(* اتزوج وانطق ببيتي او احقق حلمي واعنس *)

[حبيبة نورهـ]

بسم الله الرحمن الرحيم

صباح / مساء .. معطر بتواجدكم

موضوعي اليوم يتكلم عن شي لمسته .. بالواقع

احترت بالعنوان كثيير.. بس بالنهاية بغيت شي يجذب >>> امحق

* من هي صغيرة ..طموحها تصير دكتورة اطفال..تحبهم وتمنى تكون سبب في علاجهم.. كبرت وكبر الحلم معاها .. اجتهدت وتفوقت .. واخيرا جابت النسبة اللي تأهلها لدخول عالم الطب ..دخلت البيت وراحت تبشر اهلها اللي منتظرينها على نار.. فرحوا بنسبتها وسألوها ايش بتدخل ..جاوبتهم والفرحة مي سايعاها .. بنتكم بتصير دكتورة .. انقلب الفرح غضب .. استغربت وجت بتسأل .. قاطعها ابوها : اذا دخلتي طب لاانتي بنتي ولااعرفك .. قالت والدموع بعيونها : ليه
جاوب والغضب متملكه : مابقى الا بنتي تشتغل مع رجال

راح الحلـم وضااع الطمـوح .. القصة من تأليفي لكن للأسف في مثلها بالواقع

* قبل كم يوم كنا رايحين عرس ..وولد خالي هو اللي يسوق .. من ضمن السوالف قال انهـ يبغالنا ..ندورلهـ عروسة ..طبعا كلنا فرحنا وسألناه عن مواصفاتهـ .. زي اغلب الشباب قال ( بيضاء .. شعرها طويل اسود ..الخ ..) تدكرت وحدة بنفس المواصفات ..وتقربلهـ من بعيد .. قلتله عليها .. قال بكل بساطة : والله البنت والنعم فيها بس لو تترك الطب عنها آخطبها
صدمة كببيييرة استغربت منه وسألته ليه ؟؟ شفيه الطب.؟؟ قال انا غيور ومابأرضى زوجتي تشتغل مع رجال

( لو كانت هذي نظرة المجتمع عامة والشباب خاصة .. يعني اي بنت تدخل طب باختصار هتعنس )

اعرف وحدة دكتورة .. اخلاق جمال ونسب ودين لكنها ماتزوجت الا وعمرها 28 .. تتتوقعوا ايش السبب ؟؟

وقفة / المصيبة ان الواحد لمن يآخذ زوجته المستشفى .. مايرضى الا تتعالج عند ... دكتورة .. وبعدين يشتكي من نقص الدكتورات السعودييات .. طيب اذا انت ماترضى تخلي اختك او بنتك او زوجتك تصير دكتورة .. فتحمل ماجاك

انا طبعا مااتكلم عن المجتمع كلهـ .. أتكلم عن فئة قليـلة لكنها مازالت موجودة

لــيش هالرفض وتحطيم طمووح البنت ؟؟؟

لو الولد يبغى يصير دكتور تشوفوا كيف فرحة الاهل .. تدروا ايش معنى دكتوووور ..

لكن البنت للأسف العكس تماما

همسة / معروف ان البنات عشان ينقبلوا بالجامعات لازم اقل شي 95% لكثر المتقدمين بنسب عالية لكن الاولاد 90% وممتاااز

يعنـي في شريـحة كبيرة من البنات .. ماشاء الله عليهم .. عندهم

الطموح والامكانيات .. انهم يفيدوا مجتمعهم .. لكن رفض المجتمع والاهل لفكرة الاختلاط .. تحطم هالطموح وتصير البنت معلمة كحال اغلب

الفتيات وقاعدة بالبيت تستنى الوظيفة

قبل امس اختي كانت تكلم صديقتها وهما الاثنين متفقين يدخلوا

طب .. اختي دخلت وانقبلت بس صديقتها لا ..مع انها جابت نسبة وكل شي .. لكن لانها بتتزوج

وزوجها رافض للطب .. فقالت اتزوج وابني بيت ولااحقق حلمي واعنس

بالنهاية معروف ان الطب فيه اختلاط لكن دام البنت محترمة ومحجبة ومحافظة على نفسها مالهـ

داعي هالرفض وتحطيم الطموح .. ترى مالهـ دخل بالتحرر ..مافي آية او حديث تدل انهـ حرام

برأيكم ماهو سبب رفض الاهل لفكرة دخول الفتاة الطب ( الاختلاط ... دراسته الطويلة .. صعوبتهـ .. كلام الناس .. خوف من عنوسة بنتهم .. والا ايش بالضبط ؟؟؟

وهل انتم مؤيدين لدخول البنت الطب ام معارضيين وماهي الاسباب؟؟؟

معليـش على الاطالة والكلام المخربط وكثر القصص لكن حبيت اطلع حرتي

بانتظأر آرائكم ونقاشاتكم الهادفـة


منقول*

المصدر: منتديات بنات دوت كوم

---

(* hj.,[ ,hk'r ffdjd h, hprr pgld ,huks *)

الموضوع الأصلي : (* اتزوج وانطق ببيتي او احقق حلمي واعنس *) || القسم : سجن بنات دوت كوم || المصدر : منتديات بنات دوت كوم || كاتبة الموضوع : حبيبة نورهـ

[عروب ksa]

صـبـآحـ الـنـور والسـرور ،،

الـرجـآء يـالـطيـبه الإلـتـزآم بـقـوانـيـن الـمـنـتـدى
مـن حيـث سـيـآسـة الـمـنـقـول ~

/ من أهم سياسات منتدانا [ سياسة المواضيع المنقوله ] .. وهي كالتالي ... إذا قمتي بنقل موضوع ، تفعلي التالي : 1) أن يكون النقل مفيد و هادف.. فلا تنقلي نكت وطرائف مثلاً .. 2) ذكر سبب نقلك للموضوع .. و مصدر الموضوع الأصلي و ذلك حفظاً للحقوق .. المصدر إن كان مجله او كتاب.. أو موقع إن كان المصدر موقع .. فلا تضعي رابط الموقع .. لأن هذا الأمر مخالف .. فقط اذكري اسم الموقع لو أردتي .. أو اكتفي بالقول أنه منقول من موقع .. 3) تعيدي صياغة الموضوع بأسلوبك الخاص.. مثلاً موضوع يتكلم عن الصديق.. تفهمي المضمون جيداً.. و تعيدي كتابته بأسلوبك أنتي .. طبعاً هذا لا يمنع أن تستشهدي بجمل نصيه من الموضوع .. كمساعده لك .. أو أن تعلقي على أغلب النقاط المذكوره في الموضوع وذكر رأيك فيها.. مثلاً موضوع الصديق.. بعد كل فقره تكتبي رأيك في الكلام .. و نظرتك للمعاني الوارده فيه .. إذا لم تطبقي الكلام المذكور أعلاه في أي موضوع تنقليه .. سيتم نقل موضوعك إلى [ سجن بنات.كوم ] .. يمكنك إعادة موضوعك.. و ذلك بتطبيق السياسة .. ثم إرسال تعديلك عبر رسالة خاصه للمشرفة التي نقلت موضوعك للسجن ..

 

 

وشكراُ لـك (F)