[حلوة الإحساس]

بصراحه ...فيني شي غريب ..انا مش عارفه انا هي اللي تكتب واللا لا ..


والله يبالي اتنفس من الخااطر ..من اول ما بديت السيميستر وما اتنفست

قلت خليني سااكته ..


بس لا والف لا لن اسكت


ما اعرف شو اقول ..وللا كيف ابدا بالتفاصيل بس صراحه انا تعبت من الخااطر والله

اول شي دوامي الطويل وثاني شي البحوثات والبيزينتيشانات اللي مش راضيه تخلص كل اسبوعين في بريزينتاشن من اول ما بديينا


انا قلت يا سلاام انا بس ماخذه بس اربع مواد ...بس في ماده تشتغلني شغل مش طبيعي حتى البنات كل ما يشوفوني اقولهم عن اذنكم عندي بريزينتاشن


وتخيلوا عااد
..الدكتور كل ما يشرح فصلين يطلب منا ان كل وحده تختار موضوع من هذوله الفصلين ونسويلها بريزينتاشن ..وبعدين بالامتحانات راح يمتحنا بهالبريزينتيشنات حقنا كلنا ...


يعني لازم ننتبه لشرح البنات


هذا غييير الفاينل بريزينتاشن...



وللا الماده اللي بعديها ...طالب نلخص مقالات بالهبل ...هذا غير الواجبات الباقيه ..


والماده التحفه الثالثه اللي اخذتها عشان هي سهله..واختياريه...كرهتهاا من الخااطر ...هي سهله بس امتحاناتها سخييفه ...يعني درجات حلوة ما في


اما الماده الرابعه مستانسه فيها بس يعني ورا هالنطه في ونه



كل ما اريد اشد حيلي ..اشد شعري ......









لااا وعاادكم ما دريتوا ...شو يعني وحده تدااوم في الجاامعه وهي في فتره وحااام ...ما دريتوا ..التعب والغثياان اللي يصييب ...



واللي يضحكني ومستغربه منه اني لااحظت واايد بنات حااملاات ....وااايد...كانه موسم حمل



بس محد يدري عن الثاني اللي توها بالشهوور الاولى ..واللي بالشهوور الاخييره ..واللي ولدت وغابت اسبوع وردت ...



انا صرااحه مستغربه من حاالي كيف استحملت هالاشياء ..والتعب والمشي والوقفه والدوام الطويل والوحاام والبحووثات ...



حتى مره حملت ثلاث كتب وملف ..روحت البيت بطني تألمني من اللي حملته..وظهري حسيته شوي وبينكسر ...


هههههههههههههههه لما اكوون امشي مع البنات مثلا هم يريدوا يطلعوا الدرج انا اروح المصعد وكلهم يرجعوا يطلعوا معايا ههههههههههههههه...







تعرفوا لو طلعت درج حتى لو لطابق واحد ..احس اني كاني طلعت جبل ..هذا غير التنفس السريع









ولااا كماان لا تنسوون الباص وما ادراكم ما الباص والمطبات ....دايم انبههم..واحيانا ينسوا ويمروا على مطبه بسرعه وانا عااد اطلع صوت وأقوول آآآآآآآآآآه...ابني ضنايا



يعني اوصل البيت ارتمي بالسريير من التعب ...وتخيلوا اني ما يكون عندي فرصه للبحوثات اللا في الجامعه لاني ما عندي كمبيوتر في بيتي ....

والله في بحث لازم اسلمه لين الحين ما بدييت فيه ..ما ارييد ابدا فيه صرااحه يجيني اكتئاب لو حبيت ابدا ...

انا اصلا اما احب اكتب بحث ..ابدا ابدا





الله يعدي السميستر على خيير ...لان صرااحه حاالتي حااله معااه ..حتى اني كرهت النت والمنتديات وكل حااجه ...ممكن اتوحمت علييكم خخخخخخخخخخخخخ



بس الحينه والله دخلت كذا وانا مسدوود نفسي ...بس عشان اكتب واتنفس ..


سلموولي عليكم....