الاغاني.................................

[FuNkY PiNk]

من واقع تجربتي .. حياتي بلا أغاني لها معنى تاني


بسم الله الرحمن الرحيم


صراحة في موضوع أبغا أتكلم عنو و مره مضايقني ..


الأغااااااااااااااني ,,,


أنا أعترف إني كنت زيي زيكم أسمع أغاني بس الحمد لله ربنا هداني و بقناعة من نفسي ,,

بس لما جيت أبغا أبطل أغاني واجهتني عوائق كتير في وجهي و لقيت انو الأغاني ورايا ورايا في كل مكان ,,


حسبي الله ونعم الوكيل ..


مثلن في راديو السيارة و الـ fm شغال ما أقدر أحكم عليهم انهم يقفلوه بحكم اني ماني موبينة لأهلي اني بطلت أغاني لاني ما ابغا اجيب تعليقات لنفسي ودا الشي بيني وبين ربي مالو داعي احد يدري انا ايش بسوي فأضطر احط الآيبود في أدني احط فيه اناشيد ادعية و أسود ادني ..


في عائق تاني الي هو التلفزيون صح اني مابحط على ميلودي ومزيكا ودي الخرابيط بس لازم في التمثلية في الاعلان في برنامج لازم من الطنطنة دي اضطر كل شوية أرخي الصوت ..


طيب غير التلفزيون جوالات الناس دي مالها حل حل غير اني استغفر ربي ,,


طيب الافراح كلها أغاني وطقطقة ومضطر تروح عشان صلة رحم ,,
بس في فرق بين انك تروح الفرح تأدية واجب وتعطي الاغاني طناش و بين انك ترو وتشجع وتصفق و تطلع ع الكوشة وهاتك يارقص ماتخلي اوغنية على قلبك الا وترقص عليها مو ؟


طيب والحــــــــــــــــــــــل ؟!!!!!


مافي غير انك تتقي الله قدر ما استطعت والاعمال بالنيات صح ,,

.......................



منتو ملاحظين انو الأغاني سارت عادة ؟....


حتى البزورة الصغار يمشو ويغنو حبيبي ومبيبي و تلاقي امو مبسوطة وصف سنونها باين صار الحب عاادي وتشجع بنتها و تصفقلها عشان تكمل رقص ليش نعلمهم من يوم وهما صغار على الحب والمحبوب ويكبر عليه و مايحسوا انو دا الي بيعملوه غلط دام لقو تشجيع من اهلهم ..
ليش مانعلمهم ونزرع فيهم من بدري حب الله و الصلاة عشان يكبرو عليه بدل المسخرة دي ..


كلنا نعرف انو الاغاني حرام طيب ليش مستمرين عليها ؟!!! ومننا حاسين انو الي بنعملو دا غلط ><


طيب أقولكم شي وياخوفي نكون منهم ..


تدرو انو الرسول عليه الصلاة والسلام قال انو يجو اخر الزمان ناس يحللو الاغاني و يتمسخو قردة وخنازير !!!


دا الحديث .. قال الرسول صلى الله عليه وسلم : (( ليكونن من أمتي أقوام يستحلون الحر والحرير و الخمر و المعازف و لينزلن أقوام إلى جنب علم يروح عليهم بسارحه آخرين قردة و خنازير إلى يوم القيامة )) رواه البخاري .



ليش نسمع الأغاني إذا كان في بديل (( الأناشيد )) !!!


لحد يتريق إيوا أناشيد أنا قبل ما أبطل أغاني كنت أضحك اناشيد انا اسمع اناشيد كان على بالي الأناشيد طائر النورس حلق بجانحيه وصفق ولا يا طيبة قلت بالله ايش دا !!


بس لما من جد عقدت العزيمة وكان ترسلي وحدة يارب يسعدها اناشيد وتسمعني من جد مرة خطيرا واحلى من الاغاني بستومية مرا . >> سبحان الله مغير الاحوال

طيب حديكم كم مثال وانتو أحكمو أيش أحسن ::

نبدأ بالاناشيد ..


1- حياتي كلها لله فلامولى لنا إلاه .. أحب الله جل علاه و من حبي له أخشاه
أصون النفس أحميها .. بنور الله أهديها
بحب الله اسقيها لتفرح عندما تلقاه .

2- اصبر ولا تزعل ترا في الصبر تفريج الهموم و الليل لو اظلم ترا يشع بدره والنجوم

3- لك يا حبيب الله اهدي تحياتي بلغ الحنين مداه فمتى اللقياتي من نور احمد نهتدي و بهدي طه تقتدي

4- ربي همومي أثقلتني ربي المعاصي أتلفتني و القلب قد صار كصخر من كثرت العصيان هذة دموعي أغرقتني أبكت عيوني رغم أنفي رحماك يارباه إني تائه حيران.

ودا رابط لمقاطع من الاناشيد حملوها منتو خسرانين شي ويمكن تتغير نظرتكم عنها ^^ و يارب تعجبكوم ومرا شوكرن للي عملتلي دي المقاطع الله لايحرمني منها يارب

http://ppc.fm/F@temp/color.wma


نجي لكلمات الأغاني :


1- لاتلعب بالنار واوا أح لا تخليني غار واوا أح

2- يا نار شبي بين ضلوعي >> غبار

3- فيها أيه لو أكلمك صاحبك و ألم الناس حوليا لا تخلي الغيرة تصاحبك وزي ماليك حق أنا ليا


هااااا ... بشروووو حسيتو بالفرق بين الاتنين ؟!!!


الأناشيد كلمات هادفة تحرك من قلبنا شوية و تخلينا نحس بربنا و تزكرنا بيه
وفيديو كليب الاناشيد مرة حلو تحس انك بتتفرج فيلم قصير له حكاية هادفة تستشعر وتحس بالموقف و كل كليب يختلف عن التاني لانو كل انشودة تطرح موضوع معين ماتخليك تتملل

عكس الاغاني الي موضوعها واحد الي هو الحب و كلمات مسخرة وقلة أدب يخلينا زي الارقوز ننطنط مننا فاهمين شي يضحكو على عقولنا ..
و بالذات الفيديو كليبات الاغاني كلها مناظر هابطة عري و تحريك شهوة وما خفي كان أعظم و تزكرو العين تزني و زناها النظر ..



عارفين أيش عقوبة الي يسمع أغاني ؟!!!


يتصب في أذنه الآنك و عندما سئل الرسول صلى الله عليه وسلم ما هو الآنك؟ قال : الحديد الذائب من شدة حرارته الله يبعده عننا يا رب ..


ليش نمشي في السكة الغلط ليييييييييييييش ؟!!!!!


الي يسمع أغاني في الدنيا ما يسمع أغاني في الجنة .. زي الي يشرب خمر الدنيا ينحرم من لذة شرب خمر الآخرة ليش نحرم نفسنا و نستبدل الألذ و الأبقى بالفاني و داكا الوقت نتمنا انو لو ماكان سمعنا في الدنيا عشان نسمع موسيقى الجنة وساعتها هل راح ينفعنا الندم ؟!!!!!


طيب عندي لكم سؤال ؟

انت مرتاح وانت تسمع الاغاني ؟!!!!!


أتحداك إذا كان قلبك مرتاح أو مطمن تدري ليش لأنك مســـــــــلم
والمسلم قلبه دليله مايرتاح لذنب ..
و ماراح تستفيد من الأغاني صدقني غير وجع الراس و الهم والنكد

تقولو بس طفش و تضييع وقت و بسطة وفلة بلاشي عقد ..

لا والله الراحة والبسطة تجي مع الصبر ومن ترك شئ لله أبدله الله خير منه

وانا ابغا اقولكم ايش تعملو عشان تحاولو شوية شوية تبطلو أغاني ..


1- الدعاء .. كان الرسول صلى الله عليه وسلم يدعو بالهداية و يستعيذ بالله من الفسق و العصيان.


2- العمل : ماينفع دعاء من غير ماتتحرك و تجاهد نفسك انو تترك الاغاني و تحاول تستبدلها بالاناشيد او المحاضرات والقران وفي منشدين رائعين اعملو لهم بحث في قوقل وحملو اناشيدهم منهم : عبد القادر قوزع – أحمد الهاجري – ربيع حافظ – د.مبدع – حمد واحمد الجابري وفي الكثييير


3- اتذكر الم اذنك في النار و تذكر حسرتك في الجنة اذا دخلك الله برحمته لما يسمعو الموسيقى و ماجميع انواع الموسيقى في الدنيا إلا أقل من الذرة في الجنة وقتها حتندم و تبغا تسمع ولو ثواني .


4- اتذكر قول الرسول صل الله عليه وسلم : (( ليشربن ناس من أمتي الخمر يسمونها بغير إسمها يعزف على رؤوسهم بالمعازف و المغنيات يخسف الله بهم الارض و يجعل منهم القردة والخنازير ))


أكيد في البداية حتكون صعبة و راح تشتاق للأغاني بس جاهدو نفسكم و اتقو الله قدر ما استطعتم ..

واتذكرو دي ألآية : (( و نهى النفس عن الهوى فإن الجنة هي المأوى ))

وأخيرا ,,,

من واقع تجربتي أنا مرة مبسوطة و حاسة براحة كبيرة لما بطلت أغاني و أتمنالكم الخير من كل قلبي

و نصيحة مني لا تهتمو بتلعيقات احد و خلي الي يبغا يتريق و يعلق بكيفو بالعكس انت الكسبان و هما الخسرانين ..

ودي أول مرة اكتب زي كدا من قهري والله على حالنا وان شاء الله ماتكون أخر مرة واكون داعية لله وانصر ديني حتى لو بكم كلمة بسيطة ..

ووالله كتبت دا الكلام من خوفي عليكم اتمنى محد يزعل مني وتتقبلو كلامي بصدر رحب و مرة يسعدني لو في واحد ربنا يهديه على يدي أو لو كلامي يأثر فيه شويه ..

الله يهدينا يارب أجمعين ,,
يامقلب القلوب ثبت قلوبنا على دينك ....




وسلامتكم,,

أختكم ,,

FuNkY PiNk

المصدر: منتديات بنات دوت كوم

---

hghyhkd>>>>>>>>>>>>>>>>>>>>>>>>>>>>>>>>>

الموضوع الأصلي : الاغاني................................. || القسم : "الأرشيف" مغلق || المصدر : منتديات بنات دوت كوم || كاتبة الموضوع : FuNkY PiNk

[اصدق إحساس]

يسلمووو قلبووو..
على موضوعكــ..لا عدمتكـ..
والله يعطيكم الف عاافيه .
وجعله الله في ميزان حسناتكـ

دمتِ لي :)

[عروب ksa]

السـلام عليـكم ورحمـة الله وبركـآتـهـ ..

الله يسعـدك على كـل حرف كتبتيهـ يالغـآليهـ .. ‘
فعـلا ً حبيـتك ودخلتِ قلبـي من هالموضوع ‘ ..~!

وإذا حـآبهـ تستزيديـن من الأنـآشيـد يشرفنـآ كثيرر تزوريـن
القسم الخـآص فيهـآ في المنتـدى .. ^^



وان شاء الله ماتكون أخر مرة واكون داعية لله وانصر ديني ح
تى لو بكم كلمة بسيطة ..

اللهم آميـن اللهم آميـن ..
وبالعكـس يالطيبهـ كلمـآتـك مب بسيطهـ يكفي
إنهـآ تصب في مصلحة هالـديـن العظيم ..~!
وصدقيني هالنصـآيحـ هي اللي تـآصل قلوب البنـآت ’
البـنت ممكـن مـآتقبل النصيحهـ من أكبر شيخـ وتقبلهـآ من بنت بعمرهـآ ..~!!

الله يثبـتـك ويثبتنـآ على طـآعتهـ اللهم آميـن‘
ألـف شكـر .. [=


تـم تحميـل المقطع ولـكن حصلت فيهـ إيقـآع يالطيبهـ ..
إن شـآء الله الخطوهـ القـآدمهـ بعـد ترك الأغـآنـي ترك الإيقـآع .. ^^

[N O U R A]

بسم الله الرحمن الرحيم ...

اول شي يعطيج العافيه على هالموضوووع القيم
والله يثبتج ان شاء الله و يـــــــــــــــهــــــــــــــدي الـــــــــجـــــــــــمـــــــــــيــــــــــــــ ع

[الوفاء طبعي]

الله يعطيك العافية يارب

[صمت الشوق]

موضووووع مميز والله يثبتج ان شاء الله

وربي يوفقج ويثبت الجميع

[ڹـآﮂيـّۃ؛]

بارك الله فيكي
الله يعطيكي كدكتابتك الحسنات

[قآصرة ـآلطرف]

ماشا الله علييج اسلوووبج حلووو حددده بالنقااش ..

جبتي ادله وامثله وشلوون توخر عن الاغاني

ابددددددعتي والله ..

وان شا الله دووم تكتبين جذي عن المشاكل اللي صارت عآآددي

وو تقهررررر

قلتي اللي بقوله واكثر :)

والله انا الحمدلله ما اسمع ومرتآآآآحهـ ..


مشكووووره وجعله الله في ميزان اعمالج جزاج الله خيير

داايم بقرى كتاباتج مو تقطعين ؟؟

الله يوفقج يااارب ..