[رمش الهدى]

الجزء السادس

محمد و العذوب بالبيت و اليوم السبت السااعة ستة الصبح امبي يعني محمد بيداوم
العذوب: قووم محمد قوووم يلا عااد صارلي سااعة.
محمد : حبيبتي اشويه .
العذوب و بعد تعب : ترى والله لأييبلك دلو ماي.
محمد : عذوووب عااااااااااد والله حرام ما أحيدج دفشة.
العذوب: حبيبي أنا عندي كلشيء بوقته و نظاام و ترى ما بتلقى أرق عني
شوفوا المزاج انتوا بس محمد: يعيني على كلمة حبيبي ألحين بقووم.
وييييييه العذوب احمرت.
محمد : آآآآآآآآآآخ و الله ما شبعت . و قامت العذوب تضحك عليه سارت تحت تحط الريوق و محمد سار الحمام و انتوا بكرامة ياخذله شاور
محمد بعد ما خلص الشاور لبس ثيابه و شاف تلفون العذوب يصيح من رنة مسج كان فيله فضول متفاجىء منوا صباح الله خير يطرشلها مسج خذ المباايل و نزل تحت : العذوب يالعذووب
العذوب: هلا حبيبي.
محمد : عيون حبيبي..عاد أمل ما اتصدق هل وسيم يقوللها كلمة حلوت على طول اتقولون روز أحمر
العذوب : الريوق جااهز .
محمد : ألحين أخلصلج بس في حد دازلج مسج صباح الله خير منواااا؟؟
العذوب : و أنا اشدراني .
محمد: حلال عليه أشووفه؟؟!!
العذوب : أكيييييييييييد انت و أنا واحد
محمد : يعيني العسل اليوم امصحصح
قام و شاف المسج

انت تسكن بالعيون
ماتغيرك الظنون

صاحبك بالحب وافي
و انت له صدر حنون

انتظر لقاك ليتني بسماك

يا بعد القوافي
كيف ابين لك غلاك

لو تفرقنا الظروف
أو تعاندنا الحروف

انت تدري بغلاك
وحدك بفكري تطوف

صبااح الخير بالورد

محمد بعصبية و بغيره : منوا ميمواا هذا إلي دازلج المسج
العذوب تخرعت : هذي مريم
محمد: و ليش كاتبه ميمواا ؟؟؟!
العذوب : لأنها هي كاتبتلي دوبي و دوبي شخصية كارتونية ما أحبها شان أكتبلها ميمواا لأنها ما اتحب هذا الإسم .
محمد: أهااااااااااا ههههههههههههههههه والله فاضين
العذوب زعلت من حركت محمد يعني اشلون يشك فيها
محمد : ولو تراني أغااار ما أقدر على هذي المسجاااااات.
العذوب:................................(لا تعليق)
محمد حس فيها زعلت قام قال خاطره:
أغار عليه و من غيرتي عايش كأني روح بلا احساس
أغار و من غيرتي عايش في غيبوبة
أغار بس لو يدري أغار من نسمة تلمسه بدون إذن مني
أغار و أشتاق في غيبته مع الغزلاني (( يقصد لما تفاارقه أو يكون برع البيت أو صديقاتها و لا حد يزورها)) ما أبي أفارقه حياتي معدوومه((حليله واايد يتعذب))
خلاص أنا راحل و تارك حياتي في روحه (( أونه يمشي ساير الدواام))
بس ودي يدري إن من غيرتي أموت و أحيا في ربوعي
أغار و أنا بدوري انتهيت
(كلمات ملاك البنات)
(العذوب ما عجبتها النهايية ))

على الكلام هذا العذوب: محمد
محمد يصد لها: عيون محمد آآمري
قامت و قالتله : تروح و تردلي بالسلامة لا تتأخر عليه يلا بسك غزل .
محمد يحب راسها : و أنا أقدر عن بعدج .
سار محمد الشغل بعد ما ركب سيارته الإسبورتيه و غمزلها بدلع بعد ما شال النظارة من عيونه كان شكله كووووووووووووووووووووووووووول و لوووووووووووووووووول روعة استخفت العذوب بهذا الشكل ..:9
العذوب سارت الصالة و اتصلت في ربيعتها مريوم و قعدت اترمسها.
العذوب : آآخ يالخاايسة و الله لج وحشة..
مريم: ما ألووومج لا تتصلين و لا تسأليين مو منج من حبيب القلب.
العذوب : يلا زين انجبي ..
مريم : خلاص يبا ما قلنا شيء بخبرج No new
Al3thob: what dose u mean??
Maryam : a bout a bout the be..
العذوب ما خلتها اتكمل : و الله صدق ما تستحين بس هذا إلي فاالحة فيه لاليما ألحين ماصار شيء أوكي ..( العذوب تظايقت و تذكرة سالفتها في ألمانيا العذوب كانت اتفكر تقول القصة حق مريم بس ما تعرف إشلون و في نفس الوقت ما تبغي أحد يعرف السالفة )
مريم: هلووووووووووووووووووو
العذوب بحزن : معااج يا مريم
مريم حست بشيء : إشفيج يالعذوب .
العذوب دمعت عيونها : مريم
مريم : لا تتكلمين أنا ألحين يايتلج يلا مع السلامة.
العذوب : في حفظ الله .
و اأول ما صكت من عندها اتصلت فيها الجازي
الجازي:هلا والله بالعروس
العذوب:هلا و غلا بج شحالج
الجازي:الحمدلله بخير و انتي شو أخبارج شو امسوية.
العذوب:الحمدلله
و تمووو يهذربون ليما خلصت الماكلمة

وصلت مريم لبيت العذوب: يالعذوب إلي صار صار و خلاص انسييه.
العذوب : حاولت يا مريم بس كلما أشوف محمد قلبي يعورني عليه المسكين يتذكر السالفة كلما يشوف ياهل جداامه شو أسوييي مب بإيدي.
مريم : خلاص يالعذوب إلي راح راح و ربج بيعوضج فيه و عن الجازي إنسيها ما أظن إنه محمد يخوونج و لا كان يحبها صدقيه و لا تظلمينه بهذا الشيء محمد حبه لج واضح مثل عين الشمس فلا تظلميييينه .
العذوب : إن شاء الله يا مريم .
مريم تبغي اتغير الجو: يلا عاد وين صوغتي أشوفج نسيتيها ماعلييه؟؟
العذوب لا لااااا لا تقولين شذي صوغتج محفوظة و لا طرشيتها بيتكم
مريم : و أنا هنيييييه ههههههههههههههههههههههههههههه
العذوب : هيه ليش أصلا قبل ما أتصل فيج عطيته حق الدريول يودييه
مريم : أها أتحرى
العذوب : ههههههههههههههه والله ما اتيوزين من سوالفج مريومة

ترن ترن ترن ترن ترن......................
العذوب: ألو
محمد استخف بنعومتها : يا هلا بالورد و العنبر و الياسمين مرحبا بأحلى عذبة من عذوب الدنيا
العذوب واااي ما أقدر كل هذا حقي: هلا و على بحبيبي
محمد تظايق ليش ما تدلعه ؟؟؟!! : شو طابخة اليوم؟؟
العذوب : أممممممممممم ما أدري ههههههه
محمد لا والله من صجها: لااا و شو بتأكليني.
العذوب : هههههههههههه امممممم خلني أفكر
محمد بترجي : يلا يلاااا
العذوب : ماني قاايلة لما بتي البيت وبتشوف الغدا
محمد بخيبة أمل : أوكي خلااااص.
العذوب : إشفيك؟؟ ( إنزين قوليله حبيبي مستكثرة عليه والله كسرة خاطري حموود))
محمد : سلاامتج غلااتي
العذوب : أوكي أنا بخليك ربيعتيه مريوم عندي ما أقدر أخليها
محمد أهااا و أنا أقول قابضة لسانها : خلااص يا عسل بخلييج
العذوب : مع السلامة
محمد : بااااي

مريم : يحليله يحاتي الغدا هههههههههه
العذوب : ههههههههه مو منه ههههههههههههههه
مريم : ليش انتي باردة معااه .
العذوب : شو تقصدين ؟؟!!
مريم : يعني جامليه قوليله حبيبي عمري حياتي أي شيء لا تحسسينه إنه ماله مكانه بقلبج.
العذوب : لا تقولين شذي مريوم و الله لا أزعل.و أنا ما كنت شذي معااه
مريم : هذا الصدق هذا ريلج إذا ما بتتغزلين فيه بتتغزلين في منوا ؟؟؟؟!!
العذوب: مريوم يلسي قطعي السالفة هذي.
مريم : براايج


عند محمد
محمد: إنتي شو يايبنج إهني
الجازي : محمد ليش ما تفهمني أنا أحبك أحبك
محمد : لا إله إلا الله محمد رسول الله و الله إني أكرهج كره ما تتصورين أنا ما أحبج ما أطيقج و أنا أبي أعرف بنت و اتقول كلمة أحبك بكل جرأة شو من الأجناس انتي
الجازي و الدموع تسيل: ليش يا محمد لا تقول شذي خذتك الساحرة مني.
محمد: لا تغلطين ترى والله لأدفنج ألحين كفاية ما جرى منج كفااااية يالجازي خليني بحالي.
الجازي : ماني اممخليتك يا محمد و إن ما عيشتك و عيشت حبيبتك بالعذاب ما أكون الجازي إلي اتحبك و بتظل اتحبك.
محمد بنبرة غاضبة : إذا اتحبيني صدق طلعي برع المكتب و لا اتشوفيني خير شر و كلامج إلي قلتييه خليه يظهر من يدخل من أذنج اليمين لي إذنج إلي باليساار يلا برررع
الجازي و الدموع : لا يا محمد صح إني أحبك و أنا حقي بااخذه بإديه و ماني تاركته فاااهم
و ظهرت الجازي و الدموع تجري في جوفها دم. محمد خلاص ما قدر يتحمل حس بظيق في صدره من وين ظهرتله هذي و شو تبغي فيه أهو ما بينها و بينه شيء ليش تلاحقه من مكان لي مكان محمد خلاص ألف فكرة و فكرة دارت فيه و التعب شايلنه و خلااص ماهب قادر نادى ربيعه خليفة إلي بالمكتب الثاني ليما طاح على الأرض ماهب قادر يستحمل ؟؟!! لحظة يستحمل يا ترى شو إلي يستحمل معقولة كلام الجازي و لا تهديدها و لا ملاحقتها أم إنه في شيء ثااني ؟؟؟؟؟؟؟؟؟!!
.

.

.

.

.


.

.

.

.

.

محمد امرقد في المستشفى و الخبر نزل على العذوب مثل الصاعقة حست إنه محمد ضاع ضااااع
سارت المستشفى و لقت خليفة .
العذوب: يا خلييفة شو إلي صاار ؟؟((و الدموع تسبقها بالكلام.
خليفة : ما أدري و الله ما أدري كل إلي دريته إنه يوم محمد كان يناديني و ..
العذوب : و شنوا ؟؟؟!!
خليفة : ليما دخلت المكتب و لقييته طايح على الأرض و هذا كل غلأي صاار.
العذوب و هي بحضن مريم : آآخ يا محمد يا حبيبي ليش يا ربي يصير فيك شذي ليش تتعذب و تعذبني معااك ؟؟؟؟؟؟؟!!!!!!!!!!!!!!!!!!!!!!!!!!!!
مريم : استغفريربج لا تقولين شذي ألحين الدكاترة يظهرون و يخبرونا

توها أم سعود وااصلة المستشفى هيه و ولدها سعود
أم سعود: إشفييه ولدي شو إلي صار فيه آآخ يا يمه يا خوييلد
سعود تذكر شيء و سار عند خليفة يكلمه ...
خليفة : معقوولة محمد ما غيره.
سعود: خف صوتك يا ريال ما فينا يسمعون بيخلون المستشفى فوضى.
خليفة : و الله ما تستاهل يا محمد

و يظهر الدكتور

سعود سار عنده أهو و خليفة و قعدوا يهذربون .
سعود بصدمه : يعني السرطان ماله خص في الجلطة (( سرطان لا حبايبي من أمتى؟؟))
دكتور : لحظن الأسف كانت بسبب إهماااله و ماكان ياخذ الأدوية بانتظام و فوق هذا كله العصبية الزايدة و التفكير المستمر و تغير في النفسية كل هذا أدى للجلطة .
سعود: و ألحين يا دكتور؟؟
دكتور : منخليه كمن يوم بالمستشفى ليما تتحسن حالته 0
خليفة : و هو ألحين اشلون؟
الدتور : الحمدلله مافي إلا الخير و الأفضل إنه شخص واحد يتم عنده و القية يسيرون لأن الضغط الزايد مو زين عيله .
سعود و خليفة : إن شاء الله
ظهروا من غرفة الدكتور و العذوب طايرة عندهم: ها شو قال شو صار .
سعود: جلطة خفيفة .
العذوب و الدموع صارت نهر في ملامح ويها الناعم : جلطااااااااااة
أم سعود: حراام عليك يا محمد جلطة مرة وحدة
و بدوا في الصياح و مريم المسكينة اتهدي فيهم . الله يعينهم 

خلفية : سعود بغيتك يا خوي
سعود: آآمر
و ساروا لي الكافتيريا إلي في المستشفى
خليفة : أنا أدري منوا و رى كل هذا
سعود بصدمة : منوا تتوقع يا خليفة.
خليفة : الجازي يا سعود.
سعود: معقوولة!!!!!!!!!!!!!
خليفة : و أنا كنت ساير لمكتب محمد شفتها ظااهرة .
سعود: آآخ بس لو أعرف وينها و الله لكانت ميته.
خليفة : بس لازم أتأكد من محمد بالأول .
سعود: صح لسانك يا خليفة.

بو سعود توه كان واصل المستشفى و سعود و خليفة كانوا سايرين للجناح
هلا فيكم يا عيال خير إن شاء الله(يقول بو سعود)
خليفة : كل خير يا عمي كل خير .
و شرحوله المشكلة و بو سعود منصدم بس في شيء واحد ما قالوله سالفت مرض السرطان لأنه صدق بينصدم و هم ماهب بناقصين

العذوب في الغرفة و دموعها تسيل و محمد إلي نايم و لا داري بدنيا و الأجهزة من حوله: محمد حبيبي يا عمري قوم تكفى مليييت ودي أسمع حسك و دي تبتسملي و تقول انك تحبني محمد حبيبي شو إلي صار فهمنيي..و يالله الله يعين عيونها من الصياح.
دخلت عليها أم سعود: يلا يالعذوب قومي بسج خلي محمد يرتاح ما سمعتي الدكتور شو قال قال لازم يرتاح سيري يمه بيتج يالله و لا تعالي عندي اليوم.
العذوب تمسح دموعها : لا عمتي بقعد مع محمد ماني تاركته دخيلج خليني معاه مب متصوره أرجع البيت بدونه دخيلج .
أم سعود ما حبت تترجاها و بيأس : إلي اتشوفييينه

سارت أم سعود و سعود و بو سعود و خليفة .
خليفة إلي النوم ما ياله يفكر بمحمد و الجازي مخه يلف و يدور خلاص افتر ماهب عارف شو يسوي؟؟ أما عن العذوب فمن التعب الزايد قامت و لتلها ركعتين و قعدت تقرأ على محمد ليما النوم خذاها و حطة راسها على سرير محمد و شيلتها طاحة من على راسها .. و محمد المسكين حاس بالعذوب و يفكر بالي صار و يستوعب و يتذكر الجازي و تهديداتها و شو إلي راح يصير اهو يدري انه الجازي ما بتتركهم على حالهم تفكير يشد التفكير و العين ماهب راضية تفتح
محمد: آآآخ يالعذوب ودي أفتح عيوني و أقول ليش ادنيا تعذبني من ما عرفتج لا تقولي انه أول نظرة من شوفتج كانت بدايت عذاابي ياربي أنا شوقاعد أخربط شو إلي صار فيني ليكون الطيحة هذي غسلت مخي بس يا عالم ودي أقوم مليت من النوم خلاااااااااااااااااااااااااااااااااااااااااااااااا اااص
و بإرادة محمد القوية فتح عيونه و شاف العذوب حاطه راسها و شعرها على ويها كانت كيوت ناعمة حيل اتينن رغم التعب إلي فيها محمد كان حيل مستانس من العذوب أثبتتله إنها اتحبه و لا اتموت عليه
محمد ودي أتكلم بس ماني قاادر آخ يارب ساعدني محمد قعد سرحان بالعذوب حاول يحرك إدينه بس ما قدر تحسر بس ما استسلم حاول و حاول ليما قدر قعد يمسح بشعر العذوب و العذوب في نوم عميق من التعب و شكلها العذوبي كان يجنن حاطه اديها على يد محمد و محمد الإدين الثانية يتمسح بشعرها و العذوب حاطة راسه عند محمد بعد ربع ساعة محمد حس بظيق و حس انه النفس عنده مو طبيعي قام و بده يكح العذوب حست فيه و نشت شافت محمد تعباان حيل خافت عليه و سارت تنادي الممرضات و يت الممرضة و بسرعة بسرعه عالجته ليما ارتااح و خف و العذوب واقفة اتصيح من هل منظر كانت حيييييييييييل خاايفة اتحس انه محمد رااح عنها بعد ساعة و نص الجو رجع طبيعي و الساعة ألحين 3.30الليل العذوب قااعدة و ما غمضت عيونها إلا بمحمد يفتح عيونه و يلقى العذوب عنده محمد: العذوب.
العذوب و هي خايفه عليه : اششش و لا كلمة حبيبي ارتاح سلامتك يا أغلى ناسي.
محمد و التعب من حوله: أحبج
العذوب يحليله و حتى و هو في هذي الحالة : العذوب: أنا أكثر حبيبي أمووت فيك .
محمد لما يسمع لكلام العذوب يحس إنه الطاقة اتردله و المرض سار عنه قعدت العذوب تشندله مثل اليهال و هي تمسح على راسه و محمد مستانس منها ليما النوم خذاه قامت العذوب و تعبت فتحت شعرها و قعدت تفكر و هي اتشوف القمر : يا ترى شو إلي خلى محمد بهل حالة ؟؟
خطر على بالها تقرأ ملف محمد قامت و خذته و بدت تقرأ و تقرأ
ليما وصلت ((أ،ا بترجمالكلام بالعربي لأنه بالإنجليزي أونه)):9
يحمل هذا المريض الذي يدعى بمحمد فهد بمرض السرطان منذ أن كان عمره 22 عاما و قد تم مراقبته جيدا و هو يخضع للعلاج الطبيعي و .......إلخ
العذوب: !!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
مستحيل محمد فيه السرطااااااان و من امتى و ليش ما قالي و محمد ماغيره والله ما تستاهل يا محمد و يالله استعدوا المطر نااازل إلى نزل و شوي و نغرق بدموع العذوب .
العذوب ما تدري شو اتسوي محمد ريلها فيه السرطان و مب اشوي و كان يتعالج و لا بدون ما يخبرها خاش عليها و غيره بعد العذوب منصدمة مب قادر تصدق قالت يمكن الملف ماهب ملف محمد قامت و قرت الإسم محمد فهد أحمد عبيد لا هذا هو محمد يا ربي شو سويت بدنيتي شو سويييت؟؟!
محمد حس بصياح العذوب فتح عيونه و لقاها اتصيح و شعرها الحريري الطويل امغطي على ويها و على إدينها إلي كانت لامتها على ويهاا ( أحس إنه الجملة مب مركبة بس افهموها))
محمد فديت هالويه المزيون حتى و هم يصيحون ملاك : العذووووب
العذوب حست أنه محمد واعي مسحت دموعها و ما حاولت تتظاهر إنها تعرف شيء بالسالفة
العذوب: خير حبيبي ليش قمت ؟
محمد : عفيه عليج لا تصيحين عشان خاطري ...
العذوب الكلمة هذي زادتها صياح خاطرك يا محمد عشان خاطرك أنا أصيح و لأني أحبك أصيح و لأني أتعذب لما أشوفك شذي أصيح بس ماني قادرة أتصور أكثر من شذي تعبت و الله تعبت.
محمد شاف إن الكلام مانه فاايده حاول يقوم من السرير بس الأجهزة قطعت الطريج
العذوب: ارتاح حبيبي خلااص ما بصييح عشان خاطرك انت تامر أمر يا بعد أهلي .
محمد ارتاح و قعد يناظرها و العذوب سرحااانه في وادي تفكر بمحمد و بالمرض إلي فيه تفكر اهو من شو كان خايف و ليش ما خبرها ؟؟؟؟؟ العذوب بعد فترة لاحظت انه محمد سرحان فيها العذوب استحت من نظراتها مع كل الهموم إلي فيها ما اتحب حط بطالعها شذي ...قامت و سارت عند الجامة و شافت القمر و محمد واااااي متوله على الرومنسية محمد: يالعذوب اتشوفين القمر.
العذوب بنعومة القمر: أشووفه حبيبي
محمد: تراج انتي قمر دنيتي بهل كون
العذوب بخجل: محمد دخيلك انت تعبان و لازم ترتاح لا تتكلم واايد ماهب زين.
محمد: أصلا أنا لما أكلمج أنسى آلام الدنيا و ما فيها .
العذوب : محمد عندي لك خبر بطير من الفرح .
محمد: خير يا عمري.
العذوب : بعد يومين بيظهرونك
محمد: صدق الله يالعذوب يعني برجع البيت و الله تولهت على البيت .
العذوب: يلا شد حيلك عسب نشرد من المستشفى.
محمد : نشرد عاد مرة وحدة .
العذوب: هههههههههههههههههههههه هيه ليش لا
محمد : لااا ههههههههههههه يظهر القعدة في المستشفى أثرت فيج.ههههههه
العذوب : لا والله تراني زعلت
محمد: لا لا يابابا خلا خلاص لا تزعلين .
العذوب بنبرة جادة: لا على كيفيك تزعلني و تراضيني .
محمد أونه قلبه عوره: يلا عاد عذوبي لا تزعلييين 0
العذوب بابتسامة : في حد يزعل من هذا البدر انت قولي.
تخيلو محمد استحى من هذا الكلام العذوب حست فيه شردت ظهرت برع الغرفة .

.
.
.
.
.

بعد يومين

بو سعود: نور البيت بوجودك يا وليدي.
محمد: بوجودكم يبا البيت منور
أم سعود: يالله يمه سير لدارك و ارتااح و تغسل و نام و أنا بسير البيت و برجع بتصل فيك أوكي
و إذا مدالي الوقت بزورك
محمد: إلي اتشوفينه يمه بس لا تعبين نفسج.
أم سعود: مع السلامة

كلهم ظهروا و محمد واقف في الصالة و معاه العذوب محمد فرحته واصله حدودها بردته للبيت العذوب مستانسة بس تبغي تفاتحة بالموضوع بس ما تدري اشلون يظهر إنه مو وقته .

مر أسبوع و محمد تحسن احسن و أحسن و ليما ألحين ما فتح السالفة مع العذوب و العذوب ملت خلاااص متى بيعترفلها و بيخبرها
على الغدا
محمد: كلي هذي دخييلج وحدة آآخر وحدة
العذوب: محمد صارلك سنة و انت توكلني و انت ما كلت شيء
محمد: يالله زين أنا كلت طاعي روحج ظعفانة حييل ميته يلا عااد آخر وحدة.
العذوب بيأس : آآخر وحدة .
محمد : الحمدلله
العذوب : ويييه أحس روحي بمووت خلاص بنفجر.
محمد : بسم الله عليج اشفيج حبيبيتي أوديج المستشفى.
العذوب: هههههههه يا محمد و أنا كلما قلت شيء قلتالمستشفى .((تذكرت السالفة العذوب))
محمد نش و سار يغسل إدينه في المغسلة .
بعد ما ظهر العذوب كانت تترياه في المسبح .
محمد شافها فااتحة شعرها و يالس يطااير و العيون امغمضة يا سلام و الله حلوة حلوة و لا جبلابيتها الخضراء لاعبة دور.
محمد :بوووووو
العذوب خافت و طاحت في الحوض
محمد:ههههههههههههههههههههههههههههههههههههههههههههه هه
العذوب: حرام عليك يا محمد والله انك خاايس أنا زعلت و هي قاعدة تسبح سايرة عند حافة الحوض.
محمد: هههههههههههههههههه ليش أنا ما سويت شيء روحج طحتي شو ذنبي.
العذوب و هي تقعد : لا تكلمني 
محمد  : يلا عااااااد عذوبيييييي لا تذوبيني.
العذوب ابتسمت : والله انزين تعال بقلج شيء .
محمد يتجربلها أونها بتحبه و و ............
دزته في الحوض
العذوب: ههههههههههههههههههههههههه هذا جزاك
محمد: انزين أنا أوريج
العذوب: شو بتسوي ؟؟!! يعني
محمد: أوريييج قام و غرقها إشوي و هو يضحك
العذوب:ما أحبك يالظالم تحاول تغرقني مالت عليك من ريل
محمد:لا حبيبتي لا اتحطين بخاطرج فديتج
العذوب و هيه ما تدري سارت في المنطقة الغريقة إشوي و بدت تغرق و محمد ساعدها على السريع
العذوب خلاص زعلت منه .
و سارت و هي ظاهرة من الحوض .
محمد: شوفي شو سويتي .
العذوب بالعة ضحكتها: تستااهل بسبتك كنت بغرق
محمد: لا والله .
العذوب لقتها فرصة تكلمه عن سالفة المرض صعدت و قعدت على أحد الكراسي إلي في المسبح و قعدت تنشف شعرها و هي تتحرطم من محمد لأنها خوفها أما محمد فعجبه الماي الدافي و قعد يسبح فيه . العذوب: محماااد
محمد: عيونه.
العذوب : محمد صارحني.
محمد : حلوة هذي بحبج؟؟:9
العذوب : محمد انت اشفيك بالظبط.؟؟!!
محمد إلا هذا السؤال : ظهرمن الحوض و قعد على الأرض وين عند الكرسي إلي العذوب قاعده فيه و مسك إدينها : يالعذوب أنا أناااا..
العذوب : فيك السرطان أدري.
محمد مصدوووم : اشلون دريتي .
العذوب : قريت ملفك بكبره لما كنت راقد بالمستشفى .
محمد : ...............................؟؟!!!
العذوب: ليش خشيت عني السالفة يا محمد؟؟!!
محمد: و شو استفدتي لما دريتي؟؟!!
العذوب: أنا زوجتك يعني لازم ادري بكل صغيره و كبيره اتصير فيك ولا أنا غلطانة.
محمد: لا مانتي غلطانة .
العذوب : محمد
محمد فهمها : ان شاء الله.
العذوب:............
محمد: العذوب أنا اكتشفت إنه فيني السرطان بألمانيا و النسبة خفيفة و أقدر أتعالج و أنا قاعد أتعالج و إن شاء الله أصير أحسن بس انتي لا تكدرين خلقج عشاني لأنه ما يستاهل و على فكرة أنا ما حبيت أقلج لأن المرض أصلا كان جريب و يتلاشى بس لما ..(أنا شو قاعد أقول))
العذوب : لما شنوا يا محمد؟؟!!
محمد أبييه توهقت!!: لما لمااا أتعب واايد و ما آخذ الدواء النسبة تزيد .
العذوب و دموعها تنزل : و ليش ما اتواضب على دواك؟؟! زين شذي!!؟؟
محمد يمسح دموعها : أوعدج يالعذوب ما أخش شيء عنش المرة الثانية
العذوب : محمد تراني أحبك.
محمد: و أنا أكثر يا عمري. انزين يومنج سألتيني شو رايج أنا بعد بسألج.
العذوب ما تدري ليش خافت من سؤال محمد: خير محمد.
محمد بتردد: يالعذوب لما كنتي حامل كنتي تدرين انج حامل ؟؟
العذوب ليش تذكرني بذكرى صعب نسياها (العذوب بألم): محمد تبغي الصراحة أنا كنت أدري و وكنت ودي اتكون..سكتت و الحزن بان عليها.
محمد: انزين ودي..
العذوب: لا تعتذر يا محمد إلأي صار صار و كان مكتوب و أنا نسيت السالفة هذي .
محمد ارتاح اشوي: يعني ...
العذوب : لا يمحمد ماني بشايله بخاطري و العيال ربك يعوضهم بغيرهم.
محمد : ..........................
العذوب تبغي اتغير الجو حسته امكهرب: يلا تأخرنا .
محمد: أمبييييييي نسيييت صدق اني حمار.
العذوب : لا تقول شذي ترا ما أرضى.
محمد: إن شاء الله روحي.
و ساروا محمد و العذوب لمطعم و كان الجو شاعري زيادة عن اللزوم وااااي انتوا.

بعد مرور شهرين
محمد و العذوب يتمشون في حديقة الصفا.

العذوب: تعبت يا محمد .
محمد: سلامة قلبج فديت إلي تتعب أنا .
العذوب: هههههههه فيدت روحك أنا .
محمد: أمشي انرد البيت دامج تعبتي.
العذوب: اممممممممممم بفكر.
محمد: ماشاء الله يبالها تفكير بعد.؟؟
العذوب: ههههههههههههههههههههه يلا .
ركب محمد و العذوب السيارة و ساروا .
العذوب: محمااااااااد حااسب.
محمد: ههههههههههههه بلاج عليه .
العذوب: لا تسرع تراني أخاااف.
محمد : هههههههههههههههه والله حالة.
العذوب : لا و تضحك بعد . 
محمد: هههههههههههههههههههههههههههههه
العذوب : هسخيـــــف
وصلوا البيت و العذوب توها بتدخل المطبخ تشربلها كوب ماي إلى بالجلاص الماي يطيح من إديها و محمد ركيض عندها : إشفيج حبيبتي.
العذوب: بطني يا محمد بطني.
محمد: أوديج الطبيب؟؟
العذوب: لا اشوية و ارتاح صارلي كمن يوم على هذي الحالة و إن شاء الله بخف.
محمد: يالعذوب قومي أوديج الطبيب مافينا يلا عاد ريحي بالي.
العذوب: قلتلج مافي شيء يا محمد.
محمد : براحتج .
و مثل ماقالت العذوب ارتاحت في اليوم الثاني محمد سار الشغل .
و بعد ماصارت الساعة 2 محمد طبيعي يرد البيت .
العذوب: هلا والله بحبيبي.
محمد: هلا بدنيتي والله .
العذوب اليوم محلوة اشطاري عليها؟؟!! :9
محمد: الله كل هل كشخة حقي .
العذوب : اممممممممممممممممم لا
محمد بخيبت أمل: لااا حق منوا عيل.
العذوب : تعال بخبرك .
محمد: كاني ييت .
العذوب تهمسله: أنا حامل.
محمد و الابتسامة شاقة ويه: حلفي انتي بس.
العذوب بحيا : يلا عاد ما يبغيلها حلفه .
محمد: يعني أحمد بن محمد بيشرفنا .
العذوب: ههههههههههه حرام عليك سميته بعد و لا ولد هيه حبيبي بيشرفنا.
محمد: ماني امصدق إني راح أصير أبوا
العذوب: لا صدق .
محمد: شوفي لا تتحركين و أي شيء تبينه خبريني ماشيء حركة مانبغي طبيخ الخدم يخدمونج و انتي قاعدة فاهمة ما نبغي نخــ..الكلمةبتكون((نخسرة شرات ذيج المرة))(أبييه شو قلت)) محمد بتردد: أقصد مانبي نتعب أحمدوااااا.
العذوب: انت تامر أمر أفااا عليك بس.
و قام و شلها و صعدها لدارهم و قعدها على الشيفونيه (نوع من أنواع الكراسي) .
العذوبك والله انك سخيف.
محمد: قولي إلي بتقولينه أنا راضي .
العذوب: ههههههههههههههههههههه والله انك حالات يا محمد.
محمد: عمري.
العذوب: هلا.
محمد: اتخيلي توم.
العذوب تخرعت: توووووووم مرة وحدة حرام عليك .
محمد: هههههههههههههههههه و لا بثلاثة بعد
العذوب: هههههههههههههههه ليش شايفني دياية.
محمد: لا تقولين شذي حبيبتي والله أنقهر.
العذوب: من عيوني.
محمد: تراني حاس إنهم 3
العذوب: ههههههههههههههههههههههه محمد لا تظحكني و لا تنكت .
محمد: لااا منصجي.
العذوب: امممممممممممممم أوكي بس بتتراهن؟؟.
محمد: أفاا عليج و إن ما طلعوا 3 شو أسوي فييج؟؟
العذوب في تفكير: لحظة بفكر اممممممممممممممم.
محمد : فديت إلأي يفكرون بفكر وياهم أنا.
العذوب: لقييتهاا.
محمد: آآمري.
العذوب: اتشوف الغرفة هذي (تأشر على الغرفة المجهولة )
محمد: بلاهاااا.
العذوب:أبغي أفتحها و أشوف شولي بداخلها.
محمد: اممممممممممممم لاازم يعني.
العذوب: خلاص لا تقعد تتكلم انته مو قدها.
محمد: أوكي أفا عليج قدها و قدود.بسس..
العذوب : بس شنوا؟؟؟
محمد: و إذا جوابي كان صح .
العذوب: كيفك!؟؟
محمد: لحظة خليني أفكر.
العذوب: كلك الوقت.
محمد: امممممممممممم انسير الشاليهات إلي عند البحر .
العذوب: هههههههههههههههههههه واايد عليك.
محمد أونه كسرة بخاطره : ليش مو عاجبج الشاليه ؟؟!!
العذوب: امبلا .
محمد: خلاص عيل .


محمد و العذوب ساروا العصر بيت بو سيف(أبو العذوب) و قعدوا سوالف و دنيا و العايلة مستانسة بالعذوب لأنها حاامل و عبود كل ساعة يسأل عذوب متى بشوف أحمد خخخ و محمد امكني عمره بو أحمد و ينادي حرمته أم أحمد . أما عن خالد أو العذوب تذكرونه كان باله مشغوول في أشياء العالم ودها تعرفلها العذوب لاحظت التغير إلي على خالد قامت و خذته لحديقة بيتهم يتمشون فيها .
العذوب: خالد حبيبي اشفيك مو طبيعي؟؟شلي امظايق قولي تراني أختك الوحيدة.
خالد يلوي على أخته: آآآآخ يالعذوب تعبان تعبااااااااااااااااااااااااااااان.
العذوب خافت من نبرة خالد: تعبان من شنو يا خويه ؟؟؟!!!
خالد قعد على أحد كراسي الحديقة: تعرفين ذياب.
العذوب: هيه مو هو ربيعك بمعنى your best friend?
خالد: أكيييد .
العذوب: بلااه يا خويلد؟؟!!.
خالد: بيسافر .
العذوب: خلا يسافر شولي امظايقنك.
خالد: بيسافر و ما بيرجع أبوه غصبه يكمل دراسته برع و اهو ما يبغي و أنا ما أقدر أبتعد عنه.
العذوب بحزن: بس تدري يا خالد إنه أبوه أدرى بمصلحته .
خالد: و أنا و ذياب يعني منفترق ؟؟؟!!
العذوب:؟؟؟؟؟؟؟؟؟؟؟؟؟؟؟؟؟؟؟؟؟؟؟ لا ما بتفترقون بس هذي الحياة .
خالد: عيل شو اتسمينه هذا؟؟
العذوب: هذي فترة شوق و اشتياق و إن شاء الله لما بيرجع و يكمل دراسته بتشوفه مرة ثانية انت مو اتحب مصلحته خلى يدرس برعه و إن شاء الله بيرجعلك و هو رافع الراس.
خالد : و من لي غيره بعد ما سرتي انتي.
العذوب بحزن : لا تقول شذي نحنا كلنا حوليينك .
خالد: انزين كلمي أبويه أنا بكمل دراستي و يا ذياب برع البلاد.
العذوب : انت شو قاعد اتقول و اتخربط ؟؟!!مينون و أمي بتم مع منوا إهنيه.
خالد : اماياا ما عليها قاصر و أبويه موجود لها .
العذوب: و الله ما أدري يا خويلد ما أدري شو أقول بس بفكر في الموضوع و برجع بكلمك.
و يقطع حديثهم الأخ (بو أحمد) : لاااااااااا أشوفكم نسيتونا
العذوب: لا نسيناكم و لا شيء .
خالد :..................................
محمد حس إنه خالد متظايق: إشفيك خالد؟؟!!
العذوب :مابلاه شيء خل الولد في حاله .
محمد: يلا زين انا الشباب أعرفلهم و أعرف أييب مزاجهم صح خوييلد.
خالد بابتسامة : لأنك محمد و لد فهد .
محمد: شفتي عاد بعدني ما تكلمت و خالد مزاجه صار كوووووول.
خالد :هههههههههههههههههههههههه ترى ما أرضى على أختي.
محمد: لا والله حبيبي و أنا ما أرضى على مرتي.
العذوب : بسكم عااد بتتهاوشون عليه.
محمد برومنسة : انت الدنيا تنقلب عشانج.
العذوب استحت قاعد يقوللها كلام جدام أخوها : محماااد. محمد فهم.
خالد إلي نسى سالفة ذياب : هههههههههههههههههههه خلي يبا يغازلج أحسن من ما يسير المول و يدورله وحده تراهوا بسرعة ينحب.
محمد: والله تعجبني يا خلوود.
العذوب مفتشلة : يلا عااد انشبوا ترى أزعل.
محمد : خالد.
محمد: أحسنلنا ترى أخاف تيبلنا مكشة و اتخم الحوش فينا .
محمد+خالد+العذوب :ههههههههههههههههههههههههههههههههههههههههههههههههه هه

بعد ساعة محمد و العذوب مشو من بيت بو سيف .بالسيارة
العذوب كانت اتفكر بتفكير عمييق ماخذ بالها
محمد لاحظ بس حب إنها اهي تبتدي السالفة.و بالفعل بدت العذوب.
العذوب: محمد بسألك سؤال ؟؟
محمد بتعجب!!!! : إسإلي حياتي.
العذوب: يومنك سافرت و سرت أمريكا شو كان شعورك.
محمد: امممممم تبغين الصراحة أنا كنت غير عن كل ربعي الكل كان متظايق إلا أناهههههههه
العذوب : صدق لا قولوا عديم إحساس.
محمد: والله أنا أصلا كنت مستانس إني بسافر بتفكك من قيود.
العذوب: اهااااا يالخااايس.
محمد: تبين الصراحة أنا إنسان ما أحب أحد يتحكم فيني .
العذوب: أهااا زين يومنه اكتشفناك يا محمد.
محمد: انزين ما قلتيلي ليش تسالين السؤال هذا؟؟
العذوب : خالد أخويه .
محمد: بلااه؟؟
العذوب: ربيعه إلي أهو روح بروح ذياب بيسافر يكمل دراسته برع البلاد و أهله غاصبينه على هذا الشيء و المشكلة إنه محد معااه و خالد وايد شايل بخاطره ما هب متصور إنه ربيعه يتركه.
محمد: الله يعينه .
العذوب : المشكلة انه يقول يبغي يسافر معااه ما يبغي يقعد بديره و ذياب ما هب موجود.
محمد : أوكي خلوا يسير يدرس وياه.
العذوب: على بالك الكل مثلك يتجاوز المرحلة هذي بسهولة.
محمد سكت ما علق على كلام العذوب.
العذوب: محمد أنا خياافة على خالد.
محمد: لا تخافين خالد آجلا أم آجلا بيعرف طريج الصح.
العذوب: والله ما أدري..؟؟

تتوقعون كلام محمد اهو الصح و خالد بيسافر مع ذياااب و ذياب في احتمال ما يسافر و الجازي مردها بترجع و لا لاء و العذوب المرة هذي حمالها بيستمر على خير
و إلى متى ؟؟؟؟!!
أجزاء ساخنة ترقبوها واايد بتعجبكمb:7

محبتكم ملاك البنات