بنات ثالث ثانوي ~ مساحة لنــا ..

[صمت الحزن]

واااااااي مشكووووره حبيبتي حطيتي لنا هالموضوع >من قدنا بنات ثالث بس بالكويت 4 ث =)

بناات ترى والله مافي شي صعب احنا اللي نستصعب الشي ..
كل البنات الحين على بالهم ان هذي اخر سنه وصعبه وماادري شنو وحدددهم خايفين ومتوترين وحالتهم حاله ..
بالعكس استغلي كل لحظه بهالسنه وعطي نفسج راحه مااقولج لا تدرسين بس لاتضغطين على نفسج وتوكلي على ربج يسهل لج ..
وبناااااات والله والله لوتحرصون انكم تصلون قبل لاتنامون وتدعون ماراح تخافون وهالطريقه انا مجربتها بالعكس كنت اروح وانا مو مخلصه قبل لا انام اصلي واول مااقوم اصلي لي ركعتين وادعي ..
وادعي بهالدعاء " اللهم صلي على محمد ـ صلى الله عليه وسلم ـ اللهم بسر كن فيكون اعني على الاجابه النموذجيه والدرجات النهائيه ياحنان يامنان افتح لي اللهم صلي على محمد ـ صلى الله عليه وسلم ـ "..

ادري طولت عليكم =)
يالله دعواتي لكم وهم لاتنسوني من دعواتكم ..

لاتنسون الدعاء وقت نزول المطر مستجاااب ..


موفقين ..

[LoLo_Princess]

فديتكم كلكم حبايبي ,, =)

الله يوفقكم كلكم يارب ~
أعذروني مابدخل ’’ بس والله الإختبارات
وبكرا كمان عندي اختبار فيزياء
لي باك أن شاء الله ..

[صمت الحزن]

المشاركة الأصلية كتبت بواسطة LoLo_Princess فديتكم كلكم حبايبي ,, =) الله يوفقكم كلكم يارب ~ أعذروني مابدخل ’’ بس والله الإختبارات وبكرا كمان عندي اختبار فيزياء لي باك أن شاء الله ..

 

 

اجمعييييين يارب ..
اهم ماعليج دراستج وشدي حيلج

جددي النيه وتوكلي على ربج واحسني الظن فيه واكثر من الاستغفار > هالكلمات احب اقولها حق نفسي =)

*ومن رام العلا من غير كد اضاع العمر في طلب المحال *

ودعواتنا ترافقج يالغاليه =)
وباذن الله كل شي سهالات ...

[*غالية الأثمان*]

حلووة الاحساااس

وااااي حياااتي كلامج حدددده يشششجع

وان شاء الله محد فينا راح يقصر بحق امها وابوها

وجد هالموضوع حدده حلووه لان كل وحده فينا تشجع الثانيه


ربي يوفقكم

بنااات مثل ماقالت صموووته كثروا من الاستغفار ,,

:: غلوووي ::

ولي باك ان شاء الله :)

[~نـسـمـات~]

هالموضوع فيكم تعتبروه تابع لموضوع نسمات إلي تخرجت الآن وعقبال ما تتخرج من الجامعة وعقبالنــا ..

 

 

يهـــ .. ياا حليييييلكم ..

حسستتوني في اواخر الستينات على وجه التقاعد خخ



أذكر كتبت جملة في موضوعي الي انشأته وقت ما كنت في الثانويه.. اني مستغربه من الاشخاص لما يعتبرون آخر سنة أفضل سنة دراسية مرت بهم على الاطلاق!!

لكن استشعرت هالشعور عند اول يوم دراسي بالكليه (11-8) .. .،

قعدت أقول لأمي مالي شغل بلبس مريولي واروح لمدرستي

فعلاً ما يحس بلذة ايام المدرسة الا المتخرجين منها ..

تحسين كل شي بتسويه علشان يخزن في ذاكرتك بان آخر سنة بالثانوي عملتي كذا ..

حتى العبط والخبال بيطلع منك اذا كنت من النوع الهادئ ..بس مو الحين ..على الست الاسابيع الاخيره من السنة


بس ما تنسي جانب الدراسه ..

ادرسي وذاكري وانتي مركززززززززززهـ .. يعني كل جزئيه سواء كان تعريف او تعدادي أو مسأله حسابيه .. حاولي تحللينها او تفكرين فيها بطريقة غير المشروحة بالكتاب ..

أنا ما أقولك اخترعي عملية حسابيه للجمع غير ما نعرفها

لا الي اقصده.. تحلين على اساس انتي الي فاهمته ..ليش احط سالب .، موجب .. الحين ابسط علشان كذا .. مو يكون حلك كله على اساس خطوات بدفترك وانتي مجرد بس تتبعينها ومو عارفه السبب

أو انتي تذاكرين ..لا تمسكين الكتاب و مقطبه حواجبك وعيونك دخلت جوا من التوتر .. خذي موضوع المذاكره استهبال..يعني نكتي مع نفسك لو غلطتي في مسأله.. التعريف عبري عنه بطريقة عبيطه واكشن مثال معين حابه تحفظينه تخيلي كيف يكون

وهلما جرا..

صدقيني بترسسسسخ ..وتنبسطييييييييين من نفسك لما تكتبيها في ورقة الاختبار..

باختصار ذاكري بس بإبداع وبشكل انتي تحبيه ..بعيد عن الجو المشحون والضغط والتفكير بطرقة الاسئله و و و ..

<--- للأسف استخدمت هذه التقنية على الترم الثاني :/ ..بس جبت نسبه فوووق ما أتصورها!!! ورفعت من معدلي التراكمي بشكل كبييير..



الللللللللله يوفقكم وان شاء الله نفرح بتخرجكم زي ما فرحتو بينا بالصيفيه..


عقبال ما نتوظف كلنا ونفرح بمجهودنا طيلة السنوات الدراسيه

[صمت الحزن]

واااااي ماني متخيله ان هذي اهيا اخر سنه لي بمدرستي
والله ودي اعيش طول عمري فيها
اياااام ماتنسي ..
شلون راح افارق مدرستي وابلاتي ورفيجاتي وصفي =((

بس صج انا قاعده استغل لحظه لحظه من هالسنه خاااصه اليوم عبطنا عبط بالصف =)
استغلوا كل لحظه لاتتحسفون بعدين =)

بنات جددوا النيه
وكونوا متفائلين دايما
وادعوا ان ربي يفتح لكم =)
ودعواتي ترافقكم ...


اختكم : " صموووت"

[*غالية الأثمان*]

أذكر كتبت جملة في موضوعي الي انشأته وقت ما كنت في الثانويه.. اني مستغربه من الاشخاص لما يعتبرون آخر سنة أفضل سنة دراسية مرت بهم على الاطلاق!! لكن استشعرت هالشعور عند اول يوم دراسي بالكليه (11-8) .. .، قعدت أقول لأمي مالي شغل بلبس مريولي واروح لمدرستي فعلاً ما يحس بلذة ايام المدرسة الا المتخرجين منها .. تحسين كل شي بتسويه علشان يخزن في ذاكرتك بان آخر سنة بالثانوي عملتي كذا .. حتى العبط والخبال بيطلع منك اذا كنت من النوع الهادئ ..بس مو الحين ..على الست الاسابيع الاخيره من السنة بس ما تنسي جانب الدراسه ..

 

 

نسماااات

الله يهدااااج بتبجيني انتي ="(

امبيييه ماني متصوره ان هالسنه وبعدين اطلع من مدرسه حضنتني بكل حالاتي

عسى ربي يسهل وتعدي على خييير

اماا سالفة اني اشرح لنفسي بحركة استهبال هذا شي دخل مزاااازي << مزاجي

وان شاء الله بطبقه لاني اموووت على حركاات الاستهبال =)
\

لي باك ان شاء الله

[زهـراء]

السلامـ عليكنـ و رحمة اللهـ و بركاتهـ

و اللهـ فعلاً الواحد محتاج يفضفض و يطلع اللي في قلبه

و لكن المصيبة إن مفيش وقت حتى عشان نتنفس

و لكن أنا مقتنعة تماماً إن السنة دي سنة جميلة بحلوها و مرها

و لازم حنتعب فيها و نعاني كتيييير

و لكن في الآخر حنوصل لهدفنا و هو 100 %باذن الله

و و الله أجرنا عن الله عظيــم إذا أخلصنا و توكلنا عليه سبحانه

حتى لو ما حققنا الـ 100 % أكيد الله مش حيضيع تعبنا

أولاً الأجر مضمون بإذن الله و ثانياً أكيد ربنا حيكرمنا في حياتنا و يوفقنا للخير

المهم هو بذل أقصــى جهد ثم التوكل على الله ثم الرضا بالنتيجة

و أخيراً ياااااا رب افتح لنا أبوب رحمتك و وفقنا ..

( لا لليأس و لا للسلبية : إحنا قدها و قدود

علينا بذل الجهد فقط و لن يصيبنا إلا ما كتب الله لنا )

[عَ ـــبرآت]

هههههههههههه تراني داخلة عرض

بس البعض يخوفوا شوية انا باقيلي سنة ن شاء الله

والبعض الله يعطيهم العافية مشجعيين

[صمت الحزن]

المشاركة الأصلية كتبت بواسطة شايلة جروحي بروحي هههههههههههه تراني داخلة عرض بس البعض يخوفوا شوية انا باقيلي سنة ن شاء الله والبعض الله يعطيهم العافية مشجعيين

 

 

لا عااادي
لا في لا خوف ولا شي بس اهما موخوفين نفسهم حيييل واعدوا =((
والله صرت خايفه ..
ان شاء الله السنه الجايه تجربين =))

بنااااااااااات تحبطت حدددددددددددددي ......