرح تنطرنج تحت
شوق : يالله عيل باي ..
راحت شوق و شوي شوي تفرق الكل ..كل واحد حق دوامه
　
---------
شوق : فروحه بليز خلينا نمر شهود تبينا نمره
فرح : من صجج انتي ماعندي وقت
شوق : بليز وعدتها أنا ... حياتي انتي
فرح : شوق ماعندي وقت بروح أول شي الدكتور بعدين الدوام خلاص عاد
شوق : أف أف أف ...
شهد راحت ويا اخوه و التقوا بلمدرسة
　
شهد : صباحو يا قميل
شوق : اهلن اهلن ..
نواف: صباح الخير بنات
شهد . شوق : أهلين نواف صباح النور ( شوق كانت حدها مفتشله من الموقف إلي صار بس ما بينت هلشي )
نواف: شخباركم .. شمسوين
البنات : تمام
　
شوق لمحت محمد قاعد بروحه : دقايق و أرد لكم
راحت ، شهد تنرفزت
و نواف استغرب : شفيهم هذيلا
شهد : شدراني، خل نروح راح يبدا الكلاس
نواف: أوكي يالله ...
و شافو أليكس و تيمعو و راحو
قربت شوق من محمد : صباح الخير حمود
محمد : هلا شوق صباح النور
شوق : شفيك قاعد هني بروحك
محمد: اييت ماشفتكم قعدت هني،
شوق : متضايق ؟
محمد: لا عادي نسيت، ( لف على شوق و قال بكل الم ) ... شوق صدقيني محد يستاهل و أنا اكتشفت إنه كان إعجاب .. مو أكثر
شوق : عفيه على حمود .. يالله نروح، بدا الكلاس
محمد : يالله
دشو الكلاس و راحت شوق عند شهد : شفيه حمود
شوق: متضايق من إلي يصير بين أمه و ابوه
محمد سمع كلامهم ، طالعت له شوق و غمزت له
إبتسم لها و راح قعد يم نواف
　
-------
فرح عند الدكتور .. تنطر دورها
كانت بتاخذ تحليل دم ، لأنه تحس بضعف و دوخه
دق عليها جاسم : هلا جاسم
جاسم : هلا بغلاتي هلا بفرحة عمري ..صباحج عسل و فل و شوق و وله ... مشتاق لج أبي أشوفج
فرح : هههههههه ... شوي شوي علي.... شخبارك
جاسم : تمام حبيبتي انتي شخبارج
فرح: أنا تمام بخير
جاسم : وينج فروح
فرح : أممم ..عندي موعد تحليل دم و شوي و أدخل
جاسم : من صجج انتي ، و ما تقولين لي ، و رايحة بروحج بعد ...نطري يايج
فرح : لا لا جاسم مو لازم أنا شوي و أخلص
جاسم : فرح باي ألبس و أييلج
و سكر
　
فرح : أفف ..ليش قلت له ... يالله عشان اشوفه هع
　
دقايق و وصل جاسم عندها
قرب منها و اهي وقفت له من شافته
مسك ايدها : ها حبيبتي شفيج طمنيني
فرح : جاسم والله مافيني شي شفيك بس أحس بدوخه و جنه عندي فقر دم أو نقص فتامن بشوف الحين تطلع النتيجه ..
شاف ايدها إلي أخذو منها دم و رفعها و باسها .... استحت فرح و خافت أحد يشوف : عيب جاسم مو جدام الناس
جاسم : فرح و بعدين معاج انتي مرتي الحين حلالي
تم طول الوقت ماسك ايدها ..كتب لها الدكتور فيتامينات و طلعو
جاسم : عازمج على الريوق يالله
فرح : هههه ..و احنا بنتم جذي كل يوم عازمني
جاسم : مرتي و كيفي
فرح : انزين و سيارتي
جاسم: خليها أنا أرد أييبها لج يالله عاد
فرح: اوكي يالله
و طلعوا مع بعض
　
--------------------
　
سارة
من كثر تعلقها بهلشات .. تركت دوامها إليوم لأنها أمس سهرت وياه .. و ما درست ... و نامت الفير
قعدت العصر على صوت أمها
سارونه قعدي بسج نوم
سارة : هلا صباح النور ماما
أم فيصل : سارة أنا بروح المستشفى مع إبوج انتي ديري بالج على موسى بيرد بعد شوي و زهور يمكن ترد وياه .. سويلهم غدا و خليه يدش يتسبح و درسيهم
سارة : ليش ماما شفيج عسى ما شر
أم فيصل : ماكو شي بس أحس اني خلاص ...
سارة : واي ماما بيصير عندنا بيبي
أم فيصل : هههه... إي يالله قومي
سارة : ان شاءالله..الحين أقوم
قعدت سارة تفكر بلي يصير لها و بيتهم
وناسة ...وأخيراً بيشرف البيبي

----------------------
فهد بلدوام
دخلت عليه البنت نفسها
فهد : هلا اختي حياج (كلمها بلدنمركي ..لكن ذكرها عربيه .. رد كلمها عربي )
عبير : هلا اخوي الله إيحييك
فهد : آمري..أنا أسف أمس كان عندي موعد مستعييل و طلعت بسرعة ..
عبير بقلبها ،، إي و عشان جذي كنت تبجي يعني : لا ماعليه حصل خير .، أنا بس طلبتو من عندنا آخر شي من تصنيع شكرتنا حق القطع إلي لازمتكم..و ييت اوريك إلي عندنا ..
فهد : إي صح ، ممكن أشوف الأوراق و الصور و إن كان عندج شي منها
و كملو شغلهم و الكل مو معطي أحد أي اهتمام .. محد يستاهل ؟!؟!!!
　
　
　
أشياء وايد تغيرت... حياتهم تغيرة..و كل شي
هلجزء مر بدون أحداث قوية
بس نطروني بلجزء الياي
و شاكرة تواجدكم

**Dosh** · منذ /15-07-2010, 11:27 PM

ننتظركـ يالغلـآـآ البــارت كان ششوي بارد لـآكن برضوـآ حلوو ..

مبدعــه ياعسسسل ..

**ஃ S H M O O 5 ஃ** · منذ /19-07-2010, 05:56 PM

　
الجزء السادس عشر

أحيآن من كثْر الحكي ..
تسكتْ ومآقلت الحكِي !
تتزاحم بـ راسِك طوَابير الجُمل | وتصدّها
وأحيان من كثْر الدمع .. ما عآد يمديك البَكي
كل ماتخُونك دمعتك تشهَق بها .. وتردّها !

-------

　
خلص الدوام
طلعت شوق من الكلاس حدها تعبانه
نواف :شفيج شوق
شوق : ولا شي
نواف دق فونه : لحضه شوق
رد و إبتعد عن شوق
شوق :شفيه هذا.. أول مره يسويها
شهد: كلهم جذي مادري شفيهم شوق
شوق : إي والله وانتي الصاجه كلهم
شوق : إلا شهد بغيت أسئلج .،،
شهد: هلا سألي
شوق : انتي . أممم... تغارين على محمد ..!!!
شهد: لأ ... أنا .. شكو .. محمد مثل اخوي
شوق : أها .. اوكي مثل إخوج مثل إخوج ..كيفج
شوق بخبث تغمز لها و تمشي : تعالي ناكل لنا شي يعت
شهد: ها .. يالله
راحو يطلبون لهم شي
شهد: شوق
شوق : هلا
شهد: نواف يكلم منو
شوق : شدراني ليش
شهد: مادري شوف
رفعت راسها شافت نواف واقف متسند على الطوفة و يبتسم و يتكلم
شوق حست انها عنود :مادري
شهد: انزين .. شوق بقولج شي ..
شوق : قولي ..
شهد: أممم ..خلاص بعدين بعدين
شوق : هع ويهج-.. خلاص براحتج
　
　
-------------
حمد بداره يتزهب حق الخطبة
و فجر قاعده تتعدل و تتكشخ
حمد : فيصل تعتقد إنه فجر شتسوي الحين
فيصل:قاعده و ماسكه ورده و تقول حمد يحبني ما يحبني يحبني ما يحبني
حمد منصدم يطالع فيصل : إنت من قلب وربي فصول يعني جد مو وقتك
فيصل :شتسوي يعني بنت و أكيد تتعدل و و مادري شنو سوالف بنات يعني
حمد: فيصل أنا يصير أشوفها إليوم يعني بدون حجاب
فيصل : مادري .. تصدق ماعمري فكرة بهلشي .... يعني خطبة و تشوفها
قطع حبل أفكارهم و هبالهم دقات خفيفة على الباب
حمد: إدخل حياك
فهد : قوه شباب ... ها خلصتو
حمد : ها شرايك
فهد : ما شاء الله قمر قمر اخوي، فديتك والله بتسويها و تتزوج قبلي
فيصل : إي لو اني منك ما أخليه بس انت ..مادري شقول عنك
فهد: يعني من رأيك أخليهم ينطرون
حمد: هيييي إنتو ... شنو فيصل أنا رفيجك شنو ما أخليه و إنت شنو انطر شكو
فهد : هههههههههههههه شوي شوي على عمرك ياخي هدي هدي ... اسفين نتغشمر
حمد : فهد إنت أكيد تفهم بهلسوالف .. الحين أنا بروح أخطبها .. يصير أشوفها ؟؟! قصدي بدون حجاب
فهد : ههههههههه .. لأ شكو تشوفها ... من تملج بتصير حلالك و تشوفها
حمد : عيل بملج ... اليوم ..
فيصل: هههههههههههههههه..من صجك ..اثقل يبا شفيك
فهد :هههههههههه إي والله اثقل شفيك
حمد: مالي شغل بشوفها أقعد وياها
فهد : استريح
´
----------------------------
　
فجر يت عندها الكوافيرة
قعدت تقول لها شلون تبي الشعر و الميك آب
أمها تراقبها من بعيد ... و تحس إنه فجر الصغيرة الدلوعة الوحيدة
خلاص كبرت، فرحت لها بس بعد تحس إنه البيت بيفضى عليهم
سكتت و تمت تراقبها
فجر: ماما ... ماما أف .. ماما حبيبتي شفيج خلصت شرايج !!
أم فجر : ها حبيبتي هلا ..
فجر : أقولج خلصت شرايج
أم فجر : وحليلها بنتي تهبل قمر والله قمر ..
فجر تلم أمها : فديتج انتي القمر والله .. ( تلم ويه أمها بإيدينها) ماما فيج شي ؟!
أمها : لا حبيبتي مافيني بروح أزهب عمري و انتي كملي و من أنادي عليج تنزلين عندنا اوكي ..
فجر : إن شاءالله الغالية
راحت أمها .. و فجر قاعدة تنطر على أحر من الجمر
رن فونها
شافت
حبيبي
ماني رادة
سكت .. و رد دق .. و سكت ... و رد دق....
لين صار داق ٥ مرات ...
فجر: شفيه هذا أكيد فيه شي ... إن دق بعد مره أرد
و صج دق
فجر: ألو
حمد: فجر شفيج شصاير ليش ما تردين
فجر: إنت شفيك ... ليش تدق تدري اني مشغوله
حمد: انزين سمعي احنا ربع ساعة و نكون عندكم ... عندي لج مفاجأة....
فجر: صج شنو
حمد: نطري شنو ثقلي أقولج مفاجأة....
فجر: هههه .. اوكي ناطرينكم
حمد: يالله باي .. أحبج
فجر: طوط طوط طوط
حمد : وآي بس اعشقهاااااااااا
فهد: ندري ..يالله مشينا
-------------------
شوق لبست تنورة قصيرة و قميص
و زهور نفنوف قصير نعوم
كانت شوق تحط وردة صغيرة على شعرها
و تكلم شهد على الفون
شهد: شوق تدرين إني كنت بقولج انه....
شوق: شهد مو وقتج قولي شفيج
شهد تكلمت بسرعه و كأنه شي ثقيل عليها و تبي تتخلص منه : أحس اني أميل حق محمد و أحبه..
شوق : أدري
شهد ساكته
شوق : و من زمان .. و ما تفاجئت
شهد: من صجج... شوق أنا أحس إني أحبة ... كنت أقول لا احنا بس ربع اخوان أي شي .. بس ماكنت أدري إنه هلشي بيوصل لهلدرجة
شوق: شهد .. مادري شقول بس خلينا نسكت .. و نشوف محمد بشنو يفكر .. لأنه محمد صعب نفهمه ...
شهد: إي ..أدري ...
شوق: انزين شهود أنا أخلص و من أرد البيت أكلمج
شهد : اوكي شواقتي طولت عليج سلمي على حمد و فجر و باركي لهم
شوق: لا أفا عليج .. يبلغ إن شاءالله . يالله سلمي على خالتي
شهد : إن شاءالله .. باي
شوق : بايات
سكرت شوق و حطت ميك آب ..جان يدق فونها
شوق :أف شنو هذا
شوق : هلا سارونة
سارة : شوق وينج
شوق : فلبيت
سارة :شتسوين
شوق: بنروح بيت فجر ... إليوم الخطبة انتو شنو ما بتيون ..جنه بس فيصل بيجي ويانا
سارة: إي ماما راح تجيب جنه .. عشان جذي بس فيصل وياكم و بابا و ماما و جاسم و فرح بلمستشفى .. أنا ويا موسى فلبيت بروحنا
شوق : انزين تعالو ويانا
سارة : لا بروح حق ماما بعد شوي
شوق : انزين تعالو نروح أول شي بيت فجر بعدين نروح المستشفى .. ما بنطول عندهم
سارة : عيل خلاص ... ناطرينكم
شوق : اوكي زهبي عمرج و كشخي ما أوصيج
سكرت شوق و كملت كشختها و نزلت عند أمها و قالت لها عن إلي صار بينها و بين سارة و انهم بيمرونها
--------------------------------
　
فبيت فجر
بو فجر قاعد ويا خوال و عمام فجر إلي يو من الكويت عشان فجر و خطبتها خو البنت الوحيدة
و شوي و صلو عندهم بيت بو فهد
بوفهد و فهد و حمد و فيصل
و عند الحريم أم فهد و شوق و سارة زهور عند الحريم
أم فجر : حيالله أم فهد ... هلا والله تو ما نور البيت
أم فهد : تسلمين والله أم فجر منور باهله
أم فجر : هلا والله بلبنات شلونكم شخباركم

سارة و شوق : والله تمام بخير
و قعد سوالف و ضحك
أم فجر طرشت الخدامة حق فجر تقول لها تنزل
فجر : اوكي شوي و أنزل ثانكس ريموندا
فجر : أمبيه شفيني مرتبكه .. كلهم شوق سارة
نزلت شوق عندهم
شوق و سارة يتساسرون
شوق : شوفي شوفي سارة شوفي فجر أمبييه من صج هذي فجر!!!!
سارة : مو صج شمسويه هذي ....
فجر :السلام عليكم
أم فهد : هلا والله فجورة عليكم السلام فديتج والله قمر ..شخبارج
فجر : هلا خالتي تسلمين بخير انتو شخباركم
أم فهد : بخير حبيبتي والله

سلمت و وصلت حق شوق : بسكم مساسر هين اوريكم
شوق : تسلم على فجر و تقول لها : قمر قمر واي فديتج والله مرت اخوي
فجر : ويهج ويهج ..
سارة : واي فجور والله تهبلين و نعوومه
------------------
عند الريايل
إتفقو على كل شي
و على المهر
و على العرس و الملجة
و المفاجأة إلي كان حمد مزهبها حق فجر
　
-------------
بو فيصل و جاسم و فرح ينطرون أم فيصل
فرح : الله يقومها بلسلامه يارب.. جنه تأخرت
بو فيصل : إي والله تأخرت وايد .. جاسم حبيبي ما عليك آمر روح شوف اسألهم
جاسم: إن شاءالله
فرح شافت وحده تخز جاسم من أول ما قعدو: جاسم إنطرني أيي وياك
جاسم مسك ايدها و راحو
وهني انتبهت البنت إنه مرتبط .. فرح خزتها تحاول تقول لها إنه لي .. و البنت ابتسمت حق فرح
　
　
بجذي خلص الجزء
نواف شفيه
محمد و شهد
و آخر حب شهد
شوق و سارة و العلاقة إلي بدت تتفكك شوي شوي
حمد و فجر و آخر هلمفاجأة شنو
بيت بو فيصل و الشخص اليديد الي بيصير بينهم (البيبي )
　
إنطروني بلجزء اليديد
يعطيكم العافية

و مشكورة zara
ع المتابعة

**LOVECITY** · منذ /20-07-2010, 12:27 AM

مسائك معطر بالحب والسعادة غاليتي

لي عودة لقصتك فقط راقت لي

هناك اجزاء كثيرة سأقرها وأعلق عليها

لكن كبداية القصة رائعه

تجمع بين الحب والجدية والمرح

كل هذه الأشياء كفيله بجعلها قصة رائعه

رغم أني لما أقرء اجزائها

ودمتي بحب
مدينة الحب

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

يـــــوميـــات غربة (( قصه واقعيه من تاليفي ))

الـقـصـص و الـروايـات