مـسـ ـ ــ ج ــ ـ ــات حــ ـ ـ ــب

[ذوق نجد]

(1)

الحب ..

مو رسالة بجوال
ولا أغنية وموال
ولابكثرة السؤال
ولابغيرة وانفعال
ولاقصيدة تقول إنك غزال
موغزل وابتسامة
وتلوين في الأشكال
مو دموع وبكاء على الأطلال
الحب
فيض أحاسيس
ومشاعر تعبر عنها
المواقف والأفعال

(2)

شفت النحل وشلون يبني خليه

مثله بنيت بداخل القلب لك بيت
ياللي سكنت القلب عند طيب نيه
ماني سعيد القلب لامن تخليت
الحب نيه و النوايا مطيه
ومن مد لي فنجال حبه تقهويته

(3)
جاني شعور إنك تبيني وجيتك
أحس باحساسك وأنا في مكاني
أبعد ولكن في خفوقي لقيتك
متربع مابين ذيك المحاني
يا قرة عيون الغلا مانسيتك
طيفك يناجيني وشوقك دعاني
إن ضاقت الدنيا بعيني نصيتك
أجيك كنه مبتسم لي زماني

(4)

ماعلي خلاف أقول اللي أبيه

من فضل ربي علي اني قوي
إلا حبك شي ماأقدر عليه
كن حبك ضيف والقلب بدوي
وين رايح جعل هالزول افتديه
وأنت خابرني من البعد انكوي
صرت لي مشوار لاجيت ابتديه
إن لقيت الدرب ضيعت الخوي

(5)
حب يغيب وصاحبه ما بعد غاب
وحب يدوم وصاحبه في غيابه ..
وحب يذوب خافق ما بعد ذاب
وحب يداوي صاحبه من عذابه ..
وحب حياته كلها لوم وعتاب
وحب حقيقي ما يضرك عتابه ..
وحب بلا معنى وحب بلا اسباب
يبدا غريب وينتهي في غرابه ..

(6)

يا حبيبي فيك ظني

ما يخيب
لو حصل من بيننا
صد وجفا
شمس حبك في عيوني
ما تغيب
وفي حنانك يا بعد عمري
وفا
فيك معنى الحب يا روحي
يطيب
صادق شوقك وشوقي لك
صفا
لو تروح بعيد من قلبي
قريب
في غرامك هام قلبي
واكتفا

(7)

يا معطي عمري صفا

كل الايام
زانت بك الدنيا بشعري
وصفتك
ياشمس عمري طلعتك
تدفي أعوام
أدفا وأنا بردان
لوما لمستك
تدفا عروق القلب من
لمسة ابهام
وترد فيني الروح
ليمن صدفتك

(8)

يحسبني يوم سلم ماسمعته ..

سامعه بس أنا أتغلى عليه ..
قلت أبثقل بس ثقلي ماستطعته..
وابتسمت وجيت لمعانق ايديه..
يحسب إني يوم مارديت بعته ..
مادرى إني بكل عمري مشتريه ..
الصراحه يوم سلم ماسمعته ..
كنت أفكر كيف أنا اســـلم عليــه ..

(9)

صعب جدا تلاقيني

أنا جوهر بحر مكنون
أنا لو تقلب الدنيا
صعب جدا تلاقيني
جمالي من حلا روحي
وكل الزين من زيني
تصدق عاد ياخلي
أنا كلي
بكل وصفي
بكل زيني
عجزت
اوصل
ربع زينك

(10)

قالوا تحبه

قلت أحبه يا ناس
قالوا جماله
قلت جمال الروح والساس
قالوا دلاله
قلت يتدلل على العين والرأس
قالوا أوصافه
قلت لولا الأوصاف
ايش حبب الناس بالناس
قالوا وقالوا
قلت أحبه
أحبه يا ناس

(11)
لو يطير الطير ولامايطير
لو حدث في الكون فجوه وإنقسام
ولو تبوك تصير في وادي عسير
ولو حدث تغيير في كل النظام
يستدير الكون كيفه يستدير
يحترق يشتب لويصبح عسام
ماتغير قيمتك وسط الضمير
قدرها يزداد عام بعد عام

(12)

يوم القدر يرسم على الوجه ضيقه...

أنت البشاير والفرح والتهاني..
ويوم المراكب والبحور العميقه...
أنت الشراع وطاري إسمك مواني....
ويوم الغلا يجمع حبيب بحبيبه ...
يكفي معك حضن المحبه حواني...

(13)
بــــــــــــــس؟؟؟
أبيك تجي كثر ماأنادي""
أبيك تحن كثر ماأشتاق""
أبيك توله كثر ماأفقد""
أبيك رضا ماهو غصب""
أبيك شفق ماهو عناد""
أبي أحسك تبيني""
ومن قلبك تناديني""

(14)

لو يشوفك من عذلني

في هواك
مثل مااشوفك كان
عذرني واعتذر
واعترف إنك في
وصفي ملاك
وأنا عندي نظر
يوم حبيتك
واجد أهل الزين
لكن في بهاك
الجمال
بكل
معنى
مختصر
خالقك سبحانه
اختار وعطاك
كل كامل من
تواصيف البشر ..

(15)
عندك خبر لاصار كفك بكفي
اضيع وانسى كل شئ بقوله
وياك أحس إني عن الناس منفي
وأهيم بأحلام الهوى والطفوله
قلبي غدى نصفين نصفك ونصفي
عايش معاي العمر عرضه وطوله

(16)

ياشوق خبرني عن اللي اغليه

عن واحد روحي بحبه شغوفه
اغليه من بد المخاليق وافديه
أحس للفرحه طعم يوم اشوفه
يطلب عيوني يطلب القلب واعطيه
أرهن حيــاتي بين ضمة كفوفه

(17)

من رافقك والله حشا مايخليك

لو عاشرك كل لدهر مايملك
انا اشهد اني حرت مدري شسميك
كل الخصال النادره ينتمن لك
الطيب كنه شابك إيديه فيديك
إن كان له صاحب فهو صاحب لك

(18)

ليتك ياريف النشاما لنا جار

يوم أجيك ويوم مثله تجيني
وليت المسافه بيني وبينك جدار
والباب بنص البيت بينك وبيني
حيثك عزيز ولك مع العز مقدار
وأيضا تساوي بالغلا مثل عيني

(19)
هذي دروب الحب والحب "سلطان"
يامر علي وكني أصغر إخونه
لايبعد كل الطوايف والاوطان
اقطه وريدي لو نبض
" بالخيــــــانه "
حبك ثبت في خافقي ساس وأركان
عن حب غيرك كن عندي "حصانه"

(20)

أنا ماعندي رسايل

تجاريك ولاجواهر
تساويك عندي روح
تفديك وقلب يموت فيك
استريحي يالظنون الثايرة
لاتشبين الحرايق بالخبر
دام الأفلاك في سماها سايره
كل مطلع شمس له علم وخبر

(21)
وين أحطك فيه؟؟
القلب مايقوى غلاك
العين تعجز عن رضاك
الروح ذابت في هواك
الارض تتعذر وتقول
ملاك
والشمس ماتاصل مداك
البدر يخجل من بهاك
الليل يستأذن مساك
الكون يصغر في لقاك
احترت يالغالي معاك..

(22)

دخلوا دكاتره وسط قلبي

يبغون يشوفونه ..
لقوك بوسطه وشهقوا
الله ياحلا عيونه ..
قلت لهم هذا حبيبي
ارجوكم لاتقربونه..
قالوا هو سبب تعب قلبك
ومسبب طعونه ..
رديت وقلت ياهووو حلاله ..
وأصلا أنا كلي
فدى لعيونه..

(23)
ذكرتك والدروب الي تعانق خطوتك بسكات
أنا مازلت أسافر بين نظراتك وكلماتك
ذكرتك وانطفا جمر الكلام وذابت الشمعات
ذكرتك واستفزيت السهر من شوق بسماتك
تقول أنت في راحـــــه؟؟
وأنا أقول هيهااااات..
أنا لاجيت أرتاح تطاردني بنظراتك...!

(24)

أخذتي حبي وودي

وكل أحاسيسي الرقيقه..
ترى قلبي على قدي..
وأنت دلـيتي طــريقه..،
تبين جوابي وردي
ومشاعري عالحقيقه....
لو هي ظروفي بيدي..
ماأغيـــــــب عنك دقيقه..
ولو كل هالكون ضدي..
نجمك ماينطفي بريـــقــه!

(25)

حبيب الروح ردوا له سلامي..

لو إنه يابعد روحي بعيدي
إلا منه تبين لي خياله
بكت عيني من الحب الشديدي..
حبيبي صار في قلبي محله..
ولا أحد غير محبوبي يحله..
إلا رحت يا مرسول قله..
ترى حــبه على بعده
>>يـــزيــدي<<

(26)

عندي يقين إنك عن أهل

الهــوى غيـــــر..
وإنك بعيني
غير كــل الحبـــايــب..!
وجه السعد؟
طعم الفرح؟
وأول الخير؟
همس المسا؟
ريح المطر والهبايب؟؟
لوقلت أحبك صار
بالهرج تقصير...
وإن قلت أعزك..
صار فيها عجــــــايب..؟

(27)
أحبك ماهي كلمه أنا دايم "أرددها"
أحبك كلمة لاقلتها أقصد"معانيها"
صحيح إن الحروف قليلة ودك"تعددها"
ولكن المعاني ماهقيت إنك "بتحصيها"
وفاء وإخلاص وظروف تعاندني "وأعاندها"
مشاعر صادقه والود ساكن في "معانيها"

(28)

أنا ماأحبك...! من قال إني أحبك؟؟

لاتفسر على كيفك كلامي...!
لاتزيد بهمي وآلامي..
كل الحكايه إنك وضعت لحزني نهايه...
وحققت لي أحلامي
وصرت الحلو بحياتي..
وبالأخير تقول إني ماأحبك.؟؟
أنا ماأحبـــــــــك..؟؟
أناأموووت من دونك!!؟

(29)
البارحه مابين يمكن وياليت..
وإبليس يتركني ويرجع عليا..
فكرت لو طول غيابك ولا جيت..
يعني كذا روحه ومن غير جيه..
خانتني الدمعه وطاحت وصديت..
شفت التفكير كيف يذبح خويك..

(30)

مسكت القلم

أخذت الورق
بغيت أكتب
بعض الجمل
لقيت دمعي اللي كتب
كتب جمل غير الجمل
كتب جمل
كلها بسمة أمل
كتب على أول سطر
"أحبك"
وعلى ثاني سطر
(أحبك للأبد)
وكتب على آخر سطر
فوق الورق ..
<مانفترق للأبد>

(10)

قالوا تحبه

قلت أحبه يا ناس
قالوا جماله
قلت جمال الروح والساس
قالوا دلاله
قلت يتدلل على العين والرأس
قالوا أوصافه
قلت لولا الأوصاف
ايش حبب الناس بالناس
قالوا وقالوا
قلت أحبه

أحبه يا ناس

المصدر: منتديات بنات دوت كوم

---

lJsJ J JJ [ JJ J JJhj pJJ J J JJf

الموضوع الأصلي : مـسـ ـ ــ ج ــ ـ ــات حــ ـ ـ ــب || القسم : المخالفات || المصدر : منتديات بنات دوت كوم || كاتبة الموضوع : ذوق نجد

[m0on girl]

شكراً لكـِ عزيزتي..
ننتظر جديدكـِ..غلاتي.
\
/
\
m0on girl

[om elbeesh]

شكرا حبيبتي عالموضوع وننتظر جديدج

[LOVECITY]

يعطيك العافيه يارب

تمـ ت إضافتها للمكتبه


هنا



عذرا تم تعطيل الرابط لحمايتك


الرجاء الإلتزام بقوانين القسم

و نرحب بجديدك

=)