رواية عذابات روحي تحكيها جروحي~

**جحيم الانتظار** · منذ /28-03-2012, 03:26 AM

بارت جديد بعنوآن

وأشرقت من جديد

بعد مرور شهر

كان الكل مجتمع بالمستشفى كعادتهم كل يوم بالعصر

قبل كل شي ..

ملآكـ :منهاره من يوم دخل خالد المستشفى لأنها دوم تلوم نفسها

سـآرهـ:نحففت بالمررة من كثر التفكير بحالة اخوها وكانت تضغط على نفسها

فيصل :سكن بيته الجديد اللي هو المستشفى صار مايدخل بيتهم اببد دوم مع خالد/ذبللآلآن

يوم الثلاثاء العصر الساعه 5

الكل جالس بالانتظار

ام فهد:يمه فيصل قوم ارتاح حرام عليك اللي تسويه بحالك

فيصل هز راسه بلآ

ام فهد: الله يخليك يمه عشاني روح ارتاح بالبيت خالد مايرضى تعمل بحالك كذا

ام فيصل : يليت ياكل بس

ملاك التفتت عليهم

الكل ناظر لها جاتها حالتها وصرخت:بس حرام عليكم تموتني نظراتكم انا السبب ادري انا

قام لها ابوها وضمها وقال:ياروح ابوك انتي

التفت على فيصل ولأول مرة يناظره نظرات ترجي :فيصل يبه اخذ اختك ومرتك

فيصل ماحب يكسر خاطر ابوه:ان شاء الله

اخذ ملاك والتفت يدور على سارة شافها جالسه جنب امها تقرأ قرآن

فيصل:سارة قومي حبيبتي

سارة ناظرت امها

ام فهد :روحي مع زوجك حبيبتي

قامت بهدوء

في السيارة

فيصل يحاول يقوي حاله ويغير الجو:يلا حبيبااتي اي مطعم تبون

ملاك:فيصل مالي خلق

فيصل بدهاء: على فكرة انا مو ماكل من يومين غير الماي ماشربت ولا اكلت شي

ملاك : اوك سارة اختاري وين نروح ؟

سارة كانت سرحانهـ هذآ حآلهـآ

ملاك:سارة سارة

سارة انتبهت:هـآآ..؟؟

ملاك:وين نروح ؟

سارة :وين البيت أكيد؟!!

فيصل:سارونه حبيبتي لا تفكري كثير اذكري الله

سارة:الحمدلله على كل حال

فيصل:يلا وصلنا

نزلوا سارة وملاك

دخلوا المطعم وحجزوا لهم طآولة 3 اشخاص

فيصل:يلا اطلبوا

ملاك:فيصل انت اختار؟

فيصل:لا أنا مارح اختـآر أبيك انتي وسارة تختارون

ملاك:يلا سارة وش نختار ؟

سارة:ها ؟؟

فيصل قام من مكانه وجلس جنب سارة

فيصل:يلا ابختار ويـآك

سارة ارتبكت منه وقالت:اوكِ

=========

في مكان موحشة ومظلمة

عمار:اتفقنآ على الصفقه

سلمان:ولايهمك تآمر أمر بس هآ مو تنسى نصيبي

عمار:لا تخاف لك اللي تبيه واذا تبيها من اليوم تآمر

سلمان :لآيبه خل اجهز حالي بالأول

==========

في المستشفى[في غرفة خالد]

أبو فهد: يلا ياام فهد نمشي تأخرنا يمكن سارة وصلت البيت

ام فهد: مااتوقع فيصل يتركها

ابوفهد:انتظرك برآ

ام فهد: ان شاء الله

باست راس ولدها واخذت شنطتها وانحنت وهمست له:يمه خالد ارحم حالي حبيبي ياولدي اشتقت اسمع صوتكـ

فجأهـ

تحركت يد خالد ومسكت يد أمه

ام فهد صرخت :يممه خالـد

دخل ابوفهد:شصاير؟

ام فهد ودموع الفرح تهمل منها:تحرك يابو فهد تحرك

ابو فهد سجد على طول وشكر ربه

وقام يشوف ولده ونادى الدكتور

الدكتور:ممكن تخرجونكشف عليه يمكن تحسن

طلعوا وكلهم أمل أنَّ خالد تعافى

بعد عشر دقايق من الانتظار

طلع الدكتور

ابوفهد:بشر؟

الدكتور بابتسامه:الحمدلله يتحسن

ام فهد ماتحملت دخلت على طول له وصارت تكلمه ماتلومونها أم ،

==============

فِي المطعم

سارة وملاك شبعو بس فيصل خلاهم ياكلون لما خلآإص ماعادوا يتحملون

ملاك:فيصل والله احنا اكلنا انت ماكلت شي
فيصل:لآ والله أنا شبعت
سارة :فيصل الله يخليك اكل
فيصل:آوكـ لآن حلوتي تبيني
رن جوآل فيصل
فيصل:هلا عمي
ابو فهد بفرحة:فيصل خالد وعى
فيصل قام من الفرحة :شششنوو؟؟؟احللف
ابو فهد:والله تعـآلو
فيصل:يلا يلا 5 دقايق وجايكم
سارة بخوف:شفيه خـآلد؟
فيصل:خالد صحى حلوتي
سارة وملاك:صدددقق
فيصل : اييه
=============
في شقه مازن
مازن: ياالله متى الملكة ؟
لولوة : مااتوقع يبون شي الحين حالتهم حالة خلد تعبان
مازن:الله يشاافيه
دق الباب
لولوة :بقوم اشوف
مازن :لا خليك اروح انا
فتح الباب كان سامر جاي ومعاه عشا
مازن: هلا بسامر هلا
سامر:هلا فييك
مازن:ياولد العم اشتقنا لك وينك؟
سامر : ايه خلها على الله
مازن:افااا ماعاش الهم يسكن قلبك ياخوي
سامر :ابووي متعبني تخييل يبيني اشرب من ذا السم اللي يشربه عاد قلت خل اتعشى معكم اليوم
مازن:حياك الله البيت بيتك وش رايك تنام عندنا اليوم
سامر:ماتقصر ياولد العم بس حاجز لي شقه
مازن:طلبتك موعشاني عشان الخطيبة
سامر:والله انكم غالين بس
مازن يقاطعه:لا بس ولا غيره ياخوي المكان واسعه علينا واذا ابوك يفنشك من الشغل اشتغل معي اكلم فيصل يوظفك
سامر :والله اني مو عارف كيف اشكرك
مازن: لا تشكر ولا شي يلا اروح اودي العشا تجهزه لولوة
سامر : أوك خذ راحتك
========
في بيت ابو تركي على العشا
هدى: والله مو قادره احس اني ثقيله
تركي:تحملي حبيبتي كلها كم شهر ونشوف الحلو
جوليا:ان شاء الله يطلع صاحي
تركي : بيطلع صاحي ان شاء الله
ابوتركي<<طبعا جا من السفر :سمو بالله وتعوذو من الشيطان
وليد:آآآآ
ابو تركي :جيبي الولد عنك
جوليا :خذ
هدى:خالي لو جب ولد بسميه على اسمك
جوليا بخبث :اذا بنت ؟
تركي : على اسم امي الله يرحمها
ابو تركي :الله يرحمها
منى بدلع:بابااااا ابي اطلع
ابوتركي:تآمرين وين تبين؟
منى :مجمع الـ..........
ابوو تركي :من عيوني
رن جوآل تركي
تركي:فيصل دآق
رد عليه
تركي:هلآآآ وغلآآ
فيصل:هلآآآآآآآآآآ فييييييك تعالو بسرعه خالد صحى
تركي : احلللف
فيصل : والله احنا رايحين له الحين
تركي:اوك ثواني واكون عندكم
فيصل:احتريك
هدى:شفيه خالد؟
تركي:فيصل يقول صحى
ابو تركي:الحمدلله
هدى :يلا نقوم نروح الحمدلله ياارب
تركي والوناسه مو واسعته:يلا
قاموا بسرعه
ابو تركي : ياحلوهم بس
جوليا :اي
=============
في المستشفى
وصل فيصل وملاك وسارة ودخلوا بسررعه على خالد
ملاك ماتحملت على طول انحنت عليه وقامت تبكي وتقول :سامحني
خالد مسح على راسها مو قادر يتكلم هز بخفيف راسه باايه
سارة كمان راحت له من الجهه الثانيه هي ووجدان
وخالد يمسح عليهم وبعيونه كلام كثيير
رفع راسه وشاف توأم روحه واقف تم يناظره وفيصل يرد عليه بنظراته
وكل اللي بينهم كلام بالعيون
خالد مد يدينهـ ناحية فيصل
جاه بسرعه وتعانقت ارواحهم قبل اجسادهم
فيصل:الحمدلله على السلامه ياغالي
خالد ابتسم له
الكل توونسس من رجوع خالد وتحسن حالتهـ
ام فهد وهي تمسح على شعر ولدها وتبتسم:يمه ابيك قوي ابي اجيك بكرة متعافي
خالد ابتسم لها
جت الممرضه:الزيارة انتهت ممكن تخرجو عدا المرافق؟
الكل طلع وجلسو يتناقشون مين يظل معه
فيصل:كل يوم انا معه الله يخليك عمي وانتي خالتي
ابو فهد:اوك يافيصل اهتم فيه
فيصل:ولايهمك عمي
ام فهد:اكل لك شي يمه والله حالك ماتسر
ام فيصل:والله ياختي قلت له بس معند ياكل في الحبوب وتارك اكله شوفيه انتهى نحف كثيير
ام فهد:اوعدني تاكل ولا مافي جلسة بكرا
فيصل بابتسامة اشر على عيونه:من عيوني
ام فيصل:عيونك سالمه
وطلعوا
=============

=========
انتظروا ابارت الجاي

**جحيم الانتظار** · منذ /28-03-2012, 03:44 AM

انتظر رآيكم ؟؟
البات الجديد يتحدد على مدى تفاعلكم..
وشكرا لكم

**جحيم الانتظار** · منذ /28-03-2012, 06:03 PM

لآقلتـــ أنت عندي غير
يعني بالصريح [غييير]
في المستشفى الساعه 2 الليل
هلا والله سوسو
سارة :هلا فيك هـآ أخبار خالد..؟؟
فيصل:الحمدلله تمام نايم الحين
سارة :ااها
فيصل:اخبارك انتي اشتقت لك؟
سارة :الحمدلله وانا بعد
فيصل :سارة حبيبتي ممكن أطلبك بمهمه؟
سارة :تآمر أمر
فيصل:تسلمي لي حبيبتي ،شوفي تعرفي مريم زوجة فهد الثانيه
سارة:ايوهـ
فيصل :عندها اخت اسمها سمر واخو اسمه ياسِر
سارة:طيب
فيصل:حبيبتي بعطيكِ رقم اختها سمر ودقي عليها وتطمني عليهم أوكِ
سارة :وفهد؟؟مابيروح لها؟؟
فيصل: ماااظن لأنهـ من بعد اللي صار وهو راميها المسكينة المهم ابيك بكرة تقولي لها تتجهز وتجهز اخوها واختها لقيت لهم سكن وبجيب لهم اغراض بمر عليكِ بكرة ونروح لهم
سارة:أوكِ
فيصل:نوصلهم شقتهم ونقعد شوي معهم ونطلع اش رايك؟
سارة:وين؟
فيصل:اش رايك نروح البحر ؟
سارة:اوك وخالد؟
فيصل:بكرة بتجيه خالتي مارضت لي تقول يوم ويوم
سارة بضحكة:ههههه الحمدلله
فيصل: على وشو الضحك ؟
سارة:ان اقنعوك من جد انت تحتاج راحة تعبت كثير
فيصل:حتى انتي تحتاجي رآحة الكل اصلا تعبهـ غياب خالد خالد غالي ياسارة على الكل
سارة:اي والله ،يلا فيصل ملاك معي ع الخط
فيصل:افااااا ملييك وانا تتركيني ؟
سارة بخجل :هاا..لآآ..بس
قاطعها فيصل:لآ بس ولا غيره براحتكم حبيبتي المهم ملاك لا تدري عن هالسالفه لانها متحسسه شوي منها
سارة: أوك
فيصل:يلا تصبحي على خير وردتي
سارة بخجل:وانت من اهله
رجع الغرفة ~
شاف خالد صحى
فيصل:ارتاااح لاتقووم
============
في بيت أبوسعود
ريم:ياالله الساعه2ونص ولا جا الفلم
فارس:شكله مابيجي
نزل ابوسعود وقال:الله يهديكم ياعيال الناس بهالوقت تصلي وتقرأ قران وانتو جالسين على هالخراب
فارس وهو يطفي الـTV:أمرك يبهـ يلا ريم نقوم
ريم: يلا
كل واحد دخل غرفتهـ
في غرفة فارس
دخل غرفتهـ ورآح الحمام فرش اسنانهـ وانسدح على السرير
انتبهـ لجوآلهـ ف رسايل
فتحهم:أوووف ذآآ مـآزنـ خل ادق عليهـ
بعدين تردد:لآ اكلمه بكرة احسسن
========
في الصبااح الساعه6
تسللت اشعة الشمس لغرفتها المتهدمة اللي لو يجيها مطر تتهدم عليها
قامت وغيرت ملابسها وصحت اخوانها
مريم:ياالله انا وش اسوي لآزم اشتغل اصرف على اخواني
رآحت لسمر:سموورة حبيبتي يلا قومي تأخرتي عن المدرسة
سمر:همممممممم
مريم:يلاحبيبتي قومي
سمر قامت وباست اختها:صباح الخير
مريم:صباح النور لأحلى اخت بالدنيا،يلا حبيبتي روحي تجهزي وصحي ياسر على ماأسوي الفطور
سمر: أوك
رآحت تجهز الفطور وفجأة دخل جاي من الاستراحة وكان مو بوعيه شارب السم وصار يصااارخ:ياهوووووووو ياهووووو يااهل البيت
ردووووو
مريم تأففت لهالحال وقالت:الله يهديك ياخوي
دخل المطبخ وهو يصارخ رمى على مريم كاس بعدت بسررعه وصاب رجولها
مريم بقهر:عمااار حرام عليك اطلع براا اجهز لك اللي تبي
عمار:هههههههههههههههههههههههههههههههههههههههه تطرديني يـآبنت هههههههه هذا بيتي لآتخليني اطردك يلا انقلعي
بعدته مريم عنها وراحت بسرعه غرفتها وسكرت عليها وعلى اخوانها
ياسر:صبح الخير ماما
مريم:صباح النور
سمر شهقت :هااااااااااا مريم شفيها رجلك حبيبتي
مريم:لآ جرح بسيط
سمر:حرام عليك مريم اكيد جاء عمار صح؟
مريم ناظرتها انها تسكت لان ياسر هنا
عمار انسدح على الكنبة ونام
مريم:بروح اشوفه شكله هدأ
فتحت الباب بشويش وطلعت هي واخوانها
تذكرت عندها 500 ريال عطاها خالد
قامت واشترت لأخوانها فطور وعطتهم لفسحتهم
ووصلهم التاكسي للمدرسة
صاحب التاكسي:مدام انتا وين في يروح؟
مريم في نفسها:يااالله وش اسوي وش اقول له ماعندي مكان
رن جوالها
مريم:الو؟
سارة:هلا فيك
مريم:منو؟
سارة :انا سارة اخت فهد
مريم: ايه هلا عرفتك اخبارك؟
سارة:تمام الحمدلله وانتي؟
تنهدت مريم وقالت:الحمدلله
سارة حست بها وقالت:وينك فيه؟
مريم :والله طلعت اوصل اخواني تآمرين على شي؟
سارة: مايآمر عليك عدو تعالي لي عند مكان الكوفي اللي في .....<<وصفت لها
مريم:اوك
=======
عند فيصل وسارة
فيصل:ها حبيبتي وش قالت؟
سارة بملل: بتجي
فيصل:طيب اش فيك انتي ؟
سارة زفرت بحراره :آه يافيصل
فيصل:سلآمتك من الآه حبيبتي فيك شي؟
سارة انتبهت له ونزلت راسها وبخجل:اخوي فهد ورطنا المسكينة شذنبها
فيصل:لو تدري عن حياتها كان قلتي الحمدلله يالغاليه
سارة:ادري بس لو جاي لها واحد ثاني مو احسن
فيصل بااستهبال:اتزوجها ؟
سارة رفعت راسها والتقت عيونها بعينه وقالت:على راحتك اذا تقدر
فيصل:ههههههههههههههههه اللي عنده ورد مثلك وش يبي بالباقي
سارة وهي منزلة راسها بخجل:تسلم
فيصل:الله يسلمك يآحلو الخجل بس
وصلت مريم وطلعت لها سارة
سلمت عليها:هلا فييك
مريم بانكسار:هلا والله سامحوني على اللي صار لـ...
قاطعتها سارة:انا مو جاية عشان اللي صار الحمدلله خالد رجع لطبيعته
مريم بفرحة :صدق؟؟
سارة :ايوه اركبي السيارة يلا ؟
مريم :اوك
ركبت معاهم السيارة
فيصل:اسمعيني يااختي انتي الحين منا وفينا واللي يصير عليك مايرضينا فكرنا نحطك بشقة انتي واخوانك من الشقق اللي عندنا
مريم بخجل:والله اكرمتوني بس انا مااقدر اد
قاطعتها سارة:حبيبتي من شققنا لاتدفعي الايجار ولا شي اخترنا لك شقة فيها 4 غرف و3حمامات ومطبخ
مريم بفرحة من داخلها قالت:الله يوفقكم يارب
فيصل:سارة بتجيك كل يوم ان شاء الله وكل اللي تحتاجينة ماتترددي
مريم:الله يسعدكم يارب مثل ماريحتو قلبي بس عمار لو درى
سارة:انتي قلتيها لو درى مو لازم يدري عن مكانكم
انا وفيصل بنجيب اخوانك اليوم للشقة روحي ارتاحي انتي وتططمني
مريم :والله مو عارفة كيف اشكركم
فيصل:احنا اهل مابيننا هالكلام
وصلو الشقة وفتحو لها الباب وخلوها ترتاح وعطوها المفتاح وطلعو
قفلت الباب على حالها وقالت:يااااااااااااارب توفق سارة وفيصل وترزقهم الذرية الصالحة
راحت تدور بالشقة شافتها من نوع راقي مااعتادت عليه ،
دخلت المطبخ شافت اغراض واشياء شراها فيصل لهم بأمر من ابوفهد
راحت غرفتها ونامت ،،
======
في المدرسة الساعه 9
وجدان : ياالله زهقت صبايا ودي نهرب
سلوى<صاحبة وجدان>:مالللت نهرب ويين ياحسررة
شهد<صاحبة وجدان>:نهرب من المدرسة بكبرها
نور<صاحبة وجدان>:اي والله
وجدان:هع هع والله فكرة
جات المديرة وبصراخ:
البناات اللي هنا ليه طالعين؟
وجدان :ها كنا بنشتري مويه عطشنا؟
المديرة :مين عليكم؟
وجدان ترقع:ابله حصه
المديرة:بسررعه قدامي وتعهد ابلة حصة اليوم غايبه باين كذبكم
نور:ههههههههه قال ايش ابلة حصة
وجدان:سكتي بسس سكتي
=========
انتهى البارت
اكمل الليلة ان شاء الله

**ڷـِـِۑڷێ ..||«** · منذ /30-03-2012, 07:30 PM

ماشاء اللـﮧ تبـآإأآرڪ اللـﮧ ..||
بـآإأآرت ولآ أحلى !!
وحمـــإأآس جـــدًا !!!

عمـــأآر : ..||
مـلآڪ - سـإأآرة - فيصل - خالد - ترڪي - هدى : ..||
جوليـــإأآ: ..||

أنتظر البارت الي بعـــــــــــــــــــــــــــــــدوو

**F A B U L O U S** · منذ /07-05-2012, 09:16 AM

ماشاء الله رواية رهيبة !!
يالله ننتظر التكملة

**جحيم الانتظار** · منذ /12-06-2012, 07:06 PM

اهلاً بكن عزيزاتِي ،
بسبب وفاة أخي رحمه الله انقطعت عن الدخول ،
لقد اخبرت الاخت الفاضلة والرائعه ليلى ،
شكراً لكن على انتظـآآركن ...
وباذن الله سأكمل

**جحيم الانتظار** · منذ /13-06-2012, 05:36 PM

ؤ

[بـآرت جديد]
هي حياتي مهما حاولتُ أن أسعِد نفسِي
اضطررت إلى أن أضحي ونتيجة التضحية شقاء
بعد مرور شهر من الأحداث اللي صارت ..
نزلت وهي تحس بتعب مو قادرة تتحمل ،
هدى:خالتي خالتي
جوليا كانت نايمه وصحت لما سمعت هدى تناديها:أووف وش تبي بعد
هدى:خالتي خالتي الحقي علي ياخالتي
قامت جوليا ببرود وراحت لها:وش تبين ؟
هدى :خالتي أحس أني بو
طاحت من اخر الدرج على الأرض من الألم يمكن من خمس درجات كانت تنتظر جوليا تساعدها بس صار لجوليا اللي تبيه
جوليا : أوريكِ يابنت رح يكرهك تركي وبتطلعين من حياتنا
جوليا دقت على تركي
تركي في شغله:اووف وش تبي ذي ؟
تركي:نعمم
جوليا:تركي الحق مرتك جنت رمت نفسها من الدرج تعال اخذها المستشفى شكله البيبي مات
تركي عصب وجن وقال بصراخ:أنا جاي
شافه ابو فهد:خير ياتركي شفيك..؟
تركي تجاهل ابو فهد ومشى
=========
في مكان ثاني
فيصل:شرايك؟
سارة :مم عآدِي بس أحس مدري مو جاهزة الحين
فيصل:اوكِ بعد شهرين
سارة :اوك لأن ملاك بتجهز حالها الشهر الجاي نهايته صح زواجهم
فيصل:YES
سارة : أوك يلا أخليك بروح أنام
فيصل:نوم العوآفِي حبيبتي
سارة:الله يعآآفييك باي
فيصل:باي
====
وصل البيت وهو معصب
ولدهـ ..حلمَه ..أمنيتهـ ..ليهـ تسوين كذآإ يَ هدى ؟؟!!
شافهآإ على الأرض حملهآ بسرعه وَ أطرآفه ترتجف
بعد ساعات في المستشفى
طلعت الدكتورة:الله يعوضك أحسن منو المدام تحتاج عناية شويه عندها نزيف حاد هي مو بوعيها الحين تعبانه كثير بس البيبي مات
تركي عصب وقال بدون وعي :ياريتك متي ياهدى وتركتي ولدي لي
تركي:أوريك شغلك ياهدى لهالدرجة حبيتك وتطعنيني
طلع من المستشفى من دون حتى مايتطمن عليهآ
جوليا كاآنت تنتظره على أحر من الجمر لأن خطتها ما أكتملت
وصل وهو معصب ويسب بهدى المسكينه اللي حتى أهلها مادرو عنها
جوليا ابتسمت بخبث وقالت :تركي بقول لك شي بس هآآإ ماتسوي شي
تركي وهو معصب: موفاضي لك انتي بعد
ورآح بيصعد غرفتهـ
قالت له :افتح شنطتهاوشوف البلية
مااهتم لها ورآح غرفتهم وقآم يكسر بالاشياء ويلوم نفسه ليه حبها وصدقها
خطر بباله كلام مرت أبوه وراح لشنطتها وفتحها وشاف حبوب منع الحمل
وقام يسب فيها ويرمي الاشياء على الارض وشكل الغرفه صار مو مقبول ابداً..
==========
في بيت أم فهد
وجدان:اييشش..؟؟متى ؟؟
ام فهد:هذا اللي قالتهـ خالتك ام محمد
وجدان:وتركي يممه ليه يسوي كذا؟
ابو فهد:وانا اقول اليوم شفيهـ طلع من الدوام معصب اسمعي ياام فهدانتي واختك ام فيصل اليوم تروحون لهدى وتتطمنون عليها
ام فهد : اكييد بنروح لهـآإ
وجدان بقلبها :مسكينه هدى الله يعينها لو درت ان تركي نآوي يطلقها
========
الساعه 4 العصر
في المستشفى
فتحت عيونها بتعب ناظرت يمين يسار وين البيبي وين تركي وين الاهل ؟؟
دخلت امها وخالاتها والبنات
ام محمدباست راسها:الحمدلله على سلامتك يمه
هدى :الله يسلمك،يمه وين البيبي؟ماشفته ؟ابي اشوف ولدي يمه؟
الكل عيونه بتدمع ويناظروا بعض بألم على حالها
ام فيصل قربت منها:حبيبتي هدآوي
هدى ابتسمت:آمري خالتي
ام فيصل:يمه انتي مؤمنه بقضاء الله وقدره
بهدوء هدى فهمت لفت على جنب ماتبيهم يشوفون انكسارها دمعت عيونها وقالت:الحمدلله على قضاء ربي
الكل تأسف لحالتهاكانت تنظر الطفل اللي يملي حياتها هي وتركي
مر على فكرها تركي قالت بهدوء ودموعها على خدها:تركي وين ؟
ارة جابت لها كاس مويه وشربتها بهدوء
ريم مافارقتها ابد
هدى :شفيكم ردو وينه تركي؟
الكل سكت
هدى صرخت:ماااااات
ام محمد:لا ييمه لاتفاولين عليه وهدي حالك
هدى:شفيه؟وينه .؟؟يمه تركي وين ..؟؟
ام فهد:يمه تركي راح يدفن البيبي
هدى:ابي اشوف ولدي قبل لايدفنونه
هالعبارة هزت الكل وبدآإ يبكي
==========
انتظروني مع بارت جديد

**F A B U L O U S** · منذ /13-06-2012, 11:52 PM

^

أهلينْ أختِي
عظظّم الله أجرك! وجبر كسرك يارب!
في واسع جنانه إن شاء الله !

،بارت يحمّس، مسكينة هُدى!

ننتظرك ياجميــله !

**نبرة حزن** · منذ /26-06-2012, 06:36 PM

مييييييييييييييييييييييييييييرسيييييييييييي ع الموضوع الرائع

**جحيم الانتظار** · منذ /16-07-2012, 11:02 PM

الليلة اكمال 3 اجزآء ترقبوآآ

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

رواية عذابات روحي تحكيها جروحي~

الـقـصـص و الـروايـات