محطات في حياتها |₪| мs. L i м σ ≈

[برعم الورد]

السلام عليڪم ورحمة اللـہ وبرڪاتـہ بسم اللـہ الرحمن الرحيم ها قد عدنا مرة أخرى ومعنا ضيفة جديدة ضيفة لا أشك أن الڪثير يغمره الفضول ويتحرق شوقـــًا لرؤية ما قد تڪتبـہ ضيفتنا هي المشرفة الغالية мs. L i м σ ≈ فــأهلًا و سهلًا بها ڪل 3 ايام سنستضيف عضوة تتحدث لنا عنما بداخلها وما تود البوح بـہ { ذڪرياتك ,, مواقفك الحزينة و السعيدة ,, مشاعرك ,, مراحل دراسية ,, اشخاص اعزاء ,, وفاة ,, تجربة ناجحة ,, .... والڪثير } مساحة خالية لك وحدك و لقلمك , إملئيها بما شئت !! ربما صورة لها ذڪريات خاصة ....................أو انشودة لها موقف معين ................................................أو خاطرة لامست آحساسك ڪل ما تودين !! فلك الحرية في سرد تفاصيل حياتك من طفولتك وحتى هذا اليوم ! - ثلاث ايام لكٍ فقط ! - ممنوع الرد حتى تڪتب ضيفتنا •» انتهيت ! - الإلتزام بقوانين المنتدى عامة ! لك يا мs. L i м σ ≈ الأربعاء ,, الخميس ,, الجمعة في انتظارك ♥

المصدر: منتديات بنات دوت كوم

---

lp'hj td pdhjih |₪| мs> L i м σ ≈

الموضوع الأصلي : محطات في حياتها |₪| мs. L i м σ ≈ || القسم : مُستظل لِ أرواحٍ حالمة || المصدر : منتديات بنات دوت كوم || كاتبة الموضوع : برعم الورد

[Ms. LEMO]

السّلامْ علِيكم و رحمة الله و بركَاته

برعمْ . .

أشكركْ على استضافتِي في هذا الموضوعْ

. . الراقِي . .

راحْ أذكرْ محطّاتْ و ذكرياتِي الخالدة

بدءًا من الطفولة . .

وحتّى الشّبـابْ


كونوا بالقربْ . .

[Ms. LEMO]

بسْم الله الرّحمَنْ الرحيمْ

راحْ احاولْ أسرد لكمْ طفولتِي . . واللي أتذكره منهَأ . .
ان شَاء الله تستانسوا معَاي مو عليْ



أولْ شي وُلِدت فِي يومْ الأحد . . بتاريخْ 9 | 3 | 1413 . . وبالمِيلادِي 6 | 9 | 1992
من موالِيدْ جدّة . .

عندِي ثلاثْ أخواتْ و أنا أكبرهم . .

ما عندِيش أخوانْ . . ولكنْ ظهر بدائل لهمْ . . فِير مرحلة المراهقة
> لحد يفهمْ غلطْ


. . . .

بداية عمري كنتْ أعِيش مع أهلِي فِي حيّ الصّفا . . كانْ فِينِي شقاوة حبتِينْ . .
عذبتْ امّي معاي الله يهدِينِي . .


على ذكر أمي . . وحدة من القصصْ اللي كانتْ تقولها عنّي وانا صغيرة :
لما كانْ عمريْ سنتِينْ . . و أختِي أمانِي أصغر منّي بسنة . .
وكانْ فِي فترة رمضانْ . . و على صلاة العصر أمي كانتْ فِي المطبخْ
وكانتْ توها مغيّره لنا الحفائض . . المهم أذن العصر و راح أبوي بيصلي

وفتح باب الشقة و ترك الباب مفتوحْ . . وأمي مسكِنة منهمكة في الطبخْ . .
تقول حسّيتْ بهدوء فِي البيت مافي صراخْ ولا فوضى . .
تقولْ طلعتْ ادور عليكْم . . مو موجودِينْ فِي البيتْ !!
تقولْ يومْ شفتْ البابْ مفتوحْ جسمي برردْ و حسيت بيغمى علي

و اتصلت على ابوي يدورنا . . و الجيرانْ يدورون ! . .
والله الين ما قرب وقت صلاة المغربْ . . أمي فقدت الامل
وأبوي كان بيبلغْ الشرطة . . بس كان رايح بيطلع للعمارة .. شافنا مع الرصِيف نمشي
بحفايضنا . .

الحمدلله انه لقانا . . وإرادة ربي انه مشى مع طريق معيّنْ حتى يشوفنا
وحقيقة انه كِيف احنا صغار و نزلنا مع الدرجْ . . لغز حيّر العلماء

بعدْ أربعْ سنوات من الحادثة الغريبَة . . انتقلنا إلى بيتْ جدِيدْ . .
وسجلتْ فِي الابتدائية . . كِنتْ فرحانة جداً . .
كنتْ ألعبْ في الشارعْ من الصف الاول إلى الخامس
و بالنسبة للجيرانْ . . الله يذكرهم بالخِير
كانوا اشقياء بالمره . . أفتح باب البيتْ أشوف مناظرْ عجييييبَة . .
اللي يتضاربْ و اللي يصارخ و ناس تمشي وناس تضحكْ . .
كانتْ حيــاة . . لأننا سكنّا جنب الميناء !

وأغرب المناظرْ اللي كنتْ أشوفها . . ولدْ أسمه " رائِدْ " . . مدري عن عمره بس كان
اطول مني بشي بسيط . .
كَانْ الله يهدِيه يمسَكْ ذيل البسة ( القطّة ) . . ويرفع يده فوق و يدورها

كانْ يمسكْ أي حيوانْ في الشارعْ ! . . و يجيبْ لوحْ ويدبس الحيوانْ ويقعد يشرح فيها
يحبْ يتعلّم

احدى مغامراتِي العمياء . . وانا بالصّف الثالث :
سطوح البيتْ كانْ قريبْ من سطوح بيت الجيرانْ !

فكنت العب فِي السطوح و كانوا يقفزون لسطوحنا . .
طبعاً المنظر ذا غريبْ .. لما تشوفِي 4 أو 5 أشخاصْ ينقزون من سطوح لسطوحْ ؟!

اما انهم نينجا . . أو قرود

طبعاً ما قدرتْ اصبر . . ابي أجربْ شعور القفز هذا
ركبتْ على الجدارْ . . ومستعدّة لقفزتِي المصيرية . .
واللي يضحك اني كنت اثناء القفزة . . اتخيل ان فيه جمهور يطالعون فيني
ســـــوبـــــر ويمن خخخخخخ

اختِي المسكِينه تطالعْ فيني مع الدرجْ . . لمّا قفزتْ . . القفزة أكبر من عمري
لما وصلتْ لسطوحهم . . زي الكهرباء من رجولي الى بطنِي !

وكنتْ خايفَة أختِي تعلمْ أمي و أبوي . . فرحتْ أجري من درجهم الى باب الجيران
الى الشارع . .
دقيقتان بالضبطْ و اني ادق جرس بيتنا

طبعاً أختِي أمانِي نزلتْ تصرخْ " أحلام طاحتْ فِي بيتْ الجيرانْ "
> التعبير لحاله متعوب علِيه

أبوي ما لحقْ يسمع الخبرْ إلا وجرس البيتْ يدق و يفتحْ لِي . .

و أمي و أبوي باقِي مو مستوعبين القصّة مضبوطْ . .

تعبتهم معاي . . الله يصلحني . .

لي بَاكْ

[Ms. LEMO]

أعتذر . . جانِي سفر طارئ ="(

إنتَهَيْنَا منْ الصّفْ الثالثْ و نجي للصف السادسْ

الإقترابْ مِنْ الموتْ !

في صباح أحد ايام العطلة الصيفية . . عائلتنا و الأقارب كلهم قرروا نسوّي كشتَه
الكشته : تروحِي فِي بر مع ناس ومعاكْ قدور و اغراض الطبخ و جزة الجمر
والأغراض نسميها العزبة
ونطبخ هناك و نتغدى مع بعض . . زي المخيم
طبعاً البر بعيد عن مدينة جدة حوالي 200 كيلو

ويظهر رجلْ ما نعرفه ولا يعرفنا لبسه مغبر و عليه الترابْ
وبان انه من اهل البادية و القرى
بس احد اعمامي خله يجلس مع الرجال و الوضع عادي
بس سبحان الله تطلع فائدته بعد شوي

وأنا فِينِي حماسْ مفرط
بس اجري هنا و هناكْ و بدونْ حذاء
بس سبحانْ الله يمكِنْ اللي صارْ لِي دفع البلاء عنْ اختِي !
لأني و أنا جاية لعِندْ الحريمْ و من جهة ظهر اختي
وقفت على شيْ . . خفت انه يكونْ شوكَة !

من هبالتِي خفتْ ارفع رجلِي و تجي امي تطلع الشوكة > تبدأ أفلام الرعب
وقفت حوالي عشر ثوانِي وطالعتْ لجهَة رجلي
وربي يدين ( المقصات ) حق العقرب مبين من خلف رجلي
ويبدأ الصراخْ قبل الألم

بس ذبحوه العيال
أمي و ابوي اخذونِي في السيارة و هم حايرين
وين المستشفى . . ويجي الرجل اللي قلت لكم عنه
ويدلنا على مشفى صغير . . يبعد حوالي 15 كيلو

انا جالسة في الخلف و اطالع في رجلي مربوطة بقوة في الفخذ بشماغ
وامي تطالعني و تقول اقري المعوذات و ايه الكرسي
واشوف دموع امي في عينها

واشوف ابوي و سرعة السيارة في 180 تقريبا
و استجبت لأمي و قرأت وبعدين وما دريت عن نفسي
الا ابوي يحملني و يركض في المشفى وينادي يا سستر

وأذكر لما كنت في السرير يسأل الدكتور عن شكل العقرب
قالت أمي عقرب لونها أشقر
ولما جا الدكتور بيعطيني ابره في رجلِي
سويتْ حركة الكل ضحك علي فيها
قلت له . . انتظر دقيقة خلني ارتاح
؟؟؟

القصة و ربي من أغرب القصص اللي مرت فينِي
الحمدلله عدت على خير

صورة العقربْ اللي اذكرها :



الله يكفينا جميعاً شرها . .

[Ms. LEMO]

باكْ . .

لله الحمد والفضلْ و المنّة
كانْ فِيه مشروعْ ضغيرْ بين جدي ( ابو أمي ) . .
وبعض خوالِي ( اخوان امي ) و أبوي و أحد أعمامِي

مشروع سكنِي . . بنو فلل صغيرة واستمر البناء حوالي 4 سنوات
و طلعتْ مشاكل عليه و على الارضْ . . بس الحمدلله انتهى على خير

و انتقلنا هناكْ فِي اجازة العقربْ . .

وسجلتْ فِي المتوسطة . . وظهر لِي خمسْ بدائِلْ للأخوانْ

اللي همْ أخوانْ أمّي مِن الأبْ ( من زوجة جدي الثالثة )

كانوا شلة العزابية بس واحد تزوج السنة اللي فاتتْ

الكبير : عبدالكريمْ تزوج السنة اللي فااتت
التوأم : عبدالرحمن و عبدالعزيز > أكبر مني ب 3 سنين
التوأم : عبدالله و فِيصل > أكبر مني بسنة

تقريبا ساكنِينْ معانا . . 24 ساعَة عندنَا . .

أبوي يحبهم جدا جدا . .

لدرجة انه بنى لهم مجلسْ صغير في حوش الفلة . .
بس حتى يلعبوا بالبلايستيشن و خرابيطهم

اعتقد يفضلهم علي لأنه بنى لهم مجلس في اسبوع هدية
وانا اطلب رصيد جوال 20 ريال أسبوع ما يجيب لي

وأقربْ واحد منهم لِي هو عبدالله . .

عبدالله واحد متمرد طويل ابيض اشقر و عيونه رمادي

هذا الوصف اللي دايما يوصف نفسه فِيه في المواقِع و الجوالاتْ

واحد يحب المزاح . . و أسلوب الابتزاز عنده أسهل من شرب الماء

و يعرف عني كل شي من منتديات بنات دوت كوم و التصميم
وغيرها من الفضايح
بس هو اللي يعطينا وجه في البيت . . يعني إذا بغينا نخرج للسوق او لأي طلعة
هو يودينا و الباقين لا حياو لمن تنادي

بس مشكلته إذا طلبتي شي يقول لا ويعاند .. بس يشوفنا معصبين و منقهرين
يضحك بصوت عالي و يقول مشينا > يتونسس علينا الاخْ

مره و بعد محاولاتْ . . عزمت 2 من صديقاتي لبيتنا الجمِيلْ
و استحيت اطلب من ابوي يجيب لي من البقالة خصوصا اسمائها
سنكرز و تويكس و جالكسي > لو تسمعونه كيف يسميها

مالقيت غير اطلب من عبدالله .. ومن خلف الصالة . . قلت له جيب و جيب و جيب
وانصدمت يوم قال : ابشري . . غالي و الطلب رخيص . . كم عندي احلام أنا
؟ ؟ ؟
يهايط على البنات الله لا تبلانا

..

و أستمرت حياة الملل .. إلى أن دخلت الثانويَة . .
كان يغمى علي بكثرة . . ورحتْ للمستشفى و طلع فِيني السّكر

في البداية كنت اخذ أبر و كانت تتعبني . . ومافي احد يعرف للإبرة
فكنت اروح لمستشفى قريبْ . . وتعاونت مع ممرضة و صرت أعطيها مبلغ
و كل شوي أجي عندها . . 3 مرات باليوم !!

بعد أربعة شهور . . قال الدكتور يكفي تداومي على الحبوب ان شاء الله
وبعدين صرت على الحبوب بس . . الحمدلله

والحين صرت متعايشه معاه و صرت أعرف الاكل و نوعه و اللي مفيد لي . . .
الحمدلله على كل حال ..

لِي باكْ

[Ms. LEMO]

باكْ

ذكرياتْ بدونْ سطور !

أذكُر لِي ذكرياتْ بس والله ما أذكر تفاصِيلها . .

منها لما طاحْ علي الدولابْ

و طراطيع العيد . . اللي اسميها مفجراتْ العِيدْ . .
لما كنت لابسة فستانِي وفرحانة فِيه . .
و احد العيال اللي لو شفته الحين ذبحته بدون جدال
ولع وحدة من هالمتفجرات و اشتعلت في فستانِي الجمِيلْ

و عندنا في السعودية المرأة ما تسوق السيارة . . > من حقهم
ف مره رحنا للبر و اشتعلت فيني روح القيادة
وبعد صراخ على ابوي ورمى على المفتاح يبيني اسكت
وكانْ يطالعنِي بنظرة .. يعني انت أصلاً مو قدها تسوقين . .
فشميت ريحة تحدي > الا ريحة مخلفات جمل تبعد عنا امتار
ركبت السيارة و عرفت اشغلها . . وتحمسسسست مره
فضغطت على شي من الاشياء الثلاثة اللي تحت ( مكان قدم السائق )
مشيت السيارة بسرعة ووقفت .. يمكن حوالِي متر
ما أشوف غير ابوي قامْ ويده على راسه
> السيارة غرزتْ . .
وبالقوة طلعت
وانا مصرة على كلامي و اقول : أصلا سويتها متعمدة علشان مره ثانية ما تتحداني

كانتْ أمي تقولْ لنا عني انا و اماني
لما كنا صغار .. تروح هي تتفرج تلفزيون .. تدخل المطبخ تلقانا انا و اماني نطبخ
بس البيض نكسر فيه
واماني تصب موية على الارض و تتزحلق فيها

احدى المراتْ . . جانا تهور في رمضان
وقلنا بنروح الهدا ( عند مدينة الطائف )
وخلاص عزمنا الامر و جهزنا و مشينا بالسيارة
طبعا اولا نمر بمكة و بعدين طريق يمشي على الجبل

هذي صور للتوضيح






كل الشكر لمن قام بالتقاط الصور

طبعا سيارتنا وهي على طريق الهدا
مقدمة السيارة ما نشوفها بين حين و اخر بسبب الضباب
اللي كان بضع ثواني يتكثف و يفكنا شوي

وطفت سيارتنا ولا نشوف لا طريق
ولا سيارات ولا شي . .

خوف و رعب استمر لدقيقتين كاملتين ما نعرف ارضنا من سمانا
و الحمدلله اشتغلتْ و قدرنا نشوف الطريق و اكملنا المسيرة

لِي باكْ

[Ms. LEMO]

باكْ . .

فِي عامْ 2009 . . والملل قطعنِي جدا جدا . .
وكنت أكره شي اسمه منتديات

قررت أني ادور منتدى للبنات أسجلْ فِيه . .
لقِيتْ هالمنتدى و سجلتْ فِيه . .

أول ما سجلتْ فِيه كنت مداومة على قسم الانميشن
وكان فيه موضوع مثبت ظهر فِيه مشروعْ غير مكتملْ . .

وكنتْ معاهمْ فيه

و أذكر احدى العضواتْ اللي هي وايتي ( المشرفة كاندو )
و العضوات ايما و فانيلا سكاي و سوموي شوجو و المشرفة كيسامي
و غيرهن من العضواتْ من 2009 و قبل

اختفوا العضواتْ وبقي منهم قليل جدا =(
اشتقت لهم و لسوالفهم و مهايطاتهم >

و دخلت في طاقم المصمماتْ أول دفعة
وبسببه تطورت في تصميماتي الحمدلله . . ولا زلت في تطور
و هدفنا نبلغ القمة =")
و مسابقة القروباتْ لها من ذكريات الرائعة
وقروبي إبداع الفائز بالمركز الأول في احدى المراتْ

كانت أسباب خلتني أحب المنتديات جدا . . و أدمن عليها
و منها تعرفت على سوسو ( المشرفة بسوما )
هذي الانسانة قريبة من قلبي . . كل تفاصيل حياتِي عندها . .
و كاندو . . اللي اتمنى اعيش معاها

وعاشقة ساسوكي . . ويجو الصديقة الجمِيلة
وكلْ العضواتْ الرائِعاتْ اللي تعرفت عليهم في هذا المنتدى الشامخ

أحب اقول لكم شكراً لكمْ
شكراً لكلّ عضوة و مشرفة و مصممة و إدارية
شكراً لكْ يا برعمْ على اتاحة الفرصة لِي في موضوعِكْ الجمِيلْ

لأنكم بينتوا معاي ذكرياتْ حلوة في هالمنتدى

خاتمتِي المتواضعة
حبيتْ أقولْ اللي بخاطري

واعذرونِي على قلّة الكلامْ . . بتقصِير منّي
ولأني أمس ما دخلتْ . . حصلْ اني سافرتْ و رجعت بسرعة
الله يسعدكم و يوفقكم جميعاً
ويكتب لكمْ الخِيرْ و السعادة فِي حياتكم

قولوا آمِينْ

انتهيت

[أنامل الخير]

حجـــــــــــز

 

 

وعليكم السلام ورحمة الله

( مس ليمو ) تحمست وأنا اقرا صراحتن . . لازم أفصفص الموضوع

ما عندِيش أخوانْ . . ولكنْ ظهر بدائل لهمْ . . فِير مرحلة المراهقة > لحد يفهمْ غلطْ

 

 

أعترف اني فهمت غلط

* الحادثه الاولى : ههههههههههههههههههههههههههههه يا اني صرت مثل الهبله اضحك
ذكرتيني بأختي كان عمرها سنه ونص نزلت من الدرج لحالها في نص الليل والكل نايم تنادي الشغاله والملابس على كتفها ههههههههههههه

الله يرج ابليسك هبلتي باهلك

كنتْ ألعبْ في الشارعْ من الصف الاول إلى الخامس

 

 

خخخخخخخخخخ يالله سسسترك وش تسوين بالشارع !! شبه انحراف في الطفوله هههههههههههههههههه
وين العروسه والشعر الأشقر ؟

كَانْ الله يهدِيه يمسَكْ ذيل البسة ( القطّة ) . . ويرفع يده فوق و يدورها كانْ يمسكْ أي حيوانْ في الشارعْ ! . . و يجيبْ لوحْ ويدبس الحيوانْ ويقعد يشرح فيها يحبْ يتعلّم

 

 

ياويلي هذا مُجرم !
أنا أكره شي عندي الحيوانات بس ما فكرت أعذبهم بهالطريقه
أنا حدي اقول تت تت للقطاوه < من يومني صغيره وانا دلوعه بس محد داري هههههههههههههههه

سطوح البيتْ كانْ قريبْ من سطوح بيت الجيرانْ ! فكنت العب فِي السطوح و كانوا يقفزون لسطوحنا . . طبعاً المنظر ذا غريبْ .. لما تشوفِي 4 أو 5 أشخاصْ ينقزون من سطوح لسطوحْ ؟! اما انهم نينجا . . أو قرود

 

 

ههههههههههههههههههههه لوووول رهيبين
الظاهر طفولتنا متشابهه
اذكر فيه واحد شافني ويصارخ علي انزلي لاتطيحين لووول واذكر مره طاح الذهب حقي في حفره بالسطح

دقيقتان بالضبطْ و اني ادق جرس بيتنا

 

 

ههههههههههههههههههههه خطيره ( أنتِ المفروض تدخلين في القوات الخارقه الخاصه )

* قصة العقرب : الحمدلله على سلامتك ياعمري والله خير الحافظين

اللي همْ أخوانْ أمّي مِن الأبْ ( من زوجة جدي الثالثة )

 

 

يعني يصيرون خوالك ؟! حلو قريبين من عمرك

عبدالله واحد متمرد طويل ابيض اشقر و عيونه رمادي

 

 

هههههههههههههههه الأولاد دايم مغرورين

و أستمرت حياة الملل .. إلى أن دخلت الثانويَة . . كان يغمى علي بكثرة . . ورحتْ للمستشفى و طلع فِيني السّكر والحين صرت متعايشه معاه و صرت أعرف الاكل و نوعه و اللي مفيد لي . . . الحمدلله على كل حال ..

 

 

الحمدلله على سلامتك - مأجوره يارب

فضغطت على شي من الاشياء الثلاثة اللي تحت ( مكان قدم السائق ) مشيت السيارة بسرعة ووقفت .. يمكن حوالِي متر ما أشوف غير ابوي قامْ ويده على راسه > السيارة غرزتْ . . وبالقوة طلعت وانا مصرة على كلامي و اقول : أصلا سويتها متعمدة علشان مره ثانية ما تتحداني

 

 

اللي مايطيع يضيع
الله يقطع شرتس وراه غرزتي كنت اتوقعك بتفحطين و تبيضين وجهنا هههههههههههههههههههه
نعرف نسوق بس مانبي نكسر جو الشباب

لما كنا صغار .. تروح هي تتفرج تلفزيون .. تدخل المطبخ تلقانا انا و اماني نطبخ بس البيض نكسر فيه واماني تصب موية على الارض و تتزحلق فيها

 

 

مفسديييييييين في الأرض ههههههههههههه
احم قصدي سنعات من وانتم صغار خخخخخخخخخخخ

احدى المراتْ . . جانا تهور في رمضان وقلنا بنروح الهدا ( عند مدينة الطائف ) وخلاص عزمنا الامر و جهزنا و مشينا بالسيارة طبعا اولا نمر بمكة و بعدين طريق يمشي على الجبل طبعا سيارتنا وهي على طريق الهدا مقدمة السيارة ما نشوفها بين حين و اخر بسبب الضباب اللي كان بضع ثواني يتكثف و يفكنا شوي وطفت سيارتنا ولا نشوف لا طريق ولا سيارات ولا شي . . خوف و رعب استمر لدقيقتين كاملتين ما نعرف ارضنا من سمانا و الحمدلله اشتغلتْ و قدرنا نشوف الطريق و اكملنا المسيرة

 

 

والله جو الطايف رهييييييييب
يووووووووه ياعيشتن قشرا ! اكره هذي المواقف تخترب السياره بنص الطريق
الله يعين

فِي عامْ 2009 . . والملل قطعنِي جدا جدا . . وكنت أكره شي اسمه منتديات قررت أني ادور منتدى للبنات أسجلْ فِيه . . لقِيتْ هالمنتدى و سجلتْ فِيه . .

 

 

أشواااا انك سجلتي كان ماضحكتيني الحين < ناويه تتكفخ اليوم

أحب اقول لكم شكراً لكمْ شكراً لكلّ عضوة و مشرفة و مصممة و إدارية شكراً لكْ يا برعمْ على اتاحة الفرصة لِي في موضوعِكْ الجمِيلْ لأنكم بينتوا معاي ذكرياتْ حلوة في هالمنتدى خاتمتِي المتواضعة حبيتْ أقولْ اللي بخاطري واعذرونِي على قلّة الكلامْ . . بتقصِير منّي ولأني أمس ما دخلتْ . . حصلْ اني سافرتْ و رجعت بسرعة الله يسعدكم و يوفقكم جميعاً ويكتب لكمْ الخِيرْ و السعادة فِي حياتكم

 

 

استضافه خفيفه وجميله
وسعتي صدري فيذآ الله يوسع صدرك دنيا وآخره يارب

موفقه ()"

[نَبضُ النَقاء •.]

أهلاً أهلاً مِس ليمُو

توقعت الموضوع يكون جميل بس ما توقعته جميل جداً

يختي كومة شقاوة بسم الله عليك انتِ وأختك
الله ستَرك وحفظك :"
لكن ما تكمل طفولة من غير شقاوة بريئة
وياربي يحفظك لك أمك وأبوك وأهلك :")
جد أنا طاح قلبي وانتِ تحكي عن خرجتكم برا في الشارع
ولا سلاحف النينجا
الحمدلله إنك بخير

محطات جميلة يا رفيقة
استمعتُ بالمرور من هنا وقراءة كل كلمة
دعوَاتي لكِ بحياةٍ يملؤها التوفيق والخير كلّه

كوني بخير ()

[طُهرَ]

-
زين أحلام اللي تحمّست معها

هههههههههههههه أمّا تصب ماي وتتزحلق فظظيعة

ولا تناقزون فوق البيوت :| يمممّاه

تصدقين أحيان تجيني أفكَار كذا بس ما مرّة تهوّرت

يمّاه العقرب :"( الله يعيذنا منّه :| ذكّرتيني بـ سالفة ولد عمّتي

كان يسبح بالبحر وماندري وش جاه :(

يجينّا ويقول نوروا على صبعي لأنّه ظلام ونشوف إلّـا دم :(

ويصصصصيح بقوّة بقوّة هو بالمتوسّط

ياعمري صياحه يقطّع القلب :(

ويقول آي آي وياخذه خالي بالسيّارة وددعس ع المستشفى ويقولون طول الطريق يتألم

ودخل المستشفى ب صيَاحه

وبعدين نوموه :( بالمستشفى الحمدلله مو أقوى من كذا لأنّ قالوا يمكن يبترون صبعه

بس الحمدلله

عموماً حلو إنكم فكرتوا عدل وسويتوا هالمشروع المفيد :)
ههههههههههههه ما شاء الله تبارك الله خمس اخوان :)
ههههههههههه دايم الإخوان كذا يتميلحون قدّام الأوادم

* يوه احلام الله يشفيك منها وماتحتاجين للحبوب بعد :)

* ياحيَاتي على فستَانك ما فرحتي فيه :#
يَااااااااااه جرّبتي تسوقين ودّي أجرب

شوّقتيني للطائف يا أحلاموه :( أبببببببيها من زمان ما رحت لها :""(

* ما شاء الله من 2009 < عُمر

يلا يَارب ما يوقّف التواصل ويكون تواصل خير يارب :)
* وبإذن الله اكون من اللي بقلبك وماتنسينهم في يوم من الأيّام :#

سَعدت وإستمتعت جداً جداً