روايه : حياتي قصة سطرت بها الامي /،بقلمي

**شهد الوليد** · منذ /09-10-2009, 06:44 AM


المشاركة الأصلية كتبت بواسطة أنثى المطر رووووعة الروايه لاتطولين صراحة أحس أني أعيش معهم كأنه عالمنا الواقعي أكملي ............. إبداع × إبداع تسلمين

يسـلم قلبك على كلامك

والحين بنزل البارت

منوره

**شهد الوليد** · منذ /09-10-2009, 06:46 AM

المشاركة الأصلية كتبت بواسطة Kisame - chan

واو ماذا أوصف ،

أولا .. أنا بكون من المتابعين ~> صدق

ثانيا .. بسرعة نزلي البارتـ ~> تصرخ هع هع

و الله تحمست أندمجت واو و الله القصة يبغالها نشر

واو تحفة .. أما توقعاتي أمممممم >> مشغولة ناو

من هيكـ ما أقدر احطهم ، أوكي بس عشان عيونكـ

رديتـ .. واو أختي واصلي أبداعكي ..

لبى ألبك

كلك ذوق وربي

والحين بنزل البارت فديت عيونك

**شهد الوليد** · منذ /09-10-2009, 06:49 AM

( جزء الثامن )

مسكت الظرف وقلبته تدور على اسم

ولقت مكتوب ( ناصر..)

ريم تتثاوب : ريما اتركي الظرف تلقينه حق ابوي وتعرفين ابوي ما يحب أحد يدخل بشغله .. المهم انا بروح انوم < تقلب بعيونها > بدك شي ؟

ريما حطت الظرف على الطآآوله : هممم صح يمكن .. لا سلامتك نوم العافيه

ريم راحت وريما رجعت تاخذ الظرف وراحت على طول غرفتها

بسياره

...( بعصبيه و قهر) : تدرين عهود أخر شي توقعته تسوين كذا ولا مو بس تكلمين تقابلين أهـ بس خساره حبي لك ولله خساره

ولا من القهر تسحبيني لي السياره وتقولي خن نتفاهم هنا .. لييييه ماقلتي له اني انا إلي حبيتك وبعت إلي يبوني !

عهود ببكي : يزيد تكفى خلاص .. خلااااص

يزيد ضحك : خلاص ؟.. خلاص عقب ايش ! بعد ما شفت الخيانه بعيوني

عهود : ........

يزيد بحزن : بس جاوبيني حبك لـي كآن صدق ..؟

عهود نزلت راسها : لاء يا زيد كنت اعتبرك اخ وبس

يزيد تنهد : كنتي تلعبين ؟ على الحبلين !

عهود : .....

يزيد : مابي منك جوآب..أنزلي ونا اليوم ناسيك

/

شـفتها مع رفيق الدرب فوآز

وأنطعن القلب بالخيانه

والقــهـر !

أني توي دريت إنها بالهوى كذابه

ما قول غير !

الله يجآزيك بفعالك ونا اليوم ناسيك

/

نزلت عهود ويزيد راح ~

/

يزيد مشكلته حنون وعلى نياته

وهـو عمره 25 ولد خال عهود

< سعدون ..

ويشتغل دكتور جراحه

/

ببيت ام فيصل

بعد ما طلعو الحريم ام فيصل كانت قاعده على اعصبها ساعه قربت 4 وعهود توها ما جت

ام فيصل : حسبي الله عليها من بنت .. تأخرت وين راحت .. ياخوفي يجي اخوها وهي ما بعد جت الله يستر

فهده نزلت من الدرج وسمعت امها تكلم نفسها وراحت لها

فهده : يـمه فيك شي ..؟

ام فيصل : اختك عهود ساعه قربت 4 وهي ما بعد جت

فهده ضحكت وجلست على الكنبه : يـمه يعني اول مرا ؟

ام فيصل : داريه بس اخوك فيصل قال لو جيت ساعه 3 وما لقيتها موتتها على يدي

فهده : اهـآآ..فيصل موب جاي إلا المغرب

ام فيصل : لـيه ..؟

فهده : دق علي قال قولي لأمي انا رايح الشرقيه لـ شغل وراجع على المغرب

ام فيصل : وتوك تقوليلي ؟

فهده : هع توني اتذكر

ام فيصل : وطلال

فهده : يـمه وشفيك نسيتي مسافر جده..بعدين يمه الحين بسئلك انا امهم ولا انتي ؟

ام فيصل ضحكت : ايه ما شاء الله عليك انتي تعرفين بالهبيت كل صغيره وكبيره

فتحت عهود الباب ودخلت للصاله وهي وجهها مصفر وجلست على الكنبه

فهده بخوف : عهود وشفيك..فيك شي ؟

ام فيصل بعصبيه : توك ترجعين الساعه قربت 4 !

عهود استغربت من طريقة امها اول مرا تسوي لها كذا بالعاده تجي على اذان الفجر ومحد يقولها شي وسكتت

ام فيصل : عهدوه جاوبي

عهود ببرود : وصلت فجر لي بيتهم وغصبتني انزل وقعت شوي وهذاني جيت

ام فيصل صدقتها : همم لا طيب .. اجل يلا تصبحون على خ ـير ...

فهده : ونتي من اهله

بعد ما رقت ام فيصل عهود لفت على فهده

عهود : كــله منك

فهده بستغراب : ليه وش سويت ؟

عهود : لا ولله يعني ما قعتي فوق راس امي وقلتي تأخرت عهود ومدري وشو

فهده بعصبيه : عهود لو انا ابي اشوش امي عليك كان قلت لها سالفة الأستراحه وثانيا تعرفين فيصل وش قال عشان كذا امي خايفه

عهود وقفت : تيب عن اذنك بروح انوم

فهده انقهرت من برود عهود .. ومن بين اسنانها : نوم العافيه ما بعدها قومه

عهود : وشو وشو

فهده سفهتها وراحت

|| بعد مرور 4 ايام بالمستشفى ||

ترف كانت جالسه على الكرسي وفهد على سرير وتمسح على شعره وتقرا عليه

/

دخلت بغيـبوبه

ومرت 4 ايام

وعيوني مشتاقه تلتقي بعيونك

قـوم يا روح ترف

قوم واروى قلبي العطشان

قوم وسمعني سواليفك

فهد

القلب داعي لك

والعين جفها النوم

**شهد الوليد** · منذ /09-10-2009, 06:51 AM

/

طق طق

ترف : مين ..؟

...: دكتور مشعل

ترف تحجبت وحطت لثمتها : أدخل دكتور

دخل الدكتور وكشف على فهد

د / مشعل : للأسف لا جديد .. بس إن شاء الله قريـب يصحى من الغيوبوبه

ترف تناظر فهد بحلم وبعيونها ( حكـي ودموع ) ! ولا هي بحول الدكتور ~

د / مشعل : عن اذنك

ترف : ........

د / مشعل اعلا صوته عشان تنتبه : عــن اذنك

ترف لفت وطالعته يعني وشتبيني اقول : اظن قلت عن اذنك اول مرا ؟

د/ مشعل تفشل وطلع ومشى بسيب ويكلم نفسه : شـكله البنت قافله معها الأخلاق ,,!

...: دكتووووور

مشعل بنفسه يع يع يع وشجابهآ ذي اوف ناشبه لي بكل شي / ولف : نع ـم

...( بدلع مايع ) + ميانه : مشع ـل رحت كشفت على المريض فهد بن محمد ,,؟

مشعل يقلب عيونه : ايييه شفـته .. ويا دكتوره .. لا تناديني مشعل قولي دكتور من متى المعرفه تندايني مشعل .؟

د/ فرح : مدري اسهل بعدين عادي انا اناديك مشعل ونت نادني فرح

مشعل : اسهل اجل .. لو تبيني ارد ناديني دكتور ولا تقطين الميانه بقوه .. عن اذنك

فرح انغاضت و مشعل ضحك على شكلها مبين إنه انغاضت بقوه ورآح عنها :d

ببيت ام فيصل

ام فيصل تنادي فهده : يلا فهده انا رايحه

فهده تركض من الدرج : ايه جيييييت يمه وشفيك مستعجله صبر شوي

ام فيصل : انا ادري عنك ساعه تلبسين عبايه ؟؟

فهده ضحكت مجآمله وراحت ورا امها وصادفو فيصل

فيصل : على وين .؟.

ام فيصل : راحين نزور فهد اخو ترف

فيصل تنهد : رايح معكم..ولله فهد وحشني لي يومين عنه

فهده تضحك : اكيد فهد

فيصل نظرها بطرف عين : اقول بتمشين ولا كف ؟

فهده ضحكت وراحت ورا امها وركبو السياره ونزل السايق من سياره وفيصل ركب

فهده : ليش نزلته ؟..وين سيارتك ؟

فيصل : وشعلـيك انا ابي اركب هاذي سياره

أم فيصل : لـحول يعني لازم طقاق ما ارتآح انا

فهده : اسسسفه يمه بس هو يقهر

فيصل حرك سياره وسفه فهده

ببيت ابو فراس < بغرفة ريما >

ريما جالسه على كرسي وتفـكر

ريما : اقول لعمتي ولا ؟.... احسن اقولها لكن مو الحين لاطلع اخوها بس ياربي موقادره اتحمل احس دين برقبتي همممم لا لازم اقول لعمتي

وقفت ريما ونزلت لصاله ولقت ريم بتطلع

ريما : على وين ؟

ريم التفت : بروح ازور فهد

ريما بإستغراب : تزورين فهد < وتأشر فوق لتحت بأصبعها > انتيي ؟.. هههههه اكيد تستهبلين

ريم بعصبيه : ليه استهبل حرام ازور ولد عمي الله يرحمه

ريما بإستغراب اكثر : ريم فيك شي ؟؟

ريم بتنهد : خلاص ريما ماله داعي تعرفين

ريما : ريييييم ؟ قسم بالله خوفتني وششششفيك

ريم من طبعها ما تحب تبين ضعفها او تشكي .. : اووف ريما قلت لك ماله داعي تعرفين .. يلا عن اذنك

ريما : طيب صبر دامك بتروحين تزورين فهد بروح معك

ريم : أوكي 10 دقايق لاتأخرتي بروح

ريما راحت ركض فوق ولبست عبايتها وخذت الظرف معها وركبت السياره

ريم : ريما وشهذا الظرف ؟

ريما بتوتر : هاه .. لا لا .. همم ايه ايه حق المدرسه بحث وكذا وبسئل ترف كم سؤال

ريم بشك : مو كنه هذا الظرف إلي شفناه بالمجلس ؟

ريما فتحت عيونها على أخر كنه من جدك : تستهبلين اخذ اغراض ابوي ؟.. اقولك حق المدرسه وشفيك

ريم سندت ظهرها وبعدم أهتمآم : اها همم اوكي

بالمستشفى

ترف من الأرهاق نامت على الكنب وصحت على فتحت الباب

ام فيصل : بسم الله عليك ترف

ترف بتعب وقفت : هلا عمتي

ام فيصل : الله يهديك يا ترف قلت لك تعالي معي البيت عيتي شوفي كيف وجهك مصفر

ترف بإصطناع ابتسامه : لا عادي .. بس عشان ما نمت زين اليوم

فهده بطقاق هي وفيصل

فهده : افف انت كل شي ناشب فيه ياخي حل عني .. وهـ بس يا طلال احسن منك مليون مرا يا البزر ,, المفروض يسمون امي ام طلال مو ام فيصل

فيصل : اقول انطمي وأدخلي يا الهبله

ترف ضحكت على موال فيصل وفهده إلي تعودت عليه

أم فيصل : بزران ولله بزران .. لا انتي ولا فيصل

فهده مدت بوزها : يممه انتِ ما تشوفينه وش يسوي كله يحارشني

فيصل راح جب فهد من ناحيه الثآنيه : ترف ماقالو شي ..؟

ترف توها تستعوب انها مآ حطت لثمه ونزلت راسها

فيصل بخوف : وشفيها ؟ فهد فيه شي ترف وشفيك ؟..

ام فيصل نفس الشي خافت : ترف تكلمي

فهده فاهمه ليه ترف نزلت راسها : لا فهد مافيه شي بس عشان ترف توها تتذكر ماتغطت عشان دخل فيصل

ام فيصل تنهدت : الله يهديك يا ترف خوفتني

فيصل ضحك : اها طيب عن اذنكم بروح لـ/دكتور مشعل اسئله

**شهد الوليد** · منذ /09-10-2009, 06:52 AM

راح فيصل وترف رفعت راسها وخدودها محمره

وجلست على الكنب من الأرهاق و الخجل

أم فيصل ابتسمت وجلست جبها : يابنتي يا ترف ماله داعي تخجلين .. أحنا ما نغصبك بس هاذي عدتنا البنت ما تتغطى على ولد عمها تتحجب بسس ..

ترف : بـس يا عمتي ما تعوت

ام فيصل : مع الأيام بتتعودين..هاه ما قال شي الدكتور ؟؟

ترف : ولله كلام اليوم نفس كلام امس .. مافي شي جديد

فهده : الله يقومه بسلامه يارب

ترف : انا نسيت انه ما يستحمل الغرف المظغوطه والحار تكتم نفسه ..

ام فيصل بإستغراب : كيف يعني ظغط ومكآن حار ..؟؟

ترف زل لسانها : هاه لا لا بس همم ...............

ام فيصل بعصبيه : ترف وين كنتو نايمين فيه ؟

ترف : بـــ

> جت بتكمل لكن سكتت يوم شافت باب الغرفه انفتح .. وبدخول ريما وريم

ريم + ريما : السلام عليكم

ترف + فهده + ام فيصل : وعليكم السلام

فهده بإستغراب : اهلييين ومرحبتين وسهلين رييم غريبه جايه

ريما بإستهبال : ونا مالي هلترحيب ؟

فهده راحت باست ريما : أنتي الكل بالكل

ريم ابتسمت مجامله وراحت سلمت على عمتها و ترف

ريم : مايشوف شر

ترف : الشر مايجيك

ريما راحت باست جبين فهد : وماقالو شي .؟

ترف بضيق : لأاء

ريما بحزن : الله يعينك والله يقومه بسلامه

فهده+أم فيصل + ترف : أمين

أم فيصل : يلا يا بنات انا رايحه..وترف لا صار شي دقي علي

فهده : يمه بقعد مع ترف

ام فيصل : بكيفك .. فهده دقي على فيصل شوفي وينه

فهده أمدها تدق على فيصل إلا دخل

فيصل : أحم أحم

ترف تلثمت

فهده بضحكه : ادخل

فيصل بإستهباله المعتآد : نسيت اقول درب..وسكت يوم شاف عشيقته !

/

صـمت مريب

وفقط لغة العيون تتحدث

تحكي عن مدى شوقه لها

وهي لا تهتم !

/

ام فيصل : يلا فيصل ودني البيت

فيصل بنفسه حسسسسسافه : ممم طيب .. فهده بتروحين ؟

فهده بشيطانيه : ممممم مممم ايه

ام فيصل بإستغراب : مو قبل شوي تقولين بقعد

فهده بنفسها يبي يرجع عشان هاذي العقربه : لاء بروح

ترف ببتسامه عرفت قصد فهده لانها لاحظت توتر فيصل يوم شافها : لا فهده اقعدي ابييك

فهده تتظآهر إنها فيها النوم : لا فيني نوم لا تشتاقين بجيك بعد المغرب

ترف همست لـ فهده بكذب أنه في شي مهم بتقوله

فهده : ممممم أوكي طيب بقعد

فيصل بفرحه : طيب يلا يمه اوصلك

ريما : بروح معك خالتي

أم فيصل : أوكي

فيصل بتدخل : طيب ريم بتروحين ؟

ريم بدلع : لا بقعد مع ترف

فيصل : اوك

ام فيصل عطت فيصل نظره خلته يمسك الباب .. وريما راحت ورا خالتها وركبو السياره

بسيارة

ام فيصل : ريما نوصلك بيتكم ؟

ريما بتوتر : لاء

ام فيصل بإستغراب : لـيه ؟

ريما : لا خالتي بس في شي بقولك اياه

أم فيصل : طيب..خلاص فيصل رح البيت

فيصل : إن شاء الله

بالمستشفى

فهده : اقوول ترف

ترف لفت : هلا

فهده : ممم يلا وش المهم إلي بتقوليلي اياه

ترف تنآظر ريم : لا بعدين بقولك

فهده بفهوآه : ليه ؟

ترف : مدري موب الحين

ريم : طيب انا راحيه .. تبون شي؟

فهده بفرحه ..:لاسلامتك

ترف : لا ريم تو ناس

فهده قبصت ترف وترف عطتها اشكل

فهده : اييييييي

ترف : احسن

فهده تحك مكان القبصه : ولله يعور حرام عليكم

ريم رجعت جلست وبضحكه : فهده متى بتكبرين .؟

فهده بقهر : ليه قالولك بزر ؟

ريم : هههههه لاء بس حركاتك

فهده بعصبيه : شفتي نفسك أول

ترف تهدي الجو : خلااص وشفيكم

فهده طلعت برا وريم قامت تضحك

ريم : ههههههه مدري متى بتكبر هلبنت

ترف جت بتتكلم ورن جوالها

ريم بلقافه : مين

ترف : مممم يهمك ؟

ريم : لاء عادي

ترف : أجل خلاص ماله داعي تسئلين

ريم : ......

ترف ابتسمت وردت : هلا

ديم : هلا بك كيفك ؟؟. وكيف فهود

ترف : تمآآم الله يسلمك .. وفهد على خبرك

ديم بإستغراب : ترف وشفي اسلوبك رسمي ؟

ترف : لا عادي كذا

ريم تحاول بين كلمات ترف تعرف من تكلم وترف تعمدت يكون حكيها مايبين من بنت ولا ولد

ديم : اها اقول لا يكثر وتكلمي زين

ترف : هههههههههههه لبى قلبك

ديم : وربي فيك شي انتي .. المهم بجي لحين بس اتصلت اتأكد عند احد ولا

ترف : لاء مافي احد

ديم : اها طيب .. يلا باي

ترف : بايات

صكرت ترف وهي كاتمه ضحكتها

ريم : وشفيك ؟

ترف ماقدرت تمسك نفسها اكثر وضحكت

ريم : مجنووووووونه

ترف : هع

ببيت ام فيصل

فيصل اول ماحط امه وبنت خاله رجع للمستشفى

بغرفة فهده

ام فيصل : هاه يا ريما رحنا غرفة فهده يلا تكلمي ولله خوفتني

ريما بتوتر : خالتي ابيك تهدين ولا تسوين شي .. طلبتك

ام فيصل : ولله ماراح اسوي شي بس قولي خوفتيني

ريما عطتها الظرف وأم فيصل فتحته وطاحت الصور

ام فيصل بشهقه : شنو هذا

ريما : اه اء امم .. مثل منتي شايفه

ام فيصل : صور ترف وش جابها هنا ؟

ريما مسكت الظرف وطلعت ظرف صغير : اقري

ام فيصل فتحت الظرف

/

انا جيت اخطبك ولله حبك فيك

ولجل اطمنك اني ماراح اسوي لك شي

هاذي الصور بالظرف وقسم بالله ماعندي ولا نسخه

وخذيته معي لجل لارفضتي حطيته على كنب

ونا الحين ونا اكتب مدري بتوافقين او لاء

وذا قريتي هاذي الرساله ونتي رافضة اعرفي

اني احبك بجنون ولي خلقني

بالأخير انا مابي منك شي إلا تسامحيني على كل قسوة او كلمة قلتها لك

< ناصر >

/

ام فيصل : حقير شلون ياخذ صور البنت

ريما : علمي علمك

ام فيصل بعصبيه : شكلها هي عطته الصور..عشانه يحبها وهي تحبه .. بس ولله ما اهنيهم ولله

ريما بخوف و رجى : ولله ياخالتي شكلها ماتحبها ونتي اقري الرساله زين مبين مابينهم علاقة

ام فيصل : لا اعرف هاذي النوعية .. إلا اكيد بينهم علاقه .. المهم يا ريما مابي احد يعرف عن هذا الظرف

ريما : اكيد ماراح اقول لأحد

بالمستشفى

فهده كانت تتظر احد بسيب ومسندة ظهرها على باب الغرفة

وجاء الدكتور مشعل

د / مشعل : اي خدمة اختي

فهده قلبها خفق : هاه لاء .. ولا شيء

مشعل لاحظ توترها وأبتسم : اتوقع قد شفتك مرا هنا

فهده بنفسها ( ونااسه يذكرني ) : ايه انا اقرب لـلمريض إلي متنوم عندكم..فهد بن محمد

مشعل : اهاا .. طيب اسمحيلي اختي بدخل اكشف عليه لأنه اليوم الظهر ماكشفت عليه زين

فهده : أوكي ..< دخلت الغرفة ومشعل دخل ورها <

مشعل تنحنح وترف تلثمت بعد ما دخل استغرب أنه الوحيدة ترف إلي تغتطى

مشعل : السلام عليكم

ريم + ترف : وعليكم السلام

مشعل راح يكشف على فهد وبينما هو يكشف عليه تحرك فهود

فهد : هممممم

ترف بفرحه : تحرك تحرك

فهده وريم وترف تجمعو على فهد من ناحية الثانية

وترف مسكت يدين فهد : فهد حبيبي تسمعني قم ياروح ترف قم

فهد : تـ.ــ..ـرف

ترف من بين دموعها : لبيه

فهد فتح عيونه بتعب وناظر ترف وابتسم ورجع غمض عيونه

مشعل كان ساكت مايدري وش يقول كان كل تفكيره انه مايقطع عليها الفرحه بنهوض اخوها

فهده : شكله عطشان<وراحت تجيب ماي لي فهد >

مشعل انتبه لنفسه : عن اذنكم < وهو طالع قابل فيصل >

فيصل : هلا دكتور

مشعل : هلا بك..ابشرك فهد قام

فيصل من الفرحة باس راس مشعل : الله يبشرك بالجنه

مشعل ضحك : وياك ياخوي

فيصل دخل بسرعه وعلى طول باس فهد واخذ المويه من فهده وقام يشربه

وترف دخلت الحمام " ونتو بكرامه "

ريم : لو ادري انه بقوم بجيتي كان جيت من زمان

فهده : ههههههه ثقه

فيصل : من جد ريم ولله جيتك فيها بركه ليتك جيتي من زمآن

ريم : توني افضى..ولله اني فرحت يوم قام

فهده بنفسها : اييي هيييين حتى ابتسامه ماطلعت على وجهك مالت اوف

**شهد الوليد** · منذ /09-10-2009, 06:53 AM

فيصل قام يسولف مع ريم وفهده معطينها طاف

فهده : اقووووووووول

......: السسسسسسسسسسلام عليكووووووون

فهده بصراخ : طلللللللللللللول

طلال : هههههههههه هلاااا

ريم وقفت وفيصل نفس الشي

طلال : اجلسو اجلسو كملو سوالف

فيصل : طليل لا يكثر

ريم انخجلت : عن اذنكم

فيصل : وين تو الناس ؟

ريم : لا تعبت شوي بروح ارتاح وإن شاء الله بكرا بجي

فيصل : سلامتك .. نوم العافيه

ريم طلعت

فيصل : انت وجهك نحس

فهده : الله وعلم منهو وجهه النحس..طلول شفت فهد قام

طلال : من جدك ؟

فهده : ايه ولله .. قبل شوي تحرك وفتح عيونه وقال < وهي تقلد فهد > ترف

طلال : الله يبشرك بالخير..الحمد الله قام بس ماقلتو وش سبب

فهده : تقول ترف أنها نست أنه فهد مآ يستحمل الغرف المظغوطه والحاره تكتم نفسه

طلال بإستغراب : وش وديه للأمآكن المظغوطه والحاره ؟

فهده : مدري < ووقفت وراحت تطق الباب على ترف >

فهده : ترف

ترف بتعب : همم

فهده : وشفيك طولتي بالحمآم

ترف : لا بس بطني يعورني

فهده : طيب كلتي شي؟

ترف وهي تمسك بطنها من شدة الألم : هااه هممم........أأأأأأأأأأأهـ

فهده بخوف : ترف وشفيك

مشت نحو الباب وهي تسحب رجلها وفتحته وطآحت بحظن فهده

طلال بخوف : وششششفيها ؟

فيصل راح بسرعه ندا الدكتور مشعل

فهده : ترف ترف

جا طلال وشال ترف واسدحها على الكنب

ودخل الدكتور مشعل وكشف على ترف

مشعل : البنت فيها فقر دم وشكلها ماكلت لها كم يوم

طلال : طيب عن اذنكم بروح اشتري لها اكل

مشعل : طلال شيء حاار به فلفل كثير لا تجيب لها

طلال استغرب بس مااهتم يسئل : طيب

فيصل : طيب دكتور فهد متى بيطلع من مستشفى

مشعل : إن شاء الله اليوم او بكرا

فيصل : اها

فهده جلست على كنبه وتمسك يد ترف الباردة

مشعل : عن اذنكم

فيصل + فهده : الله معك

فيصل : فهده انا رايح تبين شي ؟

فهده : من جدك ترووح والبنت كذا

فيصل : وش تبيني اسوي مثلا ؟

فهده بقهر : طيب الله معك

طلع فيصل وترف بصوة مبحوح وفتحت عيونها بتعب: فهده

فهده لفت : هلا

ترف : عطيني مويه

راحت فهده وجاب لـ ترف مويه إلا يدخل طلال ويحط الأكل على طواله ويقربه لها

ترف : لا مالي نفس

فهده : عن دلع وكلي ترررف لك كم يوم ما كلتي

ترف : فهده تكفين مالي نفس

فهده : يختي اخوك وقام .. كلي لو لقمتين عشاني بس

طلال : طيب عن اذنكم انا برا لو احتجتو شي نادوني

فهده : اووك

طلع طلال وترف كلت لها شوي ورجعت انسدحت على كنب ونامت

فهده تنآظر الساعه : يوووه ساعه 7 يا سرع الوقت < ووقفت تاخذ شنطتها > وجت بتطلع

طلال : على وين

فهده : يؤؤ ما رحت

طلال بإستغراب : لاء ليه بعدين ماكملت ساعتين عشان تطلعين وتتركين البنت

فهده : بكرا وراي جامعه

طلال : عادي غيبي

فهده : لا ولله اغيب وقت اختبرات منجدك

طلال : أييه صح .. طيب ما قام فهد ولا شي ؟؟

فهده : نووب..توصلني ولا ادق على سواق

طلال : لابوصلك

ببيت بغرفة فيصل

فيصل : يمه قلت لك مابيها لاتغصبيني على شي مابيه

ام فيصل : فيصل لو تعزني وتغليني توافق وذا انا ما هميتك ارفضها .. ولاانت ولدي ولا اعررفك> وطلعت

فيصل قام يضرب بكل شي قدآآآمه وكره اليوم إلي دخلت عليهم ترف

نزلت ام فيصل ولقت فهده توها دآخله

ام فيصل : ها فهده وشصار

فهده بفرحة : يمه فهود قام

ام فيصل : صدق..أجل رايحة الحين

فهده : لايمه جلسي نايم هو بكرا الصبح روحي له

ام فيصل : خلاص طيب..بتروحين الجآمعه بكرا ؟

فهده : أيه أكيد

أم فيصل : ومتى بينتهي دوآمك ؟

فهده : بروح ساعه 10 وبينتهى العصر عندي ماحظرتين

ام فيصل : على خير..انا رايحه انام .. اقوول ماتلاحظين عهود ما صارت تطلع

فهده لوت فمها : ممم صح .. شكلها عقلت هع

ام فيصل بعصبية : بنتي عاقله من زمآن

فهده بنفسها اي هين : لا اقصد يعني كرهت الطلعات

ام فيصل : طيب تصبحين على خير

فهده : ونتي من اهله

بالمستشفى

/

الضحك وأنشراح البال

ملئ الغرفة

/

فهد : ترف ابي اي سكريم

ترف : لا ما يصلح

فهد : تكفين..طيب متى بطلع ؟

ترف : ممم مدري يمكن بكرا

فهد : ترف ليه وجهك صار نحيف

ترف : ههههه ايه لأني مممممم .. مسويه رجيم

فهد : رجيم وشو ؟

ترف : يعني ما اكل عشان انحف

فهد : اصلا انتي نحيفة

ترف : هههههه صدق < ووقفت ولفت على جسمها وقامت تناظر وجهها البيضاوي النحيل وطالعت بعيونها الوساع ورمشت عددة مرات برموشها الكثيفه وقالت بضجر : حوالي عيوني صارت سودة إلي يشفوني يقول مدمنة مخدرات بسم الله علي

.............: هههههههههههههههههههههه

ترف التفت بخوف .. : طلال ؟

طلال نزل راسه : ممم ترف حطي شي فوق راسك .. واسف دخلت من دون مااتنحنح

ترف خذت حاجبها وتلثمت : لا عادي بس لاتعيدها

طلال راح لـ فهد : وكيف فهود اليوم

فهد : الحمد الله .. بس ابي ايسكريم

طلال : ممم تبي ايسكريم ؟

فهد : ايه

طلال : طيب وش تحب ؟

فهد : شوكلا

طلال : مممم أوكي .. وترف ونتي ؟

ترف : لا مابي شي

طلال : شوفي بجيبلك فراوله

ترف ببرائه : وشدراك أني احب الفراوله ؟

طلال ضحك : مممم مدري بس انا احب الفراولة قلت اجيب لك مثلي

ترف ابتسمت تحت لثمتها : اها

طلال : أوكي يلا دقزيره وراجع

/

أحــم

هذا جزء الثامن

يمكن سخيف بس وش اسوي

النفسيه هلأيام [ × ]

وكرهت النت وكل شي

كل ماشفت الاب صدع راسي

وغبت لـظروف خارج عن استطاعتي

والحمد الله رجعت وكتبت لكم الجزء

عسى أن ينال على اعجابكم

وأقـــرب وقت بنزل إلي بعده

وإن شاء الله فيه اكشنز

/

شـــهد الوليد ’

**ℓнσиα** · منذ /09-10-2009, 01:51 PM

ياي بارت حلو

أكملي متابعتك

لحن الورود

**شهد الوليد** · منذ /10-10-2009, 12:13 AM


المشاركة الأصلية كتبت بواسطة لحن الورود ياي بارت حلو أكملي متابعتك لحن الورود

تحلا ايامك

مشكوره على توآجدك

**- ڪيسآميَ ♥** · منذ /10-10-2009, 03:11 AM

واو البارتـ روعة ،

ما شاء الله عليكـِ ,,

يلا كمليها بسرعة

هع

**شهد الوليد** · منذ /10-10-2009, 06:39 AM


المشاركة الأصلية كتبت بواسطة Kisame - chan واو البارتـ روعة ، ما شاء الله عليكـِ ,, يلا كمليها بسرعة هع

تسلمين ~

< ابشري عاد ابي ردود

منوره

	#ADS
:: إعلانات :: Circuit advertisement تاريخ التسجيل: Always الدولة: Advertising world العمر: 2010 المشاركات: Many

الذين يشاهدون محتوى الموضوع الآن : 1 ( الأعضاء 0 والزوار 1)

روايه : حياتي قصة سطرت بها الامي /،بقلمي

الـقـصـص و الـروايـات