[لوسيندا]

ملاك البنات:give_rose
الحمدلله على السلامة
ما تشوووفين شر يالغالية
قبل لا ابتدي اقول انتقاداتي ورايي الشامل بالقصة
أحب أشكرج على مشاركتج ويانا هالاحاسيس الحلوة
وهالقصة الي اغرقتنا بجو رومنسى حلو..
فعلاً كانت في قمة الروعة والجمال
حبيت فيها كل شي
كاتبتها
شخصياتها
خواطرج
رودودج


القصة بشكل عام..كانت رومنسية..فيها شوي واقع..وكثير من الخيال..
الي اعجبني فيها يا ملاك
أنج استخدمتي افكارج بروحج
وما اخذتين أفكار غيرج
اني مثلاً
قريت فوق المية قصة ( بالعامية)
حسيت كلهم كوبي بيست
لكن لما قريت قصتج
فرحت من قلب
تشوقت اقرا وأكملها
لأنها صايرة بفكر جديد
ماهي مقتبسة
اعجبني فوق كل هذا
الخواطر الي تخلينها في كل فصل
كنت احس بلذة وأني اقراها
القصة كانت صج مميزة
وحلوة
صدقيني لو كنت مشرفة
جان ثبتها

لكل قصة عيوب..وما فيه قصة كاملة..وما الكامل الا الله سبحانه
ملاك..!!
قلتين في خلف الكواليس انج كنتين تبين انتقادات
تدرين ليش ما فكرت أنتقدج؟!!
لأني انتقدت كتاب كثيرين..
وكانوا كلهم يعصبوون عليي
ويبرروون
محد يتقبل انتقاداتي برحابة صدر
وهالشي عورني
فما حبيت أنتقدج
ما أبي أخلق بيني وبينج مشاكل
انتي بالنسبة لي اخت عزيزة وغالية
يصعب عليي فقدانج
بس لما قريت الي كتبتيه خلف الكواليس
لمت نفسي
اني كنت خاطري بانتقادات في قصتي
بس ما شفت
طيب اذا انتين ما تنتقدين
تتوقعين غيرج ينتقدج
هالشي الي دار ببالي
وادركت أني لازم اقولج انتقاداتي
عشان ما تكررينها في قصتج الجاية
الي اتمنى أن أكون وحدة من متابعينها
المهم
قصتج حلوة يا ملاك
ما عليها كلام
افكارها جنان
لكن هل تعتقدين ان في هالزمن في رومنسية مثل ذي
تتوقعون يجي يوم
أشوف شخصية محمد والعذوب في الواقع
بالغتين بالحب
بالغتين بوصفج
الحب جميل
حليو
وشعور ما ينوصف
لكن عمري ما شفته
شفت الغدر
شفت الحزن
شفت الظلم
شفت الألم
شفت اليتم
شفت العذااب
لكن ما قدرت أشوف الحب
اني ما اقوول ما في حب
بالعكس فيه
لكن ما أظن أنه يوصل لهالدرجة
شي ثااني
النهاية حلوة وما انكر هالشي
بس مثالية
ما اعني بها مثالية بحيث الشكل
قصدي مالها وجود بالحقيقة
الكل يفرح
ما عدا سعود..وسلامة
ما انكر انها عجبتني
كانت في قمة الروعة
ولكن ما ادري
توقعتها غير

الشخصيات يا ملاك كلهم عجبوني
شخصية العذوب الحلوة الرقيقة..الحسااسة والي اهم شي عندها كرامتها
شخصية محمد المتهورة..وفي نفس الوقت والطيبة..والرومنسية
شخصية ريم..المؤثرة..شخصية مرة عجبتني ...حسيت بها تحب سعود لآخر لقاء..حاولت تنساه لكنه للحين عايش بقلبها ...شخصية حلوة
سلامة....مزقت قلبي..عورت فؤادي...كانت النور..والبلسم الشاافي..موتها صج ابكاني
سعود...وفي ومخلص لحبه..هذا الي استنجته..وحبيت فيه كل شي
باقي الشخصيات
كلهم حلوين

في النهاية يا ملاك
أهنيج على هالتحفة
اهنيج عليها
لأنها صج روووووووووعة
وهذا راايي بدون مجاملة
ربي يوفقج
ودمت ِمبدعة للأبد

اختج ،،
لوسيندا