روايتي الاولى ( عهد على ذكرى الالم والمهانه لآخذ بثار دموعنا ياخفوقي)

**أسِيفْ** · منذ /13-05-2011, 04:40 AM

^
اهلًا فروسة ..
عادي عزيزتي ..
اكتبي البارت بعدين حطي صح في مربع "اعلم...." بعدين اعتمدي الرد ..
بانتظارك

**فارسة القلوب** · منذ /13-05-2011, 11:50 PM

ياهلا فيك فستان السماء

يسلمو حبيبتي على التوضيح

الحين ان شاءالله بنزل البارت السابع عشر

دقايق بس

V
V
V
V
V
V

**ڷـِـِۑڷێ ..||«** · منذ /13-05-2011, 11:57 PM

ۈآآآآآآآآآآآآآآآآآآآي أنتظرڪ ...

بفآآڗغ الصبـــــــڗ ...

**فارسة القلوب** · منذ /14-05-2011, 12:11 AM

( الجزء السابع عشر )

حاولت أسطر من همومي قصيدة = وأترجم اللي بداخل القلب مكنون
قول الشعر ماظني أحد يجيده = غير اللذي في داخله قلب مطعون

يجري الحزن والياس مجرى وريده = في داخله مليون علة ومليون
عافه جميع الناس محد يريده = كنه مريض فاقد العقل مجنون

وسطه قديم الجرح عانق جديده= لو مات جرح يسكن القلب بليون
عايش حياة يالها من زهيده = كنه فقير المال عاجزز ومديون

ضايع يدور عن ديار بعيدة = دربه طويل واحش غير مامون
نفس جرحها الحزن ماهي سعيدة = لو تنعطى مال كما مال قارون

الهم في دنياي زود رصيده = والفرح فيها دون في دون في دون
ولا جيت بأفتح صفحة لي جديدة= ذكرتها وأغرقت بدموعي عيون

مكتوب لي ماأحيا الحياة السعيدة = وأبقى "حزين الحرف "اللي تعرفون
هذي همومي قلتها في قصيدة = شعر سوي القاف والبيت موزون

عند جواد لما دخل راح يركض يبي يطلع مع الباب الثاني ويروح عند
مدخل المسرح عشان يشوف جود اذا طلعت متأكد انه سمع صوتها
بس سمع جهاد يناديه التفت وشاف عيونه حمر من البكا ونظراته ناريه
جهاد بعصبيه وهو يعطي جواد كف : مالقيت يالخسيس الا قصة اختك
تحطها مسرحيه لك
جواد بقهر ودموعه تنزل : انت بذات مالك خص فيني انا وجود
ولا ذكرتك باجرامك وفتحت جروحك القديمه
جهاد من بين اسنانه : لو كنت داري انك حقير نفس كذا مادورت على
رضاك طول هالسنين ولا خليت بنتي لعبه في يديك تحرضها على ابوها
جواد بضحكة الم : لا تخاف مانيب نذل لهالدرجه اقول انك مثلتي دور
بنت عمتك وعمتك اللي شتتهم ابوك
جهاد : حتى ولو واساسا من قال اني سويت كذا تبي تكبر السالفه يعني
جواد بقهر : انت اساسا اساس المصايب كلها لولا اجرامك كان ماضاعت
جود ولا ضاعت بنتها ياليتك ماكنت اخوي
جهاد بعصبيه : اسمع رايك مايهمني انا بطلع الحين لعيالي خليتهم بالسياره
بس وربي اللي خلقني ياجواد لا شوفك مكمل عرض هالمسرحيه
ان تشوف شي عمرك ماشفته انت لو عندك احساس بامي ماسويت
اللي سويته افرض انها شافت هالمسرحيه ماهوب كافيها اللي فيها
تبي تزيد عليها
طلع جواد يركض وهو معصب من جهاد راح لمواقف السيارات العامه
وقعد يدور فيها مثل المجنون يدور على جود وهو يلعن جهاد لانه سبب
ضياعها المره الاولي والثانيه
التفت وشاف سيارتهم بعيد بس كانو ماشين كانت جود فاتحه الشباك
ومتحجبه بس ودموعها تنزل وهي سرحانها
صرخ بصوت عالي ولا اهتم باللي يناظرونه باستغراب لانه معروف
: جوووووووووود
بس للاسف جود ماسمعته لانها عايشه بعالم ثاني حركت سيارتهم وراحت
ركض لسيارته شغلها ومشى بسرعه كبيره وهو يدور عليهم
ماخلى مكان لا ولفه حتى الاشارات صار يقطعها صار يدور مثل
المجنون
وبلحضه مرت مثل سرعة البرق انقلبت سيارته ثلاث مرات بعد ماصدم
في شاحنه لانه قطع الاشاره
اجتمع الناس حواليه وهم يترحمون على صاحب السياره بعد ماتحولت
كلها لكومة حديد

في سيارة جود كانت سرحانه ودموعها تنزل فجأه حست باختناق
والاكسجين انقضى من حولها وقلبها مقبوض
جاهدت تبي تتكلم تبي تصرخ بس ماقدرت التفتت عليها هند بعد ماحست
بحركتها وانفجعت من وجهها اللي كان اسود
هند بخوف : جود وش فيك
نورا اللي كانت تسوق التفتت بخوف : شفيكم
هند بصراخ : نورا انتبهي للسياره وروحي للمستشفى بسرعه
نورا بارتباك : طيب بس شنو فيها جود
هند ودموعها تنزل وهي تشوف نظرات جود اليائسه : مدري اسرعي
بسرعه
هنا جود تكلمت بصوت خافت وهي تغيب عن الوعي : جـ ـ ـوجـواد

انقلوها للمستشفى وهناك قال الدكتور تعرضت لهبوط في الضغط حاد
بعد ماعالجوها رجعت لبيت نورا
ام نورا : الحمد لله على سلامتج يابنتي اذكري الله انشاءالله ربي يجمعج
فيهم كلهم
هزت جود راسها ودموعها تنزل
نورا : جود تبين تنامين
جود : ايه
خذتها نورا وودتها لغرفتها تنام وطلعت بعد ماطفت الانوار
اما جود ماجاها النوم تحس قلبها قابضها تحس ان فيه مصيبه جايه
بالطريق
قعدت طول الليل في سريرها واحداث المسرحيه تتردد براسها
قصيدة سعود الختاميه والاغنيه اللي انتهت فيها المسرحيه
لما اذن الفجر قامت وهي تحس بارهاق صلت وطلعت برا
قابلت نورا وهند اللي مانامو من همهم عليها ومن ندمهم انهم طاوعوها
وخلوها تروح للمسرحيه
هند : اهلين كيفك جود
جود بتعب وعيونها حمر من السهر والصياح : الحمدلله
نورا : جود تعبانه اوديج للطبيب
جود : لا مو تعبانه بس حاسه بضيقه فضيعه
نورا : طيب تعالي نطلع بالحديقه تشمين هوا
جود : يالله
اطلعو وجلسو على كراسي بالحديقه وهم يسولفون اما جود سرحانه
ومو يمهم
لما طلعت الشمس دخلو بالصاله وقعدو يسولفون ولما التفتو على جود اللي
كانت طول وقتها سرحانه لقوها نايمه ابتسمو براحه
نورا : الحمد لله مابغت تنام
هند : أي والله بس اللي شافته مو قليل مدري وش يحس به هالجواد
نورا : باين كل شي يبي يوصلها رساله واضن انها فهمتها
هند : الله يعينها بس
راحت نورا وجابت لحاف ولحفتها وعدلت نومتها وطفت انوار الصاله
عشان تاخذ راحتها بالنوم

نامت وما صحت الا على الظهر
فاتن : صح النوم
جود بابتسامه ذابله : صح بدنك
فاتن : كيفج الحين
جود : الحمد لله وين البنات
فاتن : نايمات للحين
جود : طيب اذن صلاة الظهر
فاتن : ايه تو الحين اذن
قامت جود : عن اذنك بروح اصلي
فاتن : اذنج معج واذا صليتي تعالي الغدا جاهز
جود : اوك
راحت جود وصلت ويوم سجدت نزلت دموعها وهي تدعي ربي انه يحفظ
اخوها لها ويجمعهم مع بعض خلاص بترجع معه ماعاد تبي الغربه تبي
تعيش بجمب جواد وامها
خلصت الصلاه ونزلت تحت لقت نورا وهند قايمات وحالتهم حاله مابعد
شبعو نوم
جود بهدوء : السلام عليكم
الكل : وعليكم السلام
ام نورا : ها كيفج الحين
جود : الحمد لله
ام نورا : طيب قومو يالله تغدو
قامو كلهم يتغدون
كانت جود تحرك ملعقتها بالصحن وهي سرحانها
هزتها سارا اللي كانت بجمبها التفتت عليها : نعم
سارا : ينادونج وانتي مو يمهم
رفعت جود راسها شافتهم كلهم يناظرونها
ام نورا : جود تحسين بشي يعورج
جود : لا خالتي
ام نورا : طيب ليش ماتغدين
جود : ايه الحين ان شالله بتغدى
تغدوا الا جود اللي سكتتهم بملعقتين وقامت مالها نفس تاكل شي
بعد الغدا جلسو في الصاله يسسولفون وجود تحاول تدخل معهم جو عشان
مايحاتونها
راحت سارا وشغلت التلفزيون وقعدت تقلب في القنوات
حطت على قناة الراي وكان يتكلمون عن مسرحية شتات الايام للمخرج
جواد خالد
نورا : سارا طفي التلفزيون
جود بحزن : لا يانورا خليها ابي اشوف جواد
نورا : جود الله يهداك تراك شفتيها امس وبعدين ازعاج وانا ماحب
هالبرنامج
جود : الله يخليك يانورا ابي اشوف جواد يمكن يستضيفونه
انقهرت نورا ماقالو على الله تسلا شوي عشان ترجع تشوفه من جديد
المذيع : اعزائي المشاهدين وصلنا قبل قليل خبر عاجل
بعد عرض مسرحية شتات الايام والتي لاقت استحسان كبير من قبل
الجمهور واحدثت ضجه اعلاميه بسبب محتواها الجريء
وبعد انتهاءها وخروج المخرج المبدع ومؤلف المسرحيه جواد خالد الـ .... من موقع العرض
تعرض لحادث اصيب على اثره باصابات خطيره قام اخيه رجل الاعمال
جهاد خالد بنقله على الفور الى السعوديه ليتم علاجه بين اهله
نتمنى له الشفاء العاجل ونرجوا منكم الدعاء له

جمود على الكل الا من صرخة جود اللي عرفت سر انقباض قلبها من
امس اغمى عليها نقلوها للمستشفى وقالو انها تعرضت لانهيار عصبي
بقو عندها هند ونورا يتناوبون بس كل ماصحت قعدت تصارخ تبي جواد
ويعطونها مهدي

في السعوديه كان جواد بغيبوبه وحالته خطره وللحين الاطباء مايدرون
وش بتكون المضاعفات اللي بيتعرض لها

كانت امه ماتفارقه واخوه جهاد اللي حس انه السبب بكل المصايب اللي
تجيهم وهو السبب في حادث جواد وضياع جود وليان حس انه مو قد
المسؤوليه كان مايفارق جواد وكل شي اهمله ولاعاد فكر في شي
الى الان جواد مافاق ويخافون لاتطول غيبوبته

في الكويت الساعه 8 الليل
بالمستشفى كانت هند عند جود دق جوال جود وردت عليه
محمد : الو جود
هند : لا مو جود من معي
محمد : انا محمد وين جود
هند : جود تعبانه
محمد باحباط : لاااااااااااا درت باخوها
هند : وش رايك يعني كل العالم يدرون وهي لا
محمد : طيب وش اخبارها الحين
هند : كل ماصحت عطوها مهدي لانها مصابه بانهيار عصبي
محمد بحزن : الله يشفيها
هند : هي تبي تروح تشوفه اخليها تروح ولا لا
محمد بحزم : الا خليها تروح
هند : بس اخاف يصير فيها شي اذا شافته
محمد : لا ان شاء الله بس لاتمنعونها من اخوها
هند : طيب وجوازها
محمد : وش فيه
هند : تخيل تدخل بجواز اخوها للسعوديه واخوها الكل يعرفه
محمد : طيب انتظرو لين بكره وانا باتصرف بس أي مستشفى انتم فيه
هند : مستشفى الـ...........
محمد: هي متى تبي تروح
هند بحزن : هي كل ماصحت قعدت تترجاني اوديها لاخوها بس هم
يعطونها مهدي
محمد بقهر : وليش تخلينهم يعطونها
هند : وش تبيني اسوي تراهم ادرى بمصلحتها اكثر مني
محمد : اسمعي اذا صحت وجاو يبون يعطونها ارفضي تبينهم يقتلونها
وبعدين خليها تفضي اللي بنفسها لا تذبحونها وهي حيه
هند : ان شاء الله
محمد : يالله مع السلامه وانااليوم باتصرف مع الجواز وارد لكم خبر بكره
هند : اوك مع السلامه

في اليوم الثاني الساعه 7 الصباح اتصل محمد
هند : الو
محمد : هلا هند
هند : ايوه
محمد : شوفي بيجيكم في المستشفى اليوم واحد اسمه سالم معه بيكون
الجواز حق جود اوك
هند : وشلون يعني جبت جوازها الحقيقي
محمد : لا هذا مؤقت لين تشوف اخوها وبعدين يصير خير
هند بصدمه : يعني جواز مزور
محمد : ايوه جواز كويتي مزور
هند : لا انا خايفه
محمد : وانتي وش دخلك لك ولا لجود
هند بقهر : حلوه ذي وش دخلني ترى جود صديقتي واخاف عليها
اكثر من نفسي
محمد : قلتلك مالك دخل تعالو على الطياره اليوم وبكون انتظركم في
المطار على فكره انا حجزت لكم يالثلاث الساعه ثنتين الظهر بتكون
طيارتكم للسعوديه
هند : نورا ماراح تجي معنا وبعدين انت في السعوديه
محمد : حاليا لا بس انا رايح للمطار بسافر لها ونورا تقدر تكنسل حجزها
المهم موعد الطياره لاتنسونه
هند : طيب
محمد : يالله انا كلمته وقال انه طالع لكم الحين يمديه وصل انزلي
للرسبشن وتلقينه عنده لابس لبس اسود وكبوس احمر
هند : اوك
محمد : مع السلامه
هند : مع السلامه
حطت الجوال وقامت بتنزل بس وقفتها جود
جود بصوت حزين : وين بتروحين له
هند : بروح اجيب جوازك
جود : جوازي
هند : ايه محمد جابلك جواز يدخلك للسعوديه عشان تشوفين جواد
جود بلهفه : نروح الحين
هند : طيارتنا بتكون 2 الظهر
جود بخيبة : ليش
هند : وشو
جود تبكي : ليش مانروح الحين
هند : استهدي بالله ياجود وهدي اعصابك عشان نقدر نروح ولا يعطونك
مهدي واذا على جواد حنا بنروح لاتخافين بس حجزنا في الظهر
امسحت جود دموعها : اوك
نزلت هند وحصلت سالم تحت خذت الجواز ورقت فوق حصلته باسم
هدى سالم السعيد
هند : تصدقين جود اللي جاب الجواز اسمه سالم
جود : طيب
هند : الاسم هنا هدى سالم يمكن جايب جواز بنته
جود : اها
هند : بس هو توه صغير باين انه عزوبي مابعد تزوج
جود بابتسامة صفراء : وش الدليل انه عزوبي
ضحكت هند : مدري احساس
جود : اها

الساعه 2 الظهر كانو بالمطار هند وجود ونورا وامها وخواتها ودعو
بعض وركبو هند وجود الطياره متوجهين للسعوديه
هناك في مطار الرياض كان محمد واقف ينتظرهم وصل قبل نصف ساعه
بس ماراح لشقته قعد ينتظرهم
اشر لهم لما شاف هند اللي كانت متحجبه اما جود متلثمه عشان محد
يعرفها
توجهو له يوم شافوه
محمد : هلا جود وش اخبارك
جود بتعب : الحمد لله
محمد : يالله نمشي
هند : وانا مامليت عينك تسأل عن اخباري
محمد : والله اشوفك زي الحصان مافيك شي ليش اسأل
هند : اعوذ بالله خمسه وخميسه قول ماشاء الله لاتصكني بعين
جود بضيقه : تكفون خلو الهواش بعدين ابي اشوف اخوي
محمد : تبين تروحين له الحين
جود : اكيد
نورا : بس انتي تعبانه الحين خليها بعدين
محمد : ويمكن بعد تلقين اهلك عنده
جود باصرار : ابي اشوفه الحين
محمد : طيب يالله تعالو من هنا السياره
راحو لسيارة محمد ووصلهم للمستشفى دخلو وجود من طلعو من المطار
وهي تبكي اول مره تشوف السعوديه من 12 سنه
نزلت جود وهند ومحمد قال بانتظركم في السياره
تلثمت هند ودخلو وسئلو عن غرفة جواد وتوجهو لها
هند : جود يمكن نحصل عنده احد
جود : واذا
هند : وشلون بتدخلين
جود : عادي اهلي
هند باستغراب : مو وقته ياجود تقابلينهم الحين
جود : مايهمني الا جواد وبس
هند : طيب افرضي يكون عنده اصحابه تعرفين هو مشهور واكيد اللي
يعرفونه كثير
جود : اذا وصلنا يصير خير
لما وصلوا لغرفته ماحصلو عندها احد بس كان في العنايه يعني ماتقدر
تدخل عليه بس تناظره من ورى الزجاج
كان راسه ونص وجهه مغطى بشاش والاجهزه موصله بجسمه وصدره
مكشوف وكتفه ويده اليمين ملفوفه بشاش
بالعربي كان متغير شكله بالمررره
وقفت تناظره بجمود تحس انها مو قادره تبكي مو قادره تطلع اللي بنفسها
نفسها بهاللحضه بس تضمه يمكن تنفك هالضيقه اللي بصدرها
نفسها تكسر هالزجاج اللي يمنعها منه
هند : جود
التفتت عليها جود
هند : ادعيله ياجود هذا اللي يحتاجه منك الحين
هزت جود راسها والتفتت تناظره بصمت اما هند عرفت ان حالة الصمت
اللي جاتها بالكويت جاتها الحين ماعرفت تتصرف بس كانت تتكلم عليها
تحاول تسحب منها أي كلمه بس جود مو يمها كانت تناظر جواد وساكته
لما عجزت هند منها قالت بضيقه : جود لا تسكتين كذا صيحي تكلمي
سوي أي شي بس لاتسكتين
جود : ...........
هند : طيب وش رايك نروح نسأل الدكتور عنه
بس جود ماردت عليها كأنها بعالم ثاني مو معها
خلتها هند وراحت للدكتور المسؤول عن حالة جواد
هند : لو سمحت يادكتور ممكن اسأل عن حالة جواد
الدكتور : جواد للحين على حالته
هند : طيب اشرحلي حالته
الدكتور : انتي من اهله
هند : ايه انا اخته
الدكتور : طيب انا بقولك كل شي عن حالته عشان اذا صار فيه أي
مضاعفات ماتنصدمون مع اني قلتها لاخوه بس اذا كنتي تبين تعرفين
حالته مباشره مني اقولها لك ماعندي مشكله
جواد متعرض لكسر مضاعف في كتفه ويده اليمين وتعرض
لضربه قويه على راسه بسببها دخل في غيبوبه وحنا اكتشفنا ان عنده
نزيف داخلي في الرئه وسوينا له عمليه عشان نوقف النزيف واذا ان
شاءالله تعدى مرحلة الخطر وصحى من الغيبوبه سوينا له عمليه لان جزء
من الرئه عنده متضرر وخايفين لايجيه تجلط فيها
هند بحزن : طيب يادكتور حالته خطره
الدكتور : والله يا اختي للحين ماتعدى مرحلة الخطر بس نقول ان شاءالله
انه في تحسن وانتو ادعوله الله يشفيه ويقومه بالسلامه
هند : الله يشفيه بس يادكتور العمليه هذي خطيره ولا لا
الدكتور : على حسب حالته
هند : طيب مشكور يادكتور
الدكتور : العفو
طلعت هند وهي متضايقه على حالة جود وجواد راحت وحصلت جود
على حالتها تناظر جواد وشافت رجال متوجه لغرفة جواد
راحت بسرعه لجود وهي خايفه لايكون هالرجال من اهلها
هند تسحبها : جود تعالي بسرعه
دفتها جود ورجعت تناظر جواد
هند : جود تكفين شوفي الرجال اللي ورانا يمكن يكون من اهلك
التفتت جود تناظر بس ماعرفته سفهت هند ورجعت لجواد
من جهه ثانيه
كان فارس جاي يزور جواد وشاف بنتين واقفين عند غرفته
بس ماعرفهم توقع انهم من بنات عمام جواد جلس ينتظرهم يخلصون
بس شكلهم مطولين
راح يسأل الدكتور عن جواد
فارس : السلام عليكم
الدكتور : وعليكم السلام هلا فارس تفضل
فارس : زاد فضلك دكتور مافيه أي تحسن في حالة جواد
الدكتور : والله يافارس فيه تحسن بس تحسن خفيف الله يشفيه
فارس : اللهم امين طيب النزيف ماوقف
الدكتور : لا للاسف
فارس بضيقه : طيب عن اذنك
الدكتور : ماتبي تدخل عليه ( فارس يدخل عليه داخل العنايه
والدكتور هذا هو اللي يتوسط له ويدخله لان ممنوع احد يدخل عليه )
فارس : لا ما اقدر الحين لان اهله عنده
الدكتور : أي صح تو جات تسأل وحده عنه تقول انها اخته المهم يافارس
انـ....
قاطعه فارس بصدمه : وش تقوووول
الدكتور باستغراب : وش فيك
فارس : أي اخت ووينها ومتى جاتك
الدكتور : شفيك يافارس جاتني وحده قبل دقايق تقول انها اخته وسئلت
عنه وراحت
طلع فارس يركض لغرفة جواد وهو يتمنى انها تكون جود

................... النهايه ....................

**ڷـِـِۑڷێ ..||«** · منذ /14-05-2011, 12:38 AM

لـآلـآلـآلـآلـآلـآلـآلـآلـآلـآ ...
ڪملـے اللـہ يرضى عليڪ ..
تڪفين أبغى أعرف شـﯛ بيصيــــــــر ..

ﯛقسم أحس دمعتـے بتنزل ..
ﯛحآلة جـﯛد وجـﯛآد تحزن مــــــــــــــــــررة ..

^
عآيشة جـﯛ مع الرﯛآية ..

أنتظر البآرت الـے بعــــدﯛﯛ

**أسِيفْ** · منذ /14-05-2011, 02:15 AM

أدري انهم بيزيفون في الخبر ويقولون له إنها مو أخته :d
حراام عليكِ فروسة :"(
قلبي تقطع ..><
جدًا متحمسة أعرف وش بيصير لهم ..
وليان ما عاد لها أثر في القصة !
اااخ يا جود من جد أحس إني عايشة معاها الاحداث :(

شكرًا يا عسسل
بانتظاارك ؛)

**شعاع الاكوان** · منذ /14-05-2011, 07:18 PM

البارت يجنن

وجووود تتتكسر الخاططر

جووآآد يالييته في جههاد ولا فييه

ماافيني صببببر

**B S O M A** · منذ /14-05-2011, 07:56 PM

لآ فر و و و سـﮧ . .

مآ أتفقنآ ع ڪذذآ × × " ! > . .

طول الآسسسبوع ننتظر و بالنهآيـﮧ قصصيير ؟

من ججدد حمآإسسس

()

جوآد . .

مرآإ يققطع القلب . . تڪفين لآ تخلينـﮧ يموت زي الروآيآت البآقيـﮧ ، أي وآحد له دوور و ڪذآ يموتنـﮧ

جو و و د . .

تحززن أڪثر من أخوهآ = ( ، إن شاء اللّـﮧ فآرس يعرف أنهآ جود !

لڪن ع قول فستآن أحسس أنـﮧ . . بيڪذبون عليـﮧ

ليونـﮧ

أختفى أثثثرهآ ليش مآ تجي نبي نعرف وش صآر لهآ ؛ إن شاء اللّـﮧ تعآفت !

بس تصدقو و ن أحس أنو ليآن بنفس المُستشفى ذآ و تشوفهآ جود و و مدررري !

ڪملييييييييييي . . ترآ أززعل زعععل ڪبيير مآ يرضضيني إلآ بآرت طو و و يل

بإنتضآرڪ فـ أسسرع وقت تڪفين نززززلي

()

**Ćąяŏľĭņǻ** · منذ /15-05-2011, 12:04 AM

يـآ آ آ آ ي

[؛]
[؛]

ڪڪڪڪملي بل’ـييز ..!

ولـآ, تخَـلييين ججججوآد يمممموت ؛

وخخخلي البآ آ آ رت ططويل ..!

لأآإن؛ الرو آ آ آ آ يـﮧ تخخخخخقق ؛..

حممآ أ إ آأ إس قدنن ’..

()

**мħāωψ** · منذ /15-05-2011, 03:35 PM

بليززززززز
كملي وربي الرواية تجنن
بس بليز كمليهآآ ولآ تتركينآآآ
أنتظرك بفآآرغ الصبر

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

روايتي الاولى ( عهد على ذكرى الالم والمهانه لآخذ بثار دموعنا ياخفوقي)

الـقـصـص و الـروايـات