.~.. جيــت أبنســـاك ..~.

[كـارين]

الجـزء الثالث عشــر

الفصل الثالث

شجون : إي شجون .. عندج مانع ؟
فرح سكتت شوية بعدين تكلمت : هني زياد ؟
شجون : و إنتي شلج خص ! هني و لا مب هني .. الريال كيفه ما يبي يقولج إنه وين و لا وين رايح أو منين ياي .. صج ما عندج ذوق يا الحقيرة .. و بعدين رجاءً إنج تنسين هالرقم من حياتج حتى لو كنتبي زوجته الأخيرة بس مب معناها إنج تصيرين المدللة عنده و تشاركينه حياتج طول عمرج .. و إن شاء الله جريب يوصل لج ورقة طلاقج يا " بإستهزاء " يا آنسة .
و سكرت الخط بويهها
فرح إنقهرت من حركة زياد وايد
حست إنها بتنفجر
قعدت تصيح بروحها
تندب حظها التعيس إلي ما بيفارقها
وين كانت و وين صارت
هي مب بس تحس بوحدة
هي تحس بالخوف .. بالقهر
كل مكان راحت له .. حصلت أحد يخدعها ..
كانت تحس إن هي تبي تضرب تبي تكفخ
تبي تسوي أي شئ
حست بالحرارة إلي بقلبها
مهما كان
هي إنســانة , لها مشاعرها .. لها شئ خاص فيها
و هي تصيح
نامت من كثر السهر و التعب
إلي هي فيه

×××

إتصل عماد لأمه عشان يبشرها .. طبعاً أهو كان أسعد إنسان ع الكرة الأرضيــة كلها .. ياه ولد .. بـس كان يفكر بشو يسميــه !
بعد ثواني شالته نادية و قالت بصوت كله نوم : أوووووف .. ألو منو داق هالحــزة ؟
عماد : هيييييييييييييييييييييييييي .. إصحي , آنه عماد
نادية و هي متخربصة : ها ! عماد , إي إي شقلت ؟
عماد : إعقلي .. أول شئ سلام .. ثاني شئ وين أمي ؟
نادية تقلده : أول شئ و عليكم السلام , ثاني شئ أمي في المطبخ تجهز الريوق .. ثالث شئ .. إقلب ويهك مب متفرغة لك .. رابع شئ باي !
عماد : هههههه .. أقول لج شئ .. بشارة هي حلوة بس ما بقولها لج
نادية بدون إهتمام : صج ! شنو إهي
عماد : كأنج تقولينها بدون نفــــــس .. روحي نادي الوالدة بعدين أقولج الخبر إلي يسوى أكثر من مليون دينار
نادية مندهشة : صج و الله !! شنو أهوه ؟
عماد : أول شئ نادي أمي
نادية : إن شاء الله " تنادي أمها بصوت عالي " يمـــــــــــــــــــــــــه تعالي عماد ع التلفون , " ردت السماعة في أذونها " ها ناديتها .. شنو الخبر
عماد : ههههههه .. أبشرج صرتي عمه
نادية مب مستوعبة : عمــة " قالت بغباء " هاااااااااااااااااا ... هيييييييه أمولة ولدت .. " بفرح " اللااااااااااااااااااي .. صار عندنا بيبي .. أموت فيك عمود .. أحبك يا بعد عمري إنته .. جبتوا بنت ؟
قعد يضحك عليها
إلا تجي أم عماد و تاخذ السماعة من عند نادية
أم عماد : هلا بوليدي
عماد بربشة : بخيـــر يمه , عال العال .. أسعد واحد في الدنيا
أم عماد : شفيك يا ولدي , فرحني وياك ؟
عماد : ابشرج يمه .. صرت أبو
أم عماد بفرحة هللت : يتربى بعزك يا عماد ..ألحين بتروح لأمل ؟
عماد : إي يمه .. ألحين بمر عليج
أم عماد : آنا جاهزة
عماد : أوكي .. فمان الله
أم عماد : فمان كريم
و سكرت الخط
نادية : ها يمه .. شياب ولد لو بنت ؟؟
أم عماد : ولد يا بنتي ولد
نادية عفست في ملامح ويهها : خسارة كنت أبي بنت
أم عماد تضربها ع كتفها : أعقلي يا بنت عقلي ..يلا روحي تجهزي بنروح لأامل في المستشفى
نادية بإبتسامة شقت حلجها فيها : و لا يهمج
و راحت ركيض تبدل

×××

في غرفة من غرف البيت هنا و أبرار
قاعدين يسولفون سوالف عادية
هناء : أبـراروو نسيت أقولج , ما تجهزتي للمدرسة ما بقى لها شئ غير 9 أيام
أبرار بإشمئزار : أفففففففف .. لا تذكريني مالي خلقها
هناء : هههههههه.. لو وياج فرح جان أشوفج ألحين طايرة من الوناسة أثاريج مب مالت علم
أبرار بتكبر : شقالوا لج ساقطة مثلاً ؟؟
هناء : ههههههههههه..لا ما قلت شئ آنا .. اليوم بعد صلاة المغرب نروح أوك
أبرار : و لا يهمج يا أحلى و أجمل هناؤؤ بالدنيا
هناء تطقها : حدج عاد
أبرار ترميها بالمخدة : هههااااااااي جان فيج خير صيديني يا الخبلة
هناء تقط عليها مخدة نفسها و تقوم عشان تصيدها : أصيدج شقالوا لج ؟؟ ههههه
و واصلوا الخبالة بس مرة وحدة دخل عليهم فيصل لا إحم و لا دستور
فيصل بجدية مصطنعة : شتسون ؟
هناء نزلت راسها و هي كاتمة الضحك و أبرار رفعت راسها و هي شاقة الحلج شبرين من الوناسة : هلا بأخوي الحنون الطيب , شخبارك ؟
فيصل و هو يقرب منها يودها من أذونها : بخير الله يسلمج ما دام شفت ويهج
أبرار : صج و الله " باعدت يده عنه " إنزين غسأل عن أحوالي يا ويه النحس
فيصل ضربها ع راسها خفيف : منو ويه النحس !
أبرار : محد غيرك
فيصل قرصها و يودها من أذونها و ضحك : منو ويه النحس ؟
أبرار تتألم : آنه زين ؟؟
فيصل هداها و اقل لها : إنزين برى يلا برى عندي سالفة ويا أختج
أبرار تتحرطم : قول جذي من قبل
فيصل : إنزين طلعي و سكري الباب وراج
أبرار : أففف .. زين
طلعت و سكرت الباب
و فيصل بعد ما تأكد إن محد ورى الباب قفله
و راح يم أخته هناء
فيصل : هنـاء .. اليوم ياي آنا عشان أقولج شئ يخصج .. بس بليز ما تتأثرين و تبجين
هناء بتشكك : شنو يا أخوي شسالفة ؟
فيصل متردد : مراد يبي يردج
هناء حست الدنيا تدور بها عيونها تجمدت فيها الدموع : فيصل , إنت متأكد ؟
فيصل : إي يا هناء , تبين نرفضه
هناء متنهدة : ما أدري ما أدري .. خلني أفكر
فيصل و هو شوف حالة أخته إلي من سمعت الخبر إعتفست حالتها : ترى إذا ما تبينه قولي لي خله نرفضه .. ما بنغصبج عليه
هناء : و خطيبته ؟
فيصل مبتسم : تركها , بس عشان يردج
هناء : خلني أفكر فيصل
فيصل : إن شاء الله , فكري زين .. ترى مستقبلج هالمرة ما بيتعوض الدنيا قدامج و دربها طويل
هناء هزت راسها
طلع برى
و خلاها في دائرة من الحيرة
هناء " آخ يا راسي , أوافق و لا لا .. فكري زين .. كلام أخوج عدل "و قعدت تفكر بكلام أخوها

×××

طلع من الفلة إلى ساكنين فيها زوجاته و راح دايركت لفرح
و هو متوتر
كأن قلبه حاس فيها شئ أو صاير لها شئ
حسّ إنه من زمان ما دخن
طلع له سيجارة و ولعها
و قام ياخذ نفس ورى الثاني
لين وصل للبيت
دخل البتي
ما سمع صوت حس
راح فوق وين غرفة ما كانت فرح موجودة
بس ما دخل
كان يراقبها
كالعادة
" تبجي "
دخل غرفتها
و تقرب منها شوي ,
ما لمسها
بس ناظرها
و هي حاضنة نفسها
ما شافته
بس سمعت صوت حس خفه
عرفت إن هو إلي ياي
إكتفت بحبس شهقتها
زياد بحنية : فرح قومي .. بسج بجي
فرح : ...
زياد : فرح ..ردي علي غلطت عليج مرة بس كفاية لا تصيرين دلوعة أزيد من اللازم
فرح بعد عناء : إنت تزوجتني عشان تتشمت فيني ..و تهيني و كل يوم بتتعلم لي طبع يديد إظاهر
زياد : طبع يديد ..ليش ؟؟
فرح : تبات عند زوجاتك و إحنا ما صار لنا شهر من تزوجنا " و قالت بإستهزاء " و هاالي بيدك
دمعت عينها
زياد : بذمتج شفتي مرة " بإستهزاء " أثنين بثاني يوم زواجهم ينامون فيلا غرف منفصلة ؟
فرح إرتبكت و دفنت راسها في حضنها
أما زياد طفا السيجارة إلي بيده و طلع عشان يروح الشركة

نهاية الجـــــزء الثالث عشـر

شنو تتوقعون يصير بأمل ؟
شنو مصيرها ؟
و فرح .. هل بتظل ع هالحال ؟
و نادية شسالفتها ؟
و زياد ؟

[شظايا دموع]

يسعدني أن اكون اول من يرد عليج..
مشكورة عالجزء.. والسموحة مع برد عليج برد طويل لاني شمغولة وامر على المواضيع سريع..
والصراحة في اشياء شوي نسيتها..
بس خل اخلص الامتحانات بقرا القصة من اول وعاد بتستلمين رد طويييييييييييييييييييييييييل..

زهرة حياة

[بشايرالخير]

راااااااااااائع..
يسلمووووووو
ننتظرالجزء الراااااابع عشر..
:):)

[snaa]

روووووووعة القصة وانا اليوم قرأتها كاملة
واكتر شخصية حبيتها هي"فرح"
مابعرف ليه بس يمكن شخصيتها كتير قريبة من شخصيتي
وعلى فكرة انا كمان اسمي فرح

[بنت قروية]

تسلمى حبيبتى

[كـارين]

زهرة حياة
مشكورة ع المرور
و آنا ناطرة ردج الطويل
هههه

[كـارين]

بشاير الخير
الله يسلمج حبوبة
:)

[كـارين]

snaa
:)
هلا و الله بـفرح ههه
سعيدة بوجودج
و إن شاء الله ترفيم سر الانجذاب هذا

[كـارين]

بنت قرويه
اللسه يسلمج
و مشكورة ع المرور

[رمش الهدى]

لي عوده يالغاليه

ترقبيني

ملووكه

:)

[رمش الهدى]

جزء روووعة غاليتي

و لكن قصيييييييييير واايد يعني ما لقينا نتيجه

ياليت الجزء الياي يكون اكول الأحداث

وااايد تمشي بطيئة بمعنى قصر الجزء

يعني من الملاحظة انه الجزء يكون اطول اشوي لروعة كتابة القصه

((نصيحه غاليتي أرجوا أن لا تزعجكي))

أما بالنسبة للجزء

فهو بقمة الروعه

و أتمنى أن توافق هناء على مراد

و عماد و أمل ماذا بعد؟؟


فرح و زياد في الحقيقة أنا إلى الآن بلغز لم أفهمه

لذلك خففي من الألغاز

غاليتي فهيه تضيع الكاتب و ارجو أنا تضيفي

مجالا أكثر للحور للإضاحه

فهو يعطي جمالا رائعا


تقبلي تحياتي


ملاك البنات

:)

[كـارين]

ملاك البنات
مشكورة لحضورج

يعني من الملاحظة انه الجزء يكون اطول اشوي لروعة كتابة القصه

((نصيحه غاليتي أرجوا أن لا تزعجكي))

ما في إزعاج
بالعكـس هذا يخليني أسعد
عشان أستفيد أكثر و أكثر
:)
الجزء الياي راح يكون طويل
بس راح أتأخر في تنزلينه
لأن ألحين إمتحانات و حالة
و مشكورة كثير ع المرور

[بشايرالخير]

الجزء الياي راح يكون طويل
بس راح أتأخر في تنزلينه
لأن ألحين إمتحانات و حالة
عسولة نحن في الانتظار :)
و بالتوفيق في إمتحناتك..
مودتي..,,

[بشايرالخير]

up
up
up

[شظايا دموع]

صاحبة القلب النابض..
عدت كما وعدت.. لكني لا اعرف ماذا اسطر.. ااسطر حروف إعجابي ام دموع احزاني لقصتك الرااائعة..
صاحبة القلب النابض ونعم الاسم فعلا يليق بك..

وعدتج برد طووووووووووووووووويل..
بس ادور كلمات عشان ارد عليج مب لاقية.. جمال القصة وايد عجبني..

أمل وعماد..
اتمنى بدايتهم مع الولد تكون اكثر راحة وسعادة..
امل.. بدت تطمن لعماد.. بس هل عماد بيوفر لها الحب..
بيوفر لها السعادة ولامان ام انه بيرد لحياته الاولية..

لمى..
الصدمة بعد وفاة الحبيب.. اصعب مواقف الانسان لما يسمع خبر وفاة انسان احبه واعتبره دنيته وملاذه..

نسرين..
الشوق للأخت بيذبحها..

أفراح..
دام تعرف منو اختها ليش تبتعد عنها؟؟

زوجات زياد..
الكل قاسي وقلوبهم مليانة حقد عدا هتون.. اللي اتوقع انه علاقتها بزياد علاقة اكبر من مجرد زوجة ثانية..

فرح..
اكثر انسانة تشدني بالقصة..
تدرين ليش.. لانه اقرب شخصية لحياتي..
بمشاعرها.. بالمها..

..

الخواطر روعة.. وتحسسني بحزن كبييييييييييييييييير..
الحديث الداخلي اللي كتبيته من خلال القصة.. ما كان مجرد كلمات وحروف ...
كان كتلة مشاعر رائعة..

صاحبة القلب النابض..
مشكورة على القصة الرائعة.. والله يوفقج دايما..

لا تشتكين من قلة الردود.. لان القصة رائعة.. والاسلوب اروع..
:
:
السموحة بغيت افرححج واكتب اكثر بس مالقيت الكلمات وخفت اكتب اقصر بحقج..
:
:
زهرة حياة

[كـارين]

بعد طول غياب
أعد لكم
و أعدكم بجزء طويل

لأنني شارفت ع الإنتهاء منه

:)

إلى اللقاء
مع الجزء الجديد

[***PrEtTy GiRl***]

I'm BaCk
هاي كارين
تولهت عليك واااايد

ها اشوفج كملتي القصة
بس بعد ها الغيبة اللي غبتها كنت احسب بشوف القصة مخلصة
any way
نتريا الجزء الطويل الواعدتنا فيه
ولا تطولين علينا
pec

[كـارين]

الجزء الرابع عشــــر

بعد شهرين تقريباً ..الكل رجع للمدرسة و الجامعة .. و فرح صارت ويا ميساء صارت معاها بس مب معاها في الصف .. و أبرار صارت مع فرح في الصف .. فرح كانت متضايقة واايد لأن بنات المدرسة كلهم بويات و يخوفون بس حمدت ربها إن معاها ميساء و سمية إلي معاها العام و رفاجنها
في المدرسة و في الفسحة
كانوا قاعدين ع الكراسي إلي في الكفتريا تبع مدرستهم و كان زحمة
فرح : أففف , مليت كله زحمة
سمية : و روايح الله يعلم بمصدرها
أبرار : ههااااااااااااااااي , حلوة ذي
ميساء : شوفوا البوية ويا جم وحدة قاعدين يتكلمون عن واحد
سمية : إشش خلني أسمع

عند البوية و شلتها
مريم : أقولكم تزوج الرابعة
ليلى : يقولون إنها حلوة إلي ماخذها و ع كيفه ماخذها و الله قهر يعني ما يشوفنا إحنا يشوفها إهي
البوية : ع فكرة يقولون إن هي ثانوية عامة يعني توجيهي و معانا في المدرسة
مريم : و الله وسيم ما أقاوم آنه , إن ما خليته يطلق زوجاته كلهم و يتزوجني ما أكون مريم
البوية : بظبته لج بس إنتي تامرين يا قلبي
ليلى : شنو إسمه !؟ و إسم زوجته الأخيرة ؟
مريم : إسمه زياد و زوجته فرح
فرح مرة وحدة شهقت
حست إن بيغمي عليها , حست بألم بقلبها
ميساء غطت يدها ع ويهها
و أبرار بلعت ريجها
سمية : شسالفة ! شصاير فرح ! لا يكون " قالت بصوت عالي شوي " لا يكون زياد ريلج
مريم و البوية و ليلى إلتفتوا لهم
فرح بدت تعرق و الربو بدأ يأثر فيها : لا لا .. آنه مب متزوجة أصلاً
" كانت خايفة أنهم يكشفونها وخصوصاً أنها قصت ع الكِل وقالت لهم أنها مخطوبة من واحد أسمه يعقوب ... لو عرفوا أنها متزوجة..كان بيفصلونها من المدرسة..وبتضطر تكمل دراستها من دون ما تسير الثانوية أي نظام منزلي
ميساء حبت إنها تخفف ع فرح : لا أصلاً فرح مخطوبة حق ولد عمها يعقوب
أبرار : إي عدل كلامها
الثلاث البنات لفوا يطالعون بعض
البوية : لا يكون ذي مرته صج ؟
مريم : جان أذبحها
البوية : أوك عندي خطة
مريم : يؤ..لحظة لو كانت هي مرته..كيف تدرس معناا!!
لا يكون قاصة عليكم..وناظرت " البوية " وقالت ..شنو خطتج!!
البوية : ألحين أقولكم

×××

في حصة الفيــز المعلمة لحظت علامة التوتر و القلق و السرحان ع ويه فـرح
المعلمة : فـرح
فرح وعت : نعم معلمـة
المعلمـة : شفيج مب منتبهة للدرس تعبانة !
فرح : لا معلمـة
المعلمة : ويهج يبين أصفر و تعبانة خله سعاد توديج لعند الممرضة تسترحين هناك
فرح : إن شاء الله
راحت مع سعاد و ودتها غرفة الممرضة بس قبل لا تدخل قال لها : سعاد الله يخليج لا يعرف أحد بالسالفة إلي قلتها لج قبل الحصة
سعاد : ما عليه و لا يهمج تطمني , بالحفظ و الصون
فرح إبتسمت لها و دخلت غرفة الممرضة و خلتها تستريح ع السرير

×××

" حالتها قاعدة تسوء يوم بعد يوم , و نحن ما نقدرش نعمل لها إشئ , بس هيدي الفترة مؤقتـة "
راح الدكتور و خله يعقوب في حيرة
يعقوب في نفسه : شقول حق أمي و أبوي و شنو أقول لنسرين إلي كافيها فراق أختها شنو أقول !؟؟
راسه دار
و عيونه صارت حمرة من زود البجي
مهما كان هذي أخته
من لحمه و دمه
" شلون أصبر ع الآه "
رددها ع لسانه
إيمان : حبيبي .. أُترك لمى عندش أنا و جدتك عشان أنت تروح البحرين ما بيصيرش هيك .. أمك راح تقلق عليك
يعقوب : ما عليه راح أبقى معاها
إيمان : طعني و روح
يعقوب : بس
إيمان : مافيش بس و لا شئ
يعقوب : إن شاء الله
عقب يومين طارت به الطيارة عشان يرجع البحرين
أأعود..!!!
وتعانق قدماي تراب الوطن
وأنتِ هُنا
في الفراشِ
لا حال لكِ ولا وهج
و ذاك رحل..
قلبكِ رحل ..
وأنتِ من دونه
بلا وهج

×××

في الهـدة كان زياد كل يوم ياخذها طبعاً كان ع سيارته رايبون ما ينشاف شئ .. فرح طلعت من المدرسة متوجهة لسيارة زياد .. طبعاَ هو كان يشوفها من ورى الرايبون , وقفا في نص طريجها شاب في العشرينات
الشاب : و الله إنج عذاب , تركبين معاي السيارة نروح نتمشى
فرح : صج ما تستحي ع ويهك
و راحت عنه
الشاب يودها من يدها : لا وين شدعوه للحين ما خلصنا
فرح تحاول تباعد يدها : قليل أدب
ما قدرت تشيل يدها
بس حمدت ربها إن هم في زاوية و محد يشوف من البنات
كانت خايفة و مرتبكة و سيارة زياد جدامها
غمضت عينها و هي متوترة من إلي بتسويه
داست ع رجله بقوة و عوت يده
و بسرعة مشت لسيارة زياد
فتحت الباب و دخلت و هي تشاهق
زياد بعصبية : ممكن أعرف من إلي يود يدج !
فرح تنهدت : ريال وقح ما أدري من وين طالع لي
زياد : متأكدة
فرح : شقصدك ؟
زياد : و لا شئ
فرح صاحت
زياد ما عرف شنو السبب سألها : شفيج ؟
فرح تترجاه : زياد , شلون بنات المدرسة كلهم يعرفونك ؟
زياد مستغرب : يعرفوني ؟؟
فرح : إي , اليوم في الفسحة سمعت بنات يتكلمون عنك بإنهم مقهورين ليش إنك تزوجتي تزوجت آخر وحدة ربي بس حلل أربعة ليش تزوجتني ؟ كانوا مقهورين .. لا تخليني أعيش بعذاب طول عمري كل ما رحت عند زاوية سمعت بنات يطرون أسمك .. من وين يعرفونك ! و ليش يبونك خلاص أنت تزوجت ليش يبون يهدموني مب كافي علي أنت !..وبعدين أنا بديت أخاف أني أنكشف ويفصلوني..
زياد : شقصدج بأنت !؟ و بعدين هم يمكن يعرفوني لأن يحطوني في التلفزيون و مشهور بالسوق و أسمي في كل جريدة و في كل مجلة شسوي أنا بعد أزنط روحي .. و انا قلت لج تحولين نظام منزلي..انتي ما طعتي
فرح مسحت دموعها و ناظرته : و ليش ما قلتي لي إنك يحطونك في التلفزيون و أسمك بالجرايد , شفيني عشان ما تقول لي .. ألحين أنا وش اسوي لو كشفوني
زياد : فرح حبيبتي .. أكا أنتي ألحين عرفتي شبتستفيدين و أنزين أنتي ألحين ليش زعلانة و معصبة إذا على يكشفونك..ما فيها شي..اعترفي لهم وفكي عمرش..ومافيها شي لو تدرسين بالبيت ؟ لا يكون أنتي تـ.........
فرح " إي صج ليش آنه معصبة " : لا تستانس آنه ما أحبك و لا عمري بيوم بحبك بس الغيرة موجودة في كل مرأة و من حقي إني أغار عليك لأن هالشئ داخل كل إمرأة ...و بعدين انا ما ابي ادرس في البيت صعب عليّ أفهم الرياضيات والفيز .. من دون ما حد يشرح...وحتى لو قلت لرفيقتي تشرح عليّ..بعد يظل صعب
زياد حس بطعنة في قلبه من كلامها قاسية دومها قاسية عليه قال بنبرة حزن : أنزين عيل من اليوم و رايح بتطلعين ويا السواق إذا كان تبين تروحين مشوار و أهوه إلي بيي لج المدرسة عشان ياخذج و يوم الخميس بعد المدرسة ما بوصلج أنا بكتفي إني أوصل دانة و شجون و هتون بيت أهلهم أما أنتي ما تستاهلين ع كلامج إلي يسم البدن .. كل وحدة منهم تسمعني كلام أحلى من العسل .. معاملتج كل مالها تردى لي
ناظر الشارع كان خالي مشى بســرعة جنونية
فرح صرخت : يا المينون وقف خفف السرعة
خفف السرعة لـ 120
وصلوا البيت نزلت بسرعة و راحت غرفتها بدلت ملابسها و توضت و صلت الظهـر
طقت الخدامة عليها الباب عشان تنزل تتغدى
فرح : من !
الخدامة : آنه
فرح : دخلي
الخدامة : مدام بابا زياد يقول أنتي ينزل تحت عشان غدا
فرح : قولي له ما أبي
الخدامة : زين
بعد دقيقتين يه لها زياد
زياد : ما بتنزلين تتغدين
فرح : مالي نفس
زياد : بسج دلع و قومي
فرح : مالي نفس آكل شئ
زياد : بتقومين بالطيب و لا أقومج بالغصب ؟
فرح : زين بقوم
نزلت إياه تحت
كانوا كلهم مجتمعين " هتون , دانة , شجون "
قعدت ع كرسي بعيد عن زياد و دانة راحت قعدت يم زياد
و هذا الشئ نفع زياد
دانة : حبيبي عطني الشوربة
أخذ الشوربة و عطاها إياها : يودي يا بعد هلي
شجون : أقول زيادي باجر أنت إلي بتوصلني بيت أهلي !
زياد : أكيد حبيبتي
عقب 5 دقـايق قامت دانة من ع الطاولة عشان تروح الحمام " أكرمكم الله " و هي تمشي طاحت
قام بسرعة زياد متخرع
أول مرة تطيح في حياتها
بسرعة أخذها و وداها المستشفى راحوا معاه هتون و شجون و فرح بقت بروحها

×××

كانت تكلم راشد بموبايلها
أبرار و شوي بتصيح : يعني بتتخلى عني
راشد بخبث : ما أقدر و الله حبيبتي هذا نصيبنا
أبرار : بس آنه أحبك
راشد : أنا بعد حبيبتي بس أبوي غاصبني ع بنت خالتي
أبرار بجت : يعني كل شئ إنتهى بينا ؟ خلاص ما عاد إسم أبرار موجود بقلبك
راشد : غصباَ عني يا حبيبتي شسوي بعد
أبرار سكرت الخط بويهه
هذي سالفتها كل ما حبت ما في غير الألم
" أحببت رجلاً
متزوج
و أحببت رجلاً مات
و أحببت رجلاً
قريباً سيتزوج
ماذا بعد !
ماذا بعد هذه الآلام ! "
دفنت راسها بالمخدة
ما في شئ جديد
هذا مصيرها شتسوي
قعدت تصيـح
قبل كان إلي يواسيها هناء ألأحين منو !؟؟
" راشد ليش تركتني
من لي غيرك
محمود و راح و هناء و راحت بس بقيت آنه و فيصل "

×××

طلع الدكتور من الغرفة و هو متسب
الدكتور : مبروك البنت حامل
صدمـة ورى صدمـة
لا لا مب صدمــة مُفاجأة
مفاجأة لزياد
من سنين و هو ينتظر ولد يجيـه
من زمان
كانت فرحته ما تنوصف و من زود فرحته سجد شكراً لربه
زياد : الحمدلله الحمدلله
هتون إبتسمت دوم تتمنى الخير له
حمدت ربها إن ما كان في أحد في الممر عشان لا يتفشلون
بقت ساعة في المستشفى و طلعوها
زياد و هو يود يدها : شوي شوي حبيبتي حاسبي
دانة مبتسمة إبتسامة إنتصار كأنها إنتصرت عليهم كلهم و بالأخص فرح
رجعوا البيت ماتت قهر شجون كانت تبي تكسب حُب و دلال زياد لها بس أهو بعد يدللها وايد
زياد : فـــرح فــــرح
فرح من بعيد : نعم
يات له صوبه : هلا بغيت شئ
زياد : باركي لدانة
فرح : ع شنو ؟
زياد : حامل
فرح بدون نفس : مبروك
دانة بغرور : الله يبارك فيج
فرح : عن إذنكم
و صعدت فوق تحل واجباتها و تذاكر
هتون : زياد اليوم بروح بيت أمي محد معاها غير الخدم
زياد : ما عليه روحي بسيارتج
شجون : و اليوم آنه بروح بيت رفيجتي منال معزومة ع عشـا
زياد : ديري بالج ع نفسج
شجون : من عيوني
دانة تتألم : آي حبيبي بطني بيألمني
زياد : ما عليه حبيبتي تحملي شوي
دانة : زياد ودني بيت أمي لأن أنت بتروج الشغل منو بيدير باله علي
زياد : إن شاء الله , أوامر ثانية
دانة : لا حياتي
وداها بيت أهلها و شجون بتروح بالليل و هتون راحت بسيارتها

×××

[كـارين]

أمـل و عمـاد الحال صارت أحسـن من قبل عندهم و إلي يخليهم مستانسين أكثـر البيبي إلي معاهم " محمد "
هذا إلي وصاه به أبوه قبل ما يموت كان يقول له لا تسمي الولد ع أسمي سميه " محمد "
أمل و هي تبوسه : حمودي .. وين الماما ؟
ما كان يفهم شتقول و لا يعرف شئ
بس تسوف وياه جذي
عماد : أموت فيه يبي أقوله عنج
أمل : لا ما يحتاج أحس بالراحة
عماد : صدقيني بتتعبين يبيه عاد
أمل : لا تقعد تتكلم بصوت عالي بعدين حمودي يبجي
عماد : يايبيه حق تلعبين به أستغفر الله , يبيه ببسوه
أمل : أففف يوده بس دقيقة و ترجعه
عماد بأنانية : إن شاء الله
عطته إياه و قعد يبوس فيه و يلعب في شعره
و قام من محله يركض لغرفته و قفل الباب
و أمل قاعدة مبقة عينها : الـكريه
قامت تركض بس للأسف إنزلقت ع القاشي
أمل : آآي ركبتي
حاولت إنها بقدر الإمكان تقوم بس ريلها تألمها
قامت تمشي بريل وحدة و بعد خمس دقايق وصلت للغرفة زحف و قعدت تطق ع الباب
أمل : عماد عطني ولدي
عماد : في الأحلام
أمل : الله يخليك
بعد ترجي من فتح الباب
شفاها قاعدة ع الأرض
وصل لمستواها
عماد : حبيبتي فيج شئ !
أمل : إنزلقت صوب الدري
عماد : سلامتج حبيبتي .. وقفي عشان أدخلج الغرفة
وقفت مسكها من خصرها و باليد الثانية كان ماسك محمد سند أمل ع الكبت و قعد يمها و بوسطهم كان محمد
أمل : تدري عماد كنت متوقعة عقب ما أولد ترجع مثل قبل كله تطقني
عماد : أنا وعدتج بإني ما أطقج و وفيت بوعدي و ألحين ما دام إحنا ويا ولدنا ما تهونين يا الغالية
حضنها و حضن معاها ولده
أمل : الحمدلله
عماد : بوسيني
أمل : آنه ما أبوس غير حبيبي حمود " و باست ولدها في خده "
عماد يسوي روح زعلان وبيقوم : بس عيل آنه مالي مكانة بقلبج , نسيتيني خلا بقوم عنج
و هو قايم صار ويهه ع جهة أمل يودته من رقبته و باسته ع خده
أمل : ما اقدر ع زعل حبيبي
عماد و هو يحضنه : أموت فيج يا بعد عمري و دنيتي كلها
أمل : و آنه بعد

×××

نزل من درج الطائرة و هو يناظر بلاده
" وحشتني "
تقدم خطوتين لجدام
شاف بها المطار
دخل
كان في هدوء
ما في إزدحـام و لا فيـه ناس وايد
دخل داخل المطار و سوى الإجراءات و طلع
وقف له تاكسـي و ركب
يعقوب : سلام عليكم
السايق : و عليكم السلام , ممكن العنوان عشان أوصلك
يعقوب عطاه العنوان و المنطقة و مشى
كان كله سرحان
طول الطريج
ما في شئ يشغل باله
غير شلون يقول لأمه و أبوه
" أسكت "
" لا , بس بعدين بيحسون "
" يعقوب فكر عدل , أقول لهم و لا "
عقب تنهيدة طويلة منه
" خلاص أمري لله , ما بتكلم و لا بقول شئ , لازم أشاور خالتي إيمان بهالموضوع "
السايق : وصلنا
يعقوب : مع السلامة
نزل شنطته
و دخل البيت و هو متردد
أول مرة يصيده هالموقف
يعقوب : بسم الله
دخل البيت .. قعد يتفحص البيت .. حس إن ولهان لهالبيت
ناظر الحديقة
و تأمل فيها
مشى بخطوات بطئية نحو الباب
و هو في قمة توتره
فتح الباب و دخل
كان ما في أحد البيت فاضي
شاف الخدامة مارة سألها وينهم في
قالت له إن أمه في بيت أم عماد و نسرين في الجامعة و أبوه في الشغل
بس إستغرب إن هي مب مستغربة من وجوده
صعب داره
أخذ شاور بدل ملابسه و حط راسها و نام
بس كان فكره في لمى
لمى , أخته الوحيدة إلي يقعد معاها و تونسه
طاحت دموعه و هو نايم و أستغفر ربه

×××

أم دانة : بالمبارك عليج يا بنيتي
دانة : الله يبارك فيج يمه
أم دانة : ريلج يدري !
دانة : إي يمه , هو إلي وداني المستشفى
أم دانة : يعلني أفداج
دانة : زين يمه اليوم أبي أغير جو عشان البيبي
أم دانة : بس يوم تطلعين لازم معاج أحد
دانة تترجى أمها : لا يمه عادي , توني في بداية الأشهر أقدر ع نفسي
أم دانة خايفة : بس عيل روحي بس ديري بالج ع نفسج
دانة تبوس راس أمها : و لا يهمج يا الغالية
راحت دانة عشان تبدل ملابسها لبست لها بلوزة زرقا فيها شخوط باللون الأبيض جبنيـز و برمودة جينز شوي وسيع و حملت معاها شنطة يد بيضا , سرحت شعرها و خلته ع شكل ذيل
ما حطت لها شئ بس قلوز بسيط و كحل
نزلت لأمها و أستأذنتها
طلعت ركبت سيارتها و مشت
راحت لسـواد ويهها " الملهى " إلا هو المرقص

×××

كان راجع مبجـر من الدوام .. صعد فوق عشان بيروح غرفته يبدل ملابسه و يروح لدانة يتطمن عليها .. كان مار ع غرفة فرح سمعها تتكلم بالتلفون
فرح و هي تصيح : و الله يا نادية مب قادرة أستحمل .. أنا شذنبي زين
نادية : هدي حبيبتي خلاص هالشئ إنكتب عليها و لازم ترضين بالواقع
فرح : مريني البيت .. قعدي معاي شوي ونسيني ع الأقل
نادية : بس عسى ريلج مب هناك
فرح بصوت عالي و بعصبية : لا تقولين ريلج .. أكره هالإنسان لا تذكريني به .. آنه ما أحبه
نادية : بس هذا ريلج و بيظل ريلج مهما صار
فرح تبجي : أبيه يطلقني مالي خص
نادية : إنزين زياد موجود بالبيت أو لا !
فرح : لا مب موجود .. يمكن بيروح يشوف حبيبة قلبه دانة .. يتطمن عليها
نادية : إنزين يمكن إيي في أي وقت باجر بمرج
فرح : أوكي
سكرت موبايلها
و قعت تصيح .. كانت خصلات شعرها الذهبي تطيح ع ويهها و هي منزلة راسها
دخل عليها زياد رفعت راسها
حست بنغزة في قلبها
دار راسها إفتـــر .. يعني ما راح لدانة
زياد : يعني بتظلين جذي !
فرح بغرور : و الله إذا مب عاجبك طلقني
زياد ضحك ذحكة إستهزاء : أكيد تمزحين " قال بجدية " لو في الأحلام ما بطلقج بخليج معلقة برقبتي .. و ما أبي أحد يزورج و لا أنتي تزورين أحد .. ذوقي العذاب إلي ذوقتيني إياه في شهريني
فرح وسط دموعها تكلمت : إنت إنسان حقيـر .. ما في قلبك رحمة و مشاعر .. إنت إلي هدمت حياتي .. ليش تزوجتني .. ما تقول لي ليش تزوجتني !؟ عشان تعذبني و تمرني في عيشتي !! إنت ما تستاهل أحد يحترمك
يه صوبها و عطاها صطـار قوي
زياد بعصبية و حرقة : بتحترميني غصباً عنج
فرح حاطة يدها ع خدها : تضربني يا زياد تضربني !
زياد : كلما عاملتني بهالجفا بعاملج بنفس الطريقة و أكثر .. في البداية فضلت زوجاتي عليج لكن ألحين أفضلهم عليج ..
فرح : طلقني
زياد : فـرح إن ما كفيتين عن هالكلـمة بذبحج ألحين
فرح إبتسمت وسط دموعها : يكون إحسن يوم تذبحني .. ع الأقل أرتاح من هالعذاب إلي الناس كلها معيشتني فيه " نزلت راسها " إنت و أهلي و رفيجاتي و زوجاتك
زياد : إنتي إلي بتذبحني بجفاج إنتي
و طلع بره غرفتها و دخل غرفته و قفل ع نفسه الباب

×××

قعد يبجي .. إي يبجي .. ريال عمره 26 سنة و بيدخل 27 سنة و يبجي .. من حقه ..إلي تسوي فيه فرح مب شوي ..صبر عليه واايد..ما قدر يتحمل أكثر من جذي..حس بتأنيب الضمير ع إلي سواه فيها ..كره نفسـه و كره حياته ..يحبها بس إهي تعامله بجفا دايماً يكون ضيعف جدامها ..ما يكون عنده القوة الشجاعة ..قلبه عوره واايد عليها دوم تقول له كلام هو ما يفهمه ..كان حاضن نفسه في الظلام قاعد ع السرير و عيونه مليانة دموع ..و ألم فرح بقلبه ..حس إنه بيرجع قام من مكانه و راح الحمام " أكرمكم الله " إلي في غرفته
فرغ كل إلي بداخله
غسل ويهه و أخذ شاور سريع يطفي إلي بداخله

×××

في اليوم الثاني يات فرح من المدرسة تعبانة لأن أمس طول الوقت ما نامت ..ركبت دارها بدلت ملابسها و توضت و صلت و بعدها نامت ..حتى غدا ما تغدت..لازم كل يوم خميس تروح بيت أبوها لأن الكل يجتمع هناك بس زياد قايل لها ما تطلع أبد ..حست بدوخة عرفت مباشرة إنه من قلبها ..طقت عليها الخدامة الباب عشان تروح تتغدى
فرح : منو !
الخدامة : آنه
فرح : دخلي
دخلت و قالت : مدام بابا زياد يقول تعالي تغدي عشان بعدين يجهز و يروح بيت إنتي أهل
فرح ما صدقت الجذبة إلي مطلعها : قولي له تقول لك فرح ما تبي تروح بيت أهلها و ما تبي غدى و ما تبي شئ زين
الخدامة : زين مدام
فرح : أفففف
ردت حطت راسها و راحت في نومة

في الصالة تحت كان زياد معصب عليها ..كفاية إلي سوته أمس..صعد دارها و فتحه بدون ما يطق الباب و راح يمها و سال اللحاف عنها
زياد : فرح قومي بالطيب و له قومتج غصب
فرح : و الله تعبانة ..خله لبعدين
زياد : إنتي بتيبين لي الجلطة ..قومي
فرح : أففف زين بقوم
قامت من السرير
فغسلت ويهها و طلعت
طبعاً زياد يودها من يدها و نزلها تحت و قعدها ع السفرة يمه
مع إن ما كان في أحد في البيت كله
فرح مستغربة : وين هتون و شجون ؟
زياد : وديتهم بيت أهلهم
فرح : تقول الخدامة إنك بتوديني بيت أهلي ؟!
زياد : إي ليش مستغربة
فرح : بس إنت قلت إنك ما بتوديني و قلت إن ما أطلع من البيت
زياد : غيرت رايي
فرح ناظرت الأكل
زياد : أكلي
فرح : ما أبي
زياد : أكلي من الشوربة أنا إلي مسويها
فرح مفهية : ها ؟
زياد يته الضحكة : شفيج ؟ أنا إلي مسويها أكلي منها
أخذ ملعقة و أخذ من الشوربة و قربها من فمها
فرح : ما أبي
زياد فتح حلجها و أكلها شوربة
فرح غمضت عينها خافت طعمها مب حلو
بلعت
فتحت عينها
عجبتها ..إستحت تقول له تبي
أخذت ملعقة و قامت تاكل
إنفتحت شهيتها
زياد : عجبتج ! أعترفي
فرح : إي
زياد : إحم إحم ..أنا مسويها
فرح : أخاف إلا الخدامة أهيه إلي مسويتها
زياد : لأنج مب مصدقة له .. أنزين كملي أكلج و قومي لبسي أحلى ثيابج
فرح : ليش ؟
زياد : ما تبين تروحين بيت أهلج !؟
فرح : بلا
زياد : زين عيل قومي
بعد 5 دقايق صعدت دارها و لبست لها أحلى ثيابها تكحلت و حطت لها بودرة خفيفة وايد و قلوز و أخذت شنطتها نزلت له تحت كان لابس جينز و قميص أبيض فيه شخوط زرقا
طالعته إبتسم لها
ما نكر جمالها
فرح : وين بتروح ؟؟
زياد : بعدين تعرفين
فرح سكتت
طلعوا بره البيت و كانت ريحتهم عطر من نفس النوع بس زياد تبع الرجال أكيد و فرح تبع النساء ..ركبوا السيـارة و مشـوا ..
مسك يدها بيده
إستغربت قالت بقلبها " إلي يشوفك اليوم ما يقول صاطرني أمس "
يتها القشعريرة
مشـى في طريق غير الطريق إلي يودي لبيت فرح خافت
فرح خايفة : زياد زياد..وين بتوديني
زياد : صبري شوي و بتشوفين
فرح : زياد شبتسوي فيني
زياد : ما بسوي فيج شئ ..بعدين شفيج خايفة جذي
فرح بالعة ريقها : زياد الله يخليك قولي وين بتوديني
زياد : حبيبي ..شفيج نطري شوي ..كل شئ بالهداوة
لف ع جهـة اليمين ما أدري وين بيوديني
وقـــــــــــــــــــــــــــف

نهاية الجزء الرابع عشــر

[شظايا دموع]

يا سلام عليج.. كارين الجزئين روعة وااايد..
تسلم ايدج.. بس يعني لازم تخلينا نسأل وين زياد بيودي فرح.. حرام عليج تقطعين من هالصوب..
اتريا الجزء لا تطولين ..
صح يسعدني اكون اول من يرد عليج.. صح الرد قصير وقحط ومثل ويهي.. بس الحمدلله طلع مني هالكلمتين..
تحياتي.. زهرة حياة..

[كـارين]

زهرة حياة
مشكورة و الله حبيبتي ع المرور

بس يعني لازم تخلينا نسأل وين زياد بيودي فرح.. حرام عليج تقطعين من هالصوب..

ههههه حبيت أرجع ع أسلوبي القبلي لأن لحظت إن تغيرت شوية بس الحمدلله رجعت

و بعدين هذا كامل جزء واحد << احم احم

تسلمين و الله ع المرور

مشكورة واايد

:)

كركر

[احلى ذكرى]

مشكوره كارين


بليزز كملي


لاتتاخري علينا

اختك : احلى ذكرى

[احلى ذكرى]

مشكوره كارين


بليزز كملي


لاتتاخري علينا

اختك : احلى ذكرى

[كـارين]

مشكورة ع المرور

[شخبطة فتاه]

بلييييييز
لا تطولين علينا
ومشكوره على القصه

[كـارين]

تسلمين ع المرور

[رمش الهدى]

جزء رااائع غاليتي

أستمري بالابداع

بس ليش وقفتي اهنييييييييييه

ليش وقفتي والله حرقتي قلبي

:(

بس الصرااحة زيااد هذا رهييب

صحيح متزوج اربعة

بس فرح ما عرفت قدرة

مع انه ما يعجبني بس مدري فيه شيء يجذبني بشخصيته

و دانة الله يهيدها بس سؤال في بالي محرج هيه و الملهى ؟؟؟ زياد يدري؟؟


فرح مدري عدم تقبلها احيانا احس بصالحها و احيانا لا ذياب يحبها

و دراستها بعد مهمة لكن هيه و ذياب كيف حياتهم بتكون

فرح بتحبه

لكن زيااد وين بيوديها

مشكورة على الجزء يالغالية

ملووكه

:)

[أسَاطِيرُ عِشق]

السلام عليكم و رحمة الله و بركاتهـ

عُدت لكم مُجدداً ,

أنا هُنـا
كارين الذي تعرفونها

:)

عادت لكم

لكن بِحلتها الجديدة

أسَاطِير عِشق

" بواصل القصة بهذا الإسم فإعذروني "

[أسَاطِيرُ عِشق]

رمش الهُدى

/

ملاك البنات !!
إسمج اليديد روعهـ واايد و كيوت حده
آنا كـارين
بس سجلت بإسم غير ما غيرته لأني ما ابي
كارين و ملفي الشخصي كامل و لأسباب خاصهـ جداً
تعليقج خلاني احسّ بشوية غَرابة فيهـ
يعني عدم تقبلج لزياد
و !!

و دانة الله يهيدها بس سؤال في بالي محرج هيه و الملهى ؟؟؟ زياد يدري؟؟
لا ما يدري
بـس هـو عاطنهم الحُرية
يعني أي مكان يروحون بيكفهم
و هذا شئ خاطئ بس الصورة بتضح لج مع الأجزاء
أكثر تونا في بداية المِشوار بِحياة زياد و زوجاتهـ الجديدة

فرح مدري عدم تقبلها احيانا احس بصالحها و احيانا لا ذياب يحبها

و دراستها بعد مهمة لكن هيه و ذياب كيف حياتهم بتكون
!!!!!
ذيــاب !!!
منو ذياب ! يمكن قصدج يعقوب !!
هذي حِجة فرح و صديقاتها عاد ما طيحوها
إلا ع هالفقير
هي ما تحبه و لا شئ تعتبره نفس أخوها
بس ميساء طلعت حجة عشان لا تصير مشاكل بين " البوية , ليلى , مريم " إلي في المدرسة معاهم

هذي هي السالفة كلها

و مشكورة واايد واايد ع مرورج

:)

اسَاطِير عِشق

[أسَاطِيرُ عِشق]

شظايا دموع

/

روعهـ إسمـج و الله كوول
نايس كيـوت هع
بالصرااحة واايد أحلى من الإسم القبلي
و أكشخ جذي يعني هههههه

ما رديت ع ردج القبلي قلت أرد عليج ألحين
لأني مستانسة ع ردج دوم تفاجئِيني بِردودج الطويلة
و آنا ممتنة لج كل الإمتنان

تسلم ايدج.. بس يعني لازم تخلينا نسأل وين زياد بيودي فرح.. حرام عليج تقطعين من هالصوب..
اتريا الجزء لا تطولين ..

حزري فزري
مَكان ما أتوقع وحدة فَكرت فيهـ

صحيح هالمَرة ردج قصيـر
بس مسَامحتج
لأن مُتابعتج هِي إلي تِرفع من مَعْنوياتي

أسَاطِير عِشق

.13.

[بشايرالخير]

!!!
ماشاء الله جزئين روووعه..
تسلمييين ننتظرالتكملة..
ومبروك الإسم الجديد عجبني
مررررره خطير بالتوفيق يااا أسَاطِيرُ عِشق
ّّّّ!!!

[أسَاطِيرُ عِشق]

عائِدة لكم في القريب إن شاء الله

[Bat 2 night]

ماشاء الله جزئين روووعه..
تسلمييين ننتظرالتكملة..

[أسَاطِيرُ عِشق]

Bat 2 night

تسلمين ع مرورج و طلتج الروعهـ

[كـارين]

خلاص ما راح أدخل بذاك الاسم
لان هويتي منقطعة

:)