أهبب هبابــــــــــــــــــه مهببـــــــه هببتيــــــــــــــــــها ....

[اشواق]

سلامين و4 حتت ......

يقال في المثل (لكل جواد كبوة .....)

وانا اقول (لكل قدودة هبهوبة ...)




يعني ساعات نسوي اخطاء وندري انها أخطاء

لكن ليش نسويها هنا يكمن السؤال ؟؟

لكن أنا استنتجت ان السبب يعود لإنسداد

مؤقت في شريان الإدراك والوعي والمنطق ..

وهي حاله غالباًماتصيب المبدعين (مثل حاله

إنفصال الأسلاك حقت الأذكياء)....



الهبابات اللي مرت في حياتي بصراحة كثيرة

لكن بذكر لكم منها على سبيل المثال

..مرة كان عندي خاتم (من العيار التئيل )حسيت

ان لونة مطفي وفصوصة ماعاد فيها بريق زي

اول فقلت ليش ما انتشلة من حالة الإكتئاب

اللي هو فيها والمعه ....واخذة واودية لمغسلة

الإيدين (كان يصرخ ...لا لا لا لا لا لا لا ...بس

ما سمعتة )واجيب شامبو جونسون

...يقالي عشان يكون رقيق علية

واجيب فرشة وهاات يادعك وهااات يافرك

وهااات يااااااااااا ...




وين الخاااااااااتم ؟؟؟؟بححح تزحلق وطاح في فتحة المغسلة ..إلى غير رجعه ..


بغيت اطب وراة بس خفت ينشب راسي

..شفتوا نتيجة اللي يستعمل الجونسون

(يعني مهوب مني الخطأ)...



ومرة ثانية ..وعلى

نفس المغسلة المشؤمة .. ..كان عندي

عدسات لونها تركواز خرافي ...كل من شافها

سالني عنها ...وجيت مرة من عزيمة واتجهت

لمسرح الجريمة السابقة وقعدت اطلعها من

عيني ..وهووووووب ...في فتحة المغسلة ..



شي غريب صح ...بس انا متأكدة ان اللي كانوا

في العزيمة كان عينهم فيها ..

(إصرار آخر على البراءة )



ودكم تسطروني صح ؟؟؟

انا ما الومكم لأني بغيت اسطرني ..









..والهبهوبة الثالثة... عاد هذي مهببة بمليون

هبابة ...وفريش مرةة افرش شي ....

السواق ,حقنا ضيع مفتاح السيارة ..

وعطيتة المفتاح الإحتياطي ..

وانا عندي كرت من الشركة فيها رقم كود

تودينه الوكاله يطلعون لك مفتاح ثاني بس

يطول الموضوع يمكن شهر لأنهم يجيبونة من

برا ..المهم ..انا قلت لزوجي أن المفتاح ضاع,

وقال خلاص بكرة خلي السواق ياخذ الكرت

ويودية الوكاله عشان مايضيع المفتاح الثاني

ونتوهق ..طقيت الصدر وقلت ابشر وانا

قدها ..وجاء بكرة ...



وجاء الاسبوع اللي بعدة.



وتوالت الأيام ..



وزوجي العزيز :وديتوا الكرت للوكالة؟؟؟؟؟

..انا :هاةةةة !!!!!!!!!!!!!

...أي كرررت؟ ..آيي ...الكرررررت .....ابشر ,بكرة

إن شاء الله ..


الاسبوع الثاني ...:قصيتوا المفتااااح ...؟؟؟

انا :وشووو ....آآيية ..المفتااااح ....لا .....بكرة ..





وهكذا استمر مسلسل الكرت والمفتاح حتى

وصلنا للحلقة الأخيرةوبدون سابق

إنذار ..ضاااااااااع المفتاح . وانتهت الحلقة بموت

البطلة اللي هي كرامتي اللي

تبعزأت ..بعد ............................ضي ااااع

المفتاح ..وبعد شد وجذب وأخذ وعطاء!!!



(هو في الواقع كان أخذ وأخذ لكن مشفر )



شلنا السيارة على سطحة ..ووديناها

الوكاله ...وتم تغيير كامل البرمجة الكهربائية

للأبواب والماكينة ..وترتب على ماسبق ...







1-خسائر فادحة بمبلغ محترم من 4 خانات ..

(يجيب لة 4 دبابات و3سياكل )

2-هدرلابأس بة من ماء وجهي اللذي ضاع مابين

توزيع الإبتسامات والتميلح بداعي وبدون داعي

3-ضياع لبعض المواعيد والمشاوير الهامة..

4-الإستسلام لبعض النظرات القاتلة اللتي

تدافعت على خشتي اللتي مازالت تتميلح ,,

(طالع يرمي نظرات حمراء منقطه ببرتقالي ..

نازل يرمي نظرات بنفسجي مخطط باسود ).

5-فقداني لبعض الثقة الممنوحة لنا من سي

السيد محافظ الجمهورية ..

واخيرا ...استنتجت مما حدث ..انة...



(لاتستعملون شامبو جونسون ..)..



(ولا تلبسون عدسات عند الناس ..البسوها في

بيتكم )..



(لاتؤجل مفتاح اليوم للغد ..وإذا اجلتوة ,

لاتتميلحون واجد)..


وروونا عاد هبهوباتكم المهبهبة بستين هبابه ..


مع العلم انة يوجد ترشيح للهبابة المتميزة للفوز

برحلة لجزر الواق الواق ...للترويح عن النفس

وترميم ما يترتب على هبابها .
****منقول****

المصدر: منتديات بنات دوت كوم

---

Hiff ifhfJJJJJJJJJJJJJJJJJJi liffJJJJJJJi iffjdJJJJJJJJJJJJJJJJJJih >>>>

الموضوع الأصلي : أهبب هبابــــــــــــــــــه مهببـــــــه هببتيــــــــــــــــــها .... || القسم : المخالفات || المصدر : منتديات بنات دوت كوم || كاتبة الموضوع : اشواق