رنيم وزمن الأنين<<<رواية من تأليفي أجزاء...اتمنى حضوركم ..منقووووووووولة

[DKNY]

( 3 ))

المأسأة

طب الحين لازم افكر مزبووووط .. ايش راح اسوي مع هبة وتماضر ولميس..جولي حخليها على جنب لين اقرب منها اكثر..


بس الحبين هبة وتمااضر .. كيف بساعدهم ..!!!!!

لقيتها...!!! راح اشتريلهم كتاب فيها قصص عن بنات تعرفوا على شباب ...!!!

ايوا صح يمكن يتعظو .. او يأثر فيهم ..!!

ولميس .. اااااااه من لميس .. دي تتاثر بالناس مرة كثييير .. لازم اكلمها..ماينفع كدا ...!!!


الله يكون بعوني دحين بخرج وروح اصلي ركعتين ادعي لهم ..

وانااااااااااااام ..

*****************************

خلاص دحين انا ارتحت بعد ماصليت ودعيت ربنا ارتحت بروووح انام والله يوفقني ..نامت رنيم وماصحيت إلا على نغمة جوالها

*************************

(((الله لا يحرمني منك ياعسى عمرك طوييل ياللي كل النااس عندي..))

يووووووووووووووه مين اللي بيدق عليا افففففففففف .

رنيم: الو..!!

لميس:اهلييييييييين .. وي يابنت لسا نايمة قوووومي يلا ..

رنيم: ايش تبي

لميس: ولا شي .. طفشااانة قلت ادق عليكي ..

رنيم: الساعة كم ..؟؟

لميس: 11 خلاص بعد شوي بيأذن يعني باقي 5 دقايق وتصير 12

رنيم:طيب انا دحين بقووم .. ارووق ودق عليكي ..

لميس: يوووووووووووه انتي ترويقتك دي يبغالاها سااعة .. عبال ماتقوومي وتشربي قهوتك وتصلي .. وتشوفي

جدولك اليومي .. تكون سارت 1 .. على العموم طيب يلا انتظرك تدقي

رنيم:طيب يلا مع السلامة

لمس:مع السلامة..

يووووووووووه .. اليوم جمعة لازم نرووح عند جدتي .. ااااااااااه مافيا .. ياربييييييي
..
يلا بس خليني اقووم . .

((الله اكبر الله اكبر............))

الحمدلله انه اذن خليني اقووم واصلي .. وشوف ايش راح اعمل اليوم لازم اروح على المكتبة عشان اشتري الكتب اللي

ابي اعطيهم اياها بكرة بالمدرسة .. وشوف ايش البس لمن بنرووح عند جدتي ..

على العشااء ياربي ايش هالحووسة .. لا هما يعملوها حفلة وفي قاعة وماعرف ايش مرة قرف مايعرفوا البساطة يعني

يلا بس خليني اقوووم .. والله يسهل ها اليوووم ..

دقت امها على رنيم

رنيم: مييييييييييييين..!!

امها: رنيم : يلا قومي..

رنيم: ايوا انا دحين كنت بقووم ..

امها : لاتنسي اليوم جمعة ,,!!

رنيم : يعني ..!!

امها : لاتنسي تقراي الكهف وكماان اليوم بنرووح عند جدتك نتعشا ..

رنيم: ايوا عاارفة مو دي بالذات مانسيتها ..

امها:هههههههههههه الله يهديك دوول اهل ابووك يعني صلة رحم ..

رنيم: مو عشان كدا انا مستحملاهم .

امها: قومي بس يلا ..

رنيم : طيب دحين قاايمة ..

**********************
توضت رنيم وخلصت صلاتها .. واكيد دعلت لهم .. وراحت على الصالة عند اهلها ..

رنيم: سلاااام ..!! وراحت تبوس راس ابوها كيفك ابويا ..!!

ابو رنيم : وعليكم السلام..! الحمدلله

رنيم: ابويا!! حبيبي

ابورنيم: نعم!!

رنيم : دحين السنة

دي اخر سنة لي بالمدرسة .. يعني بتخرج ..

ابورنيم: ادري..!!!

رنيم: طيب لمن حتخرج ايش حدخل..!!

ابورنيم : انت ايش تحبي وغير كدا نسبتك هي اللي تبين ايش تدخلي يعني النسبه لها دور كبير ..


رنيم: طيب بس انا ابغا شي مو هنا..!!


ابورنيم: ايييش..؟؟؟!!

رنيم : ابغا ادخل علم بحار..

ابورنيم : رنيم حبيبتي .. هذا شي مررة صعب .. اولا ماقدر ارسلك لوحدك برة مامعك احد ...!! وانت بنت إذا اخوك وهو ولد

ماخليناه يرووح .. ثانيا هالمجال مو معرووف يعني مارح تستفيدي شي ..!! وكيف تدخلي الغووص وانت بنت مسلمة

الحجااب فين يرووح ..

رنيم دمعت عيونها : ابويا إذا على الحجاب فاصلا هما يلبسوا زي الكاب لمن يغصوا..
ابوها: طيب انت فكري في غيره وربك يحلها ان شاء الله ..

رنيم : طيب!!
ام رنيم: يلا الغداء جاهز ..


قامت رنيم وهي ماسكة نفسها تبي تبكي بس عشان لا يقولوا عنها دلووووعة ..!!

ابوها: قولوا بسم الله ..!!
امها : اليوم ترى بنروح عند امك عشان اختك جات امس من المانيا هي وزوجها ..!!

الاب : ايوا .. أدري كلمتها ..

سامي: ابوي انا ماحقدر اجي بروح مع اصحابي..

الاب : تستهبل انت .. اقلك عمتك جات من المانيا تقولي ماحجي..


رنيم : هوا كدا ماتعرفه يحب يستعبط ..

سامي: والله وانتِ اشلك انا حرّ ..!

الاب: المهم بتجي والبس الثوب الجديد حقك .. بلا هالبناطيل والتيشرتات المسلتحة اللي كنك فلبيني ..!!

سامي: كمان البس ثووووب !! طيب بس الله يعدي هاليوم ..
رنيم : الحمدلله شبعت ..

الام : اشبك غريبة ماخلصتي صحنك .. مع انك تحبين المكرونة دي..


رنيم: لا عاشن دوبي صحيت .. يلا بروح اشووف ايش البس على العشاء الخطيير اللي بنروحله دا ..!!


****************
ياربي اففف مابغا اخرج مالي نفس اشووف احد .. لا ودحين بيجوا يعملولي حفللة وهيصة وقومي ارقصي وقومي

مادري ايش اعملي ولا التاني دا ولد عمتي المتخلف (( عبدالله )) بيجي يسويلي فيلم غراامي .. .. ايش البس خليني اقوم دحين افك الدولاب بس الله يستر لتطيح علي الملابس..

مممممممممممممممم ايش البس .. البس دي التنورة لا قصيرة مرة ودا عبدلله عيونه طويلة خصوصاً انهم بيخطبوني ليه والله ماتزوجه بلا هبل ..!! المهم دحين ايش البس افففففففف!!!


((الله لا يحرمني منك ياعسى عمرك طوييل ياللي كل النااس عندي...))

رنيم : الو!
لميس: الوووووووو!

رنيم : ايوا هلا!! اشبك ..

لميس : لا والله .. انا ايش قلتلك دقي عليا مو ..!

رنيم : يوووووووووووه والله مرة نسيت معليش ..بس عشان اليوم رايحين عند جدتي فمرة ماعندي وقت لسا اطلع لبسي واسوي شعري وخراااابيط ..!!

لميس: اهاااا طيب خلاص لا عطلك ..

رنيم : لا وي اسمعي قوليلي ايش البس..!!!

لميس: طب انت اوصفيلي ملابسك وانا اختار..

رنيم : طيب عندي التنورة البيضة اللي اول لبستها في حفلة اختك ..!! مع بلوزة جديدة اشتريتها لونها احمر بودي

وفتحت الصدر حقها سبعة .. مع حلق شوي كبير من دون سلاسال يجي حلوو..
لميس: ايوا دا حلو
رنيم: ايوا حلوو بس في مشكلة ..

لميس : خير يخنتي ..!!

رنيم:ههههههههههه لا بس دا عبدالله .. عيونو طويلة ..

لميس: اها دا اللي يحبك ههههههههههه

رنيم: ايوا المتخلف دا ..! يعني التنورة مو مرة قصيرة ليين الركبة بس البلوزة مرة .. وبعدين هي مخصرة يعني كل شي
حيبان ..
لميس: يا عيني يا عيني..!! وعاد انت جسمك ماشاءالله تبارك الله حلوو..

رنيم : بلا استهبال منجد بتكلم.

لميس: والله منجد ماتريق..

رنيم : طيب يلا قوليلي ايش البس...!اففف ياربي..

لميس: انت بس تتأففي ..! ايش عندك تاني..يعني محترم عشان اللي ميت فيك دا ما يموت بزياادة ..

رنيم: ههههههههههههههههه في بنطلون رصاصي واسع برمودة مع بلوزة بودي فيها ترتر من فوق خفيف فوقها زي الجكت صوف رصاصي ...! عرفتيه ..

لميس : ايوا ايوا دا حلووو عليك البسيه ..!

رنيم: بس مايناسب حفلة عاد انت تعرفي حفلات العائلة حقتنا تكون كبيرة
لميس:ايوا والله ..!

رنيم: في فستان جديد اشتريته .. شكلي حلبسه ..!!

لميس: كيف شكله..؟؟

رنيم: ولا شي اسود قطيفه .. مخصر من فوق والفتحة الصدر سبعة عليه حزااام من الوسط مايل كدا زي السبعه لونه فضي ..

لميس: حركاااااااااااااات يلا البسيه دا

رنيم: طيب شكررررررررررررررررررررررررااااا مرة كثير

لميس: عفووووووا مرة اكثر ..

رنيم: طيب يلا مع السلامة


لميس : يلا مع السلامة..

***************************

رنيم : اميييييييييييي!! تعالي شوفي ايش حلبس

امييييييييييييييييييي

امها : نعم دحين بجي..

رنيم : طيب !

امها يلا وريني ..!!

رنيم: هذا الفستان.. ودا الحلق .. وماحلبس سلسال .. خلاص الحلق يكفي..

امها: اهااا طيب حلو وشعرك كيف بتسويه ..

رنيم: ولا شي(( فلوو)) او يمكن اسوي خصل بال(( الفير بسيطة ..))

امها: اها طيب خلاص كويس..يلا ابداي جهزي اغراضك

ودي البس خليها تكويه .. وشوفي العباية اللي تبي تلبسيها ..!!!
طيب..

رنيم : طيب !!!

(( الله اكبر الله اكبر........................)))

رنيم : اذن العصر ..!! طيب مرررة مافي وقت يدوب اصلي واعمل شعري والميك آب وراح يأذن المغرب اصلي والبس ..!!

خلصت رنيم صلاتها.. ولبست وسوت كل خرابيط البنات..والحوووسة الي يسوها..
.................................................. ......................

رنيم : امي تعالي شوفي شكلي خلاص كدا كويس....!!!!!

امها : طيب ..... ايوا مرررررررة كويس يلا بس خلينا نمشي ترى تاخرنا مرة ..

رنيم : يلا بس البس العباية انت انزلي دحين لحقتكم..
.................................................. ................

دخلت رنيم على هالحفلة وكانت ملكة جمال هالحفلة كل العائلة يطالعوون فيها ..

دخلت وقعدت في الكرسي وكانت اشبه بالاميرة في يوم تتويجها للملك

وطبعا كل الشباااااااااااااااااااااااب (( اولاد العائلة )) طاحو فيها من نظرات ومن غمزاات ... واللي قام وقعد معاها .. وكلو كوووم و
(( عبدالله )) كووووووووم ثاااني ..

جاتها عمتها ام عبدالله : كيفك حبيبتي رنوووم ..

رنيم: بخير الحمدلله ..

عمتها : قومي ارقصي يلااا ..

رنيم: لا وي في اولاد هنا ماقدر ..

عمتها : يلااااا بلاش دلع ..

رنيم : لا لا لا!!!

عمتها : طيب انا برووح اسلم على اهل زوجي واجي ..

رنيم : طيب..!!

ملاك : رنيم رنيم !!

رنيم: نعم ..!

ملاك: شوفي مو كنه هذا عبدالله جاي علينا..

رنيم:ايوا والله خليني اقووم ..

ملاك : بلاهبل باين انك تتهربي منه خلاص اقعدي ..

عبدالله : سلام عليكم ممكن اقعد معاكم..
ملاك : ايوا طبعا تفضل ..

عبدالله : كيفك رنيم ان شاء الله بخير ..

رنيم : الحمدلله بخير ..

عبدالله : وكيف الدراسة

رنيم: تمام
عبدالله: إذا محتاجة شي ترى انا حااضر ..

رنيم: لا مشكوور لا تعب نفسك..

عبدالله: تعبك رااحة ..

رنيم : مشكور

عبدالله: شكلك اليوم حلو

رنيم: عيونك الاحلا..

عبدالله : رنيم .. ابغى قلك شي

رنيم : تفضل خير ان شاء الله

جاتهم عمته ام عبدالله عاد هي ماصدقت تلاقيهم مع بعض

ام عبدالله : يالله يحفظكم ان شاءالله .. شكلكم يهبل من بعييد

رنيم : ههههه شكرا انا استاذن طييب
عبدالله : فين بتروحي...

رنيم: بروح اقعد مع امي .. والبنات

ام عبدالله : الله معاك

راحت رنيم

عبدالله : امي ايش دا .. اف

ام عبدالله : ايش فيه خير ياخي اركز بلا شغل المراهقين دا

عبدالله : انت تعرفي انو انا ماصدق اتكلم معاها .. اف انا بروح ..!
ام عبدالله : على فين ..؟؟

عبدالله : مادري مادري بس ماني قاعد هنا ..!!

ملاك : رنيم الحقي ..!!

رنيم : ايش في انت وعيونك اللي زي البومة ورا كل واحد دخل وخرج..

ملاك : دوبه عبدالله اتضارب مع امه شان اللي سوته ..

رنيم : وايش يدريك..

ملاك : باين من وجهه ..

رنيم : لا تظني في احد من غير ماتتأكدي طيب..

ملاك : طيب يارنيم عبدالله يحبك من جد .. وهو مرة طيب وحنون ..

رينم : SO….What??

ملاك : عبريه .. فكري فيه .. حاولي تحبيه .. ترى لاتروحي للي تحبيه وروحي للي يحبك .. لان ساعتها راح يعيشك ملللكة

رنيم : ملاك انت من فين تفهمي .. عبدالله زي اخوي يعني ماتوقع يوم انه يكون زوجي طيب ..!! احبه واحترمه مثل

اخوي بس مو اكثر لكن هو اللي حبني ماعرف كيف .. انا طول الوقت واحنا مع الاولاد اقعد وكدا يعني انهم اخواني

بس .. لكن هو اللي فكر بطريقة الحب..

محد كان يطالع فيني غير اني اخته إلاّ اهو ..

ملاك: ايش يدريك .. اهو عندك رياان طلع يحب اخت عبدالله .. ((نورة))

رنيم : اففففف اولاد استغفرالله عليهم ..

بس تفكيرهم بالحب ..وبعدين انا اصلا في واحد يعجبني..يعني مستحيل افكر في احد غيره

ملاك : الله الله الله.. مين دا اللي اخيرا مال قلب رنيييم ليه؟؟؟
رنيم: مو حب إعجاب بس..

ملاك: ايوا طيب حب إعجاب مافرقت كلها واحد..

رنيم : لا ..
ملاك:طيب بس إعجاب من هوا..يابنت.

رنيم : لوئ ..!! اخو لميس..

ملاك : حركاااااااااات بعد السب اللي اول من حركته.
.
رنيم:لاطلعت هذي هبة تكذب..

ملاك:اها اها اها وانا اقوول اول ليش كل دي العصبية اتريه عشانك تحبيييه صح ..!!

رنيم احمرت خدودها : لا لا لا مين قاال

ملاك : طيب طيب خلاص هدي هدي .. ترى انت بحفلة يلا قومي نرقص..

رنيم : لا مابغا .. ماقدر منتي شايفة الأولاد

ملاك : مو دوبك تقولي انهم مثل اخوانك..

ام رنيم : رينم يلا قومي .. بلاش دلع
رنيم:طيييييييييب امري لله

طلعوا يرقصوا على اغنية

(( من أغلى ناسي.. من أغلى ناسي..

ياروحي قلي وش صار ومن أغلى ناسي.........................)))

رنيم .. اخذت ترقص بفستانها الطويل .. المخصر وبشعرها البني وجسمها الرشيق

كانت احسن وحدة ترقص من كل بنات العائلة ..
بحركاتها ,, محد قدهاا .. لكن .....!! في جهة تانية كان يجيها نظرات وكلام مايسر احد من طاولة (( اولاد العائلة))

ريان : اقلكم دقو دقوا على عبوود والله لا يجي ركض عشان يشووف رنوومة وهي ترقص

فهد : ايوا والله ..!! المهم دحين شوفوا البنات الله يقلعهم من اجساام


خالد : ايوا والله شوف دي رنييم .. هي وحركاتها..واااااااااو ..
الللللللله عليهم ..

رياااان : ههههههههههههههههه ... والله فاتكم عبوود انهبل ..

وجاي دحيييين بسررعة ..

فهد : والله منجده يحبها دا..

خالد : راايح فيها الولد


**********************
خلصت الاغنية ونزلوا البنات .. وكل وحدة تاخذ مكنها من القاعة .. وهم قاعدين البنات عادي..دق جوال ام عبدالله ..
ام عبدالله : نعم ..!!

المتصل : الو ..!! انت ام عبدالله

ام عبدالله : ايوا خيير ..
المتصل : يريت تدقين على الوالدعبدالله وتقليله يجي على مستشفى ((الملك فهد ))

ام عبدالله : ليش ايش في عبدالله صارله شي؟؟!!

المتصل : لا لا هو حادث بسيط وعبدالله اصيب اصابات خفيفة..

بس يريت تدقين على الوالد ويجي ..

ام عبدالله : طيب طيب دحين ..






ايش تتوقعوا صار لعبدالله...؟؟؟؟؟؟؟؟؟؟؟؟؟؟؟؟؟؟؟؟؟

[عاشقة الأطفال]

مشكووووورة حبيبتي على البارت الأكثر من روعة0000
أنا مبسوطة لأني أول وحدة أرد على البارت0000
أنتظر البارت الجديد على أحر من الجمر0000
لا تطولييين000

[لــحــــن الـشــــوق]

مشكوووووووره على التكمله الروووعه
رنيم ونعم الصديقه صعب نلاقي مثلهاا
تخاف على صديقاتهاا وتهتم لهم
ننتظرك بالتكمله

[DKNY]

مشكووووووووووووووووووورين يالغلا

[DKNY]

(( 4 ))


الخبيثون للخبيثات


خرجت كل العائلة من القاعة على بيوتهم .. بعد هالمكالكمة اللي فجعت

الجميع..

وراح ابو عبدالله وام عبدالله على مستشفى الملك فهد ..

ومعاهم ابو رنيم ..


ام رنيم :: الله يستر بس .. ويشفيه يارب..

رنيم : امييين .. امي انا بكرة بروح على المدرسة..؟؟؟؟؟؟؟؟

ام رنيم : طبعا ..

رنيم : وعبدالله يعني هذا عذر ..

ام رنيم : الللله دحين عشان عبدالله دخل المستشفى تغيبي..والله لو

ابوكي اللي بالمستشفى مارح تغيبي..

رنيم : طيب بس اصلا هذا اخر اسبوع وبعدين الاختبارات ..

ام رنيم : مو دي المشكلة .. يعني المفروض اليوم تكوني بالبيت

وماتخرجي .. تذاكري .. هذا توجيهي مو اي كلام..

رنيم : انت ادعولي وانا بتوكل على الله ..

ام رنيم : هذا مو توكل هذا تواااكل ..

رنيم: طيب انا حدرس والله يوفق الجميع .. ان شاء الله ..


وصلت رنيم على البيت الساعة 1 الليل على طوول دخلت غرفتها دحين

انا ابي انام والله يستر عليك ويشفيك ياعبدالله..


صحيت رنيم .. مفجوعة من الحلم اللي شافته ...

رنيم : بسم الله الرحمن الرحيم ..

اوووه كويس انه حلم والله مرة كان يخوف .. دحين ايش اول اخذت

بالحديث لمن نحلم حلم مو كويس؟؟؟؟

ياربي والله نسيت ايش دي الفضيحة..

خليني اقوم اسال امي.؟؟

لاوي والله لاتعصب عليا .. قديها الساعة 3 اليل .. كمان اقوم اسالها

واصحيها من النوم ..

لا لا خلاص خليني اكمل نومي احسن ..


ام رنيم وكالعادة بصراخ ومضاربات : رنيم يلا قومي ..

رنيم : طيب ..

ام رنيم : لك ربع ساعة وانت طيب في مكانك يلاااااااااا...

رنيم : طيب طيب خلاص اهو قمت الله يشيل هالمدرسة اففففففف


******************
دخلت رنيم على المدرسة بوجهها .. المقلوب وعينوها الشبه مفتوحة

لميس: بدري يختي ..!!

رنيم : اقولك سيبيني في حالي مو ناقصاك..

لميس: ليش خير ايش في ..

هبة : اهلاً .. كيفك يابنت ..

رنيم : الحمدلله ..

هبة : وي بسم الله ايش فيك .. كلنا اليوم مبسوطين خلاص اخر يوم ..

رنيم : عنجد!!!!!!!!!!!!!!!

لميس :ايوا اليوم قالوا واحنا بالطابور.. وانت نايمة..

رنيم : يوووه الحمدلله ..هي تماضر للان ماجات ؟؟

هبة ارتبكت: لأ ..لأ

دخلت تماضر : وجهها مو طبيعي ..

رنيم : دوبنا كنا نسال عنك ..

تماضر : طيب شكرا..

وقعدت في زاوية لوحدها وحطت راسها ونامت ..

رنيم : وي اشبها ليش وجهها كدا لونه ..

هبة : يمكن من السهر .. امس خرجنا مع بعض

لميس : على فييين ؟؟

هبة : مكان مايناسبكم ..

لميس : بلاعبط قولي..

هبة : انا قلت لك مايناسبك طييب!!

لميس: والله لاتقولي..

هبة : طيب بس والله لو وصل لأحد لأوديك في دهية ..

لميس: طيب

رنيم : انتظري انا بقوم مابسمع بلاويك ..خليني اقوم اقعد مع جولي

احسن

هبة : طييب احسن كمان ..

لميس: يلا قولي..

هبة : رحنا نسهر بديسكو !!

لميس:!!!!!!!!!!!!!!!! ديسكو .. تستهبلي اصلا مافي هنا ديسكو..


هبة : ههههههههههههههههههههه مسكينة على نياتك لاحبيبتي فيه

بس من تحت لتحت ..

لميس: طيب وفي رجال !!! كيف رحتو

هبة : عايدي ..

لميس: وتماضر امها كيف ريضيت لها!!

هبة : ولاشي قالتلها بتجي عندي جات ومن عندي رحنا ..

اقلك عرفتها على واحد يحبها حب ..!! تجي يوم معانا!

لميس: لا يختي شكرا .. رنيم ..!! تعالي..

رنيم : طيب جولي قومي معانا قعدي ..!!

جولي : طييب..!! رنيم .
.
رنيم : نعم

جولي: شكرا!

رنيم : على ايش ..

جولي : على كل شي..

رنيم :ههه عفوا

جولي : والله الورقة اللي عطيتيني هيا ريحتني كثييير صرت كل

مايصير اي شي يضيق الخلق اقراها وارتاح..صح انا بروح عند خالتي
اليوم والله مرة فرحااااااااااااانة ..هي ماعندها بنات .. بس 3 اولاد ..
فمرة تعتبرني زي بنتها..وانا عنجد مرة احبها..حتى اولادها كلهم
طيبين وياي..

رنيم : ههههه يارب دوم تكوني فرحانة والله يبسطك هنااك والله تغيري

جو..بس طمنينا عليك .. ايوا كدا فليها وضحكي ترى الدنيا اييش

جولي : ماتسوى هههههههه

ارنيم:يلا قومي قعدي معانا ..

جولي:لا لا .. انا ماحب القعدةمع هبة وتماضر

رنيم: طييب على راحتك

جات رنيم لعند لميس وكان وجهها مقلووب من اللي سمعته .. وتماضر

قامت وجات لعند هبة

تماضر : هبة تعالي ابيك!!

هبة : طيب ..!

تماضر : راسي مرة يعورني ..

هبة : طيب شي طبيبعي من اللي شربتيه امس ..

تماضر:لا بس دا ألم مو طبيعي ..

هبة : طيب اليوم تمريني !! عشان اعطيك حبة تهأداك .. وكمان ترى

هشام اليوم دق علي ويقول يبي يكلمك ..

تماضر : لا ايش يكلمني ..

هبة : تستهبلي .. زي ماجيت امس معايا على ديسكو عادي ..

تماضر:طيب من فين .. انا ماعندي جوال ..

هبة : هو بيجيب لك..

تماضر : طييب ..

هبة : خلاص اليوم تجي معايا

تماضر : طيب طيب بس المهم أفتك من دا الألم ...


رنيم : انا حاسة انو تماضر مو طبيعية فيها شي

لميس : ايوا فيها .. بعدين اقلك

رنيم :ايوا صح فكرتيني امس الحفلة ماحكيتك..

لميس : ايوا صح ايش صاار .

رنيم : جاني عبدالله مسكيين قاعديقولي شكلك حلوو وماعرف ايش انا

مرة استحييت بس الحمدلله جات عمتي وقعدت قمت انا رحت وتركتهم

إلاّ هو عصب على امه وخرج ...

وشوي مادري ايش صار يمكن بعد كدا ساعة دق على جوال عمتي

واحد وقال انو عبدالله سو ا حادث..

لميس: ههههههي واااااااه ..

رنيم: وراحوا ابوي بما انه اكبر واحد في اعمامي مع زوج عمتي ..

وعمتي على المسشفى ..

لميس:ايوا وايش طلع عنده ..

رنيم : ماعرف والله انا رجعت ونمت ولا دري عن شي

لميس: حرام عليكي والله الولد مرة يحبك .. تفتكري في عيد ميلادك

ايش جبلك ..

رنيم : لاااااب تووووب!!! .. خلاص حتمني عليا ..انا قلتلوه شكرا

ايش كمان..

لميس : والله انك ماتحسي الولد مرة يحبك اقلك خليه يحبني..

رنيم :هههههههههه عليك بالعافية..

دخت المعلمة ..

يلا انصرفوا من دحين خلاص وبكرة لا احد يجي

البنات صراخ وطبل ورقص .. وتفقوا لميس و هبة وتماضر و رنيم

انهم يخرجوا اليوم يتعشوا في مطعم (جافا) بمناسبة انه هذا اخر يوووم

.. وان هذي اخر سنة كماان ..

المهم رجعت رنيم وهي مبسووطة واخر وناسة وناسيه حكاية عبدالله

اللي طايح بالمستشفى بسبتها..

ودخلت على البيت وغيرت ملابسها ونامت ولاهمها أحد ولا سالت فيه

ولا في احد..


صحيت رنيم على الساعة 5 العصر وصلت العصر ومسكت التلفوون..

رنيم : الو..

....... : نعم

رنيم : لميس موجودة..!!

......: مين؟؟

رنيم : رنيم..

........ : اها رنيييييم .. طييب دقيقة اناديها..

رنيم : وهي تكلم نفسها ايش فيه هذا يقوول رنيييم كانه اول مرة يعني

يسمع بهالاسم ولاايش؟؟؟؟!!

لميس:الو..

رنيم: اهلاً

لميس:ايوا كيفك..؟؟

رنيم:بخير الحمدلله كيفك انتي؟؟

لميس: كويسة قلتلي لمامتك على خرجة اليووم..

رنيم: لا والله تصدقي اني ماشفتها اليوم لاهي ولا ابوي .. مادري
فينهم
لميس: ويي طب دقي عليهم ..

رنيم : لميس لحظة سامي جا خليني اساله,,

رنيم : ساامي امي وابوي فينهم

سامي: فين يعني بيكونوا مثلاً اكيد عند عببوود بالمستشفى

رنيم : ايوا صح..؟؟!! تصدق نسيت..

سامي:والله مسكين اتريه بالعانية المركزة من امس .. في غيبوبة..

رنيم : الله يشفيه..

لميس:ايش ايش فييه؟؟

رنيم : ولاشي بس هذا عبوود الله يشفيه مو سوا حادث

لميس: ايوا..

رنيم : بس هو من امس بالمستشفى .. بالعناية المركزة..

لميس: يوووووه الله يشفيه..المهم اسمعي يعني بتجي اليوم على ( جافا)

رنيم : والله مادري احاول..

لميس : ايش اللي تحاولي وماني عارفة ايش .. لازم تجي ..!!!!

رنيم : انشاء الله اقلك ذاكرتي شي؟؟

لميس:هههههههههههههههههههههههههههههه

تنكتي .. طبعاً حبيبتي لأ..!!

رنيم : ههههههههه

لميس: الظاهر بعيد السنة ..

رنيم : موبس انتي كلنا ..!!

لميس: اسمعي يلا ابغا افك النت..!!

رنيم : لميييس..!! ايش عندك على النت؟؟؟

لميس: ولا شي بس كدا..

رنيم : لأ .. اتحداك انتي هالايام عليك هوس بالنت مو طبيعي ايش فيك ..

لميس: بعدين بعدين اقلك

رنيم : لأ دحييييين..

لميس: ولاشي كل الحكاية انو ديك المرة لمن جيتو عندي بعد مارحتو فتحت انا وهبة وتماضر النت على الشاتنق وتعرفتلك على واااحد ياشيخة يجنن

رنيم : نعم..!!

لميس: والله ياختي يجنن .. مرة رومانسي وطيوب وحبوب لا ومن جدة كمان..!!

رنيم : انت منجدك..

لميس: ايوا وي اصلا كل البنات لزم يتعرفوا على واحد مافي بنت ماتعرف واحد..

رنيم:طيب بس مش لازم انو احنا نكون منهم..

لميس: طيب بس انا ابغى اكون منهم..

يلا خلاص بلاش عقد بروح اكلمه والله وحشني..

رنيم : مع السامة


لميس: يلا خليني افك النت والله مرة وحشني فيصل .. اااه ياربي والله حبيته ..

فتحت الماسنجر.. !!

اوه الحمدلله موجود ..

لميس: سلام...

فيصل : وعليكم السلام.. هلابقلبي..

لميس: كيفك؟؟؟

فيصل : بخير الله يسلمك كيفك انتي ايش عامله..

لميس: كويسة ..

فيصل : وحشتيني..!!!

لميس: ههههههههه والله وانت كمان مرة وحشتني..

فيصل : ايوا حبيبتي فين رايحة اليوم..

لميس: ليش؟؟

فيصل : عشان اشوفك..!!

لميس:لأ..!!

فيصل: حبيبتي والله انو نفسي اشوفك مايصير كدا..احبك من دون

ماشوفك..

لميس:ههههههه لأ حبيبي.. ماقدر..

فيصل:بس من بعيد ياعيوني..

لميس: من بعييييييييييد

فيصل : ايوا من بعييد ولا راح تعرفيني حتى المهم اني اشووفك..

لميس: هههههه طييب انا بروح على جافا مع صديقاتي

فيصل : اللي كانوا معاك على الشاتنق..

لميس:ايوا..

فيصل: طيب كويس عشان اشكرهم عشانهم عرفوني على القمر..

لميس:ههههههه شكرا ..

فيصل:طيب كيف بعرفك..؟؟

لميس: حتشوف نوري..هههههههههههه لا بكون لابسة ممم جزمة

لونها ..ممممممممم ايوا صح راح البس عباية فوشي

فيصل : اللللله ايش دا الون بس مدام كدا اكيد راح اعرفك .. طيب

حبيبتي ممكن طلب..

لميس: تفضل انت تامر..
فيصل: فتحي البلوتوث..

لميس: ايوا وبعدييين..

فيص: ولاشي راسليني ..يعني قوليلي ايش طلبتي .. وكدا خلينا نتكلم..

لميس: طيب انت ايش بيكون اسمك بالبلوتوث..

فيصل: محب القمر..

لميس:هههههههههههههه طيب وانا...ايش تبيني اكتب..

فيصل: اكتبي ((لي أنا ))

لميس:هههههههه طييب.بس انا كيف راح اعرفك..؟؟؟

فيصل : بكون لابس تيشيرت بامبي..

لميس:اوكي حبيبي انا دحين لازم اطلع اخوي جا يلا مع السلامة

فيصل: مع السلامة..

لوئ: مين كنتي تكلمي..؟؟؟؟؟

لميس: محد..!! صحبتي عايدي..

لوئ:ميين ..

لميس:..اقلك امي فين..

لوئ : بغرفتها.

لميس" طيب شكرا ..

لؤى : ايه ترى دقت عليك وحدة من صديقاتك

لميس: مين

لوئ : مادري بس اعتقد هبة

لميس:طيب

لوئ : اقلك هي اشبها رنيم ماصارت تدق

لميس: مافيها شي ..

لوئ : طيب

*********************

لميس:الو..!!

هبة:الووو... لمييس فينك من اول ادق عليك..

لميس:ولاشي بس كنت على النت..!!

هبة: مع فيصل !!!!

لميس:ايوا طبعاً

هبة:ياعيني ياعيني ...وكيفك معاه..

لميس:عال العال...مرة حبوب وطييب والله مرة .. رومنسي كمان..

هبة : الله الله رايحة فيها..

لميس:تصدقي انه بيجي اليوم على جافا بس عشان يشوفني من

بعيييد..

هبة:عنجد!!!!!!!!!!!! يالله مييين قدك يختي ..

بس متى بتروحي على هناااك..

لميس:يعني 9 انا حخرج من البيت طيب..

هبة : خلاص اوكي مرة تمام انا حمر تماضر بس رنيم وش صار
معاها..؟؟

لميس:مادري هي لسا ماكلمت امها لان ولد عمتها صارله حادث وهو

بالمستشفى فما عرف اذا تقدر او لأ..

هبة:اوووه طييب ... يلا اقابلك هناك..

لميس:اوكي يلا باي..

يلا خليني اقووم اطلع عبايتي الجديدة .. عشان تكويها .. بس يارب

محد يشوفني وانا لبستها بالذات دا .. لوئ والله لايذبحني وانا في
مكاني..
لبست لميس وزبطت حالها طبعاً ميك اب من ورا اهلها .. والعباية اللي

كلها ترتر فوشي.. واشكااال .. وحركات .. وزبطت نفسها على الاخر..كانها رايحة فرح ..

وكلمت السواق وحركت على جافا .. قبل كل البنات عشان تقابل فيصل

من بعيييد..

جات بعدها هبة ومعاها تماضر .. طبعاً هبة من دون طرحة وشعرها

المستشور الناعم .. عباتها الضيقة .. والميك اب الكااامل ..

وطبعاَ تماضر كالعادة مع الخيل يا شقرا .. خرجت من بيتها وهي

متحجبة كويس وبالسيارة كشفت وجهها وحطت الميك اب .. وخربت نفسها ..
قابلت هبة لميس وقعدوا بالطاولة ....

هبة: وينه فيصل شفتيه ؟؟؟

لميس:لأ .......!!!!

اهو قال انه بيلبس تيشيرت بامبي وانا فاتحة البلوتوث بس ماظهر لي
اسمه .. شكله لسا ما جاء..

هبة : طييب يلا خليني نطلب..انا عن نفسي ابي معسل
...
واكيد تماضر معايا..بس انت تعسليين ؟؟؟

لميس:لأ لأ وي وووع مرة قرف خذوا انتو انا بس بطلب عصير ..

تماضر : إلا وينها رنيم..؟؟؟

لميس:والله ماعرف اهي مادقت علي قالت بتكلم امها وترد علي بس
مادقت..
هبة : طيب دقي عليها دحين..

لميس:اوكي اوكي ...

لميس:الو..!!

رنيم:ايوا نعم

لميس: ايش فيك رنيم؟؟.

رنيم:مافي شي.. انت ايش تبي دحين..

لميس:ولا شي بس نبي نعرف راح تجي على جافا ولا لأ

رنيم:لا مرة ماحقدر..

لميس:لييش؟؟ خير ان شاء الله..

رنيم:مافي شي بس عشان عبدالله مرة تعباان وماحقدر اجي.

لميس:طيب الله يشفيه مع السلامة

رنيم:مع السلامة.
.
هبة : ها ايش قالت..

لميس:مارح تجي..عشان ولد عمتها مرة تعبان..

هبة .. وي يابنت هذا واحد لابس بمبي..

لميس:فين فين..!!

هبة شوفيه هناك واقف عند المدخل مادري شكله يدور عليك..

لميس:وووووووووه مرة حلوو..

تماضر : هذا فيصل!!!!

لميس:شكلو..

هبة : طيب فكي البلوتوث وشوفي اسمه موجود ولا لأ؟؟

لميس: إلاّ إلاّ فيه ..!! واااااااااو .. اهو محب القمر..

هاااااااااااااا يلا خليني ارسله..بس ايش اكتب

تماضر:اكتبي له انا ترى شايفتك...!!

لميس: ايوا طييب..!!((انا ترى شايفتك )))

.....هبة : يافرحتك هو بيعرفك من تعابير وجهك دي..

تماضر:هههههههههههههههههههههههههه

لميس:اهو اهو رد ((طيب انا ابي اشوفك قومي اوقفي او تعالي لي))

ااااااااه يجنن والله احبه ايش اردعليه بسرع قولولي..

تماضر:انتبهي لاتموتي علينا ..!! اكتبيله لا ماحقدر اجيك بس انا قاعدة

مع بنتين وعبايتي فيها لون فوشي..!!!

لميس:طييب خلينا نرسل((حبيبي ماحقدر اجيك بس انت راح تلاقيني

قاعدة مع بنتين وانا لابسة عباية فوشي))

هبة..:: اقلك خليه يجي ويقعد معانا ..!!

تماضر : نعم!!!لا حبيبتي..

هبة : اقلك انت اخر وحدة تتلكم ..

انقلب وجه تماضر..

لميس: والله دحين اقله .. رد رد ((ايه شفتك ,,, انت مثل القمر

تنوري..))

لميس: يلا دحين برسله انه يجي ..

هبة ترسليله.!!!!قومي روحي له ..

لميس:لأ وي.. ماقدر..!!

هبة: اقلك قدرتي تكلميه وكل شي ومنتي قادرة تجيبيه هنا قومي قومي بلاش عقد...

لميس:مممممم طيييب..

قامت وراحت مكان ما فيصل كان واقف...


فيصل:اهلاً والله ..

لميس:ههههههههههه تعال اقعد معانا ..

فيصل: اوكي..تصدقين انك تجنني.
.
لميس:شكرا ..

فيصل:ايه والله ترى ماكنت اتوقعك كدا ....

لميس:والله وانا كمان ماكنت اتوقعك كدا..
فيصل : هههههههههههه ليييش كيف كنتي تتوقعيني...!!!

لميس:عادي المهم تعال اعرفك على صديقاتي..

هبة : اهلاً ,,,

لميس: هذي هبة ..

فيصل : أهلاً تشرفنا..

لميس:وهذي تماضر..

فيصل : اهلاً تشرفنا..

لميس:ايش تشرب ..؟؟؟

فيصل : ايش تحبي انت..؟؟؟

لميس: هههه انا مناجو ..

فيصل : اوكي وانا بعد..!!

فيصل : لميس....شوفي هذولك اصحابي
لميس:فييين ...؟؟؟ احنا مو تفقنا انو تجي لوحدك ..

هبة : اسمعي انا وتماضر بنروح شوي ..

لميس:لا بلاهبل وين وين ترتكوني لوحدي.

فيصل: وي ايش فيك ايش يعني انا معاك..

لميس سكتت ورد بخوف : طيييب..!!

فيصل: ليش خفتي..!! عايدي حبيبتي انا معاك المفروض ماتخافين

لميس:ارتبكت اها طييب..

فيصل:ايش فيك قاعدة هناك بعييد تعالي جنبي..

لميس:لا كدا احسن..

فيصل : انت مو واثقة فيني ولا ايش سالفتك

لميس: إلاّ وي كيف حخرج معاك وانا مو واثقة فيك..

فيصل:طيب اذا واثقة فيني قريبي ..

لميس:لا ماقدر كدا احسن..

فيصل:إذاً انا اقرب..

لميس:لاااا .. خليك مكانك ..

فيصل:وي اشبك ..

لميس:مافي شي بس خليك مكانك ..

فيصل : طيب ..

وطبعا في نفسه حبيبتي والله انك مسكيييينة انا جايبك جايبك...

هبة : ها وش تتعشوون ..؟؟

فيصل :: اي شي تطلبه القمر... حبيبتي لمييس ..

لميس :هههه انا دحين بروح اصلا ماحتعشا ..

فيصل : افا ليش..

لميس : لا شوي مشغوولة ..امي دقت علي وقالت لازم ارجع دحين..

هبة : لا وي ..

تماضر: وانا كمان لازم اروح دحين ...

هبة : اجل انا كمان ..

فيضل:ههههههههه وانا جاي بينكم غلط .. خلاص يلا انا بروح كمان

.. لميس حبيبتي ابغا اكلمك ممكن رقمك ..

لميس: طيب انا ادق عليك ..

فيصل : عندك رقمي ..

لميس:ايوا..

(((ياعمري انا فديتك انا......)))

لميس: الو..!!

لوئ:يلا انا برة..

لميس:طيب يلا باي..يلا انا بخرج مع السلامة..

هبة : مع السلامة ..

فيصل : هبة ..

هبة : ايوا..

فيصل : هي اشبها لميس..؟؟

هبة : مافيها شي بس اول مرة تخرج مع واحد يعني تلاقيها مرتبكة و
بس ماهي فلة مو؟؟..

فيصل : ايوا طيب ممكن رقمك انت لانك عنجد عجبتيني..

هبة :ههههههه وي والله لميس تزعل مني

فيصل : وايش يعني خلها تزعل هي ماعجبتيني وماتستاهل اني اكون

لها ..
هبة : طيب...خذ رقمي ..............

فيصل : اوكي..ان شاء الله بدق عليك

هبة : اوكي انا دحين بخرج يلا انتظرمنك اتصال يلا باي

فيصل : باي

قام فيصل ورااح لاصحاابه ...
.
اصحابه .. كااااااااااااي وش سويت يالمغرم..

فيصل:ههههههههههههه والله فاتكم .. اما انها عبيطة عبط .. بس

والله انها تهبل ..

خالد: ههههههههههههه والله انك جاتك فريسة .. ممم حماااسية ..

فيصل :ههههههههههههههه فلة مو ..!!!

اصحابه : عنجد ..

رامي : ياخي عرفنا على اللي معاها ..

فيصل:ههههههههههه مين في اتنين..!!

رامي:ماعرف اي وحدة كلهم دماااااااااار..

فيصل:في وحدة فللللللللللللله اسمها هبة .. صيدة مرة خطييرة..

اما لميس ترى مرة باردة .. ولا التانية تماضر مالها داعي في الحياة

ولا هي حلوة .. ولا جسمها حلو..

خالد : اقوول وش رايك نمسك لنا هبة .. وخلك من التانين

فيصل:ههههههههه وانا اصلا ايش سويت اخذت رقم هبة بس انا اببغى لميس

خالد : اقول حبيبي روق المنقا..البنت شكلهها محترمة خلها في حالها

خلينا في هبة..دي شكلها قوية....!!!

فيصل:عنجد .. يلا طييب خلينا في هبة خلينا في هبة....

رامي: يلا ضبضنا احنا كمان..

فيصل : هههههههه طييب.. ولايهمك..دحين دق عليها....



ايش تتوقعوا راح يصير حق عبوود..؟؟؟

وهبة..؟؟؟

وهل هبة في نظركم تستاهل اللي يجيها..؟؟؟

مع العلم انو اللي صار بسبب اهلها وعد اهتمامهم بها...!!!
وهل لميس راح تتراجع عن الخطأ الي عملته دا..ولا لأ..؟؟

[لــحــــن الـشــــوق]

الجزء حلووو فيه تطورات كثيره
لميس اتجهت لطريق الخطأ
تماضر وهبه الله يهديهم
رنيم مهمتهاا صعبه في اصلاحهم
ننتظرك بالتكمله

[DKNY]

مشكووووورة قلبي

[لــحــــن الـشــــوق]

العفووو عمري ننتظرك..

[قمر الكون]

وينك حبيبتي ما كملتي القصه

[DKNY]

ان شاء الله بنوتات لعيونكم