شرط زواجي الوحيــــــــــــد

**أميرة بحسنها** · #1 13-12-2007, 04:52 PM

عادي كاحد طقوس الزواج .. تروح البنت تجهز نفسها من الملابس والمكياج والذهب .... الخ شغلات الحريم يعني... وانا القعده (اخر العنقود) فوقي ولدين وبنت متزوجه ... تعرفون القعده عاد.. انواع الدلع ... وعدم التدبير في شؤون المنزل ... وعدم التاهل التام لتحمل المسؤليه (كاكثر بنات هاليومين )

المهم امي مسيكينه تكسرت رجيلاتها معي من محل لمحل ومن سوق لسوق ... ناهيك عن الذوق الرفيع الذي تتحفني به ... وانا بصراحة استنفذت كل الجمل التصريفيه اللى في جعبتي ... لهذا قررت ان ترافقني اختي العزيزة في هذه المهمة الصعبه ... وبما انها حامل وعندها بنت .. فالله يخلف على يتسوق معها ... تجبرك على الدخول لمحلات الاطفال ولا تخرج منها الا بعد ان سوت جرد كامل على محتويات المحل (طيب خلي مصلحتك الشخصيه على جنب الين اخلص همن سوي اللي تبين ) .... اخواني الاعزاء ... ما ينفعون ابد لطقوس التسوق ... ما يمديني احط رجلي على عتبة المحل إلا ولاسباب غامضة يطلعوني برا بحجة ان هالمحل ما فيه شيء (طيب انت وش دراك خلني ادخل اتاكد) .. واذا تكرموا وسمحوا لي بالدخول الى المحل فيا ويلي لو قعدت اكثر من خمس دقايق (خمس دقايق وش تسوي ؟؟ ما يمديني افتح عيوني اصلا )

انتهت طقوس التسوق بكميه لا باس بها من الجلابيات والقمصان من ذوق امي الجميل الله لا يحرمني منها ولا من ذوقها ... اضف الى ذلك كميه من ملابس الاطفال بفضل اختي الغاليه ( مدري وش فايدة ملابس الاطفال الحين ... لكن نمشي الحال ... ما احب اكسح احد )

كان شرطي الوحيد للموافقه على الزواج ان تبقني الخدامه الى البيت وبما ان زوجي قادر ولله الحمد لم نجد صعوبه في اقناعه

الخدامه كانت تقوم بكل شيء بدالي ... ما كنت اسوي في البيت شيء (ما اشيل العود الطايح ) على قولتهم ... وذلك نظرا لاني ما ادبر في شؤون البيت اصلا ولا حاولت اتعلم فصلا

مع الايام.... صرت آكل اضافري بمجرد مرورها من امام زوجي .... واكاد اجن بل انتحر اذا سالها عن شيء او كلمها ....

بدت الغيرة تحرقني ... عشان كذا بديت بتنفيذ برنامج تعذيبي معها ... صرت اكلفها بشغلات يعجز عنها ستين رجال ... وكنت اخليها تزحف لفراشها زحفا من شدة التعب.... كل هذا وما بعد بردت كبدي .. ولا بعد ارتحت نفسيا ....

تعب .. قلق .. قل نوم .. قل راحة .. كله بسبب الخدامه .. والتفكير في الشغل اللي بكلفها به بكرة ... هذا بغض النظر عن الحاله النفسية اللي نشبت في خشمي .. حسيت ان خشمي صار اكبر من اول من كثر ما قعدت فيه نفسي .... مليــــــت .. لدرجة اني قررت استاصالها من البيت .. وكان قرار صعب .. خصوصا اني ما ادبر في البيت شيء ... وفعلا استاصلتها ( والله اريح لها .. على الاقل تفتك من العذاب اللي حاطتها فيه )

بعد ثلاث اسابيع بدت اثار تنظيف الخدامه تزول... صار البيت (مزبله) .. صار ما ينطاق من الوصاخة .. نظرة اوليه للبيت .. تقول هذي شقة ساكن فيها ستين عزوبي .. وتكاد تقسم بالله ان عمر هالبيت ما دخلته مرة (حرمه)

حاول رجلي (زوجي) يقنعني نرجع الخدامه .. لكن راسي والف سيف ما تطب البيت مرة ثانيه ولا اشوف خشتها .... ومع شدة اصرار زوجي على رجوعها ... شكيت .. انه يحبها ... جن جنوني .. انتحرت الا شوي .. وبديت اهذي بكلمات غريبه مالها معني.. واهاوش واصارخ بوجهه ولا ادري وش كنت اقول من هول الصدمه (شكوك بس سوت فيك كذا اجل لو تزوج عليك وش بتسوين؟؟؟تنويم في مستشفى المجانين على طول .. ايوه كملي) قال لي بنبرة حاده فهمت انها هواش / الشغاله ما تبينها ... ولانتي ب مشتغله في البيت ... واصير انا الضحية .... اسمحي لي انا ما تعودت اعيش في مزابل .... والله وعطاني كلمتي قويه وطلع من البيت

كانت كلاماته تتردد على ... كانت بمثابة الصاعقة ... اول مرة يهاوشني احد او حتى يرفع صوته علي .. كنت ابصيح ... بس هونت ... وقررت ابدا في المهمه التهوريه الصعبه ... ابدا في شغل البيت

في الحلقة الجاية .... تعالوا شوفوا معاناتي مع شغل البيت

المصدر: منتديات بنات دوت كوم

av' .,h[d hg,pdJJJJJJJJJJJJ]

الموضوع الأصلي : شرط زواجي الوحيــــــــــــد || القسم : سجن بنات دوت كوم || المصدر : منتديات بنات دوت كوم || كاتبة الموضوع : أميرة بحسنها

**Miss smile** · منذ /14-12-2007, 10:19 AM

الله يـسـاعدك.. ليش سويتي في روحك كذا؟
بس لحظة.. انتي بعدك صغيره عمرك 16 كيف تزوجتي؟؟!
ردي عليّ بسرعة...

هجورة البحرين

**نسمه الربيع** · منذ /14-12-2007, 11:40 PM

يا قلبي عليك و على الخدامه
بصراحه ما ادري اش اقول غير الله يعينك

**ازقرتيه** · منذ /14-12-2007, 11:55 PM

لا الله يسامحك ليش جذيه تسوين بروحج و الله
اني تزوجتي لازم تتحملين مسؤولية البيت
يالله ربي اعدي المشكله على خير .......
في انتظارج .....

**بنوتة وبس** · منذ /15-12-2007, 02:18 PM

يسلموا واسني الحلقة الجاية

**Miss smile** · منذ /15-12-2007, 02:27 PM

فين ردك يا الغاليهـ ؟.

**[سـ المجد ـهام]** · منذ /15-12-2007, 04:42 PM

الله رحم الشغـــالهـ يوم طلعت من عندكـ !!

طيب كملي وش سويتي مع شغل البيت ..

و منكم نستفيد ..

إذا تعبتي بعوّد نفسي من الحين على شغل البيت :)

**أميرة بحسنها** · منذ /15-12-2007, 07:15 PM

لحظة.........لحظة بشويش علي بسم الله علي انا لسة مو متزوجة:040:
يحليلكم زوجتوني:)
هذه قصه انا نقلتها من منتدى ثاني هههههههههههههه:008:
بس بجد ضحكتوني باين عليكم متحمسين شكلي بنزل الجزء الثاني

**ازقرتيه** · منذ /16-12-2007, 09:04 AM

اموووووورهــ يلهـــ ننتظر =)

**سواها قلبي** · منذ /16-12-2007, 09:48 AM

بسم الله
انا قلت مو معقول بنت وعمرها
(16) تتزوج

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)