اشهر الاطباق المصرية

**كليوباترا** · منذ /17-08-2006, 11:06 PM

انا مصرية برده يا سلوىوبشجعك جدا وحتلاقينى جنبك دايما ان شاء الله وبرافو عليكى

**فيض الأمل** · منذ /17-08-2006, 11:59 PM

روووعه يسلمووووووووو خيتو

**نور فلسطين** · منذ /19-08-2006, 11:14 PM

شكرا على الاكله الشهيه

**سلوى يحيى** · منذ /23-08-2006, 09:33 PM

جزاكم الله خيرا يا بنات ايوة كدة شجعونى وارفعوا معنوياتى

وعلى فكرة استنوا الاكلة الجاية وهى....................الفتـــــــــــــــــــة

اصلها محتاجة روقان المصريين يعرفوا كده كويسb:7

**سلوى يحيى** · منذ /23-08-2006, 09:49 PM

اهلا بيكى كليوباترا وخليكى جنبى الله يخليكى احسن نتفضح ادام الاجانب

**ذات المخالب** · منذ /27-08-2006, 02:48 AM

واو مشكورة على جهدك

**سلوى يحيى** · منذ /28-08-2006, 04:23 PM

السلام عليكم ورحمة الله وبركاته
جزاكم الله خيرا اخواتى على مروركم الكريم
ودلوقتى مع طبق جامد جدا من الاطباق المصرية وهو (الفتـــــــــــــة)

وهو بصراحة جامد لانها اكلة قوية شوية يعنى حاجة كده تملا العين

المهم............ركزوا معايا وما تنسوش الورقة والقلم............برده نسينا....................طب بسرعة روحوا هاتوا ورقة وقلم وانا منتظرة..............

طيب نبدا بقه........

المقادير:
3 كوب ونصف ارز
طماطم
عيش مخفف
شوربة لحم
خل وملح وفلفل وكمون
زيت او سمن
ثوم

الطريقة: بسم الله
اولا نكسر العيش المخفف فى الصينية اللى هنعمل فيها وده حسب الرغبة وطبعا عيش عادى مش فينو او توست
ثانيا الارز نعمله زى الارز العادى بالظبط ولكن من غير شعرية يعنى ارز ابيض
ثالثا الصلصة نعصر الطماطم كويس ونصفيها وبعدين نحمر فصين ثوم فى الزيت ونحط عليهم الصلصة مع ملعقتين خل وملح وكمون وفلفل ونظبط الملح كويس ونسيبها تغلى لغاية ما يصبح قوامها معقول واوعوا تسيبوها تتسبك اوى
نرجع للعيش تانى... نشيله من الصينية اللى هو فيها ونحمر فيها فصين او ثلاثة ثوم فى الزيت او السمن حسب الرغبة وبعد ما يتحمر يبقى لونه ذهبى كده نحط عليه ملعقتين او ثلاثة خل وبعدين نحط الشوربة يعنى بالمغرفة ثلاث او اربع مغارف ونحط بعد كده العيش المجفف اللى كسرناه فى الشوربة ونطفى النار لو حسينا ان العيش محتاج شوية شوربة نزوده بس مش كتير المهم فى الآخر يكون العيش متشرب شوربة كويس وميش شوربة زيادة واوعوا تنسوا تظبطوا الملح
بعد كده نجيب الارز الابيض ونفرده على وجه العيش نغطى العيش به كويس
وبكده تكون الفته خلصت وجاهزة للاكل مع صلصة الطماطم اللى عملناها ..............وبالهنا والشفا:)

منتظرة رايكم وردكم:)

**سلوى يحيى** · منذ /31-08-2006, 06:21 PM

ايه يابنات الاكل مش حلو ولا ايييييييييييييييه؟؟؟؟

كليوباترا.............انتى روحتى فين ؟؟؟ اتخليتى عنى ولا ايه؟؟؟؟؟؟؟

**كليوباترا** · منذ /31-08-2006, 09:23 PM

لا والله متخلتش عنك انا متبعاكى ومظبوطة طبعا انا رأيي فيكى ميخيبش استاااااااااااااااااااااذة طبعا وتسلم ايديكى

**سلوى يحيى** · منذ /03-09-2006, 07:59 PM

ميرسى يا قمر على الكلام الحلو

يعنى تفتكرى فى امل؟؟؟ العريس مضمون يعنى؟؟؟

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

اشهر الاطباق المصرية

صندوق ذكرياتـــنــا ..