["Yuna"]

واو روزي هاللعبة ما اعرفها بس شكلها تجنن

بشتريها ان شاء الله

اوكي بنات يلا نتناقش عن سلبيات و ايجابيات البلايستسشن

انا اشوف ان هالاشياء تعتمد عالشخص مثلا كم من الوقت اللي يقضيه فاللعب و على الالعاب اللي يختارها و انواعها مثل اكشن ,RPG, الغاز او رعب

انا عن نفسي مثل ما قلت سابقا احب اكثر شي الRPG و من سلبياتها:
ّّ
#ممكن تاخذ و الشخص و تخليه يندمج مع اللعبة و ما يحس بالوقت و ممكن تفوت عليه اوقات الصلاة>>بس انا مستحيل اخلي هالشي يصير لان انا موقته تلفوني على انه يرن و يذكرني بأوقات الصلاة و الحمد لله و عادة العب فالاجازات بس مو فأيام الدوام

#ممكن ايضا فبعض الالعاب انها تحتوي على مشاهد مخله بالاداب بس هالشي ايضا يعتمد على اللاعب و الالعاب اللي يختارها و هنا المفروض من الاباء انهم يراقبوا ابناهم الصغار و ش وانواع الالعاب اللي يلعبوها

#ممكن بعض الالعاب تكون عنيفة و هالشي يتأثر بيه اللاعب ما اقول ان الاطفال بس هم اللي يتأثروا حتى الكبار بعد بس يمكن الاطفال يظهر عليهم التأثر اكثر من الكبار

اما عن الايجابيات :

#بعض الالعاب خصوصا اللي تحتوي على الالغاز تخلي اللاعب يفكر و يستخدم عقله لايجاد الحل اي انها ممكن تكون كالتمرين للعقل>>> انا احب هالانواع من الالعاب

#تساعد اللاعب على تنمية لغته الانجليزية و خصوصا في العاب ال RPG لان اللاعب هنا لازم يفهم القصة و احداثه عشان يستمر باللعب>>انا مثلا استفدت من هالناحية واايد لما العب و اواجه كلمة ما افهمها على طووول للدكشينري و افهم معنى الكلمة

#لتقضية وقت الفراغ و خصوصا فالاجازات الطويلة >>>هنا انا ما اقول ان البلايستيشن هو افضل طريقة لتقضية وقت الفراغ بالعكس هناك طرق افضل بكثيير منه (مثل القراءة الرسم ...الخ)بس احيانا الاشخص يمل من هالاشياء و يريد شي جديد

هذا اللي طرا على بالي الى الان و شاركوني اذا عندكم اي اضافات

و شكرا

YuNa