سعودية ذوووق
انا كمان مش مرة بلبل في الأنجليش بالرغم اني أخذت الدرجة الكاملة في التوجيهي فيه
بس بالنسبة للمحادثات أتلخبط
في الحاسب عندنا كورسين انجليش بس
في المستوى الأول والثاني
المستوى الأول كان بصراحة دراسة الأنجليش زي كأنك في مدرسة .. قاعدات و قراءة وزي كده
اما المستوى الثاني كان أصعب بشوي .. مش صعب مرة بس مو زي المستوى الأول
كان محادثة .. يعني تناقشك الأستاذ/ة في أي موضوع هي تحدده و بالأضافة الى قراءة و قاعدات
هذا بالنسبة لنفس مادة الأنجليش
أما مواد التخصص (الحاسب) فهالسنة كانت أول سنة يطبقوا فيها خطة جديدة عندنا في مكة بأنه دراسة الحاسب تكون بالأنجليش مش بالعربي زي دايماً
وصراحة المصطلحات كانت جداً بسيطة ممكن من اللي بنستخدمها ونسمعها في حياتنا اليومية
وممكن تكون جديدة عليكِ في المستوى الأول لكن بعد كده حتتكرر في المستويات الجاية
وما كان عندي أي مشكلة .. لأنه صحيح احنا بنكتب مع الأستاذ بالأنجليش .. لكن شرحه كان مزيج بين الأنجليش والعربي .. والعربي كان أكثر
فيعتمد على أسلوب أستاذ المادة
وياليت تسألي بنات الحاسب حقون جدة يفيدوكِ أكثر .. لأني اللي أعرفه انه نظامكم مش زينا
انتِ حطي قدامك شووو ممكن تدخلي ؟؟؟
خلي لنفسك اختيارات ؟؟؟
شوفي كل قسم .. وايش مميزاته .. وسلبياته ؟؟
وهل يتوافق مع طموحك ؟؟؟
سمعت انه قسم أدارة الأعمال حلووو بس ماعندنا طبعا في مكة ....
وأخوي كان يبغاني أدرس في جدة عشان هالقسم
ان شاء الله تكون ثرثرتي أفادتك خخخخخخخخخ
تحياتي