بعد ماجفيت ترجع تقول انا احبك واحبك ...واحبك

[العشوقة]

رووووعة البارت بس في الأخير محزن

و ان شاء الله ما يصير مكرووه في ميرووه

و اذا صار شيء في ميروه اتوقع خاد بيذبح نوره الكريهــ

مشكـــورة حبيبتي الغاليه على البارت

و ننتظر البارت اليديــــــد بفارغ الصــــبر

فـــي أمـــــانــــ الــلـــهـ

[الفردوس]

الله يستر
مشكوره

[دمعة عاشق]

يسلموو عالبارتات الحلوة يالغلا ..
و بانتظار القادم بشووق...و ان شاء الله متكون نهاية تعيسه..

[الغلا]

مشكوووره لمروركن بنات
بس ما بقدر اكمل باقي البارتات
اليوم او باجر
يووم الخميس انشا الله
لأن عندي وايد امتيحانات
بليز سامحني
الغلا

[لــحــــن الـشــــوق]

البارتات خطيررررررررره مره
نوره الله لايعطيهاا عافيه شينه وقوات عينه
ان شاء الله ميره ماصابها شي
ننتظرك بالتكمله

[الغلا]

البارت (39)





خالد يلس يشوف موزه باستغراب هذى شو تقول اكيد تجذب...

خالد: موزوه قولى الصدق
موزوه: و لله بعد شو ؟؟

::++طلعت ام سالم من الصاله::++

خالد: خالتى كيف حالها ميروه
ام سالم: بخير ربى يخليك ياولدى
خالد: الحمدلله يارب
ام سالم : راعى واجب ياولدى
خالد: تسلمين خالوووه
موزوه: الحمدلله انها بخير
خالد: ثانى مره لا تيلسين تخوفين فينا
موزوه: انشا لله ياخالد
خالد(مستحى): مشكوره يا ام تفاحه
موزه: شو ام تفاحه
خالد: هههههههه ماشى يالله برايكم بسير اتجهز العرس اليوم بالليل
موزوه: نحن باجر لله يعينا
خالد: يالله برااايكم اشوفكم على خير و سلمو على ميره
ام سالم: لله يسلمك ياولدى
موزوه: مع السلااااااااامه

::++طلع خالد من البيت ساير صوب سيارته شاف سياره سالم::++

سالم: مرحبا الساااع حيالله من يانا
خالد: حياااااااك يالقاطع
سالم: شو سبب هالزياره الى تكون فى القرن مره
خالد: ماشى اسلم على خالووه يالله اتزهب اليوم عرس الريايل بو الشباب بيعرس اليوم
سالم: هيه و لله وزايد مب ناوى يتزوج
خالد: لالالاه شال الفكره امره من راااسه قال ما اريد
سالم: ليش ازين
خالد: و لله انا بروحى مستغرب منه و لله
سالم: ايوااا يالله انا بعد انشا لله قريب بخطب
خالد: امنووووه
سالم: بشوف الوالده قبل
خالد: يالله على بركه لله وهدايته
سالم: ايلس اشوووى
خالد: و لله مستعيل ياريال بنتلاقا فى العين مول
سالم: خلاص عيل اشوفكم اهنااااك
خالد: الساعه كم اشوفك اهناك
سالم: المغرب
خالد: انا اعرف ليش المغرب
سالم: يا اخى شو اسووى يعنى
خالد: خل عنك سوالف المغازل بنات هالايام ما ينعطن ويه
سالم: خلاص ما عليه اشوفك على خير

::++ركب خالد سيارته و طلع من بيت سالم::++

المغرب يوم الاربعاء عرس الرياييل و الكل مرتبش واستوت اليواله و الرزفه فهد كان اسعد انسان فى هذا اليوم لانه و اخيرا بتكون مها ملكه حق هو بس الشباب كلهم ياسيين عدال يدهم بومحمد ...اما خليفه يلس يرزف و كلهم عيون عيون عليه لانه ماشا لله عليه رحيم وااايد
اما فهد يرزف اشوى وييلس و عبدالله يلس عندهم اشوى وسار يلس فى سيارته يرمس في التيلفون ...

بعد ما خلص عرس الرياييل كلهم ردوا بيوتهم بس فهد سار حجزله فى الفندق جناح هو وزايد اما عبدالله رد البيت لانه مايحب ييلس فى مكان غير بيته و عشان بعد يرمس في التيلفون ..

بس شوه سالفه هاذي الرمسه فالتيلفوون
وويا منوه يرمس
7
7
7
7
7

مر الوقت بسرعه ويوم الخميس بدت الشمس تظهر والعروس مها من صباح لله خير وااعيه ماياها ارقاااد خلصت اغراضها كلها كان الحنه وااايد حلو عليها وساروه مبتلشه بالفستان الى كان اشوى وسيع ....
اتصلت ساروه على حمدوه و موزوه و بنات خالها و تعازمن يسيرن الصالون ربااعه الا نوره الى ما تريد تحضر العرس ...

على الساعه اربع كلهن سارن الصالون بس العروس بتتعدل فى البيت بتيها حنان شقير عشان تعدلها الفستان مصممنه وليد عطا الى كان روووعه بكل شى ....

فى قاعه الخبيصى المكان كان مترووس من المعازيم على الساعه 8 بالظبط و صلن البنات قاعه العرس كل وحده تقوول ياحلاتي بس ساروه كانت روووعه وجميله حتى موزوه و ميرووه و حمدوووه ...يلسن يرحبن بالناس و يلسونهم لين ماوصل و قت العروس انها تدخل او يوم دخلت على اغنيه البدر لراشد الماجد الكل يلس يسمى كانت مها قمر ماشا لله عليها جميله بمعنى الكلمه ......سلموا الحريم عليها بعد مايلست و الكل يلس يطالعها فى وحده كانت اطالع ساروه و ترمس في التيلفون ...تقربت البنت من ساروه
البنيه: السلام عليكم
ساروه(باستغراب): و عليج السلام
البنيه: شحالج ساره
ساروه: بخير بس كيف عرفتى اسمى
ريم: ماله داعى تعرفين
التفت موزوه على البنيه الى ترمس ساروه
موزوه: ساروه منو هذى
ساروه: ما اعرفها بس هيه تعرفنى.. شو اسمج
ريم: اسمى ريم
ساروه: هذى موزوه بنت خالتى
ريم: مرحبا
موزوه: مرحبتين
ساروه: انتى ترمسين تيلفون
ريم(مرتبكه): لا و لله ما ارمس
ساروه: عيل اخليج بسير اشوف المعازيم
ريم: براحتج

مشت ساروه و عدالها موزوه
موزوه: غريبه كيف تعرفج
ساروه: وانا شودرانى خلينا انسير عند ميروه و حمدوووه..
موزوه: يالله ازين

سارن ويلسن فى الطاوله الى يالسات فيها حمدوه و ميروه ..

اما ريم سارت صوب الحمام و تتصل على عبدالله
ريم: هلا حياتى
عبدالله: هلا عيونى
ريم: عرسكم حلو وعروستكم احلى
عبدالله: تسلمين و لله فديتج و انشا لله قريب بتكونين انتى تزهبى
ريم: لا و لله
عبدالله: هيه بعد شو بخطبج عندج مانع
ريم(استحت): لا
عبدالله : خلاص جب عيل
ريم: اووهوه يا عبدالله
::++دخلت حمدووه الحمام بس قبل لا تدخل سمعت ريم وهيه ترمس عبدالله::++

عبدالله: شو فيج حياتى
ريم: عبدالله ازين اطلع يوم اخوك فهد يدخل
عبدالله: لاتراني ببي شوفيج
حمدوه حطت ايدها على قلبها و هيه تسمع ريم ترمس طلعت بسرعه من الحمام وشافت موزوه تبا تسير الحمام
حمدووه: موزوه تعالى وين تبين
موزوه: بسير انظف عينى من الكحل لله يغربلها راعيه المكياج شوفى شو مسوويه
حمدووه: صبرى بسير وياج تعالى معاى داخل نسيت شنطتى
موزوه: سيرى بروحج بترياج فى الحمام
حمدوه: اقولج تعالى (تسحبها من ايدها ويدخلون الصاله)

اما فى الحمام طلعت ريم بعد ماسكرت عن عبدالله ودخلت الصاله ويلست عدال امها وطلعن حمدوه و موزوه صوب الحمام و استانست حمدووه ان ريم هب موجوده ويلسن يتعدلن ودخلن داخل الصاله بعد ماخلصن ....
بعدها على الساعه 10:00 دخل المعرس وياه زايد و عبدالله ويدهم بومحمد و خالهم ..الكل وقف لانهم صدق يناسبون بعض ماشا لله حبها على راسها بس عبدالله التفت شاف ريمووه الى لابسه وردى بس موزوه ما انتبهت قالتله لا تلتفت عشان محد يلاحظ ...اما زايد البنات و حتى المتزوجات رفعن غشاتهن بس عشان يشوفن غرشوب العين وحمدوه اطالعه طاحت عينه فى عين زايد ويشوف اشكثر هالانسانه تحبه بس كيف انسى الى سوته انشا لله مع الايام ابتسم لها وطلعوا الشباب من الصاله بس فهد شل حرمته وسار الجناح الى حجزوووه عشان يتصورون ...
بعد ما خلصوا تصوير فهد خذ حرمته وعلى طول بيسافرون سويسرا ..وصلهم خالد وزايد ورجعوا بيوتهم
يوم اليمعه الصبح ..
فى بيت ام زايد الكل يالسين يتريقون ومستانسين
ام زايد: زايد ياولدى متى بشوفك معرس
زايد: قريب امااايه
ام زايد: ولله قولى منو
ساروه: صدق زايد
زايد: هيه نعم اريد اخذ حمده بن خالى محمد
ام زايد: يالله فديتك و عرفت تختار
زايد: يالله على خير انشا لله
::++دخل عبدالله الصاله::++
عبدالله: السلام عليكم
الكل: و عليكم السلام
ام زايد: يولدى اخوك زايد بيعرس بعد
عبدالله: و لله حتى انا
سارووه: لا و لله
عبدالله: هيه عمرى 23 سنه و اريد اعرس
زايد: بس العرس مسؤوليه
عبدالله: انته كم عمرك الحين
زايد: 25 سنه
عبدالله: خلاص اكبر عنى بكم من سنه
ام زايد: ومنو تريد
عبدالله: بنت سعيد
ام زايد: منو بنت سعيد
ساروه: انا احيدها بنت ام سالم
عبدالله: ليش عندج امل... اريد اخذ بنت سعيد المنهالى
ام زايد: على بركه لله
زايد: شو عرفك فيهم
عبدالله(مرتبك): ربيعى ولدهم
ام زايد: بسير اخطب حق زايد و بالمره بخطبلك عرسك و عرس اخوك واحد صح ساروه(تلتف على ساروه)
ساروه(منصدمه): ما ادرى (تقول فخاطرها شو اقول حق موزوه)
ام زايد: بخطب حق زايد و بعدين بسير اخطبلك شو قلت
عبدالله: خلاص موافق
زايد: يالله اماايه اتصلى
ام زايد: انشا لله ياولدى

سارت ام زايد تتصل على ام خالد و خبرتها انها تريد بنتها حمدوه حق ولدها زايد وطبعا ردت عليها انها بتخبر بو خالد و بومحمد و بتشاور البنيه و بترد عليها ..

فى بيت بومحمد الكل يالس بوخالد وعياله و حرمته ...
بومحمد: ياولدى اليوم اختك اتصلت على حرمتك وتريد حمدوه حق زايد
حمدوه: شووووووووو (مستغربه)
خالد: قولوا و لله
بوخالد: صدق و لله بووويه
ام خالد: هيه نعم اتصلت و قلتلها بنتشاور
بوخالد: هو فيها مشاور بعد قوليلها موافقين وبس
بومحمد: ها حمدوووه
خليفه: يالله وافقى عشان اخذ اخته بعد
بومحمد: ههههههههههههه انته تباها من لله
خليفه: هيه عيل شو
حمدوه وقفت وسارت فوق و هيه مب مصدقه عرف خالد انها موافقه التفت على امه و قاللها تتصل على ام زايد و تخبرهم انهم موافقين ..
سارت تتصل و تبشرهم بالموافقه بس خالد يلس يطالع يده
بومحمد: ها عندك شى
خالد: يالله خطبولى ميره
بوخالد: انشا لله فالك طيب
ام خالد: شو قلت
خالد: خطبولى ميروه شو قلت انا الحين
خليفه: ايوا كل عاشق ياخذ نصيبه و انا متى ياربى
ناصر: ووووووووويه انشا لله بتاخذ نصيبك وزود
خليفه: قولى متى لله يخليك
ناصر: ههههههه ما ادرى و لله ما ادرى
بومحمد: خلاص خالد بنخطبله ميرووه و انته ياناصر
ناصر: بعدنى انا
بومحمد: فهد من عمرك وهذوه خطب
ناصر: منوه ازين
ام خالد: انشا لله بنلقى بنت الحلال
الكل: انشا لله

::++فى بيت ام زايد::++

الكل مستانس على الموافقه بس وصل دور عبدالله الى وصل امه لين بيت سعيد المنهالى عشان يخطب بنتهم ..اول مادخلوا البيت ضيفوهم الناس و تكلموا بالموضوع الى استغربوا انهم وافقوا بسرعه بدون مايترددون ودخلت ريم و سلمت على ام زايد ويلست عدال امها اتفقوا خلاص انهم بيملجون وبعدها العرس الى بيكون فى شهر واحد ...الكل استغرب ليش جذا مستعيلين على بنتهم

ام سالم اتصلت على اختها تسلم عليها و خبرتها ام زايد ان زايد خطب بنت خاله حمدوه و عبدالله خطب بنت سعيد المنهالى بعد ماباركتلهم... على العشا فى بيت ام سالم ...الكل كانوا يالسين يسولفون و المسكينه موزوه ما تعرف شو الى يستوي ..
ام سالم(تكلم سالم): اليوم ام زايد تخبرنى خطبوا
سالم: لا و لله منوووه
ام سالم: زايد و عبدالله
موزوه فتحت عيونها و ميروه حطت ايدها على ثمها و هيه اطالع اختها نزلت دمعه من دموعها على خدها و قامت من على الاكل وركضت صوب حجرتها مثل المينونه و قفلت على عمرها و يلست تصرخ و تصيح من شده الالم

..........................................
هل بيستمر كل شي نفس ما هو
ولا بيتغير شي
بياخذ عبدلله ريم ولا لاء
ولا على رمسه الشباب ان الواحد لو كلم
وحده في التيلفوون ما بيتزوجها
بنجووف البارت الياي
الي بيكوون يوم
الخميس
انشالله
الغلا

[الغلا]

مشكووووووووووووووووووووووووووره لمروركن بنات
واتريا ردودكن على هذا البارت
وشاكره متابعتكن لي

[بلونه حمرا]

مشكووووووووووووووره غلاتي على البارت غلي تطوراته فيها شي حلو وفيها اشين من الشين والله يستر
وننتظرك يوم الخميييس على احر من الجمر

[&قمرهم كلهم&]

مشكوره يا الغلا على الاجزاء الاكثر من رائعه

[ملكة النجوم]

لا طولين حبيبيتي
ننتظرك