يا معاندني ,

[فـنّ ~]

غريبه يا معاندني تجي وَ تقول جاك مناك !
تجي يومين ثُم تبعد , وَ قصدك بَسْ تذبحني ..
غريبه كل هالعالم تلفّه لف في يمناك
وَ لا لك بين كل النّاس - غيري - وَ انتْ خابرني
تعوّذ من ابليس وَ هاك ... دام القلب راضي هاك
( عراق ) القلب وَ اسكن ( دجلته ) وَ احتل وَ اشربني


أنا يجتاحني رجفه لوْ اسمع بس وقعْ خطاك
أجل وش عاد لو شفتك ؟ , حشا والله تموّتني


أنا لوْ سلهمت عينك , بعيني قلت لك : نفداك
أنا داخل بوجه الله وَ وجهك لا تضيّعني
أنا من وين ما وجّهت وجهي في الوجيه ألقاك
أحس إنك تبعثرني وَ لا أدري كيف تجمعني
أجيلك شرق يسرقني جنوبك وَ انسحب منّاك
وَ أجيلك غرب يسرقني غروبك وَ انت تشرقني



أحس إنّك معي دايم وَ أتوه بعالمك وَ أحياكْ
وَ أفوق أحيان وَ أتساءل : لك الله كيف سخّرني ؟



تفاخر ( لعنبو غيرك ) ترا غيرك يموت هناك
وَ ربّي ينتظر كلمه وَ أصد وَ هو يكلّمني
وَ مادام الله عطالك شيْ فاشكر وَ اغتنم ما جاك
وَ مادام تشوفني ساكن ... نصيحه : لا تحرّكني
أنا لوْ قلت لك : بانسى , وَ ربّ البيت صدق أنساك
لذا لوْ شفتني بانسى فأنا طالبك تمنعني
وَ إذا قرّرت تمنعني وَ شفت إنّ القرار أعياك
ما بيك تقول : وش تبغى ؟ , ترا والله تضايقني
أنا أبغى ؟ , قول : وش ما ابغى , على بعضك كذا أبغاك
وَ لعيونك باخرّبها وَ إذا مجنون قيّدني
أنا أبغى كل ما يطري عليك اسمي يهز أقصاك
وَ أبيك إن شفتني مذنب بحبّك توب وَ اغفرني
أبي حُبَّك وَ أبي قُربَك .. وَ أبي : ( لبّيه ) يا لباك
أبي ضمّك وَ أبي شمّك وَ أبي إن طلت تجرحني ,
أبيك إن قالوا الشّاعر تفز تقوم دون إدراكْ ..
أبيك تحس بي دايم , أنا اقصد وَ انت تسمعني
وَ أنا شاعر وَ لوْ إنك من الغاوين بس أهواك
تقول : أقول مالا أفعل ؟ , بسيطه .. بسْ جرّبني !
وَ قل مجنون لا يسمع وَ لا يفقه وَ أنا اتحدّاك
إيلا منّي نويت أنسى ... بشوف شلون تمنعني !

المصدر: منتديات بنات دوت كوم

---

dh luhk]kd <

الموضوع الأصلي : يا معاندني , || القسم : "الأرشيف" مغلق || المصدر : منتديات بنات دوت كوم || كاتبة الموضوع : فـنّ ~

[ino]

مشكورة يا الغلا.....

[Nadin the coolest girl 4]

\
/
\
وااااو
شعر رائع
كاتبة ماهرة
يا فن
ميرسي كتير
على هالطرح الحلو
لا ننحرم
دُمتـِ لمن تحبين ^.^
\
/
\

[فـنّ ~]

منوريـن

[حروف]

تناثر حروف
و نسج كلمات
و يا معاندني ارحل هناك

فن من الوهلة الأولى و أنا معجبة بحبر قلمُكِ
ووقع حروفُكِ الصافي
و مدى احساسُكِ المرهف
و اسلوبُكِ المميز عن البقية

فوفقكِ المولى
انكِ فعلاً فناً للمكان
اضفتي للمكان روعة


.


دمووعة

[باتشي]

كلمات حلوة...
تسلمين يالغلا...
وننتظر جديدكـ...