رواية {اكبر قهر لاضاع عمرك ورى انسان تبي غلاه وهو يبي انسان ثانـــي }

**بنوتة دوت كووم** · منذ /17-02-2009, 12:40 PM

يالله تكفين كمليها

**مسز كشخه** · منذ /17-02-2009, 02:28 PM

~ بنتظآآرك ~

**هاكذا علمتني الحياة!!** · منذ /17-02-2009, 03:17 PM

الجزاء العاشر "

مدخل "
تعالي ... تعالي
ضاعت الأحلام ..
وماظني بلاقيها لحالي ..
تعالي .. نبعد الألام من حولك .. وحولي

رجعو المخيم وهم راجعين شافت رسيل عبداله طالع من المخيم
ماتدري المسكين انه بيكلم عهود
إلى وتلفت انتباهها عهود طالعة من المخيم
شكت رسيل في الموضوع
رسيل في نفسها معقولة لا لا مومعقول اكيد هذا الشيطان
اعوذ بالله
سارة : قلبي اشفيك
رسيل : لا لا ولا شيء

عبدالله يدق على عهود
عبدالله : هلا قلبي
عهود : اهلين حبي
عبدالله : اه اذوب انا وين الأقي مثلك والله لو الف الكون ماألقى مثلك
عهود بخجل : عبودي
عبدالله : قلب عيون الي تبين عبودي
عهود :انت تدري ان بكرة راجعين والله بتو حشني
ماتنسى تدق علي
عبدالله : اكيد قلبي ماراح انساك
والحين وش رايك نقفل من الموبايل بصراحة انا ودي اجلس معك واسولف بدون
موبايل
عهود بخجل : عبودي استحي وبعدين اخاف احد يشوفنا
عبدالله: لاحبي الحين كلهم نايمين يالله اذا كان لي خاطر عندك
عهود : اوكى قلبي
عهود كانت لابسة بنطلون جينز اسود وتيشيرت اخضر وفاكة شعرها
طالع شكلها حلو
مشيت بعيد عن المخيم طبعاً عبدالله حدد لها مكان
شافها عبدالله سلم عليها خد
عبدالله بجدية :اش هالجمال
عهود: عبدالله
عبدالله : مسك يدها عهود احبك
عهود : وانا بعد
جلسو يسالفون

----------------------------------------------------------------
مخيم الشباب الكل في سابع نومة
تلفون سلطان يدق سلطان :يناظر الموبايل سعود
سلطان : هلا والله سعود
سعود: اخبارك يالدب والله وحشتنا
سلطان : سعود لحظة الشباب نايمين وانا بطلع برا اكلمك
دقيقة على بال مااطلع
سلطان طلع يمشي برا علشان يكلم سعود على راحته
ايوه سعود اخبار الشباب
سعود: والله بخير يسلمون عليك
سلطان : ياحليلهم وربي وحشوني
سعود : متى راجعين من الكشتة
سلطان : ان شاءالله بكرة
سعود :ها كيف فليتوها
سلطان: وربي فلها من جد
سعود : ترى الشباب مستاجرين استراحة منتظرينك
سلطان : ان شاءالله انتو تامرون
سلطان شاف اخوها
سعود لحظة ... سلطان في نفسة:يطالع بسم الله مين معه يطالع زين
سلطان : سعود ابوي يناديني اكلمك بكرة
سعود : انشاءالله حبي مع السلامة ...سلطان : مع السلامة
سلطان شاف اخوه ماسك يدها
اوريك يالحقير ... رجع المخيم يفكر لو شافهم ابو نايف او ابو رسيل او ابوي
وربي لاتصير سالفة
اوريه

--------------------------------------------------------------------------
الساعة 3:00
عهود : عبودي قلبي الوقت متأخر انا لازم ارجع
عبدالله: اوكى قلبي
باي
__________________________________________________ ____
الساعة 12:30
ام نايف : بنات يالله قومو افطر وجهزو اغراضكم
ام رسيل تقوم ريما ورسيل
يالله بنات قومو الفطور جاهز ... رسيل ريما : يالله يمة قايمين
ام نايف : عهود عهود والسمخ قومي
عهود : ياربيه والله حالة
ام نايف : قومي قبل ما انادي ابوك
عهود : اعوذبالله مافي راحة
طيب بقوم ... احلام :صباح الخير دودي يالله قومي ...عهود : يالله قلبي
احلام انتظرك انا بروح افطر
الكل قام راحو يفطرون
بعد الفطور الكل قام يشيك على الشنط وش الي ناقص وش باقي

------------------------------------------------------------------------------------
في مخيم الشباب سلطان يطالع عبدالله بأستحقار
عبدالله : شسالفة سلطانوه مسويلك شيء
سلطان مارد عليه
عامر : صباح الخير
ابو نايف اي صباح الظهر يالله قومو صلو
فهد يضحك تفشيله قويـــــــــــــــــــــــــة
سلطان عبدالله فهد
هههههههههههههههههههههههههههههههههههههههه
قامو يتوضون على شان يصلون

-------------------------------------------------------------------------
الساعة 2:55
ابو رسيل
ابو رسيل : يالله ياام رسيل انا في السيارة
انتظركم
ام رسيل : يالله بنات اظن سمعتو كلام ابوكم
ماري شيل الاغراض وحطيهم في السيارة بسرعة
البنات يودعون بعض
رسيل : يالله ان شاءالله نتلاقى بينا اتصال لا تنسون
البنات :يالله قلبي نتلاقى قريب ان شاءالله
رسيل : ان شاءالله يالله حبايبي
سارة تعالي ماعطيتيني بوسة امووووووووووووووة
رسيل : ماتنسين الكلام الي قلتلك اية عن s
سارة : ههههههههههههههه اوكى ولا يهمك

-------------------------------------------------------------------------------------
ابو نايف وابو عبدالله يالله حتى احنى ماشيين
يالله الكل يتجهز
طبعا تجهزو والكل ركب السيارة
--------------------------------------------------------------------------------------
في سيارة ابو نايف هو كبير في السن والسواق الي يسوق
الكل نايم ماعاد السواق وابو نايف
السواق فيه نوم عيونه تغمض وتفتح
ابونايف :قوم قامت قيامتك قم
السواق : بابا انا مافي نوم بس انت في شوف انا نوم
ابونايف : سوق وانت ساكت
----------------------------------------------------------------------
في سيارة ابو رسيل
موبايل رسيل يصفر في مسج
رسيل تفتح موبايلها .... الرساله من نجلاء
كيف قلبي وربي وحشتيني يالدبه
لا اتصال ولا حتى مسج
صدق من قال من لقى احبابة نسى اصحابة
رسيل ترد لها مسج
ياعمري يانجول وربي ما نسيتك وابشرك انا في الطريق راجعة للبيت
وربي حتى انتي وحشتيني اكثر وان شاالله اكلمك

انتظروني في الجزاء القادم وان شاءالله
استانستو مع الجزاء وعلى فكرة ماراح اطول عليكم بالاجزاء
بس ابي ردود زينة

**L м σ σ ѕ н** · منذ /17-02-2009, 04:43 PM

مشكوووره حبيبتي

بس ياريت يكون اليارت أطول

**هاكذا علمتني الحياة!!** · منذ /17-02-2009, 04:50 PM

بنوتات ابي تشجيعكم
ما ابي كلمة مشكورة , يسلمووو
على تعبي والقى ردود زي كذا

**مڷڪَہِۧ بهيبٺهَآ** · منذ /17-02-2009, 06:05 PM

ويني بث عن هالآحدآث ><

عبدالله صدق وإلآ .. ؟ ؟ ..

مممممممم
أحس الآحدآث قليله والبارت قصير مو .. ><

ياليت تطولين البارت الجآي ^^"

**s o r a - s o u l** · منذ /17-02-2009, 09:48 PM

ياااي الباارت رووعه

نفس كلام ملووكه
عبدالله يتكلم عن جد ؟؟

بانتظآآر الباارت الجآآي
و يا ليت تطولينه

**هاكذا علمتني الحياة!!** · منذ /17-02-2009, 09:59 PM


المشاركة الأصلية كتبت بواسطة الطَموحَه ياااي الباارت رووعه نفس كلام ملووكه عبدالله يتكلم عن جد ؟؟ بانتظآآر الباارت الجآآي و يا ليت تطولينه

يالب قلبك بصراحة اول رد رفع من معنوياتي

اي عبدالله يصير يحبها من جد
من وقت ما قابلها

**مسز كشخه** · منذ /18-02-2009, 07:08 PM

والله القصه رووعه
والله ابدعتي بجد
قصتك بجد خطييره
يلآ لاتطولين علينا
في البارت الجاي
بنتظآرك يالغلآ

**[ أحَ'ـآسيـس ]** · منذ /18-02-2009, 07:50 PM

مـسكيـنة رسـيل أحـسـن شـخـصـية عـجبـتنـي رينـآد رغـم إنـك مـآ تتكـلمـين عـليهـآ كثـير . ~
رآgية مدهشـة سلمـت أنـآملـك الألمـآسية ~ > دآيمـآ يقـولـون الذهـبية قـررت أغيـرهـآ !
المـووهـيم ننـتظـر التـكمـلة .
دمـتِ بـg gد .

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

رواية {اكبر قهر لاضاع عمرك ورى انسان تبي غلاه وهو يبي انسان ثانـــي }

الـقـصـص و الـروايـات