][][§¤°^°¤§][][مبـــــــــــــروك النجــــــــــــــــــاح ][][§¤°^°¤§][][

**دلوعة أمها** · #1 06-02-2008, 11:17 AM

بسم الله الرحمن الرحيم

السلام عليكم ورحمة الله وبركاته

يسرنا أن نهنئ جميع الطالبات اللاتي وفقهن الله

واجتازوا هذه السنة الدراسية بنجاح

كما نهنئ جميع خريجات هذه السنة وعقبال الدكتوراة والوظيفة =)

ونقول للجميع ألف الف الف مبروك ..

ولمن لم يحالفهم الحظ فنقول لهم خيرها بغيرها إن شاء الله

والعوض في الجايات , والقادم أحلا بإذن الله

وهذه هديتنا لجميع الناجحات وجميع الخريجات

الفرح طـِقـّت طـْبـوله وعمّ السرور
..................... وماحلا ياليالي الصيف طعم النجاح

النفـوس امتلت يوم التخرج حبور
..................... وانتشت عـقـب ماهي في جهاد وكفاح

يوم حفـل التخرج والحبايب حضور
..................... والسعد بان بشفاه الخلايق ولاح

البلابل تغـّـنت مع جميع الطيور
..................... والشجر قام يرقـص مع هـبوب الرياح

والعذاري بغنجهـن يشعلنّ البخور
..................... والأماكن ملاها العطر والعطر فاح

ومرت الذكريات اللي بوقـت البكور
..................... يوم كل ٍ على فاله يقـوم الصباح

آحد ٍ في سرور وآحد ٍ في دبور
..................... آحد ٍ نام واحد ٍ طار نومه وراح

راح ينهل معين العلم والعلم نور
..................... بين جد وحماس وبين ونس ومزاح

والله ان الدراسة ذكريات ٍ تدور
..................... في زوايا خفـوق ٍ صار كبر البراح

كثرمافي الدراسة من وقـوف وعـبور
..................... كثر مافي الكراسي من تعب وارتياح

ومرّت ايام وايام وسنين وشهور
..................... ناس نالوا فلاح وناس مامن فلاح

وعـقـب طيّ الصحايف مابه أحْـد معذور
..................... من توفـق توفـق وانتهى واستراح

ومن تعـثرّ عـساه اليوم أتلى عـثور
..................... والعوض في الليالي المقـبلات الملاح

الحفـل تنحفـر ذكراه وسط الصدور
..................... وكل ناجح لبس له يوم حفـله وشاح

كم وكم طفـل في عـمرالصبا والزهـور
..................... ماقـدر يوصف بْشارة نجاحه وصاح

وكم بنات وشباب ٍ بالحماسة تثور
..................... نجْحَوا وْكل منهم خف حمله وطاح

عمّت الفـرحة اشفاهـم وزاد السرور
..................... واطلقـوا للوناسة والسعادة جناح

والله ان النجاح يفـوق وصف وشعور
..................... وطعمه أحلا من الماي الزلال القـراح

في ليالي النجاح نشوف لهـفة حضور
..................... وكل شي ٍ سوى اللي حرم الله مباح

ذاك زين الشباب وذيك بدر البدور
..................... كل منهم تهلل واعـتلاه انشراح

ألف مبروك ياللي بالظفـر لك ظهور
..................... ياعسى الله يدلك صوب درب الصلاح

ياعسى هالتخرج لك حجاب ٍ وسور
..................... عن دروب الضلال وجعل درب سماح

ولكن منا هذه الإهدائات البسيطة ^_^

::

::