][||ioi||][العـــذوب" أول قصة من تأليفي"][||ioi||][

[رمش الهدى]

الجزء العاشر

محمد قرر يتصل في خليفة يخفف من ألمه و يشكيله همه .
خليفة كان مع مريم بأبن بطوطة مول .
خليفة: هلا والله بالغالي وينك يالقاطع.
محمد: و الله عايشين و انت اشحالك؟.
خليفة : بخير و نعم دام الحلوين راضين.
محمد : أهااااا
خليفة : بلاك يا محمد أشوفك متغير حتى رمستك تغيرة.
محمد: آآآآآآآخ يا خوي شو اقلج هههههه ما عليك انت وينك.
خليفة: مع مريم.
محمد أفاا: أهااا أوكي بخليك لا فضيت اتصل فيه.
خليفة: إن شاء الله.
محمد: مع السلامة.
خليفة: مع السلامة.


مريم: هذا محمد؟
خليفة: هيه حياتي .
مريم : و شوفييه؟
خليفة: ما أدري بس أحس إنه كان يبغي يقولي شيء و غير راايه
(يا صاحبي و شفيك مشغول بالك ليش انت متغير و مهموم بالك صارحني )
مريم: الله العالم.

محمد كلن مرتاح بحياته إلا أناااا ليش ما أدري
ليلي.. ألم.. يومي.ألم... قلبي ألم... ماله حدود ...
وين ما أروح تبقى الجروح و الذكريات و أحيا أنا..
(انت الربيع و انت الفصول..
و انت الحنان لو ما تعود...)
ليل الهوى تبقى الهواء معنى الهواء سر الوجود..

العذوب:
ودي أبكي ليما ما ألقى دموع...
ودي أشكي لما ما يبقى كلام...
لجروحن سارت بقلبي تلوح...
و من هموم احرمت عيني المنام...
انطفت في دنيتي كل الشموع ...
و الهنا ما يوم في دنياي دام...
غربتي طالت متى وقت الرجوع...
كل عام أمني أحلامي بعااد...
إن شكيت الحال محدلي سموع...
و إن سكت الناس نادوني بلاك...
طال صبري و الزمن عين يطول...
و الرجا بإلي عيونه ما تنام....


كلمن بحاله يتعذب و لاهوا بداري ويش السبب؟؟ و السبب محمد.

العذوب كانت طول اليوم اتصيح و هي ما تدري ليش حست روحها بدت تكره محمد لا شعوريا .
محمد إلي من كثر ماكان يحوط بالبلاد مل و رجع البيت و سار الغرفة ومالقى العذوب سار غرفة اليهال ماهب موجودين سار كل مكان و مالقى العذوب خااف لا صار فيها شيء انتبه إنه الغرفة إلي تحت إضائتها شغالة سار و شاف العذوب قاعدة على المكتب و اتصيح بحرقه (وااي قلبي)
محمد قلبه عوره بس كان في شيء مانعنه يسير عند العذوب و العذوب ما تدري محمد إلأي أهو أبو عيال و ريال له بيته و أسرته دمعة عيونه على حرمته إلي كانت تصيح و أهو ما يدري ليش خاف إذا كان فيها شيء و لا تعباانة دخل عليها و نادا بصوت حزين: العذوب.
العذوب التفت و الدموع كانت سيد الموقف: أطلع برع أطلع ما أبي أشوفك أطلع.
محمد: يالعذوب حبيبتي إشفيج؟
العذوب: اطلع برع لا تقعد اتقول حبيبتك.. و من هذي الكلمة العذوب زادت في صياحها و بهدوء البكاء يعني تتكلم و هي تصيح بصوت واطي اطلع برااع اطلااع .
محمد: ماني طالع يالعذوب و انتي بهل حال.
العذوب: حالي ؟؟!! ....... ليش ما تدري... محمد حس بذنبه كيف يظلمها و يظلم عياله و لأول مرة.
محمد ظهر و أهو ساكت من الغرفة قعد في الصالة يلوم نفسه و العذوب قاعده اتصيح على حالتها و إلا بصوت شيخة و هي اتصيح صياح مفااجأ.
العذوب اركضت عندها و محمد بعد محمد وصل قبلها شل شيخة و قعد يهدي فيها العذوب ليما وصلت شيخة هدأت على الخفيف قعدت تطالع محمد و عيونها بحر من الدموع و محمد كاانت نظراته تطلب السمااح حط محمد شيخة في سريرها بعد ما هدأت العذوب تمت واقفة في مكانها و الدموع صاحبتها و محمد يناظرها و كل الأسف في نظراته لكنها سارت غرفتها و قفلت الباب و قعدت تذكر الأيام إلي رااحت و من بين شريط الذكريات تخطف عليها الجازي.

الجازي: و إذا عرفتي إنه فيله الضغط يعني يأثر عليه واايد و بما أنه السرطان في أذنه يأثر على عيونه يعني ممكن ينعمي أو يمكن ينشل لأنه جريب من المخ وهذا كله يسببه ارتفاع في الضغط.
العذوب: شوفي انتي شو تبين بالضبط.
الجازي : محمد حياته أيام معدوده ليش ما تتطلقين منه و تفكين روحج أحسن من البهدلة إلي بتعيشينها و أنا إلي أعرفه إنه الشباب يتمنون وحدة مثلج.
العذوب تقاطعها: اطلعي بررررررررررررررع بررراااااااااااااااااااااااااااااااااااااااااااااا اااااااع
الجازي : يه و تتطرديني.
العذوب: برااع .
الجازي : حبيبتي أنا حبيت أنصحج و أقلج بمعنى محمد ولد لعوبي و ماهب فاضي لليهال و الحريم و انه حالته ما تسمح انه يكمل حياته معااج.
العذوب : اطلعي براااع ما أبي أسمع انتي شذااابه .
خالد سمع الصراخ و خاف على اخته قام و ركض و شاف الهواش.
الجازي قبل ما تظهر: يالعذوب بالأخير بقلج لا يخدعج محمد بأوهامه و لا تذوقين المرارة إلي ذقتها و جريب و تكتشفين هذا الشيء.

تذكرون ....
العذوب شكت في السالفة كلام الجازي يمكن يكون له معنى و بذات

يالعذوب بالأخير بقلج لا يخدعج محمد بأوهامه و لا تذوقين المرارة إلي ذقتها و جريب و تكتشفين هذا الشيء.
شو قصدها ليكون؟؟..... الشكوك و الظنون كلها بالعذوب و ما ألموها و محمد قعد عند اليهال لأنه العذوب قافلة على عمرها الباب و مافي أحد يشوف اليهال.
محمد و هو يكلم شذا على قولته دلوعة أمه: شفتي عاد ماما زعلانه مني كله مني أنا الغبي بذمتج أنا زوج صالح و لا أبو صالح في حد يسوي في مرته و عياله شذي..
شذا إلي كانت تلعب في حظن محمد و لاهي دارية وش قاعد أبوها يقول تبتسم و تلعب باصابعه و محمد يكلمها و فجأة ...................... الشذا تصرخ و اتصيح و محمد ماهب عارف شو يسوي العذوب خافت على بنتها ظهرت من غرفتها سارت عند بنتها خذته من محمد و هي تقول: شو سوييت فيها شو سويييت؟؟!!
محمد: ما سويت شيء مرة وحدة اهيء صااحت.
العذوب: بس اليهال ما يصيحون شذي شو سويت فيها.
محمد بعصبية: أووووووووووووووه أقلج ما سويت شيء يعني لازم أحلفلج أنا بظهر من البيت أحسنلي.
و بالفعل محمد ظهر من البيت و العصبية وااصلة حدودها العذوب لا اراديا سارت عنده اتخاف يسوي حادث لا سمح الله و أهو يسوق بلا وعي مع كل هذا.
العذوب : محمااد.
محمد: ................
العذوب: محمد دخيلك لا تخلينا ابروحنا.
محمد: ................................
العذوب: رد عليه.
محمد: شو تبيني أقول.؟؟؟!!
العذوب:.................
محمد و أهو واقف و معطي العذوب ظهره: تبيني أقول خسرت مرتي إلي هيه حبيبتي و روحي في الدنيا خسرت عيالي و أنا ماهب عارف ليش؟؟ تبيني أقول خسرت نفسي بعد ما خسرتكم بيوم و ليلة.
العذوب ما قدرت تستحمل الكلام هذا و بصوت بكاي: م.. حــ ..مد لا تقول شذي انت ريلي و أبو عيالي يمكن الإنسان يغلط و يسو أشياء ماهب عارف ليش يسويها بس في النهاية غايته كانت إلي في بااله إذا أنا كنت امقرصه بحقك سامحني و إذا ما عرفت إشلون أسعدك همن سامحني ....
محمد ما يبغي من العذوب تتأسف لأنه أهو الغلطان: .......مع السلامة......
العذوب و هي خايفة من شنوا ما تدري؟؟؟!!: شو إلي غيره عليهم ليش؟؟ صاير حساس و ندمان و كأن بلاوي الدنيا عى راااسه انزين نحن شو يخصنا.
الجازي : حبيبتي أنا حبيت أنصحج و أقلج بمعنى محمد ولد لعوبي و ماهب فاضي لليهال و الحريم و انه حالته ما تسمح انه يكمل حياته معااج
: يالعذوب بالأخير بقلج لا يخدعج محمد بأوهامه و لا تذوقين المرارة إلي ذقتها و جريب و تكتشفين هذا الشيء.

الجمل هذي من الجازي كانت ترن في أذنها ليش ما تدري العذوب كانت ضايعة في متااهة و محمد محد عارف إشفيييه و خليفة متهني مع مريم ماهب فاضي لمحمد .

العذوب: لاازم أكلم الجازي و أعرف قصة محمد في أشياء أنا ما أعرفها بس من وين أييب الرقم؟؟
و بعد تفكير : هيه تذكرت أحيد مرة محمد قالي إنها تشتغل في ولكير(اسم مستشفى) و محمد يوم درى إنها تشتغل إهناكي قدم في مستشفى راشد عسب ما يشوف رقعة ويها.
اتصلت المستشفى و سألت عن وحدة إسمها الجازي بن جاسم في مختبر العيون ..إلخ.(تذكرون دراستهم أهم ما يعالجون الناس يدرسون الحالات و هذي الأشياء.
و حولوها على المكتب.
الجازي: ألو السلام عليكم الجازي معاكم.
العذوب بخوف و تردد: و عليكم السلام و الرحمة.
الجازي: منوا معااي؟
العذوب بصوت متقطع: أاا نا العذوب
الجازي بكل صدمة : العذووووب
العذوب: يالجازي بغيتج بموضوع .
الجازي: خير ؟؟
العذوب: خير بويهج بس حبيت أعرف محمد اشلون ...
الجازي بذكاء : يظهر إنج متهااوشة معااه.
العذوب : هااا لاا بس.
الجازي : خبريني شو إلي صااير.
العذوب: نحن لازم نتلاقى.
الجازي: آآسفة يالعذوب و هذا و أنا إلي حاولت أنسااج و أنسى محمد و بالفعل بديت بعد ما تذكرت إنه بينج و بين محمد أكبر من الحب و إنه الأمل ضااع يمكن تستغربين إني أقول الكلام هذا بس بعد ما مريت بالعذاب إلي ذقته و أنا أشوف محمد ياخذج و لا تحملين منه بعد و الأهم وصية أختي الله يرحمها قالت اتركيهم بحالهم خليهم يتهنون من بين الورود و أنا بالفعل بديت على الوصية .
العذوب كسرت خاطرها الجازي يظهر إنها ما عرفت إسم الحب إلا من إسم محمد و لو إنها ماكان يبادلها الشعور.
العذوب:آآسفة يالجازي أزعجتج و اسمحيلي إذا غلط في يوم عليج.
الجازي ادمعت: لا و لا يهمج يالعذوب نحن خوات في الله(من صجها تهقون تمثيل) ..
العذوب: آسفة يالجازي على إزعاجج
الجازي : و لا يهمج بس سامحيني ما أقدر أقاابلج .
العذوب: مسموحة
و تم التوديع
و هكذا انقطع الاتصال
معقول إلي صاار هذي هيه نفسها الجازي.
العذوب أملها راااح الجازي و احبطتها بس محمد شاغل بالها في نفس الوقت كانت تفكر مهما صار إهي ألحين زوجته و محمد له عيال و لازم تستحمله حتى لو ماكانت اتحبه بس مستحيل ما اتحبه.

خليفة و أهو قاعد يطالع أحد المسلسلات : امبيييييييييييييييييه ما اتصلت بمحمد.
و على طول اتصل فيه.
محمد : هلا فيك يا خليفة(من غير نفس)
خليفة: هلا بحبيبي اسمحلي انشغلت.
محمد: لا عادي.
خليفة:وينك فيه.
محمد: أحووط.
خليفة: اتحووط ليش ماشيء شغلة ههه؟
محمد: انت فاضي.
خليفة: أكييد فاضي.
محمد : عيل تعال بتريااك في ميركاتوا.
خليفة: أوكي.
محمد رد البيت بدون ما يتكلم بكلمة وحدة مع العذوب و العذوب ضايعة في هوى العذاب محمد تلبس و ظهر و طالع العذوب بنظرة خلت الدمعة تسيل قبل ما الطير يوصل مرساله و تلاشى خلف الأبواب.
محمد و أهو اقف في الحوش: سامحيني يالعذوب.
و ركب سيارته و سار ميركاتوا و قعد في الستار بكس كافيه ينتظر خليفة ليما وصل.
خليفة: هلا بو أحمد.
محمد: يا هلا فيك حيااك.
خليف: خير يا محمد خرعتني اشفيك ؟؟
محمد: والله ما أدري يا أخوي شو أقوول بس خبرني شو تشرب؟
خليفة: كوفي .
طلبله محمد كوفي .
خليفة: و بعدين.
محمد: و لا أبليين.
خليفة: محمد انت ليش متغير علينا كلنا.
محمد : خليفة أنا صرت عديم إحساس.
خليفة: و ليش؟.
محمد: تدري إن السرطان فيني انتقل للأذن الثاانية.
خليفة: شنووو؟
محمد: تدري إنه الأمل قل في العلاج.
خليفة: والعذوب.
محمد: هذي المشكلة ماني قادر أصارحلها.
خليفة:.................................
محمد: تدري إني قمت أواجعها و ما أكلمها و بديت أقسى حتى على عيالها إلي هم اعيالي.
خليفة : انت أكييد ينييت في حد يسوي بالإنسانة شذي.
محمد: لا تلومني الدكتور قال إنه حياتي أياااااااااام و شهور.
خليفة مصعووق من كلام محمد: محمد الأعمار بإيد الله.
محمد: خليفة أنا لازم أسوي العملية.
خليفة: بس يا محمد انت تدري إنه هذي العمليات نسبة النجاح فيها 20% .
محمد: أحسن من بلا شيء.
خليفة: محمد و إن صار بعيد الشر فيك شيء.
محمد: إلي الله كاتبه بيصير.
خليفة:و ما فكرت بالعذوب.
محمد: .......................
خليفة: ما فكرت شو إلي بيصير فيها ما فكرت في عيالك محمد كبر عقلك.
( العملية إلي بيسويها محمد خطيرة واايد لأنها ممكن اتأثر في عينه مثل ماقالت الجازي و ممكن في عقله و يمكن ينشل و لا تنسون الضغط يعني الجازي ما غلطت)أمممممممممممممممممم ؟؟ فكروا والجواب لكم و حريتك الشخصية نرجع لمحور القصة....^_^
محمد: ما أدري يا خليفة ماأدري.
خليفة: فكر قبل كل خطوة يا محمد فكر.


من جهة .

مريم: يالعذوب اشفييج؟
العذوب: محمد محمد يا مريم.
مريم: إشفيه عسى ما شر؟
العذوب: ما أدري ما هب طايع يكلمني ومنجلب عليه و على عيالي.
مريم: صلي على النبي و ذكر ربج.
العذوب: عليه الصلاة و السلام مريم أنا تعبت تعبت .
مريم : أنا ألحين ما أقدر أييلج أختي تاركة ولدها عندي و هيه سايرة السوق و عيال أختي شياطين .
العذوب: مو مشكلة يا مريم .
مريم : شوفي يالعذوب أنا ما أدري شو القصة لحظة إشوي ..... يالخايس يا جماال وخر لأخبر عليك أمك قوم عني خيستني بالماي وخر و الله إنك فااضي.ألو.
العذوب: انتي بعدج مع هل يهاال يا بوج ارحميهم كوني خالة رحيمة.
مريم: احم احم أصلا ما يلقون مثلي. المهم شوفي شو ماكانت الظروف إنتي لا تعاتبينه بالعكس حسسي إنج فقتيه مهتمه فيه لا تعاتبينه روح الريال مثل ما اتقولين لايعة شبده.
العذوب: ما أدري ما أدري.
مريم: شوفي انتي سوي على إللي قلتلج عليه و خبريني شو إلي صار و إن شاء الله خير.
العذوب: أوكي .
مريم : أنا بخليج لأنه جمال ظهرلي مو قرون إلي خلاها قرون من الزماان يلا بااي.
العذوب ضحكة على حالة مريم : بااي(يحليلها افتقدت الضحكة حتى)



العذوب كانت تتسمع لراشد الماجد مغنيها المفضل حتى محمد كان يفضل راشد الماجد

أعذرني يالهداياااااااااا لو هملتك بالزويااااااااااااا.....
ماني متحمل أشوفااك و إلي جابك مو معااية.......

إلي جابك وينه عني يا ترى زعلان مني......
ما أدرى إني في غيابه كم شكيت على المرايا......
أعذريني يالهدايا.......

راح و خلاني لحالي شفتي ويش سوا في حالي.....
خبريني ويش أسوي لو عشق قلبه سواهااااا
اعذريني يالهدايا.......

قولي لو أهو حب غيري ويش يكون إسما مصيري.....
غير أموت أنا في مكاني و أترك الدنيا ورايا.....
أعذريني يالهدايا......

العذوب: العين تدمع بغيابك و تفرح بوجودك لكن تظلمه بجرحك يا ريت سهم غدرك يكون حبك و لا هو جرح من جروحك إلي أقاسيها بدنيتي وينك عني و الهوى سائل عن منايا.. (ملاك البنات)

محمد و خليفة كان كل وااحد راد لبيته.

محمد دخل البيت العذوب كانت قاعدة في المسبح اميوده ورقة و قلم تكتب خاطرة من خواطر ألم قلبها.
قامت اتسير المطبخ تاخذلها شيء باارد تشربه.
محمد سار عند الورقة

انتهيت من كلمة قاسيتها بعمري....
يا ريتها كانت الموت و لا هي جرحك يالحبيب......
انتهيت و أنا أقبض أنفاسي من حبيب تخلى عني.....
سلاام للحب الوافي ....
من تمنى يسمع كلمة أحبك....
فقدها من قسوتك…
قسوتك فيني يا حبيبي تطعن كل حرف من حروفي…..
ما أدري إذ حروف إسمي كلها ماااتت و لا تنشد بإسمك….
حبي ليك يزداد مع الأيام و جروحك بقلبي تندفن معاها....
(ملاك البنات)

محمد أعجبه الكلام حييييييييل و حس بالعذوب و عرف إنها واايد متظايقه منه و قام و كتب
في صمتي لك كلام…
عجز يقوله اللسان…
و في قلبي لك مكان...
دافي و كله حنان....
و ترك الورقة و سار يشوف اعياله العذوب لما وصلت قرت الورقة و ابتسمة ابتسامة علها وعسى تمسح ألامها ...
و صعدت على طول الدارا و سمعت صوت محمد و أهو قاعد يلعب مع أحمد وقفت عند حافة الباب تناظره و الإبتسامة ما تفارق و يها محمد لما شافها ((آآخ وينج عني يا كل الحلاة))
محمد و أهو يهد أحمد على الأرض: العذوب.
العذوب قلبها فز طار لما قالها كأنه أول مرة يقول إسمها بس ما ردت عليه لأن النظرات كانت لاعبة دور في الكلام.
محمد سار و مسك إدينها: ساامحيني.
العذوب ادمعت: مسامحتك يا محمد.
محمد يمسح دموعها بكل نوعمة: لاااا ما أبيج اتصيحين وين الإبتساامة .
العذوب تبتسم رغم كل إلي فيها.
محمد : هيه ألحين انتي العذوب.
العذوب استحت و ظحكة ظحكة حيا (ما أعرف اشلون أفسرها لكم)
محمد و يزيد قبضته لإيد العذوب و بحب: ما اتولهتي عليه؟؟
العذوب خفضت راسها و هزت راسها بعلامة نعم^_^
محمد: أبغي أسمعها منج.
العذوب و هيه اتشوف العيون إلي تترجاها تنطق بكلمة: وااااايد.
محمد: أحبج.
العذوب: ...................
محمد: كل باب و له مفتاح و مفتاح بابي أهو حبي لج يالعذوب.

في بيت بو سعود.
أم سعود: تعاال قوله يا بو سعود ماهب طايع يفهم.
سعود: امايا خلاااص ما أبي أتزوج.
بو سعود: خلااص يا أم سعود خلي الولد بحاله جريب و يعقل.
أم سعود: ألحين أنا قاعدة أقلج تعال اسندني تسند ولدكصدق لا قاولو يصيرون فرعون بدل ما يعينون الواحد.
بو سعود: خلي الولد بحاااله و إن تم شذي أنا بتصرف معااه.
أم سعود: الله يهديك يا سعود و لد فهد و يهدي أبوك إلي أهو ريلي و يغربل بليسكم.
سعود ظحك و لو إنه ماكان له نفس من كلام أمه صدق لا قول هواية عند الحريم إنهم يتحرطمون.

سعود إلي كان يحاول ينسى ريم بأي طريقه و بذات لما ريم درت بسالفة سعود إنه كان الملف ماهب ملف سعود زادها ندم و حسره و سعود غير رقم مباايله لأنه ماكان يستحمل الكلام إلي اطرشه ريم.
أم سعود كانت تقنعه يخطب بنت اختها سلامة بس المشكلة في سعود و إهي مصرة إنه سعود ياخذ سلامة مغيرها ... تتوقعون بياخذها؟؟؟
خلونا نتكلم عن سلامة إشوي.
سلامة بنت على قمة من الجمال واااايد حلوة تمتاز بالعيون السود الوساع المليانة بالرموش المكثف حنطية اللون طولها طول ملكات الجمال رشاقتها رشاقة عارضات الأزياء شكلها ملفت للغاية و الحلو فيها إنها حبوبة و تعشق اليهاااااااااااااااااااااال حييل و الصراحة هيه قاعدتها .. كانت بنت ما تتعوض مع التزامها الشديد بالحجاب عمرها 22 سنة هيه .. و سلامة كانت اتحب سعود بس محد كان يدري بهذا الشيء أم سعود حبت تخطبها على أخلاقها الحميدة و على جمالها و نسبها الذي يفتخر به أين كاان سعود ما فكر فيها و بذات لأن ريم شاغلة مخها بس سلامة من النوع إلي بسرعة تنحب و الخطاب يوم و رى يوم يزيدون بس.
أم سلامة : يا سلاامة ارحمي بنفسج كم واحد ياه و خطبج و رفضتييه.
سلامة : يما ما ارتحتلهم (يعني تبين أقول إنه قلبي يقول شيء ثاني)
أم سلامة : و من هذا إلي بتوافقين عليه أول ما ترتاحيله إن شاء الله.
سلامة : كل شيء قسمة و نصيب.
أم سلامة كانت أم وااايد طيبة و على نياتها كانت حنونة في كل شيء إلا لما سلامة ترفض الخطاب إلي يخطبونها ....
نورة: سلاااامة أبي هذاااا.
نورة أخت سلامة إلي هي أصغر من السلامة بواايد عمرها 7 سنوات صغيرونة و هما بس بنتين أم سلامة كانت ما تقدر تحمل بسبب عدم استطاعتها للحمل بس سلامة كانت تقول إنها تبغي اخت و لا أخو يشاركونها دنيتها و على إرادة سلامة و إقناعها يابتلها بنت و سمتها نورة و من بعدها مستحيل تقدر تيب وحدة ثانية .
سلامة بعطف : خذي حبيبتي كله لج تعالي أعطيج بوسة بعد امواااااااااااااح.
نورة : سلامة أنا أحبج إنتي أحسن و أحلى أخت بالدنيا.
سلامة تلم أختها : و أنا بعد أحبج وااااايد انتي حبيبتي الصغنونة
نورة: سلاامة أبغي أظهر مليت من البييت.
سلامة و الحنان في جوفها: حبيبتي وين تبين اتسيرين و أنا أودييج.؟؟
نورة: أبغي أسيييييييييير امممممممممممممممممممممممم وافي.
سلامة : عاد وافي مرة وحدة ههههه إن شاء الله من عيوني سيري بدلي انتي و أنا بعد بتجهز و منظهر أوكي يلاااا .
نورة : عاشت أختي سلوووم هييييييييه
سلامة برقة الحرير:ههههههههههههه

محمد: حبيبتي شو رايج نظهر؟
العذوب: امممممممممممم بكيفك وين؟
محمد: لاا هل مرة انتي اختاري.
العذوب: وافي شو راايك؟
محمد: امممم أوكي.
العذوب: انزين اسمع أنا بجهز شيخة و شذا و أحمد عليك .
محمد: بس أفاا عليج و لا بسحيلج شعر بناتج بعد.
العذوب: لا لا لاتكفى مافيه صيااح .
الكل:هههههههههههههههههههههههههه
محمد: العذوب.
العذوب : خير حبيبي.
محمد: ما عندج مشكلة لو لوو..
العذوب : لو شنو؟
محمد: لو سعود إي معانا لأنه الصراحة حاكر نفسه في البيت و أبغي يغير جو.
العذوب: حبيبي هذا أخوك و لازم تكون معااه و تسنده أنا ما عندي مشكلة بالعكس عيالك يستانسون منه و أنا أشوف الفكرة حلوة يغير جو كلمه و شوف شو يقول.
محمد : ألحين أتصل فيه.
العذوب: أنا بسير بجهز و بجهز بنوتات الشيخ محمد بن فهد.
محمد: ههههههههه حلوة هذي أوكي.
و يتصل محمد بسعود.
كلشيء حولي يذكرني بشيء ... أغنية محمد عبدوه رنة سعود من يوم ما ر+س= #
سعود: السلام عليكم هلا بالحبيب.
محمد: و عليكم السلام ها يالغالي ونيك فيه؟؟
سعود: موجود عايش بالدنيا يعني وين يبا بالبيت.
محمد: حلو انزين بخبرك.
سعود: آآمر.
محمد : عازمك اليوم أنا والعذوب وعيالي.
سعود: لا يبا انت ساير مع مرتك و عيالك أنا ليش أرز ويهي.
محمد: سعوووووووووووود تردني ما عليه لا تكلمني.
سعود: أفااا يا خويه بس مو حلوة.
محمد: حبيبي أقلج عازمينك انت بلاك ما تفهم ما اشتقت حق شويخ.
سعود: ويه فديتها خطيبتي علشانها بس.
محمد: تكشخ تراها كاشخة علشانك.
سعود: إن شاء الله في حد ما يكشخ لهزين .
محمد: شفت عااد.
سعود+محمد= ههههههههههههههههههههههههههههه
و كانت العذوب تجهز اليهال و محمد امشغل التلفزيون و يلبس أحمدو يسمع أغنية عرقية و يغني معاها:
قالو نساك و راح قلتلهم يعود
و بقلبي المحبوب بس إنت الموجود
ارجع يا ضي العين لا تنسى الوعود
**
ليله أريد و ياك نقعد سويه
ويل يا ويلحالي منتظره صارلي سنين
**
لا اتصديقيهم والله صعب فرقاك
لا اتصدقيهون و لشوفتك والله حضرت العيون
اعذري نهايم بيك سميني مجنون
بإديك جنوني صار لام بايده
**
حتى القمر بالكون ما يهمني نوره
لو إنت لو ما أريد لعيون صوره
بستان قلبي راد منك زهوره
و ياريت بالبستان نقعد سويه
**
(أغنية عراقية)

سلامة و نورة ظهروا و ساروا الوافي و اتصلت سلامة في ربيعتها أسماء عسب اتكون الطلعة أحلى و سارت أسماء معاهم و معاها ثاني 6 سنوات ولد أختها و دلال أختها إلي هيه أكبر عن نورة بسنة.
سلامة و نورة كانوا قاعدين في الكافيه و ثاني و نورة و دلال كانوا يلعبون تعرفون ألعاب الوافي ما تتعوض :9 و محمد و عائلته الكريمة برفقة سعود توهم واصلين و قعدوا يتمشون و يتشرون ليما قالوا بيسيرون بيتعشون ساروا الطابق الأخير إلي المطاعم فيها . و حزتها سلامة و إلي معاها كانوا همن سايرين يتعشون .
محمد: لااااا ألحين أوريك إن ما خليتك تاكل الأكل كله ما أكون حموود.
سعود: منشوف.
العذوب: حلوة هذي حمود حبيبي كبر عقلك بدال الواحد ثلاث حمود.
محمد و سعود:ههههههههههههههههههههه
العذوب شافت سلامة و عرفتها .
العذوب: محمد شنها سلامة؟
محمد: اممم امبلا و هذي نورة .
سعود ما يدري شو يسوي ارتبك ما يبغي يشوفها لأنه هذي إلي أمه تبغي تخطبله.
و إلا بسلامة انتبهت إنه في أحد يطالعها شافت محمد و العذوب انتبهت لسعود لإلي سعود يوم شافها و من بعد المسافة من بينهم الا انه احسها قريبة لقلبه كحبل الوريد..
سلامة ابتسمة لهم بابتسامة تذوب الناس إلي سعود صدق ذاب فيها .
ساروا الجماعة يسلمون عليها.
العذوب: هلا فيج يالغالية .
سلامة : الله يحييج حياكم.
محمد: لا مشكورة دام فضلج .
سعود إلي ما يعرف شو يقول بس عسب يبين إنه طبيعي: اشلونج سلامة؟؟
سلامة بنعومة إلي خلت سعود صدق يتعذب منها : بخير الحمد لله و انت؟
سعود: هااا الحمدلله بخير.
محمد يقاطع الحديث : إلا سلامة شو اخبار الكلية ويااج؟
سلامة : الحمدلله تمام بس تعب.
سعود بعفوية: أكيد يالغالية الكلية تعب لازم تعرفين البروجيكت و هذي الأشياء(سلامة قالي غاالية يعني أنا غالية وااي يا حبيبي بس لو تدري).
سلامة : صح لسانك.
العذوب : انزين سلووم بنخليج ألحين السموحة على الإزعاج .
سلامة : لا عادي نحن أهل.
محمد: خلينا انشوفج مو تختفين عنا في السنة مرة ما أدري مرتين.
سلامة : إن شاءالله انتوا بعد .
العذوب : إن شاء الله.
نورة : العذوب ليش ما سمتي وحدة من بناتج نورة؟؟
محمد إلي كان بداخله ناقع من الضحك : و ليش انسميها نورة.
نورة : عسب اتصبح و تمسي فيني .
الكل: ههههههههههههههههههههههههههههههههه
سلامة : بسج من لسانج الطويل يلا حبيبتي سيري كملي أكلج ما نبي انطول.
نورة: أوكي .. العذوب تدرين .
العذوب : خير.
نورة: بازروكم جريب و بلعب مع شيخة و شذا و أحمد.
العذوب: حياج حياتي في أي وقت .
سعود : و أنا ما بتزوريني.
سلامة بس لما يتكلم سعود اتضيع بوادي.
نورة: امممم عرس و هاتلي بنوتين حلوين و أزورك.
سعود إلي الإبتسامة ما فارقته من نورة: أم لسان.
سلامة و بطيب : (عاد أول ما تكلمت عيني عينك يا سعود بسك ) و بعدين معااج يلا قبضي لسانج و لا ماني امطلعتج مرة ثاانية.
نورة: أصلا ما اترومين اتردين حبيبت قلبج قلبج ما يطاوعج.
الكل : ههههههههههههههههههه
محمد: انزين عيل حنا نترخص.
العذوب: في أمان الله.
سلامة : في أمان الكريم.
الكل تحرك ماعدا سعود سلامة احمرت بس طنشته عسب ما يحس بشيء سعود استوعب أهو شو قاعد يسوي شان يتحرك و أهو منحرج و قام سار عند طاولة محمد و قعد .
سعود: يلا يا بو أحمد شو تاكل.
محمد: ألحيين.
سعود بتردد: شو ... ألحي.ن
محمد: سلامتك بس أنا بطلبك على ذوقي.
سعود: إلي اتشوفه .
و قعدوا يتعشون سعود لما خلص عشاه شل شويخ إلي هيه دلوعة عمها و قعد يلعبها ليما خلص الكل أكله و نشوا سعود قعد شال شيخة .
و أهمه نازلين.
سعود: ها حبيبتي شويخ استانستي إن شاء الله مع خطيبج اليوم.
شويخ اتقول: د د د د د
سعود:حبيبتي :قولي عمييييييي.
شيخة: دووووووووووووووو
العذوب: هههه أصبر عليها إشوي و بتقلج خطيبي بعد.
سعود: ههههههههه أشك أنا .
محمد: لا و الأم موافقة بعد.
العذوب : شفت اشلون؟ (تغمزله غمزه إلي اطيح الطير من السما (محمد ياويلي عليها)
محمد: يعيني عليج.(العذوب استحت إلي ماتت من الحياء و لا المشكلة جدام سعود بس سعود وين سارح بعالم ثاني بعالم السلامة و ياريته يتم يحلم و لا يصحى و يشوف إلي يشوفه.
سعود: ريـــــــــــــــــم!!!!!!!!!!
ريم و العيون تتغرغر: ســـــــــــــــــــعود
سعود كان وده يقولها شيء بس كرامته منعته و صد عنها ريم لا إراديا مسكت بإديه العذوب و ممد تفاجأوا من حركة ريم ريم: لا تتركني سعود لا تعذبني حرام عليك بيزوجوني واحد أنا ما أبيه دخيلك سعوود .
سعود بشموخه و جبروته شافها بنظرة تهز كيانها المجروح و غاب عنها .
محمد: سعود.
سعود بحزن: خير
محمد: لهذي الدرجة اتحبها؟
العذوب كانت صدق مندهشة من إلي صااار و ما توقعت إلي صار بيصير.
سعود: محمد تكفى تكفى ما أدري يا محمد كلما أبغي أنساها تظرلي بأي طريقه. 
محمد :......................
العذوب: سعود انت لو تتزوج بترتاح من إلي انت فيه.
سعود و أهو يركب السيارة : أتزوج يالعذوب حلوة هذي أتزوج وحدة ما أبادلها أي شعور أظلمها معااية و بحبي إلي مات و الورد منثور حوله أتزوج و أنا إلي قلبي مأسور عند إنسانة ثانية.
العذوب أحزنها كلام سعود كثيرا فهي تحس بمعاناته: بس يمكن إلي تاخذها تنسيك الماضي .
سعود: إلا هذ الماضي.
محمد : بس بالإرادة يا سعود كلشيء يصير .
سعود:............................................. ..
محمد:شو رايك لو تااخذ سلامة ؟؟
سعود بصدمة : سلااامة!!!!!!؟؟
محمد: هيه ليش؟
سعود: إلا هذي الإنسانة ما أقدر أخليها اتشاركني المأساة إلي أنا فيها.
العذوب: بس يا سعود سلامة تقدر تنسيك ريم.
محمد: و ما تتعوض تدري إن الخطاب عند باب بيتها بالصبح و المسى .
سعود: بفكر بفكر بس ما أقدر أنسى ريييييييييييييييييم.
العذوب: ريم و بتتزوج و بتنساك و إنت بتظل طول حياتك شذي؟ ( صح كلام العذوب حتى لو ريم ظلت اتحب سعود بس لي امتى في النهاية هيه متزوجة و لها حقوق لازم تأديها لزوجها يعني كذا و لا كذا بتحبه)
سعود: .................................................
محمد و صل لعند بيت أبوه.
سعود: حياكم.
محمد: اسمحلي الوقت تأخر و اليهال تعبانين المرة الثانية سلملي على الوالدة و الوالد.
سعود: يبلغ لا توصي حريص.
العذوب :فكر بالموضوع يا سعود.
سعود: إن شاء الله يا مرة أخوي ديري بالج على خطيبتي.
محمد: هههههههههه في عيونا.
سعود : في أمان الله.
محمد و العذوب: في حفظ الله.
سلامة إلي أول ما وصلت البيت.
أبو سلامة: ما بغيتي تين البيت؟؟
سلامة : يبا السموحة بس تعرف زحمة دبي.
أبو سلامة و ليش ما ظهرتي من وقت؟.
سلامة : ما مدالنا نتعشى؟
بو سلامة: شوفي الحجج هذي مو عليه و آخر مرة تظهرين لي هذي الحزة.
نورة إلي كانت خايفة من صراخ أبوها انخشت ورى سلامة و هي قابضة إديها على أختها .
سلامة: تامرني على شيء يبا؟
بو سلامة: ما اتشوفيني أشوف المباراة يلا انجلعي.
سلامة و الدموع جريب و تغسل بيتهم: إن شاء الله
أم سلامةإلي ما قدرت تستحمل قسوة بو سلامة على بنتها سارت مع بنتها لدارهااتخفف عن آلامها
رغم السعادة إلي كانت غامرتها من شوفة سعود إلا إن الحزن و الكآبة ردلها من يديد.
حبت اترفه عن روحها قالت بتدخل النت و من النت بتدخل المسن و بتكلم صديقاتها يحليلها تولهت عليهم.
لقت ربيعتها أسماء اتحيدونها قاعدة على المسن.
سلامة: هلا والله.
أسماء : هلا و غلا.
سلامة : اشحاالج؟؟
اسماء: تمام و انتي؟
سلامة : بخير
أسماء :أكيد بخير دامج شفت يالحبيب اليوم أكييد بخير.
سلامة : انجبي يلي ما تستحين .
أسماء : خلج كووول.
سلامة : يلاا عااد مافيه؟
أسماء : انزين ما لاحظتي اشلون بحلق فيج؟
سلامة : بس قلبه مو معااي ؟
أسماء :بس انتي تقدرين اتنسينه إلي صاار.
سلامة: المشكلة إني أحبه.
أسماء :عدااااااااال
سلامة:لووووووووووووول
.................................................. ..........
محمد: يعني يالعذوب تهقين ؟؟
العذوب: الصراحة حياتي سلامة بنت ما تتعوض و تقدر اتنسيه ريم و إلي ياب ريم بس.
محمد:المشكلة في سعود هذي خليها عليه أنا بقعد بقنعه .
العذوب: و أنا واثقة فيك إنك تقدر تغيره.
محمد بغرور: لازم مو لأني حبيبج (يغمزلها).
العذوب :وااااااي محم دما أقدر.
محمد: يا عيني عليهاااااا حبيبي انته..
محمد: إيه حبيبي شوفي عيالج بدوا بالصياح الرومنسية بهذا البيت ممنوعة 
العذوب تناظره على الكلام إلي يقوله و هيه حاطة إدينها على خصرها : لا والله.
محمد: سيري دخيلج عند عياالج كلما شافوني أتغزل بمرتي الأخوة الكرام نشوا من رقاادهم والله حاله.
العذوب تناظره بنظرة تذوب محمد : بلا سخاافة حمودي إنزين .
و سارت عنه اتشوف أحمد إلي كان صيااحه عام الفريج بكبره.
العذوب: حبيب ماما انته تعال .
محمد يلاحقها : يعني حرام عليج ادلعينه و ما ادلعيني؟؟!!
العذوب اتظهرلها لسانة: اننننننننننننن
محمد: عداال خلي أحمدوا يخطفج مني إن ما شرشحته.
العذوب تضحك عليه: هههههه حرام عليك إلى هو ياهل انزين أنا أمه.
محمد: ولو إذا إنتي أمه أنا ريلج حبيبجججج.
العذوب: فاضي و لك باب فاضي حبيبي مثل ما انت حبيبي أهو بعد حبيبي (و اتحب أحمد على يبهته)
محمد مثل اليهال: لا أنا زعلت.
العذوب: ههههههههههههههههههههه محمد تكفى .
محمد:ههههههههههههههههههههههههههههههههههههههههههههه ههههههههههههههه

خلونا انسير لبيت بو سعود.
سعود: يا يمه قلت بفكر بفكررررررررررر لا تكرهوني بدنيتي.
أم سعود: إنزين شوف أنا باجر بزورهم أبغيك تي معاية انزين اقعد معاها شوف حالتها جرب منت خسران.
سعود بخيبة أمل: إن شاء الله.
بو سعود: ما أدري ليش أحسها من نصيبك يا سعود.
سعود: الله كريم (و نش و سار غرفته)
بالغرفة سعود قاعد على المكتبة يكتبله خاطره أهو عاشق الخواطر .
أمشي و الورد من حولي محلاه
أمشي و الحلاه كله في عيونه غزاه.
أمشي و الشتاء صاحب خريفي.
كلن فيك مسحور من نظرة همسة في نفسي شوق المحبه.
كلن يقول محبوب من شوفته في نفسي أنا ضايع بهواه.
كلن بالمحبة شاهد من طيوف في خفوقي أنا ألتمس ضلوعه.
(ملاك البنات)

و يمزق الأوراق و يرميها رمية في القمامة كأنها صاعقة قد اخترقت المرمى.
سعود:آآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآه
تعبت يا دنيا ارحميني بحالتي تعبت تعبت .

و يمسك القلم من جديد(الرجاء القراءة بالفسحة)

أحبها و كيف لي أن أكرهها و هي منذ المهد حبيبتي.
حبيبتي كم آه أقولها في جوفي ليتكي تعانين بما أعاني.
ياليت الموت يزورني فيخفف جراحا كان على قلبي مؤلمي.
تسكن الآهات في صدري فأين السلام في منيتي.
يقلون أحب من هيه سلام لدنيا العشاقي.
كيف لي و قلبي يتمزق بمرور ريحانها في وجداني.
آيا ليت الزمان يعود ويصلح حال آلامي......
(ملاك البنات)

و تتمزق الأوراق و تنتثر بين الغضب و الأمل.
سعود: يا سعود يعني انت ليما ألحين تحبها لا ما اتحبها هيه ضاعت و انت ضعت كلمن سار بطرييج بس
بس ليش سلامة تخطر على بالي كل ثااانية ليش؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

و نام سعود و الأفكار من حوله.

بالصبح .
أم سعود: يمه سعود نش قووم بسك
سعود بنعااس: يمه خليني أناام و الله حرام عليج آآآه.
أم سعود: يلا زين الساعة 11 و يقولي خليني قوم ما باقي شيء على آذان الظهر.
سعود: يمه إلي هيه ساعة بااقية و أكثر خليني(و يتلحف بالبرنوص و يخمه رقاد)

بالنسبة للعذوب فكانوا توهم امخلصين ريوق.
محمد: آآآه تسلم إدين حبيبتي على البريك فاست النااايس.
العذوب بدلع: أكييد نايس لأنه من إيدي.
What did you say Mohd:
3tho0b: Nathing go now take your child to the living ro0m because I want to take a bath ok Hany.
Mohd: Ok but don’t be laet I will miss u.
العذوب: جب.
محمد: أفاااا أقولج مسيو اتقوليلي جب.
العذوب: جب.
محمد: يلا عااد ترى أزعل.
العذوب: يلا سير اجلب ويهك سير عند عيالك.
محمد: هذي انتي اليوم.
العذوب: يعني من زود حبي لك ما أعرف شو أسوي فيك.
محمد: قولي شي يبا .
شذا إلي بحضن أمها .
العذوب: يلا شذوووي سيري عند ابوج.
شذا: آآآآإإإإإإ
محمد: دلوعة أمها يلى تعالي .
شذا اتصيح العذوب: بس حبيبتي بسبح و برجعلج سوي إلي تبينه في ابوج بس سكتي.
محمد: ما شاء الله أي خدمة ثاانية.
العذوب: هههههههههه لا حبيبي يلا ببااي

محمج يكلم عياله: حبايبي شو تبون تلعبون.
إلا بأحمد يمط إذن ابووه.
محمد: آآخ يالجلب وخر.
أحمد :دددددداداداداددد
محمد: مو منك من إلي تااكله صايرلي دب استح على ويهك أبوك أرشق عنك .
اليهال ما يدرون شو السالفة بس قاموا يتضكحون و لا يدرون محمد قعد ياكل حلاوة العذوب المفضلة فريروروشيه الأبيض تتخبل عليها .

بو سعود: ها يم سعود وين ساايرة؟
أم سعود تلبس حلقها: سايرة عند أخويتي تامرني بشيء بو سعود؟
بوسعود: مايامر عليج عدو.
أم سعود: أمبييه نسيت خلوني أشوف هذا سعود نش و لا لاء.
سعود إلي كان قاااعد و ما يدري شو السالفة و اصلا ناسي سالفة الروحة .
أم سعود: إنت بعدك ما تجهزت؟؟
سعود: شايفتني عروس بحط ميكب و أنا مادري هههه
أم سعود: مسخف دمك يلا قوم تزهب منسيرلهم أبغي أرد قبل صلاة العشاء.
سعود: إن شاء الله.
و تركته أم سعود و قام سعود يتكشخ و يتدهن بالدهن العود و يتعطر و صار كوول و لبس الغطرة و العقال يا سلااام شكله و لا أروع .
سعود: امايا امايا .
أم سعود: كاني هنيه يلا.
سعود: إنشاء الله.

سلامة ماكانت تدري إنه سعود بي مع أم سعود على بالها بس خالتها .

تتوقعون شو إلي ممكن يصير و الجازي شو قصتها يعني الكلام إلي قالته شذب و سعود شو آخرته؟ و محمد متى بيعترف بالعذوب و شو بيسو عسب العملية ؟؟؟؟
ترقبوا الأجزاء القادمة بفارغ الصبر
محبتكمم
ملاك البنات

[قمرمن شافها طمر]

يسلمووووووووووحياتوووووووووووووو
ننتــــــــــــــــــــــــــــــــــــــــــــــظ رك

[•° SuGaR CuP °•]

نتظرك
................................

[!!قلبي!!]

تسلمين
ونتريا التكملة

والسموحة

[الحوراء 2006]

يسلمووا000ننتظرك

[رمش الهدى]

المشاركة الأصلية كتبت بواسطة ~ْSaRoOoNaHْ~ نتظرك ................................

 

 

نورتي يالغالية القصة و شكرا على المتاابعة

[رمش الهدى]

المشاركة الأصلية كتبت بواسطة الحوراء 2006 يسلمووا000ننتظرك

 

 

حوراء 2006 تسلمين حبيبتي إن شاء الله جريب

[رمش الهدى]

عاشقة جنان و قلبي تسلمون حبيباتي على المتاابعةة

ملووكة

[رمش الهدى]

إن شاء الله اليوم أنزل جزء

[الحلوه الاموره]

ماشاء الله ابدعتي
بس شوقتيني عشان اعرف نهايتها