>>>اللي تبي عطرها يقول تعالو فلانة حضرت<<<

[حنين الغربه]

السلام عليكم

اللي تبي عطرها يقول تعالوفلانةحضرت..والريحة تلزق بكل من يلمسهاتتفضليالغاليات هذي طريقتي لاصرترايحة لسهرة او مناسبة كبيرة عشان ريحة العطرتلزززق وماتروح لوتسبحين
هالطريقةقالتها لي فرنسية تشتغل بسيفورا في باريس وكتبتها بمنتدى
المهميلزمك عطر+طقمه كامل+بودرة مسك+تولة دهن عود أو دهن ورد(وهذي اضافة مني طبعا مو من الفرنسية)

انا اول مرة سويتها يوم زواج خالي والنتيجة كانت فتاكة الريحة ضلت لثاني يوم لا وماسكة بالفستان وفيني بعد وبفراش السرير كم يوماول خطوة بتركيز جيبي صابونة العطر اللي جات معه (اذا ماعندك جيبي صابونة معطرة بالورد او المسك وان لقيتي بالعود) لكن لاتطنشين الخطوة هذي ضرورية)
اقطعيها بسكين شرايح صغيرة .. فستان الزواج خذ مني 6_7 شرايح اما السهرة 3 شرايح تكفي وممكن 2 اذا كانت الصابونة حقت العطرجيبي فستانك النظيف وافرديه على الأرض وحطي شريحة على الصدر وشريحة على اسفل الوسط وشريحة تحت...ثم اطوي الفستان على جنب بهدوء عشان مايتعفس ويتجعد يعني اطبقي الجهة اليمين على اليسارطبعا هالشغلة يلزمها شرطين اولا تكون الخطوة قبلها بليلة او على الأقل 10ساعات وثانيا يكون الفستان نظيف،قبل المناسبة وقبل الميك اب وقبل السشوار طبعا بتتسبحين يالله الحين خذي الشرايح اللي بالفستان وارجعي اطبقيه مثل ماكان عشان يحتفظ بالريحة وحطيها بصحن صغير فيه شوي ماي بحيث انه يغطيهسبحي شعرك زين مازين افركي جسمك بالليفة زين مازين آخر خطوة تاخذين شرايح الصابون اللي كانت مغمسة بالماي تجانست معه وصارت مثل المهلبية اوكيه الحين خذيها واغسلي فيها شعرك ورقبتك وكفوفك ( أباطك ) ورجولك اذا كان عندك حساسية انتبهي وانتي تغسلين شعرك انه ماينزل لوجهكلاطلعتي تكون الخدامة او أي احد عندك بالبيت مجهز لك المبخرة حطي فيها كسرة عود وخلي المبخرة تحتك وجيبي اللوشن تبع العطر وادهني جسمك كله الى اسفل رجولكوبخري شعرك الى ان تحسين البشرة تشربت اللوشن، الحين جيبي بودرة المسك وامسحي كل جسمك بهاكل هذا والمبخرة جنبكيالله صلحي مكياجك وشعرك وادهني رقبتك واماكن النبض يالعود وقبل تلبسين الفستان عطري جسمك بعطركالبسي الفستان ولاتعطرينه..خلي العطر عليه رتوش بعد ساعتين او اكثر شوي ولاتكثرين عشان ماتغطي على ريحة العود والبخورملاحظة: فيه عطور معينة هي اللي تتجانس مع العود وتعطي ريحة تخبلللللللا تخافون الطريقة مرة سهلة بس الشرح اللي طويل

عاد يلا لاتحرمونا

من ردودكم الحلوه

المصدر: منتديات بنات دوت كوم

---

>>>hggd jfd u'vih dr,g juhg, tghkm pqvj<<<

الموضوع الأصلي : >>>اللي تبي عطرها يقول تعالو فلانة حضرت<<< || القسم : المخالفات || المصدر : منتديات بنات دوت كوم || كاتبة الموضوع : حنين الغربه

[ليلو الحلوة]

مشكووورة ع الطرق ...

رااح اجرب منها و..

كل الود..^^..

[سومي]

مشكووورة عالطريقهـ
^^
جآري التجربهـ
ودمت..

[دموع القلب]

شكراً بس هي مضمونة الطريقة
نعتمد عليها لان أنا أشتري عطور بس ماتطلع ريحتها
صرت ما أشتريي عطور
بس بعد نبي أسماء عطور حلوة بس ماتكون غالية

[بسمة وردية]

موضوع راااااائع

أنا بصراحة صار عندي هوس عطور
أبخ منه كثييييير و أحس أني ما أشمه!!

الله يجزاك خير على الطريقة:)






.

[بنوتة مزيونة]

تسلمين الغلا

[علمتني الحياهـ]

الله يعطيك العافيه
على هذا الطريقه