وحتى بيت بو محمد خالهم راحوام حسن يالله حبيبتي إرم تعالي الغرفه الي داخل حسن بيدخل لك
إرم تجمدت مكانها وما قدرت تتحرك وكل قوتها راحت
عُلا قربت من إرم : إرم حبيبتي وش فيك ما تسمعين عمتي تقولك قومي
إرم : ما بي ومسكت يد مها
عُلا : إرم قومي لا تفشلينا
إرم ناظرت مها ومها طمنتها
مها : إرم حبيبتي وش فيك بسم الله عليك قومي وتوكلي على ربك وان ما شافك الحين بيشوفك بعدين يالله توكلي على ربك وقومي
إرم هزت راسها مثل الاطفال وقامت
:::::::::::::::::::::::::::::::::::::::::::::::::: ::::::::
سالم : قم ياعريس قم وتراني بدخل معك انا اخاف على اختي منك
حسن : والله لو تدخل انت انا ما ادخل يا انا يا انت
محمد يستهبل على حسن : ما عليك منه حسن انا بدخل معك
حسن : حلوو ... لا انت ولا اهو وقسما بالله ان شفتكم داخلين معي لأطلع
محمد وعامل حاله خايف من حسن :لالا انا خلاص منيب رايح معكم اخاف ادخل ويذبحني شكله مجرم
ابو حسن : ها يا حسن مطول انت وعيال خالك
حسن : لا يبه جايك " وهو يأشر لمحمد وسالم لا يجون معه "
وراح حسن لداخل الغرفه الي فيها إرم وقدامه ابوه وخاله ولما وصل للغرفه ما قدر يشوف إرم لسببين اولهم ان الكل كان حولها غير كذا اهو ما رفع نظره يناظرها ووصل حسن لإرم سلم عليها وجلس جنبها
ابو حسن : بالبركه ياعيالي
حسن : الله يبارك فيك يبه
ابو حسن : ما اوصيك على بنت خالك يا حسن تراها من غلاة بناتي
حسن : انشالله يبه
ابو سالم : الله يبارك لكم انشالله ويوفقكم
حسن : الله يبارك فيك خالي
عُلا الي كانت مغطيه وجهها لأن كان فيها مكياج : مبروك حسن مبروك إرم
حسن الي طفش من كثر ما يردد هالكلمه اليوم وكأنه ببغاء : الله يبارك فيك
وجلسوا معهم شوي وكانت إرم طول الوقت ساكته وبعدين اطلعوا علشان يخلوهم ياخذوا راحتهم
بعد ما راحوا مرة لحظه صمت وبعدها حسن تكلم
حسن : وش اخبارك إرم ؟؟
إرم الي كانت منزله راسها طول الوقت :................
حسن كان ينتظر الاجابه بس إرم ما ردت عليه
حسن : طيب سجلتي بالجامعه والا لاء ؟؟
إرم : ......................
حسن الي انقهر منها لأنها طنشته : وين لسانك قبل الخطبه كان ما شاء الله عليه والا بعد الملكه تغير
إرم الي استفزتها كلمته قالت له بجرأه : لا بعده اطول مني بس انت انتبه لنفسك منه
حسن : الي اتعجب من ردها : هههههههههه طيب كيف طويل وانت ما تتكلمين
إرم : انا ما تكلمت لأني ما ابي اتكلم
حسن وهو يجاريها : وليش ما تبين تكلميني ؟؟
إرم : بكيفي
حسن : طيب انت الحين ليش للأن منزله راسك خليني اشوفك اكيد انت اليوم غير
إرم بسخريه وهي ترفع راسها وناسيه نفسها : لا انا مو غير جده بس الي غير
حسن ما قدر يحبس ضحكته على لسانها : هههههههههههههههههههه والله انك فلته
إرم لما استوعبت اهي وش سوت على طول احمر وجهها ونزلت راسها وحست انها من جد زودتها
حسن : فستانك مره حلو ولايق عليك
إرم سكتت وما تكلمت ومن داخلها تسب مها وعُلا لأنهم هم الي اقنعوها بالفستان
حسن : طيب بس انا الي اتكلم واسأل انت ليش ما تتكلمين
إرم وهي قايمه : عن اذنك بروح بيتنا
بس حسن كان اسرع منها ومسك يدها : ليش ؟؟
إرم ناظرت في يده وبعدين ناظرت فيه حسن بعناد ما شال يده وظل ماسك يد إرم ويتأملها ويقول بداخله من جد جميله لها الحق تغتر بجمالها
إرم : اترك يدي
حسن : مانيب تاركها اجلسي
إرم : مهوب على كيفك
حسن وهو يوقف : خلاص انا اوقف معك اذا انت منتي براضيه تجلسين
إرم وخلاص باقي شوي وتعصب من قلب : طيب ماراح اروح بس انت اترك يدي
حسن وهو يترك يدها : اصلا ما تقدري تطلعي لأن الحين اكيد عبد العزيز مع مها في الصاله
إرم جلست وهي معصبه وكان مبين عليها
حسن بسخريه : هههه اعصابك حبيبتي كل هذا ما تبين تجلسين معي
إرم بإنفعال : لا تقول حبيبتي
حسن بعناد ومتعمد يعصبها : افاااا اذا ما قلت لك حبيبتي اقول لمين
إرم خلاص تحس حالها من جد تبي تكفخه
حسن : طيب انت قولي لي وش تبيني اناديك ؟
إرم بصوت واطي : إرم
حسن : الا إرم من جد قولي لي وش معناة اسمك احسه من جد غريب
إرم وبدت شوي تتأقلم مع الوضع : معناه البحر
حسن : والله ان اسمك حلو معناه توني ادري ان معناه البحر
إرم : ايه انا من جد بعد احب اسمي
حسن : من الي سماك
إرم : ابوي شكل اسمي اعجبك؟؟
حسن : تدرين اول مره اشوفك تتكلمين بهالهدوء صايره مررره مسالمه
إرم ما ردت بس ناظرت فيه بإستغراب
حسن يكمل : ومررره حلوه
إرم هنا استحت ونزلت راسها
:::::::::::::::::::::::::::::::::::::::::::::::::: ::::::::::::::::::
ومن جهه ثانيه مها في الصاله تفكر كيف راح تقابل عبدالعزيز عدوها الاول ويقطع حبل افكارها نها لما قالت لها ان عبد العزيز الحين راح يدخل وطلعت نها من الصاله تلبس عبايتها ودخل عبد العزيز يتقدمه ابوه وعمه دخل عبد العزيز وكان هادي جدا بعكس قبل شوي
سلم عبد العزيز على مها وجلس بالكرسي الي كانت جالسه فيه إرم قبل شوي
ابو حسن : بالمبارك يا عيالي بالمبارك
عبد العزيز : الله يبارك فيك عمي
ابو حسن : عبد العزيز ما اوصيك على مها تراها دلوعة البيت
عبد العزيز وهو يناظر مها الي ما شالت عيونها من الارض : لا توصي حريص عمي مها بعيوني الثنتين
ابو فهد : مبروك يا عبد العزيز وانتبه لمها ترى هاذي الغاليه
عبد العزيز : الله يبارك فيك يبه وانشالله راح احطها بعيوني الحين صارت الغاليه خلاص
مها استغربت من ردود عبد العزيز الي يسمعه يرد هالردود ما يقول انه مهوب مغصوب اصلا على هالزواج
نها : ها عبد العزيز وش رايك بأختي
عبد العزيز الي حس بمها انها منحرجه مووت من كلامه حب يحرجها زياده : صدق ابوي لما سماها عيون المها
ام حسن : مبروك ياعيالي وما اوصيك على مها يا عبد العزيز
عبد العزيز : وش فيكم انتو اليوم كلكم اتوصوني عليها
ساره : هههه خلاص مها ما اوصيك على عبد العزيز تراه ازين واحد في العيله
الكل ضحك على كلام ساره
وشوي الكل طلع من الصاله وتركوا مها وعبد العزيز بروحهم
عبد العزيز حب يحرج مها وكان ما خذ هالاسلوب وكأنه انتقام
عبد العزيز : طالعه قمر اليوم
مها انحرجت موووت وما عرفت وش ترد وبداخلها تلعن اليوم الي وافقت فيه عليه
عبد العزيز بعد فتره من الصمت بينه وبين مها : راح تظلين كذا على طول ساكته
عبد العزيز : طيب على راحتك اذا ما تبين تتكلمين لا تتكلمين
عبد العزيز ويبيها تتكلم غصب : انا ما قلت لك ان ابوي راح يخليني ادير الفرع في جده يعني راح نسكن هناك على طول
مها : لا اسكن لحالك انا ما ابي اسكن بجده
عبد العزيز : اوووف واخيرا سمعتينا هالصوت وبعدين ليش ما تبين تسكنين بجده
مها : ما ابي
عبد العزيز : يعني كيف انا اروح اسكن بروحي اجل ليش متزوج
مها واستفزتها الكلمه مووت وقفت وقالت له : انت تزوجتني علشان ابوك وما كان عندك خيار ثاني مو علشان اسكن معك بجده
وطلعت مها من الصاله وراحت لغرفتها وهي ميته من القهر
اما عبد العزيز ظل جالس في مكانه وهو منصعق من الي صار قبل شوي
عبد العزيز : هاذي وش فيها اكيد جنت وبعدين كيف كذا تتركني وتمشي
عبد العزيز طلع من الصاله وراح لسيارته بس ما رجع البيت ظل يلف بشوارع الخبر
:::::::::::::::::::::::::::::::::::::::::::::::::: ::::::::::::::::::::::::::
إرم الي ما كانت ماطايقه الجلسه مع حسن رفعت السماعه ودقت على الصاله ماحد رفعه
حسن : وش تسوين
إرم وهي قايمه : دقيت على الصاله محد رفعه اكيد ان عبد العزيز طلع بروح البيت
حسن : طيب انا جاي معك
إرم : وين ؟؟
حسن : مو انتي راح تروحي غرفة مها تاخذي اغراضك ؟
إرم : ايوه
حسن : وانا كمان رايح لغرفتي
إرم مشت قدامه وكانت شايه ثوبها بيدها لأنه مره طويل عليها
حسن : من بتروحين معه ؟
إرم : ما اظن ان البيت يحتاج لسياره
حسن : ايوه بس الحين الساعه 12 باليل كيف بتطلعين الشارع بروحك
إرم : عادي وبعدين البيت مو بعيد
حسن : حتى ولو خلاص انتي ادخلي بدلي ملابسك وانا بدخل ابدل ملابسي وانتظريني بجي اوصلك
إرم : ما يحتاج البيت قريب مرره
حسن : طيب انا ما قلت لك اني راح اوصلك بسياره بس بتأكد انك وصلتي البيت
إرم ما ردت دخلت الغرفه وهي منقهره وجالسه تتحنطب لأنها ما تبي حسن يوصلها لقت مها اهي الثانيه معصبه مووت وتمشي بالغرفه رايحه جايه
إرم : وشفيك انت بعد لا تمشين كذا عورتي راسي
مها : هذا الغبي الي اسمه عبد العزيز
إرم : وشفيه ؟
مها : ما ادري عنه يقول لي " وتقلد صوته " ليش متزوج انا
إرم : وش السالفه قولي لي
مها قالت لإرم عن الي قاله عبد العزيز
إرم : والله انه ما يستحي
مها : طيب انت وش فيك اول ما دخلت الغرفه جالسه تتحنطبين
إرم : هذا اخوك بيجيب لي جلطه
مها : ليش ؟
إرم : يقولي ما يصير تطلعين الحين الشارع بروحك انا بوصلك
مها : مسكين اخوي هذا جزاته خايف عليك
إرم : ليه شايفني بزر يخاف علي
مها : ايه بس الحين الساعه 12 وربع كيف تطلعين الشارع بروحك
إرم : اقول انت الثانيه اسكتي لا وقسم بالله اشوتك الحين
وقطع عليهم طق حسن على الباب
مها : مين
حسن : انا
مها فتحت الباب ووكانت لسه بفستانها ما بدلته
حسن : اوب اوب وش هالكشخه والله توني ادري ان عندي اخت حلوه مثلك
مها : لا يعني توك تدري ان انا حلوه
حسن : ههههههه طيب وين إرم
مها : مسرع ما اشتقت لها
حسن : لا اشتقت ولاهم يحزنون بس ابي اوصلها علشان لا تمشي بالشارع بروحها
مها : اهي راحت تبدل ملابسها
حسن : كل هذا تبدل ملا بسها من ركبت صار لها ربع ساعه الحين
مها : لا اهي لما سمعت طق على الباب راحت تبدل
حسن : بنات ما عليكم شره
وطلعت إرم
مها الي حبت تحرج إرم قدام حسن : اقول حسن ما قلت لي وش رايك بفستان إرم انا الي مختارته
حسن وعرف قصد اخته من السؤال فكمل معها : والله الفستان ابدااااااااااع شي وبعدين طالع على إرم ولا احلى
إرم الي من جد عصبت عليهم اثنينهم : طيب لما تخلصوا كلامكم انا انتظرك تحت ونزلت وما اعطتهم فرصه
حسن : هههههههههههههههههه
مها : يوو لا يكون زعلت روح شوفها
حسن : بالطقاق تزعل وبعدين انا ما قلت شي زين مني اجاملها
مها : حسن حرام عليك
حسن : اقول خليني انزل لا تنزل الشارع بروحها
ونزل ما لقى احد وبسرعه طلع بره يشوف وشافها بالحديقه وتمشي بتطلع لبره البيت
حسن بصوت عالي: إرم انتظري
بس إرم فتحت الباب وطلعت على طول للشارع
وراح لها حسن وقف عند باب البيت وتأكد انها دخلت البيت وبعدها راح لغرفته وهو على الدرج شاف مها نازله
مها : ها وصلتها ؟
حسن : هاذي بنت خالك عنيده الله يعيني عليها
مها : ليش ؟؟
حسن : ما نزلت الا خلاص بتطلع ورحت بس اشوف انها دخلت بيتهم
مها : مسكينه إرم احنا الي شوي زودناها معها
حسن : لا زودناها ولا شي وبعدين انتي ليش نازله
مها : والله ما فيني نوم قلت اروح اطالع تلفزيون
حسن : والله انا بعد ما فيني نوم خليني انزل معك
ونزلوا حسن مع مها
مها وهي تدور بأشرطة الافلام : انت وش تبي أي فلم ؟
حسن : ما ادري أي فلم المهم اني ما شاهدته من قبل
مها : طيب
واخذت واحد من الاشرطه وشغلته
حسن : ايوه صح مها
مها : وشو
حسن : سجلي هذا الرقم عندك
مها : رقم مين
حسن : عبد العزيز
مها : وليش اسجل رقمه ؟
حسن : يمكن يدق عليك وانت ما تعرفي رقمه يمكن ما ترفعيها
مها : اصلا هو وش دراه برقمي علشان يدق علي
حسن ببتسامه غبيه : انا اعطيته اياه
مها : ليييييش ؟
حسن : وشو الي ليش ؟
مها : ليش تعطيه رقمي
حسن : وليش ما اعطيه رقمك مهوب خطيبك ؟
مها : تدري عادي عطيته والا ما اعطيته لأن ما اتوقع انه يدق
حسن : هههههه وليش يعني ما يدق
مها : انت بدق على إرم ؟؟
حسن : انا ما عندي رقم إرم
مها : بس اقول استقبل
ورسلت له رقم إرم على البلوتوث
حسن استقبل الرقم وما اهتم له ولا حتى حفظه مع الارقام خلاه عادي في الرسائل
حسن : طيب انا الحين بقوم انام تصبحين على خير
مها : بتقوم تنام ولا بتكلم بعض الناس
حسن : هههه والله العظيم بنام وبعدين الناس قبل لا تنام تقرا قرأن .. دعاء مو تسمع اصوات الشياطيين
مها : هههه حسن والله حرام عليك مسكينه وش سوت لك
حسن : انت ما شفتيها من اول يوم لي معها واهي لسانها وش طوله
مها : انا اصلا اعرف إرم مستحيل تتطول لسانها الا اذا احد استفزها اعترف وش سويت لها
حسن : ههههههه والله ما سويت لها شي بس نرفزتها شوي لأنها مسويتني كأني خبل اتكلم بحالي وما ترد علي
مها : هههههه شفت انك سويت لها شي المهم بسألك من الي راح يدير الفرع الي بجده
حسن : أي فرع ؟
مها : يعني عمي ما عنده فرع للشركه بجده؟؟
حسن : عمي ؟؟ لا ما عنده فرع بجده ليش يعني احد قالك انه عنده فرع في جده
مها : ها لا ما احد بس افتكرت انه عندهم فرع في جده
حسن : المهم تصبحي على خير
وطلع لغرفته
مها : يعني تكذب علي يا عبد العزيز طيب انا اوريك من مها
وطلعت لغرفتها وهي ببالها مصممه على الانتقام من عبد العزيز
:::::::::::::::::::::::::::::::::::::::::::::::::: ::::::::::::::::::::::::::::
منذ /22-11-2006, 02:30 PM
