[نَبضُ النَقاء •.]

بسم الله الرّحمن الرّحيم ، السلام عليكُم ورحمَة الله وبركَاته . . مساؤكن نفحاتُ رحمَة صياماً مقبولاً وإفطاراً شهياً ليلَة السَادس من رمَضَان المُبارك 1433هـ يَومي الرّمضَاني ؛ لنَعيشَه معاً :) وسأدَع الفُصحى جانباً •. الساعة 12 وثلث تقريباً كنت أصلي :) بعدها رُحت أسكب لي فطور عند البعض يسمونه عشا ، بس أنا ما فطرت بس أكلت رطب وشربت لبن وسحبتها نومة نظام سيء للأسف ، عيب يتسمّى "نظام" :/ - فطاير وشوربة فِطر ولبن - تسلم يدينك ياموو وفتحت المنتدى الجميل رديت على مسْ بيبي الجميلة تأخرت عليها بالرد :$ ولقيتْ طلب جميل من عضوة جميلة ورحت أصمم :) •. صارت الساعة 3 ونص تقريباً وأنا جالسة ع اللاب .، قمت المطبخ أجهّز السحور ولأني كنت مستعجلة ما مداني أصوّر شي بعد السحور رفعنا السفرة ورحت أفرش أسناني جلست شوي أتنفس ، الأكل مُتعب صراحة وفتحت الوتس أكلم إنسانة عزيزة على قلبي وصديقتي الجميلة بسوم كمان :") قمت وصليت الفجر :) ولأني ذكية جداً ما أكلت شي ع السحور ، كله شرب شوربة وشاي بحليب وموية بطني تبرأ مني والحمدلله على كل حال () رحت أنام بالمناسبة كنت معاقبة نفسي ، طالما صليت الفجر ما أمسك اللاب لأني كنت أبقى صاحية للظهر ولا أنجز شي :"( والحمدلله نحاول نعدّل هالنوم قلت لين يهدى بطني شوي أرسم لكم ببرنامج sketchbook خربشة بسيطة كنت من فترة راسمتها بس مو عاجبتني لكن هالرسمة خصوصي رسمتها ايش رايكم بس ؟ •. المهم وبعدين نمت وصحيت على الساعة 2 ونص تقريباً :) الحمدلله بدون المنبه كمان صليت الظهر :) وطلبتني أمي أصوّر شريحتي بالسكنر للمعلومية شركة الاتصالات stc وموبايلي طلبوا تحديث بيانات < نسوي دعاية بس مافهمت صراحة ليش التصوير بالسكنر ! بعدها رحت أقرأ قرآن :) أذّن العصر ، صليت وجلست ع اللاب آخذ طريقة حلا لاحد يدقق في الخط وانطلقت للمطبخ اليوم بنفطر في بيت خالي وحبيت أسوي حلا الدومينوز < بس وينه ووين الدومينوز المهم .. أخذ مني وقت حليب البودرة لما حمسته ع النار :/ ساعدتني أخيّتي الصغيرة الجميلة الله يجزيها خير :) اشتغلنا بالحلا ساعة إذا مو أكثر حطيته بالفرن ورحت جري أتجهّز - ترى تنورة لنص الساق مو بنطلون - مرة ما كان في وقت أوقف تروشت ولبست سريع ولا مداني أخلص مكياج ولا ألبس أي اكسسوار حشرته بالشنطة وجري بسرعة أنزل وأخّرتهم للأسف :/ نزلنا ومرينا بيت خالتي وانطلقنا :) في الطريق الجميل الرائع "الفارغ" عند الإشارة لقينا الشباب الله يجزاهم خير يوزعوا إفطار صائم :") اشتهيت أصوّر بس مع حوسة الشنطة والجلسة ما قدرت جوا عند السيارة قام السواق أشّر له ما نبغى حرام ليش يرده ؟؟ مو صدقة هذي !! على قولة أمي : أحلى شي بهالمشوار شوفتهم الله يكتب لهم الأجر ويكثر من أمثالهم () المهم لما قربنا من بيت خالي أمي الله يحفظها شافت واحد حط السيجارة ويدخن قالت أكيد أذّن المغرب استغفر الله ، الله يهديهم () وصلنا الحمدلله ، فطرنا تمر وعصير وصلينا المغرب :) وعاد رحت غرفة فاضية أكمل اللوك المكياج والشعر والاكسسوار ولقيت مخلوقة صغيرة جميلة نايمة في السرير ما شاء الله تبارك الله ، تصوير الصغار وهم نايمين يجنن :") - ريم بنت خالي الله يحميها - بعدها جلست العائلة الكريمة على السفرة وأنا جيت أسكب لنفسي ولقطت صورة بالسرقة رحت جلست مع بنات خالتي والصغار إلا ريمو الصغيرة صحيت وياقلبي دمووع حطيناها جمبنا لأن أمها تاكل ، والبنت انطلقت يحفظها ياربي تزنن بعد الأكل ورفعنا السفر وكذا .. نادتني ماما حتى أزيّن الحلا حقي وياخذوه للرجال جيت للحلا ولقيت القصدير المغطى فيه داخل طرفه على وجه الطبق كأن أحد فتحه وما عرف يغطيه ثاني تخبّص الوجه والحمدلله على كل حال () على أساس أقطعه مستطيلات وأزينه بالنقط ويطلع شكله مثل لعبة الدومينوز .. بس مشيناها وزينته سريع بالهيرشي :/ الحلا حقي آخر واحد لونه بيج وعليه شخابيط هيرشي بس تفاجأت الطعم عجبهم ما شاء الله وطلبوا الطريقة الحمدلله ما ضاع تعبنا :") عاد أنا وبنت خالتي كنا مع أخوها الصغيرون حمودي جات خالتي تقول تعالوا حطينا الحلا .. إلا قالت : عندكم حلا أصلاً ما يحتاج ما شاء الله تبارك الله - الله يحفظه - آخ من فقاعات العسل دلبي ياربي تحفظه وتسسسعده :"") ما شاء الله تبارك الله :") بعد ما الرجال بدوا يقوموا ، اللي للصلاة واللي للبيت .. جلست أكلم بسوم عن الحلا الله يسعد قلبها ياربي :") والله صديقة صدوقة رائعة أحبها ، ما يحتاج أمدح يا بسوم لا يحرمني منك يارب بقينا احنا وخالتي والعالم مشيوا .. من الطفش مسكت خالتي جوالي وجلست تلعب مع سمسمي هالبرنامج تقدري تسولفي معه ، أهبل ومضيّع موجود ع الأندرويد ، لكن الأب ستور لا .. المهم رجعنا بيتنا الحمدلله قبل 12 الوقت معظمه راح في الطريق آخ من زحمة جدة :/ وكلمت صديقتي "بشرى" ع الوتس صديقة جميلة أعزها وأحبها - الله يحفظها ويسعدها - •. وانتهى يومي على خير الحمدلله :) أتمنى استمتعتم :") كانت معكم نبض النقاء ومُصوّر الرحلة جالكسي S2 أسأل الله أن لا يُغادرنا رمضان وإلا ورقابنا معتُوقة من النار () تقبل الله منا ومنكم :) كونوا بخير

المصدر: منتديات بنات دوت كوم

---

gQdjQiE tAd ;Eg~ pJAdJk | dQ,ld hgv~lqQhkd 6 - 9 - 1433iJ

الموضوع الأصلي : لَيتَهُ فِي كُلّ حـِيـن | يَومي الرّمضَاني 6 - 9 - 1433هـ || القسم : رمضان بنات كوم " للأعوام الماضية " || المصدر : منتديات بنات دوت كوم || كاتبة الموضوع : نَبضُ النَقاء •.