{..كلمآت للتصميم ’.’شارركوونا ~"~

[نبض قلبي]

عَوّضوك ْبغيابي لا تقول انّي َوحَشْتك

لا تجاملْ دخيلك في شعور يْعَنيني

بَسّ يكفي كفايه لا تمادى عَرَفْتك

خَاين الحب مَا له في فوادي حَنيني
إنت ياللي بعيني حِلْم عمري رسَمْتك

وكيف تجرح خفوق يعشقك من سنيني

أحسبه زاد حبّي في غيابي وْحسَبْتك

ما تجاهَلْ وِدَادٍ كان بينك وْبيني

كَم سَهَرت الليالي وكم ليله سَهَرْتك

وكم ليله خَيَالك نام في وسط عيني

وكم قل لي دخيلك كم ليل اْنتظَرتك

كم قل لي تِفَضّل، كم صَدّك يجيني

كنت تجري بْدَمّي لا نزَفْته نزَفْتك

كنت ساكن خيالي، داخلي مِحتويني
من كتَبْ الحروف الأبجديّه كتبتك

"لامَه" إن كان تبغي أوَّلْ الحرف "سيني"

[نبض قلبي]

خلاص يعني كل شَيّ انتهى وراح

خلاص يعني ما بقينا حبايب

يعني وعودك كلها كانت مْزاح

والاّ انت ما لك في المحبّه رغايب

وين العهود ووين لحظات الافراح

يعني تلاشت مع هبوب الهبايب

القلب بعدك من له اليوم يرتاح

من بعد ما هو في محبّتْك ذايب

ياما على شانك تحمّلت الاجراح

وياما جروحي من صدودك عطايب

سرقتني عن جملة الناس يا صاح

والفكر عندك ماخذنّه نهايب

خِلّك يحبّك يا بَعَدْ سِيْد المْلاح

إن رحت عنّه راودنّه مصايب

خَلّك معه دام الهوى حيل نضّاح

والواش رِدّه يا هوى البال خايب

[نبض قلبي]

لا تتصل لي ولا ترسل لي حروفك ..
مابا سوى تمسح ارقامي من اللسته ..

عجزت اداريك و امشي رغبة شفوفك ..
ما فيه درب لكسب لرضاك ما دسته ..

عقب الخيانه تجيني تشرح ظروفك ..
انت الذي حبنا تحت القدم دسته ..

جملت كراسة التعبير بوصوفك ..
لا و حسافه قصيد ٍ فيك كرسته ..

ابعد بطيفك عيوني ما تبي شوفك ..
تراك جرح الخفوق بجد لامسته ..

لو كان بعض الخيانه ساكن بجوفك ..
عذرت قلبي و عاطفته وسوسته ..

صحيح انا كنت احبك و اعشق طيوفك ..
و ان جيت قلبي بغربة هم ونسته ..

ان رحت يا صاحبي كملت معروفك ..
شجعت قلبي على بعدك و حمسته ..

لا يا زمن ماني بناقص من صدوفك ..
وش عاد باقي معي يا وقت ما حزته ..

يا قلب لا تنحني لأحد ٍ وانا اشوفك ..
وش لك في بنت ٍ فنون الغدر دارسته ..

عدلك و ميلك تساوت والسبب خوفك ..
من واقع ٍ يكشف اللي فيه مارسته ..

والله لأخليك عقبي تصفق كفوفك ..
و اشرّب اللي تغطرس كاس غطرسته ..

بوقفك في طريق الغدر و اطوفك ..
دام الغدر هو هواك اللي تنفسته ..

بس انتظر لا تناظر لحظة وقوفك ..
اخاف اضعف و ارد اسمك على اللسته .

[نبض قلبي]

لعيونك اللي علمت قلبي الطيش
والبسمه اللي نورت لي مكاني
ورموشك اللي كنها للعدو جيش
اني لأخلي الليل له شكل ثاني
دامك وصلتي والحكي صار بشويش
وشلون انا ماأقول شعر وأغاني
طفل المشاعر بيننا عله يعيش
يلقى له ام ٍ تحرسه واب حاني
وشللي دخل بالنوم ووسادة الريش
ما دام حضنك ضمني واحتواني
طيفك يشاركني على لقمة العيش
ان ما لقيته ف المحاني لقاني
والعاذل اللي قال لي قلت له ايش
رح رح ترى مالك لوى ياأناني
تبغاني انساها وانا احبها ليش
من جدك انساها وأضيع زماني

[نبض قلبي]

يامشعل القلب تكفى.. خفف شويه
القلب من كثر صدك ويلي لحاله

دامه يحبك ولا له غيرك بغيه
وش له تحطه فدنيا الهم و تناله؟

أنت حبيبي لقلبي نوره و ضيه
تحلا بعيني و قلبي صرتتحلا له

وأنت ربيع الخفوق وسمشه و فيه
وإن حب غيرك خفوقي.. بقطع اوصاله

[نبض قلبي]

تفرقنا السنين و نجتمع والجرح نفس الجرح
على درب الفراق دموعنا تسبق خطاوينا

شرحت ظروفنا للوقت لكن مافهم للشح
صبرنا و الصبر جمره ورا الاظلاع كاوينا

ترى وجه المتيم لو تبسم لاتحسبه مرح
امانيه اتهاوى من عيونه مثل امانينا

نبي من ذاكرياته في محيط العاطفه كم صرح
لكن هاج المحيط ومالقى له ساحل و مينا

ياناس العيد ماله لونولاله طم ولاله فرح
واذا قلتوا وش الاسباب قلت الله يعافينا

نالوم الوقت و القصه ماتبغي جمع والا طرح
لأن العيب..من ربي خلقنا ساكن فينا

؛
؛
؛

[نبض قلبي]

اليوم عيد اليوم اغلا من العيد ..
اليوم هذا غير عن كل الاعياد ..

واليله احلى موعدن في المواعيد ..
تاريخها يحمل معه عيد ميلاد ..

ميلاد كل حسن والمجد والغيد ..
الزين فيها كاملن والغلا زاد ..

ميلادها سموه شيخ المواليد ..
المجتمع يفرح به جموع وافراد ..

كنها غزال داخلن قادت الصيد ..
كل الضبا من خلفها جات تنقاد ..

والبحر يحسبها على السير في البيد ..
شوف البحر من حسنها صا حساد ..

هي اغلا عنقودن مابين العناقيد ..
بنت الشيوخ الي من امجاد لأمجاد ..

الشوق يحضنها من الايد الي الايد ..
متسيده لن السياده للأسياد ..

يا مالها يقض على فرحة العيد ..
ياليتها في صحه لها دوم ينعاد ..

اليوم عيد اليوم اغلا من العيد ..
اليوم هذا غير عن كل الاعياد

[نبض قلبي]

فمان الله يادرب على الهجر يتحراني
خذاني الوقت من جنبي ولا جاني ولا جيته
قصيدي يا قصيدي اسكن فقلبي طرف ثاني
قبل يسكن بيوتي جنه وتمسي عفاريته
تعال اسال نجوم الليل يا هاجر من الهنائي
وانا اعلمك بالوقت الطويل كيف قضيته !!

بغيت اقوى على بعدك وراح الصبر ما مداني
اهز الشوق وان طاح الوله بالحضن ضميته
ربيعي يا خريفي يا شتاي وصيفي الهاني
تراك انت الفصول وهجرة الشعر وتشتيته
فضت كل الشوراع مالقيت اللي يترياني
مثل طفل طلع يلعب ورد ومالقى بيته

تحداني تحداني حبيبي لا تحداني
انا لو لاك لحن الهجر والفرقه ماغنيته
تمنيتك وقلت في خاطري ليته تمناني
وانا مو كل واحد شافته عيني تمنيته
على كيفك تذكرني وعلى كيفك تناساني
وانا طاريك ولا يوم في قلبي تناسيته

زرعت ورده حمره تزين كل بستاني
ودفنت القلب في تربت مشاعرنا وخليته
انا المجني عليه الي يقدر طعنت الجاني
لانه جرحه يذكرني بطاريه لي حسيته
فمان الله يا دربن على الهجر تحراني
خذاه الوقت من جنبي ولا جاني ولا جيته

[نبض قلبي]

والله لاخلي السنين الماضيه تعني
و اوادع الناس و ارجع و اخذ المعنى

يمكن حبيبي اذا غنيت يسمعني
قبل البحر يا قلوب الشوق يبلعنا ..

و اللي خذاني و عيا ما يرجعني
و الدرب مجهول و التفكير ضيعنا

يدفعني الشوق لو اواصله يدفعني
تبادل العشق و هو سبت دوافعنا

تدرون قلبي على هجره ما طاوعني
الناس تعذل و حنا ماتسمعنا

لا قلت احبه تراه الصاحب المعني
و اللي مع الهجر طبعا ً ماهو ب معنا ..

لا قال دعني و انا ماقلت له دعني
يالين سالت من الفرقا مدامعنا

حتى في يوم الموادع يوم ودعني
بكت جميع الليالي من موادعنا ..

الله يمتعك بالقاي و يمتعن
بلقاك و السحب تمطر من تمتعنا والله

لاخلي السنين الماضيه تعني
و اوادع الناس و ارجع و اخذ المعنى ..

يمكن حبيبي اذا غنيت يسمعني
قبل البحر يا قلوب الشوق يبلعنا

اللي خذاني و عيا ما يرجعني
و الدرب مجهول و التفكير ضيعنا

[نبض قلبي]

أوّل عشقتك آنسه ... واليوم ، آسف .. يامدام = نخلة غرامك أضمرت .... صعبه تعوّد مثمره
:
:
:
صعب أتجاهل واقعي ،، وامشي معك دربٍ ظلام = ماكل غيمه بالسما .... تبرق وترعد ممطره
:
:
:
صعبه بعد ( حكم الزمن تستأنفي ذاك الغرام = من وين أبصنعلك ( غلا )واشواق قلبي مدبره
:
:
:
مافي سجود الا ( السهو ) ياغافله بعد السلام = ومافي شبيه لرجعتك الا (( اعتكاف المقبره ))
:
:
:
لاتزعجيني وازعجك .. جرحي على وجه التئااام = وكسري جبر ،، لوهو خطا .. ماودي ارجع واكسره
:
:
:
انسي معي ( ياآنسه ) عفواً انا قصدي مدام =شخصٍ عيونه انعمت ... ماله ومال المنظره