[سيدة البحيرة]

مرحبا

^^

عجبتني سالفة الأفكار

كيف تصنعين اكسسوارات :: قلائد و اساور :: ؟!!

: 1 :


الأدوات:

- طين داس >>إذا تعرفونه يعني !

- خرز صغار ..

- جليتر >> حسب الرغبة <<

- غراء أبيض

- صدف >> وهذا الثاني حسب الرغبة <<

- ألوان بوستر او ألوان زجاج

- سلك ألمنيوم ضعيف ودقيق ..

- عصارات باللون الأسود او الذهبي او الفضي..اي لون>>اللي يستخدمونهم بالرسم على الزجاج اكثر شي <<

- اعواد اسنان



: 2 :


أولا: بتفردي الطينة وبتعجنيها وبتشكلي بها أشكال على كيفك دوائر ..اي شي بحيث بيكون هو أساس الاكسسوار..

انا عملت سابقا مثل شكل متوارزي الأضلاع مفتوح من داخل يعني ما به شي من داخل وجنبه شكل غريب ما اعرف اوصفه ><"


ثانياً : بتلصقي أجزاء الاكسسوار مثلاً إذا عملت مربع ودائرة وتبينهم مثل المدموجين ببعض بتلصقيهم بالغراء.. وكمان حاولي يكون شغلك نظيف..بأن ما يكون في الطينه تشققات او تجاعيد واذا صار فيها مسحي عليها بصبعج بعد ما تغمسيه بالماء..واهم شي لا تنسين تثقبين المكان اللي بتدخلي منه السلك بعود الاسنان..لا تنسينه لانه لو نسيتِ وجف الطين راح تعبج هباء منثورا..



ثالثاً: بتبدأي التلوين ..تلوين الاكسسوار بالألوان اللي تعجبج..وتقدرين تضيفين لها لمسات بأنج تحددينها بالعصار الذهبي >>يطلع جناااااااااان << وتحطين داخلها خرز >>في هالحال لازم تاخذي القلم وتضغطي بطرفه الخلفي على الطينه اللي شكلتيها قبل ما يجف <<...والخ من لمسات شخصية..


رابعاً: بعد ما تنتهي تلوين نطري حتى يجف..تالي دخلي السلك..وتقدين تحطين داخل السلك كرات صغيرة ملونه مثل اللؤلؤ بس ملون بيطلع فنتكـ >> اسألوا مجرب <<


وخلاص انتهت السالفه..هذا بالنسبة للقلايد ..وحتى الاساور مثل الشي الفرق انه السلك بيكون طوله اصغر..وحسب مقاس المعصم.




للأسف ما عندي القلايد اللي عملتها اخذتها معلمة الفن واحتفظت بها بمرسمها



انصحكمـ تجربووون عن جد بتطلع روووعه



والفكرة التالية قادمة إن شاء الله


:)