فُسحة بنات [الثَانويْ] ؛)

[برعم الورد]

^

.

.

.

الحمد لله

[M!ss Baby }~]

السلام عليكم ..
بنآآت أنا خَلصت متَوسط .. وَ إن شاء الله السنه الجايَه ثانوي
بس خَايفه لانه المعدَل تَراكمي

[♥ | ωinτєя]

^
زآآر حبيبتي أنا من آلآمارات ومآ عندنا مثلكم .!!! ،، ترآكمي آول مارة اسمع فييهآ هيهيه ..

نمولة :: إن شآء الله ،، انا عندي طمووح آني آييب نسسبة حلووة ف التعسين إن شآء الله

ادعولنآآ ،، مس بيبي ،، انا مثثلج بسير السنة اليآية آول ثآنوي .. : ) !

[M!ss Baby }~]

^
مدموزيل انا فِ الشارقة وعندنا تراكمي
الله يوفقنا

[أنامل الخير]

تذكرت موقف لما كنت ثالث متوسط أيام الإختبارات
مادخلت لجنتي دخلت اللجنه اللي جنبها وانا مفهيه لما جيت بجلس مكاني
لقيت وحده قاعدتن به وأنا اشوي ويفلت لساني واتهاوش معها
قلت لها شتبين ! قالت انتِ معنا ؟ قلت هاااااااااااه ! يلا بقعد بسرعه .. قالت انتِ في اللجنه الثانيه
ويطيح ماي وجهي واطلع وانا اجر اذيال الخيبه
اليوم اللي بعده نفس الشي ملحوس مخي كنت بدخل اللجنه اللي جنب لجنتي
و انا واقفه انتظر دوري في الطابور مع الزحمه والتفتيش نبهتي وحده
ورجعت الحمدلله لجنتي
اليوم الثالث بالضبط كانت معلمة رياضيات واقفه على لجنتي احبها في الله ولا مره درستني للأسف سلمت عليها ورحت اللجنه اللي جنبها ( انا قايله مخي هالمره مختفي ماهوب ملحوس بس )
اللجنه اللي جنبها كذلك معلمة رياضيات ثانيه حبوبه لما وقفت عند الباب البنات يناظروني
عطوني كلمتين و طلعت وانا اضحك و معلمات الرياضيات وجههم محمر من الضحك لووووووول


موقف غبي ومضحك

الله يذكر ذيك الأيام بالخير

[M!ss Baby }~]

^

هههههههههههههههه
مَعليش هَلوسة أيام الاختبارات

[برعم الورد]

^
منجددد

والله أذكر هالسنة موقف لا أحسد عليه

كان عندي اختبار تاريخ
ورجعت تعبااانة و مواصلة من أمس
طبعا رجعت الظهر لأن كان عندي مادتين كنت مواصلة
صليت ونمت
وصحيت العصر من الجوع وصليت

وكانت ماما صاحية مع أختي الصغيرة من أمس
وما صدقت إني صحيت العصر عشان تنام هي كمان شوي
ونامت
وأنا مهلوسة وأنتبه على أختي يعني مافي مجال أبد أذاكر تاريخ

وصحيت ماما المغرب ورحت نمت وقلت لها صحيني الساعة 8 العشاء
وقالت طيب

وبعد ما نمت
كانت أمي قررت قرار جهنمي
إنها ما تصحيني إلين الساعة 3 الليل

لأن أصلا أنا علي مادة وحدة
وأصلا التاريخ سهل
و بس معانا أكثر من 8 فصول
وحأخلصه بسرعة
وعشان أصحى مروقة
و أكون شبعانة نووم

طبعا تخيلو وجهي لمن صحيت

ومن رحمة ربي إني صحيت الساعة 11

أصلا قلبي طاااح وكنت شوي وأصيح من الخوف
وخلصت 4 الفجر مدري 5 الفجر
وراجعت في الطريق

بس الحمد لله جبت كامل
وعدت على خيـــر

[M!ss Baby }~]

^
ههههههههه حلو حلو
الصراحة مواقفكم تضحك =)
حطولنا مواقف ثانية عَشان اضحك زياده
هههههه احمدي ربك إنه كان عليكم تاريخ مش مادة ثانية
أنا عن نفسي مَ احب التاريخ ولا احب أدرسه
بس أحلى شي فيه انه قصير

[برعم الورد]

^

وييــن قصير يختي مش قصير ولا حاجة

يعني هذا الموقف صارلي كان عندي الفتوحات في زمن الخلفاء الراشدين والعباسي والمماليك والعثماني ودول ثانية صغيرة
ودور الدعاة والتجار الجاليات ودور النساء بعدين فصل عن خديجة وعائشة وفاطمة رضي الله عنهن

>< !!

[M!ss Baby }~]

^
هههههههه
ما شاء الله ما شاء الله كل هاذا
بس نحن منهجنا غيرر لانه فِ الامارات
الله يعينكم