[Taghreed's]

انا باك..

عندي تعليق على كلام عاشقة ويل...بالنسبة لاراءها عن خيارات اخوها انا اشوف انها هي تحاول تدخل بالموضوع وتقوله ان هذي قصيرة وهذي طويلة ومن هالكلام انا رايي تخلينه هو يختار بنفسه من غير اي مدح او تقليل من شأن البنات عشان يكون القرار بيده هو وبس..
بالنسبة لي انا قصيرة..ولما يتقدم لي احد طويل ما ارفض لانه طويل او انه مايناسبني من قال انه لازم القصيرة تاخذ قصير والعكس؟؟
بعدين طول الاطفال او قصرهم هذا راجع للوراثة ككل يعني..مو قصة ام واب بس..
..

اختي دمعة بناتين..الله يوفقك ويزرقك ابن الحلال اللي يهنيك وكل اخت هنا..لكن صدقيني نصيبك راح يجيك عاجلا ام آجلا.

بالنسبة لي انا سعودية عمري 24 سنة ..انخطبت كثيير لكن لسا ماجاني النصيب ولسا ماجاني احد يعني اندم على رفضه..
تقدم لي واحد بعمري واحس انه طفل توه متوظف...
تقدم لي واحد عسكري وساكن مع امه واخواته ورفضت لانه ماعنده بيت لحال.
تقدم لي واحد عمره 32 سنة ممم عجبتني مواصفاته وكل شي فيه لكن يوم شفته مارتحت له واستخرت الله.

فيه كثير ناس يتقدمون بالتلفون يكلمون امي لكن احيانا مواصفاتهم ماتكون فيني فانا ارفض من البداية انهم يجون يشوفوني على قولتهم..

بيني وبينكم اكره الزواج التقليدي انه تكشخي والبسي روحي زواجات روحي مناسبات وترززي عند امهات العيال يمكن بالصدفة وحدة تشوفك وتعجبيها وتخبطك لولدها <--موت ياحمار لين يجيك الربيع..

اتمنى اتزوج شخص يحبني ويقدرني لشخصي وذاتي وسمعتي مو عشان شكلي او عشان دمي خفيف او عشاني عجبت امه او اخته لما شافوني بالمكان الفلاني..

ويطول الحديث
شجلوني معكم هنا