[Taghreed's]

السلام عليكم و رحمه الله وبركاته،،

غلاتي اقترح عليك تختارين عنوان ثاني للموضوع ارقى وشرايك؟

احس انه عربجي شوي
.
.
ماعلينا

بصفتي مدرسة سابقة،، كنت احب انزل لمستوى الطالبات و اخذ و اعطي معهم وكاني اختهم الكبيرة

لكني واجهت مشكلتين :

- بعض البنات يمونون بزيادة واسلوبهم مو راقي ابد ،، لما امر بالسيب يسلمون بصوت عالي ويتميلحون

- بعض البنات الخجولات ينظلمون لانهم صامات على طول وانا بطبعي ماحب اكلم كل وحدة على حالها

.
.
وعشان كذا مدرستك اتخذت الاسلوب الصارم عشان يكون كله جد وعشان الرياضيات حصة دسمة يبي لها تخليص منهج بسرعة ويبي لها هدوء عشان الكل يركز ويفهم..

انا احط اللوم على البنات بصراحة تدرون ليش..

لانهم يحطون نفسهم في مقارنة مع "الابلة" وفرق بين الثنتين

كفرق العطاء و المعطي
.
.
فصديقتك خذي غلطانه لانها ترفض المشاركة في حل الدرس ،، وهذا مو من حقها

لانه من حق المعلمة ان تختار اي طالبة لحل المسألة كونها شرحت وانتهت..

رسالة اخيرة الى زميلتك الي بالفصل : الاستاذة لن ولم توليك اهمية ولن تضعك قرين لها فأنت مجرد "طالبة" تعاملها معك محدود داخل ظروف الفصل و المبنى المدرسي فقط ،،
فكم هائل من الطالبات واجهته وسوف تواجهه في المستقبل،،
اقترح عليك ان تعتذري منها و تخففي من حدة عنادك و تشاركي في النشاطات الفصلية اثناء الدرس..
لان هذا واجبك المدرسي..
ولا تبرري فشلك في الدراسة لتعامل مدرسة ما..


وبالتوفيق للجميع

شكرا لك على الموضوعheart